444
29
7
港鐵尖沙咀/尖東站 B1 出口, 步行約4分鐘 繼續閱讀
所有分店 (3)
電話號碼
23456856
開飯介紹
這間樓上咖啡店,店內張貼各種有趣金句,裝修大玩幽默風格。而其菜式名字亦極有幽默感,使用的食材也較獨特。如奶油燉飯改用豆漿,Pizza更設有鹹蛋口味。 繼續閱讀
營業時間
今日營業
12:00 - 22:00
星期一至日
12:00 - 22:00
付款方式
現金
其他資料
網上訂座
電話訂座
賞訂座積分
食評 (504)
等級4 2020-11-12
2766 瀏覽
Mamaday係一間以搞怪做賣點嘅樓上cafe,餐廳周圍擺放左好多寫上搞怪字句嘅路牌,玩味十足,所以都幾受年輕人歡迎,即使平日下午都坐滿人,想食一定一定要預先book枱。餐廳內部大玩撞色,每個角落都冇馬虎,好啱同朋友打卡影相。連碟子同餐巾都寫上玩味字句。野食選擇都幾多,飯麵pizza小食野飲都有,價錢走中檔路線,唔算特別平,不過野食確係幾好食,絕對唔係麻麻地。明太子薯條($45) - 薯條有分大同細兩個份量,哩個係細,但都比想像中大份,夠二至四人share食。薯條上枱時熱辣辣,連住少少薯皮,香脆得黎仲有啲咬口,明太子鹹鹹香香,食下食下就停唔倒口。軟殼蟹比薩($138) - Pizza直徑大約9吋,係薄底pizza,餅邊香脆,上面放左原隻軟殼蟹、蟹柳、帶子同菠蘿,都幾足料。餅底上面有好多芝士,而軟殼蟹上面亦淋左千島醬,所以食落帶少少酸味,味道清新唔會好滯。相比起野食,野飲賣相雖然都睇得,但味道唔算突出。香蕉朱古力奶昔($48)同紫薯Latte($48)兩者奶味都較重,朱古力同紫薯味都比較淡。總結,以哩類打卡餐廳黎講,Mamaday嘅野食確係幾好食,賣相亦唔差,如果想同朋友打卡影相, 又對食有啲要求嘅,Mamaday絕對唔會令人失望,不過一定要預早book枱。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-11
1411 瀏覽
去過銅鑼灣分店起碼三次,終於初訪尖沙咀分店,一如既往必定要提早訂檯,滿佈霓虹燈環境好吸睛,見到唔少人都係度打卡📷不過今次左右兩邊都坐滿咁激有好多人頭,睇下之後再黎又或者去埋油麻地分店有無機會影😚▪️ 都幾辣的泰式打拋豬烏冬(7.5/10)💲118本身睇名無咩特別大興趣既一道,朋友話想試之下叫左,出到黎都有驚喜🤭對於唔太食得辣既我黎講,呢個都係可接受既帶點酸辣味泰式汁,加上頗多既肉碎,感覺惹味,唯獨係烏冬略為少同碎,如果多返啲再彈牙一點就更好😗▪️ 唔好抱咁大期望蒲燒鰻魚蛋包飯(7/10)💲124呢個飯唔知點解比起一開始食無咁有驚喜了,大概係今次鰻魚無叫全條既關係好似無咁多肉肥美,入口亦都有細骨,不過蛋都保持到嫩滑,米飯依然係有鰻魚汁既日本米,配上木魚絲,整體中規中矩咁喇🙈▪️ 芝士粉薯條(5.5/10)💲45(小)成日都話呢間質素平穩,應該都唔會點伏,但係呢個就真係不幸的失誤,可免則免吧🤨三種口味既薯條分別有原味、明太子味、芝士粉味,亦都有分大細🤔係我衰無細心睇以為係芝士拉絲嗰種,出到黎少少落差🤣入口偏向係乾身同埋人工鹹既芝士味,認真麻麻地少失望👉🏻👈🏻好彩我都係叫左個細既者🤪▪豆腐豆腐豆腐咖啡(7.5/10)💲56朋友話每次黎呢間既指定飲品都係佢,出到黎賣相吸引,入面有豆腐味既雪糕球,可惜唔飲咖啡無緣試了,但相信應該都幾滑身濃味🤭▪️ 放心唔係好甜既抹茶沙冰(7.5/10)💲48第一次飲呢度既凍飲,就算係凍既抹茶味依然香濃,唔會過淡或者過甜,沙冰質感大致順滑,間唔中會帶點細碎冰粒😛🔎 整體評分(7.5/10) 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-02
2919 瀏覽
