446
34
10
港鐵觀塘站 B1 出口, 步行約6分鐘 繼續閱讀
電話號碼
27119777
開飯介紹
觀塘工廈餐廳,室內設計及食物水準均令人有驚喜,不設入座限時,適合友人飯局。 繼續閱讀
營業時間
今日營業
12:00 - 15:30
17:30 - 22:30
星期一至日
12:00 - 15:30
17:30 - 22:30
公眾假期
17:30 - 22:30
*午餐最後落單時間: 14:30 晚餐最後落單時間: 22:00
付款方式
Visa Master AlipayHK 支付寶 現金
座位數目
60
其他資料
支持防疫 詳細介紹
網上訂座
Wi-Fi
酒精飲品
自帶酒水 詳細介紹
泊車 詳細介紹
電話訂座 詳細介紹
外賣服務
加一服務費
電視播放
當面支付
有關獎賞計劃
食評 (515)
眨吓眼已到了2020年,年中有多,。在每日要戴口罩保護自己的今天,就來分享呢個月未實行禁堂令的一餐的生日飯。星期五在觀塘開完會之後,就跟朋友到巧明街冠力工業大廈的餐廳【I-Kitchen】吃晚飯。朋友吃過後好感謝我做東請客呢!其實西菜美食多不勝數,間中來一頓小花費,也是相當令人回味的!一進入【I-Kitchen】,彷彿放輕心情。整間店都是西式餐廳一樣的裝修,燈光偏暗用上了藍調,冷冷的幾舒服。餐廳不算太大,但係空間都闊落。入面仲有一刻消毒的物資提供,非常窩心!至於食物方面,有晚市套餐,價錢都是相宜的,散叫又不是太貴。▪️厚切美國黑安格斯肉眼五成熟 $208加咗$58轉套餐👐🏻海膽海鮮撻👐🏻廚師餐湯-是日精選南瓜湯.👐🏻海膽海鮮撻👐🏻這前菜賣相精緻,面層的泡泡阻擋了金黃色的海膽,但一咬之下,入面完來有大蝦肉和小帶子,當下這兩個的鮮味已經蓋過了海膽味了。少量海膽的甘甜配上忌廉醬汁都是一種不錯的搭配,而且我挺喜歡撻餅,滿滿的牛油香,夠鬆脆口感,因為撻皮不脆是不行的呀。作為前菜是不錯呢。👐🏻餐湯-是日精選南瓜湯👐🏻一碗暖呼呼、金黃香濃的南瓜湯就在我面前啦,是我寵愛的好湯。亮麗飽滿的顏色、柔滑香甜的口味,從視覺到味覺,都幾滿意,所以轉左套餐會覺得幾值得嗯。厚切美國黑安格斯肉眼到啦,好香噴噴呀,但就嫌作薄薄地,如果厚返少少就好啦,口感會更加高分。切開既時候油脂會慢慢地流出,香氣四溢同時油花亦滲透於肉內,令肉質柔嫩 ,肉質結實且油脂分佈均衡,味道有濃郁牛滋味。仲有一點小配菜,又有顏色配搭,挺有心思的。BTW聽到一句說話:「贏在起跑線」。美國黑安格斯肉眼,利用精挑細選的牛肉食材入饌,可以說是贏在起跑線,再配合大廚爐火純青的廚藝就完美。▪️三文魚牛油梨薄餅 $148牛油果很紅。凡提及健康食材的話題,它必定榜上有名,見佢咁健康所以配搭一個不太膩的食材吧,就是三文魚啦🥰新鮮來到!簿餅面舖滿食材,即刻食指大動!份量比想像中大,三文魚仲好足料,每一塊切開既Pizza,都有一塊大大的三文魚,而牛油果都滿滿的溶左入Pizza之中。 夾埋d source好好食。值得一讚嘅係個餅底,薄批為底,餅底好夠脆,食落非常香脆可口。整體份量十足,富有口感。可以推介比大家。