453
13
0
港鐵旺角站 C3 出口, 港鐵旺角站 E1 出口, 港鐵旺角東站 B 出口 繼續閱讀
電話號碼
52700008
開飯介紹
Lockeroom Dining 提供多種西餐菜式,包括肉類、海鮮、自家製意大利麵、沙律、甜品等,包羅萬有。即焗蒜蓉包及脆燒原隻德國鹹豬手頗受歡迎。 繼續閱讀
營業時間
今日營業
12:00 - 22:30
星期一至四
12:00 - 22:30
星期五至六
12:00 - 23:00
星期日
12:00 - 22:30
公眾假期
00:00 - 23:45
公眾假期前夕
12:00 - 23:00
*逄星期一晚可供包場
付款方式
Visa Master AlipayHK 支付寶 現金 八達通 AE 銀聯 JCB Apple Pay Google Pay 微信支付
其他資料
網上訂座
Wi-Fi
酒精飲品
VIP房
電話訂座
賞訂座積分
加一服務費
當面支付
有關獎賞計劃
食評 (479)
等級4 2020-07-18
38 瀏覽
一個超平的主題餐廳。都真係好驚喜⋯一般的主題餐廳其實食物質素都好差。這間都不例外。今日本想去這大廈裡面嘅泰國菜,但突然見到這間餐廳在樓下的宣傳品。都好想試一次。其實之前都知道這間餐廳的存在。但睇食評很多食評家都話這間餐廳面積很細。坐位和食物都唔算豐富。所以都唔係太有興趣。今次點解想試?因為發覺佢地的價格便宜。又剛好遇到下午茶再折的時間所以最後都想去影下相。上到去門面已經很有氣氛。但發覺原來這間食店都有政治立場。大家食的時候要留意一下。門口有消毒東西。可以自行處理好才進店。老實說門口的畫和衫。我都唔係太有興趣。不過我都好鼓勵香港多些唔同主題的食店。進店後發覺根本無咩客。唔怪得要一折再折。那個細到恐怖的鳥籠坐位。都唔係網上講到那麼受歡迎。又話要訂位、又話有幾靚,老實肥點都應該坐唔落。這裡的客人很多都著波衫。原來我男朋友都剛剛好著咗。那個感覺超有趣。雖然我一件波衫都唔識係咩國家和波會。入返正題,以下係我和男朋友今次點選的食物:這是今次的餐湯。老實講一飲就覺得非常難飲。還感到有點苦澀。我最後忍不住問咗餐廳職員究竟係咩湯?原來係蘿蔔湯⋯原來飲緊中湯⋯😔那些應該係白蘿蔔。湯碗好靚。這個餐還會送麵包一塊。賣相就唔太好,烘燶麵包一樣。但食落都幾夠蒜蓉味。可惜只有一塊 每人還有一杯飲品附送。普通飲品沒太大驚喜。主菜來到沙津一個。用這個密實樽都幾有趣。但其實很難處理。附送的汁一點味道都沒有。根本好似食一堆很生的無味菜一樣⋯雖然平但真係無法推介。本人最愛食意大利飯。見到下午茶都可以食到。當然要試一試。老實講用白汁就一定係比較淡味。但都係幾夾的。佢哋都好殷勤。比咗個碟我和男朋友一起吃。隻蛋半生不熟很清新可以一試。這裡裝修簡單。都係靠海報和球衣做背景。還有這個咭牆。雖然有趣但其實都唔覺好睇。不過心思都可以加分。這裡門口處有幾部扭蛋機。有球衣和咭機。大家可以試試大家的運氣。總結報告:如果真係喜歡球隊,我強烈建議大家去支持一下。因為價錢係好貼地。但如果追求食物原味道就一定會好失望。希望餐廳明白,有些人只係想食餐好食和抵食的下午茶☕️食材好但煮技都要進一步🤨 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-13
110 瀏覽