MAMADAY時時在OPENRICE上出現,我覺得真係有佢既道理,因為今時今日,做餐飲真係唔止要食物質數高,而且都要有GIMMICS,令食客記得你呢家餐廳,先至會番轉頭再食,或者再帶其他朋友來。呢樣野,我覺得MAMADAY真係做得到~!今日來食LUNCH,呢到都有SET LUNCH,有不同款式,今天心情想食PIZZA,所以就選了啖啖蟹肉..你就想....墨汁海鮮PIZZA  $128PIZZA做得好好食,個PIZZA底唔係一般粉團批,而是有D似酥皮感覺的PIZZA,所以食落唔會好飽及滯,就算同朋友每人食一半,都覺得仲有位可以食其他野。 PIZZA上面都有好多料,真係有唔同既海鮮~同時賣相都好靚,新鮮出爐超正~大LIKE~!!!!蜜汁香茅豬頸肉 $128--另一個我地叫左個LIGHT D既小食,估唔到佢又擺得幾靚幾有心思~有沙律及大大片蝦片。色彩好靚,令人見到都開心。味道都可以,豬頸肉夠稔同時個蜜汁香茅汁都唔錯,夠香又唔會太咸。飲品都係MAMADAY的特色,家下秋天想養生D,所以加左$20 杏仁片肉桂綠茶好香杏片味,而且茶具精美,好有FEEL~ 繼續閱讀
(以上食評乃用戶個人意見 , 並不代表OpenRice之觀點。)
今次應該係第三次黎尖咀呢間Mamaday食,餐廳絕對係encore-able! 平日午餐非常多人,一定要預早訂位,如果唔係就要等位。今次唔食午餐,㨂左主菜單一款比薩同一款蛋包飯,主菜單既主食都有套餐優惠,所以加錢叫左一份沙律同一份小食。每天都一樣的沙律 +$8+10%大大碗新鮮沙律菜,仲有兩粒新鮮紅桑子同四粒藍莓,加上大量日式芝麻醬,清新可口,八個大洋抵加錢!脆炸魷魚圈 +$28+10%小食係脆炸魷魚圈,一共有八件魷魚圈,全部新鮮熱辣炸起,炸皮薄脆,入面既魷魚爽脆,點沙律醬食好好味,跟餐加$28抵食。今日我咩心情關你咩事先比蕯 $118+10%所謂今日我咩心情關你咩事先比蕯即係睇吓比蕯師傅今日咩心情落咩料。今日我地既比蕯有辣肉腸,蕃茄,洋蔥同大量Mozzarella,批底超薄同香脆,芝士超多又拉絲,加上微辣既辣肉腸,味道同口感都得到滿足。辣架傻豬豬豬頸肉泰式肉碎日本蛋包飯 $118+10%好野梗係值得等。蛋包飯最後上,成座山咁大。一共有六七塊豬頸肉,厚切但都脆口。超多肉碎再加上香脆花生,增強囗感。目測應該炒左三隻蛋,超滑有蛋香,送飯一流。成碟飯超多汁,足夠送哂所有白飯,香辣惹味。鍾意辣既人士必試。Mamaday既比蕯同蛋包飯保持到一向高水準, 仲有好多款口味未試哂!下次可再試!可惜我最愛既窩Full已經賣晒,唔知幾時先食到。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-07
5383 瀏覽
一直將餐廳收藏,今日終於有時間相約朋友黎真係估唔到平日lunch都可以咁多人咁滿場😂😂餐廳果然長期人氣高企!-未行到入去,沿路上樓梯,都已經覺得餐廳好有心思裝修設計,好有創意文化,呢個都係我一早已經將餐廳bookmark既原因-Menu都好有心機好似睇緊一本故事書咁~未食,望到已經開心-I’m on a Buddha-like diet😂😂連餐巾都好有趣-lunch set今日既湯係南瓜湯味道濃厚,食落啖啖南瓜蓉,好飲😛-豆腐控既我見到有豆腐雪糕二話不說即點!原來面頭係有一球淡淡清香豆腐味既雪糕然後咖啡底部有豆腐,攪勻後一齊飲埋,呢個配搭令咖啡更滑😛-呢個pizza簡直係出奇地好食😂😂一直鍾情厚批既我,無諗過原來薄批都可以咁好食😌pizza 底薄脆,啖啖蟹肉好足料pizza既醬汁簡直係精髓!!!本身我係諗住食一兩塊就比朋友食埋佢,點知最後我係食到停唔到口🤣🤣🤣一定唔可以錯過呢個pizza!!!!-lunch set仲有手打漢堡一上碟又係好大份😂粗薯條熱辣辣香口不在話下漢堡當中夾上大量蔬菜同炸洋蔥圈令到食完都唔覺膩最驚喜係個漢堡飽!飽皮外表睇落好飽滿,外脆內軟,食落去係估唔到軟得黎有咬口如果對面包有研究或者有要求既,一定會好鍾意呢個漢堡飽口感😍-兩個人食呢個午餐,好飽好飽 -餐廳真係佈置得好有心機有幾刻我幻想自己身處台灣既文青cafe當中如果香港多幾間呢類餐廳就好了咁就坐又坐得開心食都會更開心💛💛💛下次同朋友都一定會再來 繼續閱讀
(以上食評乃用戶個人意見 , 並不代表OpenRice之觀點。)