0
3
0
電話號碼
65572833
營業時間
今日營業
08:30 - 16:30
星期一至五
08:30 - 16:30
星期六
08:30 - 13:30
星期日
全日休息
以上資料只供參考, 請與餐廳確認詳情
同事Last day就約左呢間cafe到食飯，聚一聚，已經一早book好位，order定野食，驚唔夠時間，點知🤦🏼，都真係唔夠時間，如果要食建議要預1.5-2個鐘lunch先好去食。Creamy Beef Linguine $88的的確確，慢工出細貨，呢個意粉🍝足足等左成個鐘，但味道的確唔錯，好creamy ，意粉有彈性咬口，牛肉煮到岩岩好，肉質爽唔「鞋」，如果唔洗等成個鐘，我諗我應該會 encore 。
繼續閱讀
若非真心覺得好的，我會推介。1132 Food Studio的特别，就是樸實不華、就是用心制作、就是對味道的執著。欣賞制作者把每碟出品的味道及賣相認真處理，每碟都是獨特的藝術品。無論是招牌菜的全日早餐及按時更替的意粉，味道濃淡適中、食材新鲜、温度恰到水處，意粉的軟硬度更是掌握得精準。只要想要吃一個使人身心舒暢，元氣恢復的午餐，1132 Food Studio 就是首選
繼續閱讀
唔洗去，作為餐廳基本禮貌完全無，甚至依頭應承客人既野到最後不了了之。食物質素亦沒有特別，餐廳完全無特色可言根本附近有更多更好選擇。餐廳老闆自己諗下衰咩啦 講太多都係無用架啦
繼續閱讀
Lunch 時間經過呢頭，朋友帶左我黎呢間食，呢間餐廳響工廠大廈，入面有幾張4人枱，主要食客都係附近嘅打工仔，我地1點鐘黎到，有幾張吉枱，唔使等位就入得。午市餐牌主要有all day breakfast 同意粉，我就order 左個「香草雞肉青醬意粉」，$73 送埋野飲都算係咁。食物上得好快，等左大約5分鐘就有得食，份量同賣相都唔錯，有磨菇同洋蔥，雞肉幾滑, 青醬份量適中，均勻咁響每條意粉上面，唔會太乾或者太油，味道亦唔錯，亦都食到basil 味，但可以強啲，同埋考慮加入松子仁。總括黎講唔錯，抵食過好多工廈餐廳。
繼續閱讀
又約到大文豪，又要試新嘢啦。33度由牛頭角站行去呢度，再一次挑戰人類極限！呢度座位唔算多，嚴格嚟講冇乜裝修，不過總算坐得舒服。熱得咁緊要，梗係要坐喺冷氣下面嘅吧檯啦！張吧檯幾得意，係木紋面，影相都唔錯食物飲品種類唔算多，早餐就有3款（＄28至＄68），lunch有4款（＄68）凍咖啡冇咖啡味，純粹叉電用(淨係要佢嘅咖啡因，唔係真係飲咖啡)，不過應該咖啡因都甚少；唔係落鮮奶，係用花奶，比較失望；如果呢度係想走cafe路線，咁杯咖啡就要再俾啲心機，睇嚟晏晝大文豪都要再飲多杯喇磨菇炒蛋多士 ($28)我以為會係炒蛋入面有磨菇，但原來只係一塊多士，上面放炒蛋，最頂係磨菇，旁邊有沙律菜一塊及半粒車厘茄；多士唔係叫多士，因為烘得唔夠，一手拎起塊多士之後會覺得佢好軟，完全承托唔到磨菇及炒蛋，跌到成隻碟都係，唔容易食；炒蛋商算香滑，不過冇味，落少少鹽會更好；磨菇直頭有鮮味，雖然有少少橙食嘅調味，不過落得唔勻，得一兩片磨菇有調味，整體味道唔夠，鍾意非常非常淡味嘅朋友應該會覺得OK韓.潮麵 配小食即係清湯扁麵，加芝士、豆腐、泡菜、年糕、紫菜、椰菜及豬肉；湯底好似平平無奇味道欠奉咁樣，看似好伏，又話係招牌菜嘅？感覺好似係將所有餸放埋一碗咁樣。大文豪鼓起勇氣撈勻再試試，又唔係咁伏喎！原來豬肉、泡菜、年糕及豆腐等配料非常入味，撈埋啲麵一齊食，終於明白點解湯底冇味喇，否則就會蓋過晒其他配料嘅味道喇；旁邊嘅炸物又炸得唔錯，唔算好油膩，脆口而且入面嘅豬肉都幾入味食物不過不失，環境還可以，不過油煙味頗勁，應該唔會再試了
繼續閱讀