朋友係阿仙奴球迷,有人介紹Lockeroom, 即管上嚟試下!有bk枱,去到唔洗等,比較早去到,估唔到坐一陣間6點半度已經full到7788!話明朝聖,自然多阿仙奴展品!有set dinner,選擇都頗多,有平有貴,最尾揀D餐同Q餐!沙律: 黑醋有驚喜,杰身濃味黑醋,一啲唔馬虎,身為黑醋怪,即刻加佢分!湯包: 蒜蓉包唔係脆身款,係鬆化款,蒜味濃!湯係蕃茄湯,味偏酸,好多茄蓉係入面,味道偏淡,但食得出唔係茄膏水!意粉: 龍蝦焗得香口,啖啖肉,蟹鉗都已經幫手開埋,好貼心!意粉夠味,煮得軟硬適中,份量大,女仔未必食得晒!牛扒: 嗌medium,熟得啱好,美中不足有少少筋,但總體係好食嘅!甜品: 跟餐6折,嗌咗梳乎厘,嚟到嚇親,好大兩舊,兩個人share 都係勉強食晒!梳乎厘正,唔會過甜,脹得好靚,食到最尾都冇㝝!總括嚟講,朝聖之餘又有好嘢食,又係良心店,不妨支持一下! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-09
114 瀏覽
朗豪坊隔離有個朗晴坊,呢幢樓有好多餐廳架,呢間餐廳就都係呢度,地點真係夠曬方便,亦都好易搵上到黎門口,一眼就會睇到你自己有無黎錯 或 去錯樓層,因為呢度一層就只得一間餐廳。睇岩名,睇埋門口 d 設計,無錯就入得!本身以為呢間餐廳嘅主題係儲物櫃,點知原來佢哋嘅主題係足球,餐廳嘅室內裝修唔算華麗複雜,但係簡簡單單,你絕對感受到佢哋對足球嘅嗰份熱誠及喜愛,除左牆上有球衣,甚至乎連員工都着晒球衣做制服㗎除咗普通嘅Menu,呢度都會有一啲 Set Dinner,套餐包括餐湯餐飲沙律,主菜嘅選擇都幾多,不過如果想食甜品就要另外再叫啦,今日我同朋友分別都叫咗各自一個套餐呢個係配上餐湯既餐包,每人半個,而且係做得幾香脆嘅蒜蓉包,味道都幾唔錯,可以配餐湯一齊食用,或者做咁食都唔錯,牛油味都幾香餐前嘅沙律方面,餐廳就用咗呢個幾可愛嘅透明罐裝住,都幾有特色,入面裝住嘅係一啲蔬菜及番茄仔等等,係冇醬汁的,所以餐廳都另外準備咗一碟仔黑醋,大家可以加落去個沙律入面一齊食,酸酸地,都幾開胃大家估下呢杯係餐湯定係餐飲,其實佢係餐湯嚟㗎,都幾得意,用上呢一套雲石杯碟裝住,女仔應該幾鍾意,而佢入面嘅係甘筍湯,都幾濃郁,係餐廳冷氣唔算好充足嘅情況下飲,飲完真係成個人都㷫烚烚啊!有唔錯嘅前菜,所以對主食都有一啲期望,先黎既有佢,佢係我選擇既 香烤美國牛肉眼扒拼法國鵝肝!感覺個賣相都好唔錯,因為塊扒都好大塊,同上面嘅少少鵝肝造成一個強烈嘅對比!放大件鵝肝睇睇,鵝肝外面燒到金黃色,帶有少少燒焦,佢陣香味真係非常吸引,食落口時更加係入口即溶,入面既油同埋味道完全深透口腔,呢塊鵝肝真係煎得非常出色呢塊咁大塊嘅美國肉眼扒更加係出色,叫咗五成熟,見到佢嘅肉質及顏色都做得啱啱好,冇過火位,牛嘅味道重,沾點埋旁邊嘅燒汁,味道都幾唔錯,都唔算太煙韌,所以都食得幾舒服另外旁邊嘅配菜佢仲陪左紫薯蓉及羽衣甘藍,令到成碟菜式都變得更加不一樣呢個就係朋友選擇嘅,佢係 巴馬風乾火腿黑松露忌廉雜菌意大利天使麵,上面嘅巴馬火腿夠薄,味道唔係太鹹,所以食起嚟都幾舒服,下面嘅天使面,棉質教友,配埋香濃嘅黑松露忌廉汁,成個天使面都非常濃厚,而且汁亦夠多,所以口感都好濕潤整體賣相都幾好,同朋友嚟食個晚餐,感覺都唔失禮,不過可能因為坐近門口吧,加上天氣又熱,如果餐廳啲冷氣再大啲充足啲就好啦最後我哋都覺得要有個甜品先至圓滿,所以我哋另外就加咗一個法式焦糖燉蛋做結尾,主角法式焦糖燉蛋真係用上一個雞蛋外型嘅透明杯裝住,佢嘅口感比較硬,不過上面面頭嘅燒焦焦糖確實都幾好味旁邊就係一小塊類似拿破崙嘅餅仔,上面有一粒紅莓及士多啤梨做點綴,普普通通咁揀一個甜品嚟食,呢一個會係唔錯嘅選擇 繼續閱讀
