625
60
48
餐廳: Sky726
優惠: 食飯都有得賺里數? 仲唔即刻訂枱?
星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
港鐵旺角站 B3 出口, 步行約3分鐘 繼續閱讀
電話號碼
23903889
23903088
61173103
開飯介紹
平民價高級法國菜酒吧餐廳,位於25樓頂層,有落地玻璃窗能夠俯瞰繁華旺角景緻。 繼續閱讀
特色
浪漫情調
慶祝紀念日
營業時間
今日營業
12:00 - 15:30
18:00 - 23:30
星期一至五
12:00 - 15:30
18:00 - 23:30
星期六至日
11:30 - 17:00
18:00 - 23:30
公眾假期
11:30 - 17:00
18:00 - 23:30
*午餐: 12:00 - 15:30 (截單時間: 14:30) 早午餐: 11:30 - 17:00 (截單時間: 16:15) 晚餐: 截單時間: 22:30
付款方式
Visa Master AlipayHK 支付寶 現金 AE 銀聯
座位數目
60
其他資料
支持防疫 詳細介紹
網上訂座
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座 詳細介紹
賞訂座積分
外賣服務
加一服務費
海景景觀
當面支付
有關獎賞計劃
優惠
餐廳: Sky726
優惠: 星期一: HKD1 = 1里數,星期二至日: HKD2 = 1里數 (埋單前記住講聲「我要賺里數」!) 優惠受有關條款約束。
條款及細則:
  • 會員惠顧滿認可消費額(最低300港元,最高10,000港元)可賺取「亞洲萬里通」里數。
  • 會員在星期二至日 (星期一除外),每消費HKD2可賺1里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 於節日期間惠顧夥伴餐廳之推廣餐膳,或未能賺取「亞洲萬里通」里數。請於惠顧前先向有關餐廳查詢。
  • 額外「亞洲萬里通」里數將於餐膳後7個工作天內存入會員賬戶。
須受其他「亞洲萬里通」條款及細則約束
食評 (839)
等級4 2020-07-09
3292 瀏覽
之前同朋友傾起話大家都連續番左咁多個月工,係時候好好獎勵下自己,所以就約左黎呢度食番餐好既餐廳位於大廈頂層25樓,踏出𨋢門左方係成塊落地玻璃,可以眺望到大半個旺角、深水埗區既景色望住個咁開揚既景食飯覺得特別放鬆可能因為有book同埋早到既關係,有得坐窗邊位,好好彩~食住飯睇日落真係好chill,入黑之後店內氣氛唔同晒,天花板鋪滿燈飾成個星空咁,氣氛變得十分浪漫-呢度食物水準好高,雖然晚餐價錢中上,但個人認為係值得既食物選擇眾多,有選擇困難症既我地揀左成三個字先決定到食咩:‘(同埋呢度有得食生蠔~-煙三文魚沙拉上第一道菜已經同朋友一齊wow左聲佢既擺盤特別用心,廚師用多塊煙三文魚砌左朵玫瑰花出黎,沙拉菜就放左係朵花下方,外圍再用薄切青瓜包左下,成個presentation好工整、artistic除左個樣好掂之外,食材都十分新鮮,抵讚!-虎蝦義大利飯伴龍蝦牛油汁義大利飯醬汁帶有十分濃郁既大蝦味,醬汁做得好creamy,好惹味如果大蝦有多幾隻就好啦🥺佢個size好大、做得好彈牙又燒得好香最鍾意係係大蝦下面既risotto,因為d 大蝦醬汁超級可口,mix埋d risotto醬汁真係好鬼正- 義大利手卷意粉伴野菌、辣肉腸及巴馬臣芝士上網查先知道呢隻義大利麵叫做“Strozzapretti”,中文叫做掐死麵係源於義大利既一個大區Strozzapretti,起源十分有趣(Copy from web)“這種麵的起源有著許多的傳說:一說是古羅馬馬涅地方的婦女做麵給教士來抵扣部份地租,她們的丈夫見到腦滿腸肥的神父吃自己妻子做的麵就生氣,恨不得把他們都掐死;也有一說是這種麵形狀像是扭乾的毛巾,可以用來勒死神父。