276
30
25
電話號碼
21165128
開飯介紹
2017年首奪米芝蓮車胎人推介的意大利菜餐廳，由米芝蓮三星大廚Bombana擔任總廚顧問，主打家庭式Pizza、自家製手工意粉、麵包同甜品等等。
繼續閱讀
營業時間
今日營業
11:30 - 22:00
星期一至日
11:30 - 22:00
*最後落單時間: 21:00
以上資料只供參考, 請與餐廳確認詳情
有關獎賞計劃
食家推介
相關文章
之前有一日去咗太古城，揀咗好耐都揀唔到間餐廳，就決定試吓呢間意式餐廳。入到去個 vibe 都唔錯，有個大螢幕展示意大利各處嘅風土人情，燈光就偏暗，侍應服務態度都幾好，招呼都幾周到。因為我另一半食量唔多，所以就淨係嗌咗三樣嘢，分別係八爪魚沙律，一份比目魚 risotto，同埋一份法國春雞。一開始以為未必會夠飽，諗住可能要加嘢食或者叫甜品，結果其實都幾飽肚，因為個 risotto 芝士味都幾重，所以有啲飽肚。份春雞同八爪魚沙律個味道都相當唔錯，尤其係個八爪魚沙律，既好味又清新。三份嘢加埋大概$800鬆啲，我覺得都幾物有所值。
繼續閱讀
🌹我們家做冬，只有4人，近近地在屋企附近搵間不失禮的餐廳，揀了意大利🇮🇹菜的《CIAK》，經常路過不知道是什麼餐廳，今次做功課後知道啦！🌹最便利是在Openrice 可以一次過搵食店及訂位。由於我們吃早飯，到達時沒有其他客人。餐廳沒有特別的裝修，整齊乾淨，適合家人聚餐。因為留肚位置吃🎂，點了3個主食🍴BBQ PORK PIZZA$200豐富的Topping，底餅香脆，份量大LINGUINE LOBSTER$320龍蝦肉彈，汁液濃厚HALIBUT RISOTTO $270魚香口，飯味濃整體用餐體驗：食物做得不錯，環境一般，欠缺打卡位，服務一般。
繼續閱讀
好耐以前有食過一次之前係食佢嘅pizza 新鮮出爐真係好好食㗎😋事隔四年再食過今次食意粉，相對地係有少少失望因為價錢唔平，我對個食物質素會有expectation…今次帶咗帶子意大利粉帶子其實煎得幾香口，唯獨個粉太乾身，食落乾爭爭同埋冇咩味不過其他嘢食係幾好食嘅例如佢個Hokkaido Scallops Tartare都好好食㗎，不過冇影到相😂😂
繼續閱讀
餐廳環境寬敞，播放柔和既歌曲，微昏暗既燈光同木製傢具令人彷彿置身係意大利當中。待應熱情主動，態度良好，會係點餐後主動為客人送上自家焗製既餐包，熱辣辣又重麥香，仲可以無限refill！🍕2 Gusti揀左Norcina 自家製豬肉腸仔拼蘑菇芝士同Prosciutto and Formaggi 四種意大利芝士配風乾火腿。Pizza即叫即焗，有𡁻勁，底餅香脆，豬肉腸比想像中易入口，蘑菇分佈平衡，估唔到腸仔同蘑都幾夾！😋而另一半就係四種芝士互相牽連，加上巴馬火腿既鹹香，啖啖都好似去咗歐洲咁😂🍝Spaghetti Scallops微微煎至焦香既帶子配上自家製既煙靭意粉🥰，呢個經典組合十拿九穩，仲有唔少貝柱同青瓜粒🥒作為配料，夠晒誠意！香蒜同辣椒豐富左意粉既口感，建議食之前先撈勻，確保每一啖都有汁先無咁單調！😌🍝Linguine with Boston Lobster一上檯龍蝦既鮮味已經彌漫係空氣中，波士頓龍蝦彈牙鮮甜，足足有半隻咁多🦞扁意粉淋上濃郁龍蝦汁同橙黃色蝦膏，所有既精華都被意粉吸收晒，令人忍唔住一啖接一啖。🥰🥩M5 Wagyu Sirloin Steak厚切炭燒和牛西冷，配以薯菜同自家製既芥末醬。西冷上檯時非常粉嫩，五成熟岩岩好，多汁兼且肉味濃，厚切上岩晒食肉獸既我哋🍖旁邊仲有一舊炆牛面頰肉，極之重牛味！🤍Tiramisu呢到意大利餐廳又點可以錯過tiramisu呢☺️杯既最底層有甘香既咖啡凍，中間有好多既mascarpone cheese同鬆軟既海綿蛋糕，最上面就有可可粉同朱古力脆粒，仲有一球咖啡味雪糕，畫面多元化又好食！🥰📍CIAK - All Day Italian太古太古城道18號太古城中心2樓265號舖
繼續閱讀
呢間餐廳中環同太古都有分店，今次揀咗比較近太古分店去試吓☺️餐廳嘅環境都好舒適同埋放鬆，係一個適合聚會同埋約會嘅地方。餐廳嘅音樂唔會太吵鬧，令人可以好好地享受食物。😋前菜叫咗蟹肉沙律🥗蟹肉份量好多，再加埋底下嘅沙律菜，配搭好新鮮，開胃。😛主菜叫咗兩個，龍蝦意粉同埋海鮮pizza🍽️首先，佢哋嘅龍蝦好新鮮，質感好彈牙，肉質又鮮美。意粉有咬口，醬汁又好濃郁，龍蝦汁配意粉就係一絕！啲龍蝦膏混合埋番嚟，啲意粉都吸晒啲汁，每一啖都係好濃郁嘅龍蝦味🤤🤤意粉份量都好夠，比較可惜嘅係龍蝦得半隻🙈Pizza 係海鮮青醬味，個餅底好鬆軟同埋有嚼勁，配上啲青醬同埋芝士，味道好香濃😍啲青醬好特別，味道帶啲草本香氣同埋清新嘅味道，令Pizza味道唔會太重，味道更加平衡😙整體而言，食物質素非常高，餐廳氣氛都好適合情侶約會或者朋友聚會☺️
繼續閱讀