264
12
2
港鐵兆康站 A 出口步行約10分鐘 或 輕鐵景峰站步行約2分鐘; 惠康轉角 繼續閱讀
電話號碼
29675997
附加資料
星期一至六 (星期日除外) ,7點半前埋單及離座可享8折優惠
營業時間
今日營業
12:00 - 15:30
17:30 - 02:00
星期一至五
17:30 - 02:00
星期六至日
12:00 - 15:30
17:30 - 02:00
付款方式
Visa Master AlipayHK 支付寶 現金 銀聯 Apple Pay Google Pay
其他資料
網上訂座
Wi-Fi
深夜營業
酒精飲品
泊車
電話訂座
賞訂座積分
加一服務費
當面支付
有關獎賞計劃
食評 (294)
等級4 2020-06-13
1448 瀏覽
朋友前排搬左黎呢附近,佢終於暫時忙完清潔同執野既工作,今日Happy Friday就約左佢上佢屋企參觀下同一齊食餐飯,上去之前仲專登帶左佢去呢頭好出名用批發價賣高質凍肉既舖頭入貨😁 早兩日同男友係附近食雞煲果陣已經留意到呢間Bar,為慶祝朋友新屋入伙所以決定今晚就請佢食佢最中意既西餐!😎兩個人叫左個BBQ豬仔骨配薯條,fusion避風塘軟殼蟹意粉,一串牛舌,一串雞軟骨同埋朋友叫左杯Long Island~雞軟骨串燒有啲熟悉嘅味道,應該係七味粉,好脆口而唔油膩👍牛舌厚肉唔韌,我一直都覺得鹽粒係串燒既好拍檔,咁樣係最食得出食物既原味👍BBQ豬仔骨配薯條上菜果陣我打左個突。。。舊骨未必太大了吧?!😨 就黎長過個碟😅 呢舊豬肋骨比起我食過嘅相對多啲肥肉,不過味道唔錯亦唔會太鹹太重調味,如果啲薯條係另上唔會俾啲BBQ汁整到淋左啲就更好😬意粉配避風塘呢個組合好特別所以我哋決定試下😂 店員一放低已經聞到超香嘅避風塘味!😋 估佢唔到呢個新穎既fusion組合又幾意想不到嘅夾同好食😯 軟殼蟹份量都幾重手,炸得香脆👍因為係慶祝朋友新屋入伙,佢食得滿意開心就好👏👏 繼續閱讀
(以上食評乃用戶個人意見 , 並不代表OpenRice之觀點。)
1️⃣「FUSION蒲燒鰻魚水波蛋漢堡🍔($128)」-原條大鰻魚超誇張😳❗️蒲燒鰻魚肥美香甜冇細骨 個漢堡加左千島醬🟠、蕃茄🍅、生菜🥗超juicy唯獨水波蛋流心效果未如理想🍳The FUSION Unaki Burger ($128) is delicious. The unaki is large in size and luscious. The burger is very juicy with tomatoes, lettuce and thousand island sauce. But the poached egg is overripe.-2️⃣「黑松露芝士火鍋🧀($128)」-不得不讚下佢個芝士濃而不膩🤩仲有大量黑松露 將炸雞粒🍗、薯角🥔同多士🍞沾滿芝士咁食簡直人生一大享受🥰The Truffle Cheese Foudue ($128) is also good. The cheese is rich and creamy . It is enjoyable to dip the deep-fried potato widgets and chicken into the cheese!-⚠️:+$45有餐湯🥣、甜品🍰、蒜蓉包🧄、咖啡或茶☕️-💰:$100 - $180 (+10%)(dinner)📍:屯門青棉徑5號金寶大廈地下6號舖 Kim Bo Building, Tsuen Mun 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-16
3632 瀏覽
