3
0
0
附加資料
外賣自取9折免加一
營業時間
星期一至日
18:00 - 04:00
以上資料只供參考, 請與餐廳確認詳情
今日女朋友生日。原本訂左千xx產.但係同女朋友提早左接近一個鐘到附近。唯有三十幾度企係條街到等。無意中發現隔離有間西餐廳。上前詢問時,待應同我講係串燒酒吧黎。咁唔理,見佢有位就入去試下。首先見到有個魔鬼魚海鮮拼盤,我諗都唔諗就叫左依個餐。唔洗諗之餘又可以試下佢好唔好食先再叫。佢地仲做緊一蚊一隻辣葱燒蠔,錦當然會叫埋。個餐上台,同女朋友嘩左一下,因為份量都出奇大。首先試左魔鬼魚先啦,肉質滑,唔會話散,可以一斯斯咁食幾特別,佩埋個辣汁。簡直係一流。魷魚出其地爽口,食得出係新鮮魷魚。之後心思思叫左芝士流心蛋大啡菇。因為未食試。同聽落都幾特別。上台時感覺唔特別,但係開左佢之後會見到芝士同流心蛋融為一體。食落去菇爽。可以淋小小。但係個蛋汁堅正,個菇係必食。其他要試既係沙嗲汁,出其地好食。整晚費用大約六百蚊,整體都滿意。場地舒適。待應招待算好。得一個女仔做。返食指數都有4粒星,唯一要做好小小係宣傳。唔行過都唔知有間串燒酒吧!
繼續閱讀
自己係元朗多數食黎食去都係三品香辣風個幾間,之前見到呢間試業就入去食啦,又幾啱口味喎,所以尋日又去食多一次,菜單比試業多左幾種選擇我覺得必食既係魔鬼魚,一塊面咁大,夾起係一條條肉唔會散,有啲似一夜平,健康又啖啖肉燒菠蘿:呢個勁!一咬成口汁爆出黎,一定要拎個碟墊住食,見到係用新鮮菠蘿即燒,超香甜五花腩:好軟同仲有肉汁,唔會干爭爭燒蕃薯仔:煙煙un un ,食吓食吓我都食左兩串其他我冇食了,加飲埋啤酒所以飽得濟,仲有個沙嗲醬好惹味,我用黎點魔鬼魚又覺得好好味🙈幾個朋友就話豬頸肉,羊架同雞翼都非常好食我今次超飽,留返下次再食
繼續閱讀
星期五同幾個朋友揸車落元朗搵食。咁岩呢間solar有位泊車。一開頭以為佢係新開張酒吧(招牌仲有兩個字包住紅紙)門口有餐牌就行左去睇下。主打食物都係燒烤。本身 幾個朋友都係勁鐘意食燒烤。就選擇左呢間試下。我地點左個魔鬼魚海鮮套餐魔鬼魚:肉質唔錯,夾起又唔會散,加埋個醬汁一流蒜蓉扇貝大大隻味道肉質都唔錯虎蝦足足有兩隻手指咁大燒到好香蒜蓉生蠔食完4隻即追加一打除左因為好食其實佢新張期間做緊一蚊一隻蠔其他燒魷魚.串燒.茄子都唔錯。整體感覺幾好。坐位好闊落。我地四個由7點開始食。飲到11點幾先走。埋單都係一人300幾
繼續閱讀