(以上食評乃用戶個人意見 , 並不代表OpenRice之觀點。)
💛用心經營嘅足球主題Cafe酒吧,喺朗豪坊隔離,電梯直上8樓就到,一開門就比簽哂名嘅波衫閃到 同阿仙奴球迷嚟一定超開心⚽最最最重要嘅喺呢間Lunch好味又好抵食,仲有養生紅棗茶、雲石杯、足球碟、花花杯碟,餐廳中間有個特色嘅雀籠位,啱哂鐘意阿仙奴嘅男仔帶同鐘意relax嘅女仔嚟 Lunch Set 是日餐湯及蒜香牛油法包,茶或咖啡🥩炭烤澳洲草飼牛西冷扒紅酒燒汁 $85午市無得揀幾成熟,切開後肉質超級粉嫩,應該喺5成熟,咬落唔會太韌,有少少酒味☺️粉嫩肉質好juicy 😌以蕃茄、南瓜蓉作為拌碟。整體感覺良好。呢個價錢嚟講,個Lunch Set好高質 🥖蒜香牛油法包蒜香味濃是日餐湯喺紅蘿蔔南瓜湯,用粉紅色雲石紋杯碟盛裝著,少女心大爆發💕🍲黑松露蘑菇湯 $48黑色雲石紋杯碟盛裝著,黑松露味道濃郁而且超多蘑菇粒粒🍄超型!.🍗 Lockeroom Dinning 鹹蛋黄小食拼盤 $118雞翼、薯角、洋蔥圈、薯絲蝦、德國腸超級炸嘅一碟小食拼盤,如果一路睇波一睇飲啤酒就啱哂 雞翼滿滿鹹蛋黄味道,一口咬下肉汁都流出嚟 🍫朱古力三重奏心太軟 $68+$12配上Dreyer’s雪糕🍮新鮮熱辣出爐嘅心太軟配上凍冰冰Dreyer’s 雲呢拿味雪糕球,朱古力味道香濃,口感幼滑,流心效果較少。倒上白雪雪嘅牛奶醬🥛以草莓藍莓作為拌碟🍓放喺透明碟上面,美感十足! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-08
60 瀏覽
其實旺角已經食到冇嘢好食,尤其係一d大型商場😪如果去旺角食飯的話,我已經開始鍾意去d樓上鋪搵食😁今次介紹呢間我都係第一次去,因為去完朗豪坊搵三眼仔😍諗住搵間近近地既好西食下,係OpenRice search到呢間「Lockeroom dining」😂點解揀佢⁉️因為係正朗豪坊隔離🤣真係近到爆我地每人各自揀左個set dinner💕一齊開心Share🔹沙律:上枱果陣我同吳生都覺得好得意‼️因為佢個沙律係成樽咁比你🤣佢一個玻璃甖裝住,都幾好,可以確保新鮮👍🏻🔹餐湯(南瓜湯):勁濃郁既南瓜味😍一飲就知係有料到‼️裝湯個器皿又係好得意😂吳生話好似一d動物既蛋咁🔹餐包(蒜蓉包):呢個有驚喜‼️通常蒜蓉包都係用法包太硬我就唔鍾意食😪但佢呢到竟然唔係硬架‼️好鬆軟呀😍蒜蓉味又啱啱好,正👍🏻🔹脆炸流心低卡芝士吉列西班牙橡樹果黑毛豬柳$188 :黑毛豬柳比較少食,就係見佢咁特別所以就叫黎試下😎吉列豬柳一切開,會有少少芝士汁流出黎😍可能係炸既關係,太熱辣辣了,芝士都變晒汁😂不過唔緊要‼️完全唔影響味道喎🤩豬柳外層炸到好香脆💕炸粉仲一d都唔厚👍🏻而豬柳真係好好食🤤食落口d肉汁係必晒出黎同埋肉質好幼嫩,好腍,完全唔韌‼️我覺得仲好食過塊西冷牛扒🤫🔹波士頓活龍蝦(半只)配美國Creekstone牛西冷$258龍蝦🦞好大隻😍仲夠晒厚肉,食落爽口彈牙🤤最正既係佢d芝士🤩芝士味好濃郁係我食過咁多間,芝士味最濃既一間👍🏻而西冷我地叫左7成,但就差少少🤏切開入面就應該未到7成,不過影響不大西冷扒又厚又大塊🤩食肉獸見到一定心心眼😍一切開已經有肉汁流出黎🤤食落肉質都好幼嫩,一d都唔韌👍🏻不過因為豬柳強黎先,加上又夠特別西冷即時比下去😂所以我都係強烈推介大家試黑毛豬柳,超正💕味道:5/5服務:4/5環境:4/5抵食:4/5 繼續閱讀
(以上食評乃用戶個人意見 , 並不代表OpenRice之觀點。)