Coffee Art

營業中

休息中

寶琳附近都冇咩呢啲coffee shop，好彩呢間嘅咖啡都好好飲，嘢食還可以啦！唯獨有一次食All Day Breakfast 嘅薯蓉嘅時候，一入口我都唔知自己食緊咩，因為係好酸的，酸到乸口！問店員嗰Pat係咩嚟，佢答係薯蓉，我仲問佢係咪酸忌廉薯蓉😅佢再幫我問廚房話唔係酸嘅，所以廚房俾過新嘅薯蓉我哋，我再食嗰個薯蓉係唔酸的，所以證實咗之前嗰個薯蓉係變咗🥶🥶好彩我即刻吐咗冇吞😳除此之外，其實其他嘢食都好好食個長通粉味道特別！好食😋Latte 好飲！價錢都比其他cafe平！另外有位叔叔服務好好好細心！服務態度好已經加好多分！

Order first in last out ，order大延遲，我等了45分鐘，然後得到一句：廚師新嚟。食物嘅品質都受到影響，男友order all day breakfast ，我order 牛扒。1）牛扒唔新鮮 ，翻煮咗兩次都唔熟2）all day Breakfast凍食 3）薯蓉有生水味，發臭4）店員唔識處理，只答：「處理中」5）收銀：「抱歉，我比9折你」其實，用左45只等，只係得到一句「抱歉，廚房新嚟」🥲🥲成個體驗十分差，其實我覺得佢哋直接講漏單會好啲😓

平日下午茶時段，茶餐廳食得多，想換換氣氛🌸☕️歎歎咖啡，同時有飯意粉嘅飽肚選擇。將軍澳新都城有這間coffee art。coffee art 觀塘也有分店，weekday 難得不用排隊。五花腩泡菜Risotto好惹味，豚肉略嫌脂肪比例太多，不過真係好香！咖啡在咖啡店唔少得，當然好ok! 水吧還有沏茶，啱啱見到一位常客，一邊歎茶，一邊傾如何在家也能泡到這水準🍵🫖誰想到繁忙嘅香港，在小區local 店可以有這值得向往嘅時刻。👍🏻👍🏻

聖誕節正日冇訂位，求其睇吓邊間餐廳有位就行入去，喺門口睇到呢間餐廳竟然冇特別加價，亦冇做特別嘅聖誕套餐。因為時間尚早，最後一張枱俾我哋坐咗，之後嚟嘅客人要等啦。松葉蟹鉗蟹膏意大利粉：呢個價錢，蟹鉗就唔好咁高要求，普通急凍蟹鉗，意大利粉個醬汁好好味，蟹肉忌廉汁好香。煎鹿兒島肉眼配燒菠蘿：鹿兒島肉眼超淋，煎到啱啱好熟，配菠蘿食，酸酸地即時減少咗油膩感。全日早餐：好豐富，除咗一定有的煙三文魚，豬肉腸，炒蛋，仲有一樣嘢好特別，就係椰菜花蓉。芝麻芝士蛋糕：服務非常好，侍應仲主動幫我refill熱茶

🍽Coffee ArtDeluxe All Day Breakfast基本AllDay款式～多士脆口味道唔錯🤤小編覺得炒蛋失準🫣食落唔滑同似over左🥲其他正常泰式酸辣雞肉意大利粉酸到食唔到～都算偏辣～雞肉切到碎濕濕咁🤦‍♂️正常無怪味小編唔會浪費蒜蓉牛油雞翼勁香又好味🤤其實依三種配料+食材混合埋係無得輸(除非你唔鐘意其一)😂蒜油煎炒得剛好·又唔會濃哂～整體比例平均～無Ovar蓋過其他食物👍盛惠$3xx💰💰💰💰💰好味指數🫵 5️⃣最佳🍻🍻🍻☻非專業食評·純個人口味☻🗣️仲有咩想講小編覺得唔吹單個意粉係唔知要等幾耐～上枱熱+無抹碟😅原諒小編直話直說🫣似係岩岩臨急臨忙整～先唔評論係咪漏單～但出到黎食物真心麻麻～小編認為可以係Menu度加個🌶️圖案作提示🔔或者落單時店員要提醒客人😅以免有客人投訴辣得制食唔到🫣🫣但不過個雞翼真係幾好味🤣會想試下其他同埋再會一會個雞翼🤤🤤最尾想講～杯野飲真係幾細杯～多謝大家😉

餐廳在將軍澳區多年, 今次已是第二次幫襯 食物 : Dinner Menu#D1 - 松葉蟹鉗配本菇蟹膏意大利粉 $128 ~ 是套餐, 包柚子沙律/餐湯/紅茶, 意粉味道不錯, 擺盤靚可以打卡, 柚子沙律酸酸甜甜好開胃, 餐湯味道濃郁, 伯爵紅茶是茶包沖 Main Menu#K - 煙三文魚鮮蕃茄汁意大利粉 $88 ~ 味道正常, 包苿莉綠茶 環境 : 裝修舒適, 整潔乾淨, 同朋友傾計食飯不錯 地點 : 餐廳在新都城商場一期地下, 由MTR行過來約2分鐘, 非常方便 服務 : 職員熱情有禮貌 價錢 : HK$216/2人 (無加一服務費)