▪️扒肉腸拼盤配薯條 $158嚟到個陣有少少嚇親,因為估唔到有咁多條腸,款式總共有3款,每種腸有2條,最適合分享一齊食,但其實就覺得只吃香腸,我就一向都是比較喜歡食牛仔腸,朋友就喜歡食豬肉腸,so far味道不會太鹹太Heavy。牛仔腸肉質嫩滑,有點Juicy鐘意啖啖肉嘅你應該幾喜歡,有D薯條同Sause會冇咁Dry。成餐飯連埋+1服務費大概600幾蚊,可接受的價位!以手工西菜為主打,簡約獨特的風格,精緻的擺盤,網絡上挺高的評價,所以這間餐廳一直在我的口袋名單。在選擇琳琅滿目的香港,有心機的餐廳都是會再來的。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-13
84 瀏覽
觀塘工廈餐廳一直都聞如其名,一定要有人介紹先知道原來柳暗花明。APM,下午茶完結就打算今晚晚餐,同友人經過大廈,佢提意呢邊工廈好多餐廳可以試一試。今次推薦的例如私房菜格局的餐廳。佇立門店,餐牌西餐主菜等等豐富。每張台都有適當的安全距離,在這段疫情期間。餐廳依然為顧客著想。探熱之後就坐,服务生只有一位女士,熱情有禮。 環境相對安靜優雅,感覺自己係尖沙咀或者銅鑼灣而不是觀塘工業區🤣拍攝期間相機食先,呢啲擺位等等見到都開心。因為食物要環境相襯呀。我地揀左兩個主菜以及薯條。第一個上小食先,炸薯條 松露醬。薯條熱辣辣,而且好大份。服务生已經好貼心打開紙巾比我地抹手,幾高級餐廳都好。我地都係忍不住用手食喇松露醬適中不會太黏。厚切美國黑安格斯肉眼。七成擺盤滿分,有食慾。厚切究竟幾厚呢,厚度同七成的熟度是配合的剛剛好,而醬汁亦都另上在一個兜仔,又係果句,少少鹽分沾扒黎試味道,百試百靈。肉眼的肉質相當柔軟。另外套餐加48可以有虎蝦一隻或者另外餐湯甜品等等。我地就選擇虎蝦以及甜品。每人一隻有手掌4/5咁大。白酒牛油焗比目魚伴番茄沙沙。比目魚一直是友人摯愛,白肉襯返番茄少少酸甜的沙沙醬味,魚肉鮮嫩,肉質清甜。高質的美食往往最後都要甜品養眼。今次的special 推薦甜品就係呢個。伯爵茶朱古力凍餅伴雲呢拿雪糕。擺盤又吸引相機一陣。凍餅好襯它的賣相。朱古力亦不會太甜,應該咖啡味就剛剛好。服務生每次在我地食完每一道餸立即更換餐蝶。當時其實人不少,依然認真西餐的服务。呢個水準埋單足夠物美價廉。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-05
152 瀏覽
老公這附近返工,常常都有好介紹,阿女這陣子返半晝,我俩好多時間可以出動shopping行街,食完lunch購物一個下午 就可以同老公一齊返屋企。老公果然冇介紹錯,店內環境好舒服,也很有情調,天花上吊燈亦好有心思。午餐前菜可以揀田園沙律或廚師餐湯,仲有甜品送。南瓜忌廉湯~又香又甜又滑,配合長長餅乾條,美妙田園沙律~使用黑醋,這個天氣食好醒胃。廚師刨入大量芝士,增添沙律味道層次感。黑松露野菌意大利飯~不要小看這隻飛碟,當中的意大利飯充滿香濃芝士及忌廉,吃到一半已經好滿足。扒紐西蘭黑安格斯肉眼(紅酒燒汁)~七成熟,切開微微粉紅色,肉質口感一流。好欣賞廚師繪畫這幅動人的碟上畫,配合蔬菜擺放位置,讓不少女士們都拎手機出嚟打打卡。荔枝草莓綠茶~樣子可愛,不算甜,草莓味,酸酸地,仲有粒今年好當造的荔枝,清甜可口。檸檬茶~不過不失,大大塊四件檸檬,絕不吝嗇。芒果慕絲蛋糕~驚喜甜品出場,畫面好靚,唔捨得食啦,好靚,件蛋糕味道都不錯呢。大家記得於大街望入工廠大廈,一定搵到 入𨋢位。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-30