位於虹橋住宅區入面,周圍都係茶餐廳,五金鋪之類既地方,竟然有間小酒吧。外面有兩張枱,相信要食煙,或者帶住寵物既朋友都可以有個地方飲下野吹下水。餐廳入面燈光比較昏暗,都幾有feel。食物方面選擇唔算好多,但肉類,意大利粉或飯,小食等等都已經有齊。飲品方面就多好多啦!有各種既cocktail,紅白酒,同無酒精飲品。我地叫左兩個主菜,其中一個跟set,同一支香港地道手工陳皮啤。餐湯入面有好多雜菌粒,調味都ok,我幾鐘意。蒜蓉包都係熱好左,又脆又香。先黎頂級安格斯肉眼配薯角,牛扒比較薄,煮得過火左。不過咬落去又唔會鞋喎!炭燒味濃,肉質尚可,不過牛味唔算濃。薯角方面,新鮮炸起,脆身,唔油,幾好食。然後係我想食既豬手,佢無幫你切好,要自己切既。平時自己切都無乜問題,但呢個要切就要花啲力氣。佢既皮又唔係焗得超硬,食唔唔到個種,但因為佢焗到外面脆脆,入面韌韌地咁,食係好食呀,不過就難切囉!肉質都幾有彈性,唔乾,同埋無乜豬既膻味,係好食既!不過。。。差咁啲酸菜。。。好想食酸菜。。。陳皮啤係朋友想飲既,特登叫黎試試。我都試左一啖,覺得無乜陳皮味,但佢有少少甘味,都幾特別。甜品方面我見佢會隨機比唔同款式,我地呢件比較淡口啲,我就嫌佢唔夠甜,朋友就話覺得唔錯,唔會太甜太滯。最後就係逢星期一至六,7:30前埋單都會有8折優惠呀!! 繼續閱讀
(以上食評乃用戶個人意見 , 並不代表OpenRice之觀點。)
叫做pillowtalk o既restaurant bar,位於屯門較寧靜o既地段;攬住梳化上o既枕頭,嘆番杯cocktail,同身邊o既人一路食一路來個悄悄o既枕邊夢話,相信感情一定會增進唔少!我幾鍾意d 西餐廳可以叫一個main 加錢升做set dinner,呢度係加$45。是日餐湯同沙律二選一,揀o左沙律,如果湯會係磨菇湯。個田園沙律有水蜜桃,simple and refreshing。蒜蓉包係長長o既一塊,焗到濃濃地更覺香口。黑松露芝士火鍋($128 未加一) 聞落好香,羨煞旁人!杰身o既一碗,以蠟燭微溫heat 住,不停冒出芝士同松露o既氣息,令人流晒口水……成set o野夾埋都算幾大份幾多料,有麵包粒、炸薯角、炸雞、長通粉,另外當然亦有d 伴碟沙律菜。炸雞大粒而微辣,薯角內裡如薯蓉般軟滑,就咁食已經唔錯,蘸埋芝士,則再多一重口感。麵包同通粉就本身比較淡味,又多d 空間黏附d 醬,更能嘗到芝士o既濃滑。用枝芝士火鍋專用o既叉吉住,放入去暖一暖,再拎番上o黎,睇住佢被一昧creamy 厚身o既醬汁包住,然後慢慢擺入口,簡直就係享受。Up o左grade 做set 會包一客甜品,係件士多啤梨拿破崙蛋糕,有住鬆脆o既餅皮,上檯時用朱古力同士多啤梨醬簡單畫o左一d 花型裝飾。今晚見起碼有兩檯客有人生日,餐廳會combine 埋d 大家d 甜品,用醬寫上生日字句再點上蠟燭。飲品我揀o左凍熱情果茶(加$8),有住非常濃郁o既果香,猶如一次過落o左好多隻生果咁,令人回味。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-06
2258 瀏覽
屯門好少西餐廳,更加少質素好既西餐廳一入間餐廳就覺得好chill 好relax昏暗到連對面既人都唔太睇得清可以拎住攬枕好好傾計既一撻地方據說連食物都好唔錯既小店_______________🔹跟餐 $45👰🏻:🌕🌕🌕🌕🌑🤵🏻:🌕🌕🌕🌕🌑有是日餐湯/沙律🥗,蒜蓉包,是日甜點同餐飲.餐湯係現打既磨菇湯,直接用鮮磨菇打碎,所以仲食到好粗粒既菇粒。味道唔算濃, 小清新.蒜蓉包幾香牛油味,好脆又夠熱,正.沙律幾好食,菜夠爽,胡麻醬既份量恰到好處.🔹美式BBQ豬仔骨配薯條 $148👰🏻:🌕🌕🌕🌗🌑🤵🏻:🌕🌕🌕🌗🌑Rib 既份量不多不少,如果一人叫一個main, 兩個人分黎食岩岩好.肉質未淋到一切就散,但都算幾淋下.味道唔錯,唔會過咸過淡,唔會太乾身,但又稱唔上好惹味.整道菜都好中規中矩,都好食既,但又未去到要推薦既程度.🔹德國蜜糖芥茉醬焗原隻豬手 $158👰🏻:🌕🌕🌕🌕🌗🤵🏻:🌕🌕🌕🌕🌘呢個真心推!首先佢超巨型,同我打開手掌差唔多大,但大隻又唔一定好食既,咁我地再講下味道.味道咸咸香香,咁大隻豬手,食落啖啖肉,仲要咁厚肉,都醃得好均勻,唔會話食到最近骨位就無晒味,而且豬手唔淋唔韌,口感唔錯!.仲有一定要大大讚下豬手皮脆到爆,每次切開都有好脆既喀嚓聲.不過都有可惜位,咁大隻豬手,一條酸菜都無,硬係覺得爭緊啲嘢 繼續閱讀
(以上食評乃用戶個人意見 , 並不代表OpenRice之觀點。)