聽日差唔多中午嚟到，大概有三份一嘅客人。我哋揀咗個近商場門口嘅位置坐低。個度環境好舒服，位置都好闊落，可以慢慢坐低傾偈，享受生活嘅時光😗😗。⭐️ Iced Latte $44用新鮮嘅豆沖煮，口感偏向濃郁同滑順😄😄。整杯拿鐵飲落去滑身厚實，唔會膩口。飲完一啖，就想再飲多幾啖💛💛。仲有咖啡果嘅香氣，整個體驗更加豐富同有層次，真係值得一試👍🏻👍🏻。⭐️ Affogato $44係Espresso加上雲呢嗱雪糕。飲落去冰火交融，苦甜平衡，好有風味😎😎。雲呢嗱雪糕有濃郁嘅雲呢籽味道，質地滑身又濃郁😚😚。而espresso都好香濃。一齊食落去，甜香軟滑，好好味😋😋。🍄 總括嚟講咖啡店嘅環境好舒適，店員又細心有禮貌👍🏻👍🏻。特別推薦慢慢享受美食，好好慢活一下🤠🤠。仲有其他嘅套餐可以試下，下次都想去嘗試吓😆😆。📍Coffee Art將軍澳運亨路1號新都城中心一期G樓G95-96, G113-114號舖Shop G95-96, G113-114, G/F, MCP ONE, 1 Wang Hang Road, Tseung Kwan O港鐵寶琳站 A1 出口, 步行約4分鐘

質素不合乎要求，蟹肉欠奉，其他兩個餐還可以，看完食評去，怎料徹底失望。作為負責任食客，本人經歷不太好，態度不錯，只是蟹肉餐卻沒有蟹肉，除了一小腳幾乎看不到。餐茶也極清淡無味，幸好環境好，大蝦餐幾好，燒雞也一般，希望有改善，雖然我不會再去。

寶琳無咩cafe，難得有coffee art。coffee art同佢名一樣，咖啡好有水準，見到佢仲有間玻璃房炒豆，超專業，我地都試過買佢既咖啡豆，的確係唔差。而且唔止咖啡，食物質素都唔錯，依到既burger係我同先生既favourite 😆漢堡入面既太陽蛋煎得好靚，賣相即刻加唔少分，牛肉係和牛黎，一入口充滿牛肉既香氣，切開蛋黃，蛋黃汁流到和牛上，充滿住蛋香加牛香，唸起都流口水 🤤仲有配菜薯條，好夠飽。Ice Baileys coffee係我幾乎每次必點，記得第一次飲時，真係驚為天人。咖啡甘香中，帶住濃濃既甜酒醇厚，第一次品嘗咖啡中的微醺。Mocha就係先生飲既，我無飲到就唔評論了，不過都見佢飲得好享受！

2023.02.26 dinner呢一日，係康城睇完戲，走返出去食。。。醒起呢間，點知係openrice 訂位仲要有九折優惠，就決定食呢間，坐低睇餐牌，都好似唔同咗，不過我哋上次嚟都已經係好耐之前🤪讚咗先，店員大部份都有禮👍🏼 尤其是其中一位，我哋覺得佢應該係老闆，好細心又好照顧客人感受😊👍🏼👍🏼揀咗一陣，係set dinner 到只揀到一樣，西班牙辣肉腸大蝦青醬意粉，只係$108！抵！另外散叫一個煙三文魚鮮茄汁意大利粉，散叫都有一杯免費茶，實在太好了！只係$88，都好抵食呢😃👍🏼晚餐就多咗一個湯or 沙律、再一個炸蟹肉雲吞，湯係雜菜湯，好夠熱，有少少辣，好味😋 炸蟹肉雲吞有兩粒，啱晒！我哋一人一粒，都好味😋所有食物都好夠熱！兩個意粉都好夠份量😃👍🏼 我倆都覺得煙三文魚鮮茄汁意大利粉好味啲，個茄汁整得好鮮味😋 個辣肉腸大蝦青醬意粉就好正常，淡味咗少少⋯⋯🫢

嗰日假期走到去新都城，發現開咗好多新餐廳，其中一件最值得開心的事，是開了coffee art，終於有靚咖啡飲了!❤️❤️❤️❤️由於假期，都有不少人喺門口等位置，但到好快可以入座的，喺門外已經見到入邊有好多美味的甜品，望落去都頗吸引的！最重要是他的咖啡，他的咖啡無論是摩卡、Latte，見到師傅都會非常用心製作拉花，望到杯咖啡心情都特別靚😆😆以咖啡來計，他的質素都是非常高，而且看得到是精心製作的❤️❤️❤️❤️