總之就是反教會人士發明出來的料理。”入番正題先,意粉面質厚實有好香既蛋黃麵粉味道辣肉腸質素很不錯,佢濃烈既鹹香風味令我唸番起之前去外國食到既個d腸仔味haha醬汁偏酸十分可口,食落會有仲上癮既感覺,真係會食到唔停口!!-檸檬蛋白脆炸彈呢餐我同朋友票選既No.1都係呢個甜品佢好得意架,上菜既時候仲附上埋個鎚仔比你dup難黎食(有d核突請見諒:P)外科硬身甜度高但放入口後會瞬間融化,有d似食緊棉花糖既感覺入面又有分兩層,上層係酸酸甜甜balance得剛剛好既蛋白泡層而舖係下面既係d 酸度較高既mixture,食家朋友話似係檸檬,蛋黃同糖既mix-整體黎講,雖然價錢偏貴但係個人認為係真係值得比既呢度環境很不錯,d食物又做得十分用心有水準,遲d有節日聚餐想食好d既時候都會想番黎呢度食多次! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-27
9233 瀏覽
今日小編同朋友放假,我哋去咗旺角行街,朋友帶咗我上嚟食,嘩呢間餐廳好靚呀,可以望到香港滿滿嘅高樓大廈,縱橫交錯嘅街道,咁靚咁舒服嘅環境好chill呀😍。而且餐廳嘅廚房係開放式,可以望住廚師整嘢食,同埋可以望住調酒師調酒👍🏻。🍽頭盤我地食左Buffalo Mozzarella Tomato salad$138,蕃茄好新鮮,水牛芝士亦唔會太鹹,Parma Ham 肉質嫩滑,肥瘦適中,上面配上橄欖油同埋鹽粒,再加上羅勒葉👍🏻,聽講呢道菜嘅綠白紅三隻色係代表意大利🇮🇹。Crispy fried chicken$98炸雞我就食得多,而佢哋最特別嘅就係墨汁炸醬整既炸雞,真係第一次試呀,好新穎有創意,另外金黃色嘅炸雞係用咗啤酒醬造成既,雞炸得好酥脆,而且入邊肉質嫩滑👍🏻。Oyster soup$90蠔湯拌魚子醬,忌廉打到好滑,湯好濃郁,海鮮味道好鮮甜,配上牛油麵包👍🏻,好鐘意呀🥰👍🏻。到左主菜 我地叫左Iberico pork chop(2pcs)$358,黑毛豬肉質外脆嫩滑,係用左慢煮既方便去烹調,以面頭兩邊都煎得好脆,底下有啲牛肝菌同埋鮮菌炒埋一齊👍🏻😋。而另外我哋叫咗Asparagus kimchi pasta$158呢道菜好新穎,好fusion,將泡菜混入西餐,有幾夾喎,意粉夠晒「 al dente」,好鍾意呀,喺香港好少餐廳可以做到👍🏻👍🏻。最後我哋甜品叫咗Lava Cheese tart$68個塔嘅餡料係流心芝士,好好味,個Tart皮都焗得岩岩好。另外,仲有一個雪芭雪糕,簡直係甜入心,甜品控必食😍😍。Bay Breeze$98有檸檬同青檸既味道,再加上Gin,感覺好清新好Fresh😆。Lavender Garden$88紫色嘅薰衣草,味道酸酸甜甜,而且充滿花香,好有獨特風味😛。另外,只要起Happy Hour時段嚟到,飲品就可以享有八折優惠😎😆。 繼續閱讀
(以上食評乃用戶個人意見 , 並不代表OpenRice之觀點。)