268 瀏覽
很久前到過冠力工業大廈晚膳,印象中搭電梯前要先到管理處登記身份證,如今依然未變。今次去的工廈餐廳是i kitchen,舖面不大,但仍然有花心思於裝修上。餐牌上的主菜加58元可轉為套餐,包括頭盤、忌廉海鮮撻、廚師餐湯及是日甜品。雜菌蓉湯第一道菜雜菌蓉湯就已經擺設得很美,菌湯用菇菌打碎,再加忌廉煮成。雜菌蓉湯入口順滑,菇菌味道香濃。忌廉海鮮撻海鮮撻上面有一層泡沫,帶點甜酸味,中和了下層忌廉的厚重感。撻皮口感酥脆,弄碎後混上忌廉及蝦隻,香甜味美。厚切美國黑安格斯肉眼安格斯肉眼厚身略帶肥膏,肉質口感柔嫩多汁,香氣十足。肉眼旁的伴碟很別緻,視覺效果很佳。輕煎北海道刺身帶子 黑松露意大利飯意大利飯飯芯能夠做到有一點硬,即使配上芝士碎及黑松露,亦不會覺得很滯。刺身級帶子有三隻之多,肉質亦算滑溜。芒果梳打餐茶可以免費選擇特飲,是日特飲為芒果梳打。芒果梳打顏色橙橙黃黃,很有夏日氣息,味道酸酸甜甜,很清新解渴。是日甜品此甜品畫得很美,慕絲蛋糕味道酸酸甜甜,上面的石頭朱古力好看又好食。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-22
544 瀏覽
去開APM行街,想試吓一啲連鎖店以外嘅選擇,喺OpenRice搜尋之後,發現有一間就喺APM後面巧明街嘅i kitchen,只是5分鐘路程,睇相食物幾靚,決定去試吓每張枱上面都有蠟燭台,加添浪漫氣氛燒日本水飼豬豚腩肉 $148日本水飼豬有專人飼養,隻隻都食好住好,又有充足嘅活動空間,有豬味得嚟,肉質一般都比較清爽。擺碟就像一個藝術品,配上蜜糖芥末醬嘅豬腩肉,帶一點甜,帶一點微辛,但恰到好處地中和了豬腩肉的脂肪感皮層,脂肪層同肉層,層次分明,每一口都充滿肉汁,切開後肉質仍然保留一絲絲,肉質清爽結實芝士海膽醬焗龍蝦伴龍蝦汁天使麵 $170用上濃香芝士混和海膽烤焗而成嘅龍蝦,味道更加層次分明,芝士同海膽昇華咗龍蝦嘅鮮甜,廚師控制嘅火候恰到好處,肉質保持結實彈牙海膽忌廉海鮮撻每道主菜加$58,就可以加配呢個前菜,仲有餐湯,一杯飲品同埋甜品,非常抵食海膽同忌廉打成泡沫,混合咗鮮甜嘅帶子同埋彈牙嘅大蝦,最驚喜嘅反而係個撻底,有好濃好濃嘅牛油香味,非常鬆化伴碟仲有加咗沙律醋嘅沙律菜,開胃之選大蒜薯仔湯薯仔湯打得好幼細,入口感覺係順滑嘅。輕輕嘅大蒜香,配上平實而淡淡甜嘅薯仔,味道上有層次是日甜品又係另一個藝術品,擺碟靚都唔捨得食,抹茶配紅豆味道嘅蛋糕,永遠係最夾嘅甜品拍檔擺設嘅細緻,用上石頭似的朱古力,營造出一個大自然嘅感覺。喺觀塘能夠搵到一間如此用心製作食物嘅西餐廳,實在難得,係休閒嘅環境裏邊好好咁享受晚餐,絕對係放工之後嘅一大樂事 繼續閱讀
(以上食評乃用戶個人意見 , 並不代表OpenRice之觀點。)