334
108
70
港鐵紅磡站 B2 / C2/ D6 出口
繼續閱讀
電話號碼
31606880
開飯介紹
餐廳可遠眺維港景緻,環境寬敞,大廚有入廚40年經驗,選用新鮮的材料,炮製各種國際佳餚,適合各種不同的聚餐場合。
繼續閱讀
特色
慶祝紀念日
營業時間
今日營業
06:30 - 22:00
星期一至日
06:30 - 22:00
以上資料只供參考, 請與餐廳確認詳情
招牌菜
食家推介
相關文章
生完👶🏻一個月,終於坐完月可以出關😅忍咗口咁耐,所以一早已經諗好咗要擦返餐勁嘅,自助餐就最可以滿足我😍自助晚餐18:30開始,侍應帶我地坐低咗之後我地就即刻出去行個圈睇有咩食,食物選擇算多太耐無食凍海鮮同刺身所以一開始就攞呢兩樣先😍龍蝦有膏食落爽口👍🏻凍蝦不過不失蟹腳略帶海水味肉質ok 螺就爽口彈牙刺身方面帶子新鮮👍🏻,三文魚,赤貝,蝦都一般生蠔🦪係即開,要排隊攞每次限攞兩隻,新鮮帶有海水味幾鮮甜,不過就比較細隻同偏瘦煎鴨肝又係要排隊攞,每次限攞一件,鴨肝煎得好香配埋多士食就無咁漏中段掛住食有好多唔記得影相😅最後到甜品啦楊枝甘露味道偏酸整體好味Tiramisu好正芒果拿破崙芒果夠甜酥皮鬆化👍🏻👍🏻藍莓芝士蛋糕又係好正,不過食咗一半已經覺得好漏😅#hkfoodie#openrice#promenade
繼續閱讀
同前同事慶祝生日 見呢間餐廳網上有買二送一 折實每個人360蚊左右 見個餐單都有生蠔 蟹腳 帶子 所以就訂左呢間2月16日去食一入都去餐廳都幾闊落 我地被安排坐於近生蠔位置 非常方便我地觀察人龍長度 再決定幾時排隊最好 平日黎講都算好多人 見好多長枱 應該都係家庭聚會較多中菜選擇唔算多 牛坑腩 炒芥蘭 自選配料的粥檔 但自助餐食呢類野太飽肚 所以冇咩點食過中菜中菜區隔離有飲品區 咖啡 茶 水 罐裝飲品 可樂 雪碧 無糖可樂等西餐方面 一邊有燒魷魚 豬頸肉等申燒類 味道不過不失一邊 薄餅 肉丸 意大利燉飯 蒸蛋 太多飽肚野所以都係淺嚐 味道冇深刻印象凍食 長腳蟹都新鮮 少少偏咸 但整體質素好食 生蠔算大隻 同埋人龍唔算好長 成個自助餐食左30隻有多刺身 最失望是沒有帶子 同埋刺身比既分量真係超級超級少 好細片同得一兩片 味道算中下 放題左右質素 顯然不是主打 而且人龍都幾長 所以拎左一次就冇再做甜品 好多選擇 士多啤梨梳乎里 味道唔錯但偏甜 movepick 雪糕 好多新款口味 有藍莓芝士 蛋糕楊枝金露 足料但不明為何有椰果係入面 令糖水更甜 口味亦唔太夾 芒果拿破崙 脆度 甜度都好好 encore左3舊 同埋有keep住出多種生果 豆腐花整體性價比幾高 適合鐘意食生蠔既人
繼續閱讀
記得幾年前食過,心絲絲會想再回味,終於今次成功回味一翻。好耐無食自助餐了,逢節日氣氛都想食自助餐,於是encore幾年前食過嘅。環境大致一樣,食客亦一樣多。自助餐時間由18:30至22:00,一開始出現排長龍一定係排龍蝦、長腳蟹……等等,所以今次就改變左少少策略,先食咗甜品,再去食龍蝦。榴連巴馬臣芝士脆酥好香榴連味,餅酥脆可口,配合得好夾。榴連果肉撻整塊榴連果肉加上撻皮一齊咬,口感好實在,好正。芒果拿破崙招牌必食,芒果肉甜,拿破崙餅鬆脆,忌廉滑而不膩。生蠔🦪係新鮮嘅,肉質鮮嫩,但比較細隻,龍蝦🦞肉嫩。鵝肝多士都好味。還保持水準,食物種類繁多,特別係蛋糕甜品區。
繼續閱讀
優惠訂購平台買二送一優惠都會海逸可以話由細食到大當年我都係喺戶外帳幕結婚所以每年都會黎食自助餐慶祝疫情三年冇黎依舊都係多款式係賣點最吸引係午餐有生蠔紅白酒任飲今日生蠔好出色肥美鮮甜姐姐洗得好乾淨冇沙的另外有塊類似「北京烤鴨烤餅」又係好好食生蝦同長腳蟹都新鮮太多熱盤類冇可能試曬有四款榴連甜品最好食係榴連拿破崙非常脆又唔太甜呢個價錢係非常抵的唯一要改善係清潔方面枱上既鉸剪、鹽樽都有污漬
繼續閱讀
好幾個月冇寫食評📝,趁呢排得閒補返,位於紅磡鐵路站旁嘅都會海逸酒店,相信唔少人試過,步入餐廳,長長嘅buffet枱一望無際😮,你就知幾誇張,沿途擺放着各式各樣食物,種類繁多,牌面絕對比其他酒店優勝🏅冷盤🦞☆☆ 有即開生蠔、長腳蟹、龍蝦、翡翠螺、蝦、青口等。當日生蠔超肥美,厚身兼重蠔味,一月嚟時都冇咁肥,長腳蟹鮮甜,龍蝦一般,眼見隔離枱班後生仔,後勁凌勵,下半場依然一碟又一碟,年青人真係唔同D,自問quota有限,投降👐🏻刺身🍣☆☆ 三文魚、吞拿魚、帶子、赤蝦、劍魚腩、馬刀貝。我主攻帶子、大隻又鮮甜🤤熱盤🍲☆☆ 煎鴨肝、慢煮西冷牛扒、咖喱、燒味、天婦羅、生滾粥、蒸魚、燉湯,唔好問我係咪全部都好食,我答你係都呃你啦……有乜可能全部試晒,不過試咗幾款,真心不錯😋自助水吧☕️☆☆ 供應咖啡、茶、連菊花蜜都有甜品🍰 ☆☆ 各款糖水、蛋糕、雪糕、pancake 等。鍾意飯後甜品嘅你一定喜歡,芒果拿破崙大受歡迎,見侍應refill不停自助餐整體達80分以上🧡🧡🧡,淨係即開生蠔已經值回票價,性價比高👍🏻
繼續閱讀
您可能會有興趣的...