345
23
11
營業時間
今日營業
11:00 - 22:45
星期一至日
11:00 - 22:45
以上資料只供參考, 請與餐廳確認詳情
食家推介
今日和朋友去了旺角, 太子果邊行街, 剛好見到這間餃子店好似幾好食, 便決定進去吃晚餐.非常多不同款式的餃子.龍鳳松茸雙湯餃 ($92):有黑松露和白松露, 兩種都好香, 食到果種淡淡的松露香味.而豬肉餡料都好夠juicy, 多汁又好食, 不錯.另外不得不說的是這個湯餃跟的 "狀元九鼎湯",真的好好飲.原先吃那麼多餃子, 也是有點擔心會溜, 但吃完一隻餃子再喝一口湯, 真的完全不會覺得溜.個湯好清甜, 完全冇味精味, 亦都同餃子係好夾.最後我是真的飲光成碗湯, 好好飲.至尊松茸豬肉湯餃($80):同龍鳳松茸雙湯餃個味有點像, 主要分別是龍鳳松茸雙湯餃是有黑松露味, 而至尊松茸豬肉湯餃沒放黑松露, 就比較食到果種純粹的豬肉香味, 但兩款都一樣好好食, d餡料好足, 好飽滿.這一款湯餃都是跟"狀元九鼎湯", 一樣是好夾同好好飲.飲品: 蜂蜜檸檬薏米水 ($20)蜂蜜甜甜地, 檸檬又幾清新, 薏米水有去濕排毒的功效, 真的好飲又有益.香煎軟心芝士餃 ($69):芝士真的好邪惡, 好香口, 又幾好食, 芝士味好香濃.
繼續閱讀
不嬲都好中意食餃子，呢間餃子舖有齊湯餃同煎餃，又有麵同小食，想食多啲都有得揀🤣今次約咗朋友食呢間餃子，估唔到咁多人食，去到都等咗一陣先有位，不過食完覺得完全係值得嘅🤩1️⃣ 四川涼麵🌶喺涼麵同埋涼皮之間最終都係揀咗涼麵🤣 有啲蔥花同埋肉碎喺面，仲有一兜仔嘅麻醬，本身仲疑惑緊話明四川嘢，點解望落去好似唔係好辣🫣 點知食落去先知有啲料到，好過癮🤭2️⃣ 龍鳳松茸雙湯餃🍄可以講係鎮店之寶🤫 松茸真係菌中之王，入面有蛋白質、氨基酸、纖維素… 而我呢個係有黑松茸同白松茸，瞬間覺得食個餃子都真係好高級🤪另外因為揀咗要湯餃，所以仲有個狀元九鼎湯，呢個湯飲落好清甜，ᴊᴇɴɢ😍3️⃣ 黃金原味皮蛋🥚第一次食金黃色嘅皮蛋，不過呢個就係唔辣嘅，同平時食開黑色嘅皮蛋都唔會太大差別😌4️⃣ 雙拼煎餃子🥟每隻餃子都想試吓嘅我就揀咗雙拼嘅煎餃，分別就係雲耳椰菜豬肉餃拼粟米豬肉餃😛 呢兩款餃子包到勁脹卜卜好多料😎雲耳椰菜豬肉餃有雲耳喺入邊所以食落索索聲🤪而粟米豬肉餃就令到餃子好香甜👍🏻 每款餃子都好有特色，不過下次最想食嘅一定係芝士軟心餃子，因為好吸引🤤5️⃣ 自家製山楂雪梨水🍐自家製嘅飲品感覺上好健康，山楂加埋雪梨，酸酸甜甜好開胃😚6️⃣ 檸檬蜂蜜薏米水🍋朋友話呢排見有啲水腫咁啱呢度有薏米水😎 加咗蜂蜜所以即使有檸檬都唔會好酸，冬天飲都幾啱㗎🤞🏻
繼續閱讀
#fafafoodblog粉麵 #fafafoodblog太子🍴煎龍鳳松茸雙煎餃 8 隻98 蚊🥟黑同白松松個味都好出 煎餃夠香脆 點 d辣醬同菜莆都好味🍴雲吞湯麵 50 蚊12 隻🍲湯底小辣都好夠麻辣香同惹味 雲吞有10 粒 好爽口彈牙 蝦都新鮮 個湯麵比較爽口 盡吸辣汁 正🍴黃金原味皮蛋 28 蚊🥚皮蛋好夠蛋香 麻辣汁入味 🍴葱味酸辣雲耳 25 蚊🌶️雲耳夠爽口 麻辣味香 🍴蜂蜜檸檬薏米水 28 蚊#皮蛋 #雲吞 #湯麵 #煎餃 #雲耳 #松茸 Score 平均分< 7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#餃掂手工餃子雲吞專門店旺角荔枝角道1 號嘉業大廈地下 e鋪~~~~~~~~~~~~#fafafoodblog #為食花太郎 #fafafoodblog旺角 ====================
繼續閱讀
今日同朋友去咗間餃子店我地揀咗幾款招牌菜，真係幾唔錯。 至尊松茸豬肉煎餃餃子皮金黃脆口，內裡豬肉同松茸嘅組合好鮮美，菇味清清地，唔會太濃郁。仲會送一碗佢哋自家製嘅湯，清清甜甜，配合食餃子好解熱氣。芫荽豬肉餃 推介❤️❤️芫荽嘅清香同豬肉嘅鮮味配合得好好。芫荽愛好者一定鐘意。 餃子皮好薄，而且餡料好大舊。芫荽味好重，個人非常喜歡！ 佢嗰邊嘅辣椒油，唔算好辣，但係非常香。 唔食得辣都可以試吓，好惹味！ 另外有一個豆豉醬，配合餃子食原來又幾特別！ 四川涼麵清爽爽，酸酸辣辣，上邊有麻醬提供。撈埋一齊食又有花生粒，好有口感。 而且唔會好辣。店家嘅自家制山楂雪梨水都好好飲，唔會太甜，清涼解渴。麻辣松花皮蛋同野味酸辣雲耳調味都好好！估唔到餃子店來講呢兩條菜都幾有水準 ，真係好開胃！價錢又唔貴，值得一試，性價比都幾高。👍🏻👍🏻
繼續閱讀
龍鳳松茸餃：裡面有黑白松露所以松露味十分香濃，雖然係煎餃但唔會食到成口油，價錢對比其他餃子較貴，但考慮到松露既份量不少都可以接受雙拼餃子（元貝豬肉餃+大白菜豬肉餃）（配狀元九鼎湯）：狀元九鼎湯以蘋果、生魚、無花果、淮山、豬尾骨熬成，清淡口味無味精，飲哂成碗都唔會口渴，元貝豬肉餃呢個組合係其他餃子店都冇見過，幾有特色可以一試，大白菜豬肉餃就正正常常。飲品：蜂蜜檸檬薏米水好有驚喜，真係有蜂蜜同檸檬香味，唔似出面果啲薏米水通常都淡而無味，所以我地飲完一枝又再嗌多左枝仲試埋佢地既自家制山楂雪梨水，山楂味濃唔會太甜又唔會冇味，係健康又好味之選太子分店座位闊落舒適，環境乾淨企理，冷氣溫度舒適，除左餃子之外仲有唔少小食可以選擇，想舒舒服服食餐健康既餃子既話係一個唔錯既選擇
繼續閱讀