💛💛💛今日要等朋友收工所以搵左間cafe坐下美美呢個元朗人去到寶琳真係好迷惘😵‍💫好彩見到呢間cafe📍Coffee Art因為我係約左朋友食dinner所以就淨係嗌左小食✅炸粗薯條配黑松露醬💰$48薯條新鮮炸起 好脆好熱🍟黑松露醬有啲膩✅熱情果芝士蛋糕💰$45呢個係店員叔叔介紹比較冇咁甜嘅甜品🍰另外有芝麻同芒果荔枝咁熱情果味都幾refreshing嘅食完都唔會好滯✅Espresso Tonic💰$44☕️個tonic water甜左少少但啡味都唔差另外叔叔仲有介紹佢地個frech toast🍞佢話有成3塊大大塊好抵食 但驚我食唔哂叫我下次同朋友一齊黎食😆呢間店可能因為開喺民居 感覺好親切店員同客人有講有笑好似街坊咁🥰同埋我食少少野喺間舖度坐左兩個鐘好多謝佢地冇側目我😚😚

話說今日突然有假放，見呢間cafe咁多好評就專登搭車嚟試下。一入去已經覺得職員好有禮貌，落單後見到隔籬枱有一對老人家，唔識用QR code落單，但又好想試下自己落😂 職員好有禮貌咁教佢哋，好有耐性👍🏻 真心值得一讚Lunch menu都幾抵，最平$75，有前菜、主菜同飲品。揀咗食carbonara，有驚喜，好好食！👍🏻 仲有雖然佢叫lunch menu，但其實serve到6pm 😂 不過2:30pm開始有下午茶就仲平環境好舒服，有機會一定會再嚟😗

平時見寶琳好似無咩野食咁 但原來新都地中心入面有間ℂ𝕒𝕗𝕖裝修都幾靚 同埋都幾多人幫襯(⁎⁍̴̛ᴗ⁍̴̛⁎)美國極黑和牛芝士漢堡 配炸薯角 ($138)極推薦 呢個真係必點❗️首先佢個賣相已經極吸引 同menu係完全一樣 仲要好足料 burger除咗有蛋、芝士、和牛、洋蔥 仲有煙肉🥓一啖係完全咬唔到個包🤣沙律落咗柚子醬 甜甜地都幾特別 薯角岩岩炸好熱辣辣脆卜卜好好食 都幾有薯味🥔對比起薯條 我覺得佢地啲薯角仲好味🥰講返個burger先 無諗過佢個蛋真係流心 令到成個burger都充滿着蛋汁好正啊真係🍳另外佢塊和牛係厚厚一塊 肉質嫩滑之餘亦好有牛味 煎到都幾香口 仲好juicy🤤連埋啲洋蔥同菜 口感真係一流💛佢連個包都係外脆內軟 個人覺得煎香咗嘅包真係好加分🥺🥺會想再黎食🥺蟹肉/蟹柳/帆立貝藍芝士忌廉汁手捲粉 ($128)賣相都幾吸引 但就唔太食到蟹肉同藍芝士 同埋手捲粉都偏硬 店員就提醒我地佢地嘅手捲粉本身係偏硬身少少 如果唔想咁硬下次order個陣可以講聲(˶‾᷄ ⁻̫ ‾᷅˵)泰式酸辣雞肉意大利粉 ($88)味道不過不失 有啲甜甜地同辣辣地 擺盤有啲糖係側面俾你點😂覺得味道有啲偏辣 唔算特別推薦～

Weekend 好多時經過這店，都會見到好多客人，所以我會選擇5-6pm來吃個late tea，人較少，環境較寧靜，坐得較舒服。喜歡這裡的Tea Set 是每天供應（14:30-18:00），還提供 Mini All Day Breakfast 呢！ Mini All Day Breakfast 本身有牛奶滑蛋，Sourdough 及雜菜沙律，另有四款配料可選擇，分別是煙肉，英式豬肉腸，香草蘑菇或價錢貴些小的煙三文魚。我不喜歡煙肉，腸仔，通常都選擇香草蘑菇。蛋滑，蘑菇味道一般，沙律菜新鮮爽脆，配上柚子汁甜甜的都幾特別，sourdough已塗上了牛油，有時脆，有時煙靱。$52 （煙三文魚要$60）包一杯熱紅茶或綠茶。如要冷泡紅茶或綠茶就加$10。想轉其他飲品就享有減$10優惠。我通常會叫熱朱古力，這裡用比利時70%朱古力（無糖），甜度適中，味道不錯😋。Tea Set 我也試過香煎雞扒配焦糖菠蘿九層塔，牛角包窩夫。雞扒煎得不會乾，菠蘿碎粒酸甜適中，牛角包窩夫鬆脆，幾好。侍應哥哥建議每樣少少一起吃，我就乖乖試一下😊，一口裡面有不同味道，不同口感，都不錯。略嫌沙律菜太少。Belgium Cho