光係一種魔力,對我黎講,呢種輕如紙,薄如紗既物質,佢既重要性係佔呢個地球既首屈一指。能夠輕易咁貫穿眼球,透過感官細胞傳輸訊息,如果無佢既存在,我地唔可能正常生活,係漆黑中你會被迷失方向,相機既價值唔會瞬間消失,所有美好既回憶唔會再存在。就等於你係呢間「Sky726」餐廳,黃昏時刻,成間餐廳既落地玻璃比你飽覽整個旺角既夜景,加埋大型酒吧,因為光線令佢變得更加瑰麗堂皇,呢種奢侈感特別令人珍惜,Oh!Yeah~ Woo~!👇📌S A L A D - ▪ Smoked Salmon Salad - $148▫ 就算連前菜都整得特別有心思,呢個「煙三文魚沙律」砌成一朵紅玫瑰咁,賣相夠哂精緻。而質感肥美,表面非常光澤,食落油脂味突出,加埋新鮮既沙律菜,配埋蕃茄乾、青瓜條,鮮甜開胃,又可以中和返油膩感,唔錯。📌A P P E T I Z E R S -▪ Red King Prawn Carpaccio w/ Mint Mayo - $168▫ 三文魚刺身就食得多,都係第一次試「阿根廷紅蝦刺身」,肉身呈現半熟刺身狀,透光感十足,睇落就知相當新鮮。大廚將整條蝦身洗得乾乾淨淨,食落完全無腥味,仲有淡淡海蝦鮮清甜感,食落肉質爽彈帶黏性,口感好特別,絕對係高質之作!▪ Caramel Sous-Vide Foie Gras w/ Beetroot Gel - $168▫ 呢款係我食過印象最深刻既前菜「焦糖低溫浸鵝肝」,大廚先將鵝肝抽出真空,再以慢煮半個鐘,將油香迫哂出黎,濃香感即刻提升。同時大廚係鵝肝最外層灑上砂糖再輕燒後,形成一層焦糖化,食落口感好似餅底咁脆口,同時裡面幼滑得黎又夠濕潤,多重味蕾既刺激,夠哂震撼。配搭旁邊既脆薏米,驚喜十足。📌S O U P S -▪ Cream of Wild Mushroom & Black Truffle - $88▫ 再黎就係充滿誘惑既「野菌黑松露忌廉湯」,忌廉打得夠幼滑,質感上feel到非常濃稠。加上湯頭十足,裡面食到粒粒軟綿既野菌,配埋陣陣松露香,整體口感同味道兩者都好到位,Staff係呢個時侯安排埋熱辣辣既麵包,非常細心!📌M A I N S -▪ Confit Duck w/ Pinot Noir & Orange Glaze - $258▫ 輪到主菜方面,繼續以慢煮為主題,今次「法式油封鴨」就係佢地既招牌菜之一。罕見地試到大廚將鴨脾同鴨胸分開處理,一次過體驗兩種唔同既部位,鴨脾外皮脆口,裡面肉質非常經慢煮後變得相當軟腍,鴨肉味濃郁,好易入口;而鴨胸淋上紅酒配搭橙汁做成既自家製醬汁,清甜酒香將成個鴨胸肉昇華另一個層次,入口特別醒胃,肉質亦相對比較煙韌,更加有咬口,無得輸!▪ Sous-Vide Iberico Pork Chops w/ Blasamic Glaze & Cèpes Purée - $358▫ 好野唔好比佢停!再黎第二道主菜有兩大塊既「慢煮黑毛豬鞍扒」,大廚用既西班牙黑毛豬厚度十足,同樣經慢煮處理,岩岩好7成熟,再將外皮煎香,將肉汁緊緊鎖住。切開仲見到粉嫩色,食落肉質非常鬆軟,後勁帶少少爽口感,配搭底部既黑醋汁同埋牛肝菌醬做既泥蓉,夾埋一齊相當惹味!📌D E S S E R T S - ▪ Flamin’ Chocolate Fireball - $88▫ 女士們見到都會瘋狂既「火焰朱古力球」,Staff係上枱時先比我地影左相先,跟手淋上白蘭地再點火,成個過程相當吸晴。係燒到半溶狀後,裡面既雲呢拿雪糕球、朱古力核桃蛋糕加埋朱古力既外殼,三層唔同既口感配搭酒香,係非常非常好食,呢個真係必食推介!▪ Lady in Red w/ a shot of Strawberry Rouge - $98▫ 另一招牌甜品有好浪漫既別名,其實佢係「檸檬意大利軟芝士泡沫伴草莓雪葩 」。一黎到照舊相機食左先,Staff再係周邊倒入乾冰,形成仙境既效果,真係靚到不行了!係草莓雪葩上面有支試管,其實係士多啤梨清湯,撈埋蛋白餅同埋底部用意大利芝士打出黎既泡沫一齊食,清新得黎又可以消滯,睇得又食得,無得輸! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-04
4640 瀏覽
