287
43
16
營業時間
星期一至四
11:30 - 21:30
星期五至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
食家推介
那個ㄋㄚˋ ㄍㄜ˙ NAGE Taiwanese Cuisine📍大角咀埃華街116-118號地下8A號舖呢晚放工，我同朋友又去咗旺角睇開倉，點知再次無任何收穫，失望嘅我正準備講想返屋企嘅時候，朋友帶咗我行好遠好遠嘅話搵食，話附近佢收藏咗好幾間餐廳，想同我一齊食下。行下行下，我哋嚟到大角咀，搵咗一間又一間佢bookmark咗嘅餐廳，每間都爆滿排長龍，我心情就越嚟越差，行到好攰於是我有對佢發少少脾氣。不過好彩朋友非常包容我，無嬲我發忟外，仲帶我食好嘢，所以我要喺度同佢講多謝。嚟到人氣高企嘅那個，同樣店外排晒隊，但見到門口貼住三月底結業嘅公告，我即刻收返晒啲脾氣，唔想辜負朋友一片苦心，喺結業前帶我一嚐人氣旺盛嘅那個便當。餐廳價錢佛心，餐品足料上盛，相信係吸引食客嘅主要原因。其中，又以外賣大杯裝手搖只賣$10最為吸引，價錢同品質方面的確無得彈。不過唔知係唔係生意太多，做到員工都有少少脾氣，所以見佢哋對某啲食客嘅態度唔太友善。明白忙起上嚟就容易燥底，但如果能提升服務態度，相信大家都會開心啲。提提大家，餐廳只收現金，想過嚟食記得袋定啲cash啦。 💰$68那個滷排骨便當 🐖🍱我嚟之前只係聽過foodie朋友們提過，話呢間餐廳好受歡迎，經常大排長龍，但一直無研究過有咩招牌菜。落單時，因為唔想食太炸太熱氣嘅嘢食，所以我揀咗滷排骨便當。等上餐嘅時候先search到，原來係呢度人氣no.1嘅餐品！見到嗎大家？塊排骨唔單看大過個碗，仲大過我塊面，上檯時仲見到啲醬汁咋咋下，未食都已經甚感驚喜。最重要係佢無偷工減料，即使大大塊都無刻意拷薄，有一定厚度。大大大排骨先炸至表皮脆口，再落鑊用帶甜味嘅醬汁覆蓋整塊排骨，表皮外脆內軟糯，的確幾好食。便當有白菌粟米粒、味醬炒野菜、家常炒粉絲、玉子燒、甜酸菜等嘅配菜，份量足而且營養均衡，仲可以揀選飯量，性價比勁高！不過都有少少地方挑剔，大排骨食得過癮，但好快感到飽膩，而且近骨嘅位置唔易炸透，所以肉色有少少粉紅。 💰$58臺南蝦卷便當 🦐🍱朋友比我更唔想食太炸太酥脆嘅嘢，所以佢揀咗臺南特色美食—蝦卷。我剛剛去嗰轉臺南都好想試下地道嘅蝦卷，可惜病咗食唔到，比較唔到兩者嘅分別。但總括而言，蝦卷口感爽口彈牙，表皮少少脆口，唔會過份油膩，亦有混入青豆等菜蔬，灑上椒鹽後，台味十足，都不失為一個好選擇！
繼續閱讀
大角咀【那個】要暫別，所以去支持一吓💪我們怕熱氣，所以無點香酥排骨勝利雙腸滷肉便當玖香啤酒豬軟骨便當香酥臺南蝦卷原味蛋餅花壇茉莉綠茶鳳梨冬瓜茶👍凍黑糖冬瓜粉條茶外賣十元一杯👍古早仙草茶
繼續閱讀
