168
9
2
港鐵荃灣站 B1 出口, 步行約5分鐘
繼續閱讀
開飯介紹
餐廳設計優雅舒適，除保留茶餐廳原味道外，亦有創出融合中外的新菜式。
繼續閱讀
附加資料
最後落單時間21:00
營業時間
星期一至日
08:00 - 21:30
以上資料只供參考, 請與餐廳確認詳情
招牌菜
食家推介
相關文章
大前日 (14-11-2020 Sat)日朝,同老公去買海鮮前食個早餐,去邊喥食呢?想食嗰啲冇咁早開門,經過呢喥,原來有早餐,睇吓,雖然冇allday breakfast,但都有牛角包炒蛋嘅早餐,咁我哋就食呢間啦.今次係我哋第三次幫趁(上次食評係7月15日刊登嘅呢篇: https://www.openrice.com/zh/hongkong/review/%E4%BB%BD%E9%87%8F%E5%A4%A0-e3778288),終於坐到個舒適嘅座位,睇完menu,決定要歐式炒蛋+粉麵早餐系列嘅C3,$42.00嘅黑松露牛乳炒蛋,配特色甜奶牛角酥+兩餸粉麵,粉麵我哋要素飽魚絲,司華力腸意粉,要熱奶茶.M Kitchen朝氣勃勃早餐系列嘅A2,$46.00招牌火腿蛋配自製香草蛋黃醬英式鬆餅,有芝麻醬田園沙律同香脆薯餅,要熱檸水.等咗一陣,兩杯嘢飲到嚟,然後係C3餐到嚟.甜奶其實係錬奶,牛角酥唔大個,食吓先,牛角酥鬆脆,唔覺油膩,牛油味就唔係好濃,屬輕盈牛角酥,鍾意食傳統牛油味濃同油啲嘅就會唔鍾意呢隻.味道: 3分黑松露牛乳炒蛋,正常冇問題.味道: 4分素飽魚絲,司華力腸意粉睇到份量唔多,司華力腸更加只得半條,意粉唔係全部腍晒嗰隻,其餘兩樣都係來貨,冇問題.而湯底就幾好味.味道: 3.76分招牌火腿蛋配自製香草蛋黃醬英式鬆餅,有芝麻醬田園沙律同香脆薯餅.薯餅外面唔係脆係硬;芝麻醬田園沙律味道啱啱好;招牌火腿蛋配自製香草蛋黃醬英式鬆餅,個蛋似班尼廸蛋,醋嘅份量啱啱好,蛋黃又係生嘅,好味;自製香草蛋黃醬少少酸,好好味 ,咪睇件英式鬆餅咁薄,我哋食完呢兩個早餐,竟然係好飽.味道: 3.58分熱檸水正常冇問題.味道: 3分熱奶茶老公飲剩啲話唔飲,因太濃頂唔頫,我試吓,係好濃濃到澀,不過我哋冇落糖,唔知關唔關事?味道: 1.5分環境:個位係舒服嘅,不過冷氣風口對住吹到正,就覺得凍咗啲.服務:去到時,呢張枱係冇人嘅,只係未抹枱,女侍應話幫我哋抹,但等咗好耐至嚟抹.冇俾水我哋都算,但見到個男嘅應該係經理,捧住啲水每枱都派,但都冇俾我哋,真騎呢,我哋就自己叫啦.抵食係2.7分
繼續閱讀
本身今日想食西餐，咁啱嚟到荃灣唔知食咩好就入咗去，點知之後勁後悔。我叫咗個鮮茄大雞髀焗飯，本身見到80幾蚊着咁大隻雞髀諗住好抵啦，啲店員一開始個嘢食嚟到就整啲火焰落去，本身都覺得幾新奇，但係就出事啦，佢落得太多成兜嘢食都好大陣whiskey 味，啲飯全部都係苦嘅，勁難食完全食唔到。諗住個朋友叫咗海膽汁海鮮意粉會好啲啦，但係點知佢個兜野明明就冇整啲乜嘢花臣，但都好重whiskey味，正常應該要用白酒煮？完全唔會encore好失望
繼續閱讀
好耐冇入荃灣行街,而家開咗好多新嘅商場,行行下就去咗荃灣千色匯,咁當然商場除買嘢以外,又怎少得食嘢呢,所以就行咗入呢間叫做「M Kitchen」的餐館 就係畀這間餐館光猛整齊的門面吸引咗進去,裏面的裝修也很寬闊俾人很舒服的感覺完全沒有壓迫 再細看餐牌的價錢,絕對不是一些嚇破膽的消費,而是一些大眾化的價錢👍 就是這樣叫了名叫滋滋聲鐵板特級肉眼扒, 除了價錢大眾化以外,食品的份量也絕對符合一些大胃王, 牛扒足有成人手板還大的分量, 師傅烹調的技術恰到好處,切開時還滲出肉汁味道更濃郁咬落口時也不會靭 另外叫咗一個名叫（食肉獸巨人扒餐- 內裏有雞扒.豬扒.熱狗腸.煙肉同埋薯條）仲要每樣都好有份量難怪嚟得此名稱, 每樣都煮得脆卜卜食落口也很有肉感,而味道方面亦都很香口
繼續閱讀
海鮮闊條麵配海膽汁，個汁超得，海鮮很足料！牛肋肉伴鎮江醋豬肋骨，肉質嫩滑重牛味，起埋肉簡直超細心！龍蝦湯最正，夠杰夠濃味，口感超得！好味，好靚伴菜，低食，必定會再食
繼續閱讀
今日係荃灣搵野食 ，搵左呢間係西餐廳見佢有好多set Lunch ，價錢好親民喎咁我簡左個肉醬意粉🍝味道幾好，夠多汁！另一半簡左蕃茄焗豬扒飯，好夠份量好大份豬扒都好好食呀！而且佢呢個呢要等嘅！需時大概叫餐嘅15分鐘左右我哋兩個叫咗兩個set lunch另外佢再加$18呢可以有小食嘅！咁我哋就揀咗個脆雞塊配佢特製嘅醬汁😋呢個好好食，夠熱辣辣而且食得出係即叫即製！下次如果我嚟我都會再叫呢一個小食！餐廳服務都OK呀同埋座位各方面都好舒服
繼續閱讀