Sky726這個名稱一看而知是在高層有景觀的餐廳,726 是甚麼呢? 原來是街號,這家在彌敦道724- 726號的樓上餐廳,名字很易記啊! 果然是居高臨下,一排寬濶的落地玻璃窗,相當開揚。倚窗邊吃邊看街景,欣賞都會夜色,心情特别舒暢!主打法國菜,餐牌的食物選擇不少,頭盤、沙律、主菜、甜品、飲品等。散點主菜 $188-348,晚餐 $428-568 ,點了套餐,主菜是慢煮羊西冷$498。Set Dinner (小食、沙律、湯、主菜、甜品、咖啡或菜。)  精緻小吃 - 鵝肝醬水餅~ 將鵝肝醬唧成花在香脆的餅乾上,味道很夾,拿起才看到下面鋪了苜宿芽,細緻位都很認真。 龍蝦肉沙律 ~ 沙律只是一小碗,但龍蝦肉不少,鮮甜而啖啖肉。生菜、紫椰菜、車厘茄都很新鮮,麵包粒夠香脆。自家製沙律汁有淡淡柚子味,略輕手了,放多點更好。 牛油麵包~ 麵包鬆軟,配咸味牛油,不錯。 是日餐湯 - 甘筍湯~ 橙黃色的甘荀湯,賣相已很醒胃,香滑濃郁,十分美味。 主菜- 慢煮羊西冷伴手指薯~西冷部位的紐西蘭羊架慢煮,熟度恰到好處,軟嫩多汁,緋紅的肉質夾著潤滑的羊脂,齒頰留香。手指薯粉腍綿密,連皮焗甘香可口。蕎頭托底,伴以番茄乾、甘荀汁、黑醋汁,酸酸甜甜,與羊味相當配合。 慢煮羊切成三大卷,擺盤精緻獨特,從外觀至內在都一絲不苟,回味無窮,記憶猶新,超贊! 甜品 - 杏桃撻~ 口感幼滑,清甜帶杏桃果香,味覺有幸福感。 咖啡或茶~室內燈光柔和昏黃,天花以小燈泡裝/飾點綴,營造了點點像聖節的歡樂氣氛,餐枱上放了水晶蠟蠋座,映襯著迷人的都會夜色。牆上畫滿顏色對比強烈的牆畫,連電梯門也畫了鮮黄色的巨型羽翼,型格帶點浪漫,下次打算與另一半再來吃飯! 地址: 旺角彌敦道724-726號25樓 +852-  23903889 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-23
290 瀏覽
Home Office左一段時間,好耐都冇出沒搵食啦。今日難得出門,決定搵一啲樓上餐廳靜靜地食。呢間位於彌敦道726號嘅Sky726,餐廳位置唔算多,不過環境氣氛有格調,適合同另一半👫或兩三個朋友黎食。餐廳中間位置會係bar位,食飯枱集中左係窗邊,幾乎每個位置都可以俯視到旺角彌敦道鬧市。🏙🌆🌃呢度嘅菜式選擇好豐富,亦有專為素食人士安排嘅菜式,好貼心。雖然餐廳有設置二人dinner set,但有幾樣想試嘅都無係個set度,所以就散叫左主菜、前菜同一杯house cocktail share。前菜:焦糖低溫鵝肝一聽個名就已經好吸引,價錢對得住鵝肝嘅份量,好厚。面頭嘅焦糖薄薄一層,沖淡左鵝肝嘅油膩,係好特別嘅口感,值得一試。主菜:黑松露野菌意大利飯一上檯,已經聞到好香嘅黑松露味,野菌嘅份量仲多過意大利飯,唔單止冇菇嘅草青味,口感仲好豐富,意大利飯同忌廉汁份量岩岩好,好綿滑,加埋淡淡嘅芝士片,好有層次。主菜:咸蛋黃雞批肉卷係好嫩滑嘅雞批肉,肉卷係烹煮過程處理得好好,成個卷切開都唔會鬆散,咸蛋黃好甘香,係略嫌咸蛋黃有少許硬,伴碟嘅南瓜汁都好清新。主菜:燒慢煮16小時辣豬肋骨呢道燒豬肋骨利用咗慢煮方法,所以肉質好似燉左好耐嘅肉咁,特別軟綿綿。辣燒汁好惹味,酸酸辣辣,豬肋骨肉完全吸收晒。旁邊嘅薯角份量都好多,即炸起所以仲係脆卜卜。由於呢度嘅食物份量都唔細,所以最後只係嗌左一杯野飲。其實餐廳有好多signature cocktail都賣相吸引,而今次就揀杯就算唔飲酒都好易接受到嘅cookies and cream。賣相同普通曲奇沙冰冇分別,但入邊Oreo碎嘅份量係超多,飲落會有淡淡酒香,唔濃烈,好適合女士們選擇。總括而言,餐廳嘅氣氛舒服優雅,食物質素同份量都令人滿意。 繼續閱讀
(以上食評乃用戶個人意見 , 並不代表OpenRice之觀點。)