收到那個三月底暫別大角咀嘅消息☹️，不捨得之餘，希望收爐之前再幫襯一次。可惜，次次都排晒長龍，唯有外賣自取。我叫了嘉義雞肉便當🍗，外賣便當分了幾個間隔，細心地分隔了主食嘉義雞肉飯和配菜。配菜包括炒野菜，炒粉絲和粟米🌽。 雞絲鋪滿白飯上面，份量十足，雞絲肉質嫩滑，濃郁嘅肉汁滲入白飯內和加上惹味嘅配菜，層次更豐盛，令人垂涎欲滴。飲品，我叫了花壇茉莉綠茶，茉莉花清香撲鼻，不太甜，正👍！雖然外賣可頂下癮，但食物嘅熱度，溫度和風味，始終不及堂食。希望不久將來會在九龍區重開。
繼續閱讀
𓂃𖠚∗ᤲ𑀇· ┈┈┈┈┈┈ · ꕥ · ┈┈┈┈┈┈ ·▎近排聽到『 那個 — 大角咀總店 』 三月要暫別消息 作為由大全街總店豆潤舖食到埃華街總店大鋪嘅朋友 中學時期食到大學時期 暫別消息 感覺真喺好可惜 希望未來喺熟悉地方見返熟悉嘅 — 大角咀名物大角咀之後就無有蛋餅常駐嘅餐廳選擇了 嗚 🥲 總匯蛋餅爆滿芝士肉鬆餡 外皮就比較一般啲 感覺似來貨野 略欠酥皮香脆 無韌度又偏乾硬 【 下 午 那 個 休 息 的 時 侯 】🍱🇹🇼▸ 大滿足總匯套餐 ┅ HKD 48 ❀ 臺灣肉鬆、玉米、起司 ❀跟餐 𓂃𖠚 花壇茉莉綠茶▸ 招牌總匯蛋餅 ┅ HKD 42 ❀ 迷你滷肉飯、蛤蜊麵線、香酥脆雞 ❀跟餐 𓂃𖠚 南投炭焙烏龍 「悲喜交維，有東西會消失得快，或消失得慢，快同慢，或許都要接受明天會改變… 」 — 引用《角醒》@tktawakening ⚠⚠⚠ 大角咀總店三月底就要暫別啦 ⚠⚠ 如果想食總店嘅就要趁早去食啦 ⚠ 或者轉去食𖠿大埔𖠿北角𖠿屯門分店 𖠿 大埔 — 大埔翠和里5號麗和閣地下D1號舖𖠿 北角— 北角英皇道483-497號東寶大廈地下C-D號舖𖠿 屯門—屯門仁愛堂街1-43號麗日閣地下13號舖𖡘𖤣 (˙-˙ ٥) (˙-˙ ٥)· ┈┈┈┈┈┈ · ꕥ · ┈┈┈┈┈┈ ·𓌈˒˒ 那個ㄋㄚˋ ㄍㄜ˙ 𓂃𖠚∗ᤲ𑀇❜ 大角咀埃華街116-118號地下8A號舖Shop 8A, G/F, 116-118 Ivy Street, Tai Kok Tsui— @nagetwfood · ┈┈┈┈┈┈ · ꕥ · ┈┈┈┈┈┈ ·܀܀܀܀ Follow @chillfood.basis for more 📸
繼續閱讀
那個 一向下平民路線！一見到大大塊脆炸雞扒/豬扒，就知道係呢間餐廳！佢哋比嘅肉真係重量級😍，不過有樣嘢要投訴：坐喺靠窗邊超多蚊滋🌝-📣大角咀店三月底就結業啦，想食就要趁早啦：-1️⃣「香酥脆雞便當🐔($78)」海苔粉鋪滿脆雞嘅表面，雞肉球外脆內嫩，完全鎖住晒啲肉汁！-2️⃣「香酥魚菲力便當🐟($84)」叫左塩酥味！鹹香鹹香，外脆內軟，同樣好食～-【加配】🔸三星蔥餡餅（2件）(+$12)🔸那個濃厚奶茶 (+$9)
繼續閱讀