329
17
4
營業時間
今日營業
11:00 - 21:30
星期一至日
11:00 - 21:30
以上資料只供參考, 請與餐廳確認詳情
食家推介
相關文章
【中西區】【餃掂手工餃子專門店】講到香港夜繽紛，其中一個指標就係蘭桂坊，我同真正哥去到呢頭，發現都幾熱鬧，喺威靈頓街搵嘢食都唔容易。我哋最後去咗呢間喺扶手電梯嗰邊嘅餃子店，好似都有人介紹過，我哋都試吓。以黑白松露合製而成嘅龍鳳松茸餃係佢哋招牌菜，好似好吸引。首先試 $92 嘅八隻「龍鳳松茸雙湯餃」，佢配個「狀元九鼎湯」，松露味香而不濃，個湯都係，好啱我呢啲食得冇咁濃味嘅人。跟住試 $58 七隻嘅「壽喜燒牛肉餃」，好香好有味，但係又唔會食到膩嗰隻，好神奇。佢嘅餃子都係有個特色，就係唔會好濃味。試埋 $68 十隻煎「元貝豬肉餃」，乾瑤柱、芹菜、金針菇、豬肉製成嘅餡，口感好豐盈，好食。嘢飲我試 $20 嘅「自家製山楂雪梨水」，有山楂片、雪梨、甘草、冰糖、麥芽喺裡面，清潤解渴。真正哥就飲 $10 嘅「可口可樂」，夾埋 $248，係絕對唔貴。。。（地址：中環威靈頓街55號地舖）@nomnomdumpling#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am中西區 #中環 #香港 #餃掂手工餃子雲吞專門店 #nomnomdumpling #餃掂手工餃子專門店 #餃掂 #手工餃子 #餃子店 #龍鳳松茸雙湯餃 #狀元九鼎湯 #壽喜燒牛肉餃 #元貝豬肉餃 #自家製山楂雪梨水 #可口可樂 #龍鳳松茸餃 #1am1342 #1ambackup
繼續閱讀
普普通通嘅餃子究竟可以做到有幾特別呢？！同朋友趕住去睇戲，快手食個晚飯，今次一於試下依間人氣餃子店！六點令鐘去到竟然已經接近坐滿！好彩仲有個角落頭嘅位置！至尊松茸豬肉餃 湯餃子(跟狀元九鼎湯） $80/8隻最想試佢地個狀元九鼎湯，材料相當豐富，用咗粉葛、順德活鯪魚、香山活鯽魚、紅蘿蔔、扁豆、赤小豆、新會陳皮、蜜粥、鮮排骨等熬製！所以當然要叫湯餃子試下！湯同餃子分開上，先試一口湯頭，鮮甜非常！完全唔似平時嘅（餃子湯），而係老火湯！松茸豬肉餃大大隻，飽滿非常！入口好香松茸味，咬落啖啖肉，非常滿足！香煎軟心芝士餃 $68/10隻鍾意芝士嘅我，當然一定要試下軟心芝士餃！$68已經有10隻，性價比好高！芝士餃煎到表面金黃，入口香脆！餡料同樣豐富，除咗有滿滿嘅肉餡外，仲有口感軟綿嘅芝士醬！整體黎講就係惹味香口！但又唔會覺得太膩！日本龍鳳蛋 （配黑白松露醬）$32龍鳳蛋其實係溏心蛋分別配上黑松露同白松露醬。溏心橙黃晶瑩剔透，入口充滿蛋香。再配上松露醬一齊食，估唔到又幾夾！自家製山楂雪梨水 $20除咗有健康嘅狀元九鼎湯外，飲品仲有佢哋自家製嘅山楂雪梨水。材料有山楂片、雪梨、甘草、冰糖、麥芽，滋潤又好飲，啱晒乾燥嘅天氣
繼續閱讀
最近去完中環大館之後好想食餃子，於是就同朋友去咗附近嘅餃掂。松茸素餃 $58餃子可以揀大份或者細份，我地今次揀咗細份（七隻）。松茸餃子嘅餡料有小棠菜同木耳，食落有少許麻油香而且帶有蔬菜嘅鮮甜。香煎軟心芝士餃 $58軟心芝士餃外皮香脆，內裡軟熟，食落有濃濃嘅芝士香，鍾意食芝士嘅朋友一定好鍾意！重慶鮮肉雲吞 $44鮮肉雲吞可以選擇辣度，我地就選擇咗小辣，感覺下次可以嘗試中辣！雲吞皮薄餡多，咬落去好滿足！上湯松茸時蔬 $35蔬菜真係用上湯煮，食落鮮甜冇苦澀味。自家製山楂雪梨水 $28檸檬蜂蜜薏米水 $28
繼續閱讀
之前食過上環店覺得好食，嚟到中環做嘢就順便食埋呢間分店，一樣都係平靚正之選呀。溏心蛋上面係加咗黑白松露㗎！本身隻多都好夠味，加埋松露醬就仲正！香煎軟心芝士餃芝士餃脆口餃子皮同芝士咸香味濃，必點壽喜燒牛肉餃食落又真係幾似日式壽喜燒，有牛肉同洋蔥係入面，食落咸咸甜甜，都幾得意元貝餃湯面湯底清清甜甜，麵底幾爽口，加入海量蔥吊味。餃子揀咗比較特別嘅元貝豬肉餃，足料又鮮甜山楂雪梨水自家製，酸酸甜甜，開胃解膩
繼續閱讀
今日lunch time係中環同朋友約左去食餃掂,之前想有試過其他分店覺得唔錯👍🏻Lunch time時間坐滿不過食物都好快到🥢龍鳳松茸雙灼餃跟狀元九鼎湯龍鳳松茸餃望落好飽滿，咬落肉汁肉味豐富，旁邊有啲黑松露，好香，仲食左到粒粒松茸，點埋佢地自家製辣菜脯食仲正，狀元九鼎湯飲落好清唔會鹹同冇味精，飲得岀好足料。🥢重慶鮮肉雲吞重慶鮮肉雲吞可以揀辣度，我地揀左少辣，湯底酸辣開胃，鮮肉雲吞大碗有18粒，好夠食又好惹味。🥢四川涼皮天氣熱熱地，叫涼皮食好岩，涼皮上鋪滿左花生碎，個汁帶小小酸，涼皮煙靭爽口，我同朋友都好喜歡😋🥢蜜餞雞翼雞翼整得好軟腍，食落甜甜地，幾得意。🥢龍鳳蛋龍鳳蛋係有小小流心，頂部分別有黑松露同白松露，濃郁香氣十足🥢山楂雪梨水山楂雪梨水好滋潤，甜度岩岩好，好好飲💯
繼續閱讀