109
13
7
營業時間
*最後點菜時間：18:30
星期一至日
11:00 - 19:00
以上資料只供參考, 請與餐廳確認詳情
食家推介
🍝青檸汁蒜香雞肉意粉 冇諗到係白汁，仲要好多汁，本來以為只有青檸和蒜味，想像係清新嘅感覺。不過食落有陣陣青檸味，都解到膩，而且蒜味十分強勁，中和到白汁嘅油膩感，不過不太愛蒜嘅朋友會接受唔到。旁邊有沙律菜，補充下啲纖維。份量算多，中午食完，到晚餐都未覺餓。🍛經典法式紅酒燴牛肋條飯 飯有點硬，撈汁食尚可。紅酒汁有啲蕃茄嘅酸味，好醒胃。牛肋條都幾淋，大大舊有咬口。飲品揀左☕熱檸茶，🍵熱薄荷茶。好少餐廳有薄荷茶飲，好清新，好舒服。尤其是食到咁飽，天氣又咁熱，飲番杯熱薄荷茶反而覺得涼浸浸😌
繼續閱讀
啱啱喺附近做完嘢，就系附近九龍灣EMax同朋友食lunch，入面都幾多位置，有分普通進食區 同類似Party Room(玩樂的小角落)見有位就入去食我哋叫咗兩個午餐套餐紐西蘭西冷牛扒配薯條，揀咗medium Rare，個牛扒份量好大份，肉質鮮嫩，好juicy，薯條份量十足，炸得好脆，午餐嚟講都好夠飽美國雞肉忌廉牛油果醬意粉意粉份量都好多，忌廉牛油果醬好creamy，有好多牛油果粒，好有口感，雞肉份量都多夠足料今次仲加咗$28叫埋午餐套餐嘅甜品荔枝玫瑰芝士餅紐約芝士餅兩款cheese cake都好好食，荔枝玫瑰好特別，食落有陣陣花香味，好fresh咖啡就叫咗鮮奶咖啡同榛子咖啡，都不錯👍🏼
繼續閱讀
去emax睇展覽，睇完肚餓揾下有咩食，見呢間餐廳有位就入左去食啦🤓🍅🐷鮮茄湯脆米泡飯配炸豬扒Deep fried pork chop with crispy rice in tomato soup鮮茄湯同個飯、豬扒同脆米係分開兩碗放，食之前唔怕啲湯已經浸到佢哋淋晒👍🏻個豬扒都好大塊，大過個紙碗🙉炸到好脆口。不過如果唔洗自己切就更好。個鮮茄湯都好重蕃茄味，同啲飯食一流🤓啲脆米亦令個泡飯多一重口感，唔錯。價錢又唔算好貴，食完都幾開心🥳
繼續閱讀
今日係比較特別既日子，點解會黎9展食野呢，因為今日有我鍾意既韓團搞見面會，咁未開始前就梗係要食野醫肚先啦，9展呢度都有唔少餐廳，由於我今日想食漢堡，見到呢間有就入黎試試啦。餐廳環境都好開揚，出面都睇晒成個店面，位置都有十幾張枱都唔少，落單都似快餐點形式，門口落完單就坐底等叫號，除左漢堡之外仲有意粉同飯類，不過選擇就唔多每樣主食都係幾款。美式洋蔥圈牛肉漢堡落單等左10分鐘左右就有了，餐具配料都係自助，快餐店形式，講返食物，漢堡黎講都幾大個，包黎講烘得都算幾香，洋蔥圈就比較差d，炸過頭唔係咁靚，牛肉都係來貨野唔係手打牛肉，勝在食落唔會好粉，都仲有d肉味同肉既口感，好過某連鎖店快餐店，配料月d沙律菜同蕃茄，都算新鮮爽脆，醬汁就有d沙律醬溝燒烤醬，幾豐富，漢堡黎講就叫不過不失，勝在夠大個。薯條方面就用波浪薯條，份量好多，炸得都岩岩好，新鮮炸外脆內軟，都有薯味，呢個餐份量好足我都食剩左幾條薯條。飲品方面叫凍檸茶，凍飲加3蚊，凍檸茶唔記得叫小甜，但飲落都唔甜，比較淡茶味都唔突出，麻麻地。整體黎講呢個餐質素就一般d，但份量好足，價錢就算中規中矩啦，有野去開9展既話順便食一餐都還可以，食飽飽就等夠鍾睇偶像啦。
繼續閱讀
又係星期六日要帶仔出去放電嘅日子，因為天氣麻麻，放棄咗去露天嘅兒童遊樂場玩，決定去室內九龍灣E-max，因為有間大嘅歡樂天地同埋有吹氣彈床玩😍😍😍去到搵地方先食野，行過二樓都有好幾間食肆，另外中間有啲位係common area咁，有啲似food Court形式，不過就略嚴比較暗同焗。行過呢間店有自家座位，比較光猛，都有唔少食客，檯面野食好似都幾靚同吸引。睇睇menu啱唔啱口味先阿仔呢排都算乖，又肯自己主動食飯，今日獎勵吓佢食少少薯條同漢堡包喇。叫咗最穩陣嘅選擇和牛漢堡配薯條。跟餐已經包咗熱飲，如果凍飲就要加$3。跟餐嘅野飲選擇唔多，都係大路嘅飲品。特飲就要半價換購。終於等到喇，佢出餐都要啲時間。等到叫咗號碼就要自己去返bar檯自取，如果單拖帶阿仔黎呢樣野就唔係太方便，好彩今日三人出動，所以就唔太大影響😌佢用嘅係木盤，另外手柄度印咗佢嘅店名。有呢啲details位，唔錯唔錯，加分加分。漢堡入邊嘅沙律菜配料都算多，醬汁係蛋黃沙律醬，味道幾好呀。可惜今次漢堡同薯條都係啱啱微暖嘅狀態，如果再熱啲會更好。凍咖啡😍😍個餐$73加野飲$3，呢個價錢對比外邊算係相宜，漢堡包足料，又有薯條同沙律做配菜，外形賣相吸引，餐具擺盤又精美。原來仲有飯同意粉，價錢都算合理。睇返啲意粉都幾吸引，同埋唔係好常會見到意式青醬意粉。下次帶仔過嚟玩，應該都會再食呢間，到時試吓佢啲意粉先得🥰
繼續閱讀