311
23
17
港鐵元朗站 H 出口, 步行約10分鐘 繼續閱讀
電話號碼
27883339
開飯介紹
餐廳裝修簡約清新,天花上懸掛多束乾花,營造出優雅悠閒的氣氛。餐廳提供多國菜,如泰式煎蛋肉碎飯、燒原隻美國春雞等。 繼續閱讀
附加資料
晚市最低消費每人$120(連加一)
營業時間
今日營業
08:00 - 18:00
星期一至日
08:00 - 18:00
付款方式
Visa Master AlipayHK 支付寶 現金
其他資料
網上訂座
Wi-Fi
酒精飲品
自帶酒水
切餅費
泊車
電話訂座
賞訂座積分
加一服務費
電視播放
當面支付
有關獎賞計劃
食評 (382)
等級2 2020-08-02
1 瀏覽
Darci一向無早餐檔 可能由於疫情關係 有早餐推出 08:30已經開始 入到去睇度椅子上的cushion上面有白色既跡 唔清楚咩黎 我擺佢埋一面就馬上消毒雙手 睇個餐牌 得五個餐 全部無圖 我仲記得最尾個E餐係$78的all day breakfast 我問女服務員有d咩係入面 佢答我:「咪又係果d」 我呆一呆問佢即係有邊d 佢答我「沙律菜呀蛋呀果d」我都仲係唔太清楚問佢咁有無肉架 佢話「有腸仔」問佢有無煙三文魚 佢話「我地個menu唔會重覆」 而且餐牌上寫跟餐有凍/熱飲品 我話要咖啡 佢先話「只有檸茶檸水 咖啡要跟drink menu上半價」end up我都係唔太了解到底個餐係點 但佢有d無耐性 態度很一般 對答好似機關槍咁快 同枱既朋友都聽唔到佢講咩 加上語氣平平帶點不屑 我就叫左個smoked salmon benedict 包底有烘過脆邊不錯 但三文魚太鹹 唔清楚咩原因 沙律菜唔夠爽(唔夠新鮮 有少少放太耐而出現的黃)西瓜都夠甜既 咖啡正常 餐廳音樂太大 我同同枱傾計講野有難度 其實餐廳要做早餐可以餐牌寫好d 唔好引起不必要嘅誤會 配個圖成件事會舒服好多(因為openrice還沒有早餐既menu同相) 逆市下服務態度要保持好少少 因為好多人都會因為咁而外賣算 而現時出面有開店既服務態度都比平時好好多 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-12
91 瀏覽
食過呢間餐廳幾次之前黎係因為朋友介紹 話佢環境氣氛食物都唔錯食過一次之後就愛上左喇💕呢間餐廳位置唔係鬧市但變相令佢唔會咁嘈吵餐廳佈置得好浪漫 氣氛好好 都幾適合情侶💑今次叫左個燒海鮮盤入面有煙肉洋蔥焗蠔 魚餅 釀蟹蓋 燒虎蝦係有啲泰式fusion既感覺 再叫左個熱溶芝士薯格芝士醬超多🤩 岩晒芝士控極度邪惡 不過食得多會覺得有啲鹹仲叫左個蜜糖燒豬手配燒菠蘿呢個豬手好好食 甜甜地唔會覺得好肥膩 仲有啲菠蘿 更開胃唔會話食幾啖就濟左😋係元朗難得搵到間咁高質既西餐仲要環境氣氛咁好 不過佢既店員唔多 所以都要等一段時間但對於西餐黎講 慢慢食傾下計都唔係大問題 值得推介❤️ 繼續閱讀
(以上食評乃用戶個人意見 , 並不代表OpenRice之觀點。)
等級2 2020-06-27
250 瀏覽
入到黎元朗南生圍踩完單車之後同朋友諗住搵間餐廳食下飯見到呢間西餐廳好似唔錯咁我哋就入去啦咁岩又有位唔駛等真係好興奮但係唔知係咪因為我哋做完運動有啲肚餓啦發嗰啲嘢唔係好夠食,分量好似比平時出邊餐廳食嘅少啲如果再多啲就好啦味道不過不失我都係鍾意食元朗嘅小食多啲 繼續閱讀
(以上食評乃用戶個人意見 , 並不代表OpenRice之觀點。)
今日係父親節翌日 我前兩日一早已經book好呢到同屋企人食dinner慶祝父親節其實爸爸比較鐘意食中餐但見元朗近近地有間好評如潮西餐 而用eatigo又有折就決定食呢到啦地點黎講都有少少遠 地方比較細 店員就係下午打黎再comfirm一次booking同其他detail位我同屋企人準時7點半到餐廳門口 見到都爆場 屋企人都好好奇話咁多人既心諗應該都係高質餐廳 店員就留左近門口既位置比我地再有講解menu 最低消費係每人$120野食方面就叫左個grilled seafood platter, 墨魚汁帶子risotto同西冷配雜菜飲品就叫左朱古力焦糖milkshake, mango yogurt smoothie, pineapple smoothie 同生啤🍹🍹飲品係好有誠意 好飲又唔係好甜相反野食我就覺得一般般 賣相係幾好既 但味道係一般般 個魚餅都幾好食 食完個拼盤 店員會主動幫手換碟之後上既係西冷medium 呢個就真係唔得啦首先一切已經覺得係9成熟 煮得太over 配菜就有啲奇怪 係燒粟米 最有驚喜係個risotto, 好creamy又係好食既味道 賣相好好最後減埋eatigo個50蚊 埋單total$637 話貴又唔係好貴值得一讚就係服務好好 會注意客人幾時冇水會加水 啲course唔會一次過上曬 而係會分starter 同main咁上 有機會再黎 繼續閱讀
(以上食評乃用戶個人意見 , 並不代表OpenRice之觀點。)
等級2 2020-06-13
526 瀏覽
由外睇平平無奇既餐廳,店面裝修簡單,但暗藏心思,環境比較昏暗,但係氣氛唔錯。海鮮冷盤性價比好高,生蠔隻隻新鮮肥美,冷盤海鮮種類算多,令人好滿足。另一個前菜係巴馬火腿配蜜瓜同黑醋,呢個配搭好好開胃好清新 。另外仲有一個燒海鮮拼盤,其中釀蟹殼好特別,入面好多材料,但每種材料都吸收咗蟹嘅鮮味,令到整體都好和諧。主菜叫咗個帶子墨汁意大利粉,同埋蟹肉意大利麵,兩款海鮮都好新鮮,醬汁濃稠,有淡淡的香草味,麵質同埋飯嘅質感都唔會太淋,而且擺盤都好靚,好適合打卡。仲有一道係牛扒,唔單止牛肉新鮮,連醬汁同埋配菜——薯蓉,都做得好出色,每樣野都有互相配合味道,薯蓉有陣陣黑松露香,然後牛扒就以香草簡單調味,黑椒汁就係呢一個菜嘅點綴。整體間餐廳比我嘅感覺都好舒服,食物都好睇到廚師嘅用心,係一間好高質嘅小店,值得再去食! 繼續閱讀
(以上食評乃用戶個人意見 , 並不代表OpenRice之觀點。)