52
14
5
開飯介紹
品牌創立於2015年，集合肉店、雜貨店和英式餐飲三個元素，主張引入農場直送的優質食材，更供應不含激素、抗生素和生長刺激劑的肉類。
繼續閱讀
營業時間
今日營業
07:00 - 22:00
星期一至五
07:00 - 22:00
星期六至日
08:00 - 22:00
公眾假期
08:00 - 22:00
以上資料只供參考, 請與餐廳確認詳情
有關獎賞計劃
食家推介
Feather & Bone 個概念感覺係有啲似西貢海鮮檔咁 lol，你可以即刻自己揀款買料，然後店面可以幫你做來料加工 （所以有堂食同買食材兩款唔同嘅價錢）食物方面自己揀得嘅，塊扒靚就點整都唔會太差。牛柳嫩，dry aged 扒都唔貴🥩而亮點係啲芝士都好好食~7點前Happy hour 買一送一，係幾抵飲~🍷🍻🥂========我是分隔線========要批評嘛，就係個服務真心好唔up to standard （除咗門口個帶位香港男係好 cheerful 之外）。平時去唔同嘅舖頭都好少見啲賓籍員工係會咁樣西曬面（迎合返西營盤個名？），我哋星期五夜晚去就見識到曬啦。問佢哋嘢就不太 friendly啦，叫佢哋 recommend 食物都係好吝嗇回應咁半直接地幫你揀完就算。（唔係要追求 fine dining 咁話你逐款介紹返，但都係想聽下你哋舖頭有咩係 signature 嘅嘢食推薦囉）然後，漏單嚴重得很。我哋叫咗兩支酒，支嚟嘅時候變咗做杯，然後啤酒追咗幾次先嚟。食物，牛扒嘅 sauce 唔嚟，side dish 唔嚟。要埋單時 check 單再 cancel。明白可能星期五晚市係特別忙啲員工做到踢曬腳嘅，但比咗一人六百蚊換嚟得啖笑一肚氣，會唔會再嚟就不好説 （買返屋企己煎應該會開心啲）
繼續閱讀
踏入西營盤這家餐館，內里環境頗有格調，簡簡單單，不過吃食就一啲唔簡單! 🍔 Grass fed beef burger 食落去就知滑溜溜嘅牛肉唔只新鮮，更係肉汁四溢，好入味！🤤 那片麥香四溢嘅麵包恰到好處地襯托出牛肉嘅鮮味，咬落去有一種層次分明嘅口感。雖然脆口的薯條有少少油，但係薯條嘅香口和醬瓜嘅爽脆完美演繹，盡顯西式家常風味。中間再試吓Steak Sandwich，🥪 牛扒夾心，口感嫩滑得嚟，真係咩嚼都唔覺厭，不過麵包偏乾，搭埋菠菜和truffle mayo真係香濃，薯片又脆又香，繼續挑戰我呢個吃貨嘅味蕾。而飲品嚟講，Flat white 嘅拉花有啲心不在焉，幸好香郁嘅咖啡味碌住不足，適合喺輕鬆午後慢慢品嘗。總體嚟講，這家餐廳提供嘅都係紮實可口嘅西式家常菜，平凡中帶點特色，非常適合同三五知己聚一聚，邊吃邊傾吓計。下次還要嚟嘗吓其他菜式，希望都一樣滿意！
繼續閱讀
朋友話餐廳現時做緊「T- Bone Tuesday」優惠，食客逢星期二可以於午餐或晚餐時段，以堂食半價價錢享用優質澳洲草飼T-骨牛排。於是我哋約埋一齊去食T-bone餐廳環境寬敞，好有外國feel，給人感覺好free，侍者有中有西，操双語，老闆係澳洲人。呢度特色係好似超市買牛扒一樣，有堂食亦可零售買走。朋友一早定咗三位，侍者帶我哋入座，然後我哋去肉類櫃檯前挑選心水T-骨牛排，由駐場專業廚師烹調，熟度我哋就揀medium rare。呢度特色係所有肉類都按重量去計算。另外，我哋叫咗一個纯橄欖油同檸檬汁伴的沙律作前菜，非常清新大大份T-bone足夠三個人分享，五成熟啱啱好，牛肉味濃，肉質鲜嫩，非常好食總結： 餐廳環境舒適，牛扒質素高，員工服務質素也很好，友善及親切，星期二有半價好抵食，值得推薦。
繼續閱讀
服務態度非常好👍🏻超級值得一讚！Waitress 介紹左食$400幾嗰set套餐，兩個人極肚餓都食唔哂！但真心啲食物極高質！而套餐每次都係唔同款式，每次都會有唔同驚喜！最尾個甜品真係不得了！一試難忘！超級勁好食！！！！
繼續閱讀
約咗朋友喺附近食飯，但早咗到，見到呢間餐廳有Happy hour，於是入嚟坐吓先。呢間餐廳既另一邊的一個迷你超市，可以即時買肉，但今次我就剩係叫咗酒。一坐低，男店員已經好熱情咁同我介紹Happy hour offer，又主動問我想坐邊。我答佢想坐窗邊，貪佢可以望街，景觀相對開揚。佢7點前都有Happy Hour，酒精飲品買一送一，價錢正常，圍返每杯大約$50左右，同價錢可以轉款。我就揀咗法國白酒先，之後就轉咗做南非白酒($88)，野飲飲咗一半，店員俾咗個咖哩爆谷我，唔知係唔係本身包，但係送酒有D野食吓就再開心D。總結嚟講，環境一流、服務殷勤，特別想讚吓位男店員，非常主動積極，一定會再次回訪！
繼續閱讀