113
5
6
港鐵尖沙咀/尖東站 N4 出口, 步行約2分鐘 繼續閱讀
電話號碼
39052316
營業時間
今日營業
12:00 - 22:00
星期一至五
12:00 - 15:00
18:00 - 22:00
星期六至日
12:00 - 22:00
公眾假期
12:00 - 22:00
付款方式
Visa Master 現金 銀聯
食評 (129)
日本大熱過江龍 第100間分店開到嚟香港啦🤩佢地既刺身仲係每日新鮮空運到港✈·同朋友去左撲口罩同消毒用品撲到無乜心機 想食餐好鼓勵下自己於是就走左去K11 諗住食壽司開心下我地每人分別點左2個午時定食🍱🍱上菜後店員細心講解每樣食材既最佳食法務求令每位人客都嚐到每一口美味😋·☆ 壽司拼盤12貫定食 HKD$288哩款定食有齊12款壽司咁多😍😍包括獅魚、鰻魚、三文魚子、帆立貝、平目魚、白蝦、吞拿魚中拖羅、吞拿魚大拖羅、金目鯛、松葉蟹、細卷及玉子燒😋 未食已經心心眼流哂口水,真係大餡眼福口福!由於當日海膽未到貨,所以由順滑既白蝦代替,白蝦上面仲沾上金箔,好有貴氣🤩 而當中大拖羅係我至愛😍 魚肉肥美不在講,而且一啲筋都無,真係美味到難以形容🧡 亦特別想講講玉子燒,其做法特別,口感有如蛋糕般軟綿,做得十分出色👍·☆ 海鮮丼定食 HKD$198自己本身好鍾意食珍珠米,哩個丼飯既飯底完全滿足到我👍 飯底醋香每口都充滿醋香味,飯粒口感軟硬適中,而且粒粒分明,加少少豉油同芥辣錦上添花😙😙 海鮮丼既刺身亦絕不遜色,上面既赤蝦🦐超級大隻,有我手掌咁長,好誇張!·而每份定食都配有茶碗蒸及麵豉湯,質素亦相當不俗。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-20
382 瀏覽
前排日本知名連鎖壽司店—頑固壽司去咗尖沙咀K11開咗佢地第一間香港分店就係人都知啦🥴排到幾個蛇餅,到最近就係一個時候可以去試吓啦🤭八點去到基本上都唔駛等咁耐,店舖雖然喺角落頭咁,但都有唔少位,仲有一張bar 枱坐😳今晚我哋亦都有幸可以坐喺Bar枱,望住師傅整,而咁啱我前面就係擺食材既箱,望住大大嚿魚生,真係胃口會變得不一樣呢😆而呢度咁豉油都唔簡單,帶出哂食材既鮮味,而店舖亦都提供個掃俾我地掃啲豉油上面,omakase做法,非常好👍🏻基本上我去日本餐廳必食三文魚腩刺身,厚身,三文魚味濃郁,再加埋啲油份,真係唔需要再多講,十分滿意🥳🥳啲壽司種類多不勝數,乾脆叫個拼盤唔駛逐樣諗,呢個拼盤有:大toro 深海池魚 鰤魚 吞拿魚蓉 灸燒金目鯛 帆立貝 牡丹蝦 北海道海膽 穴子 三文魚子 鉄火卷 玉子,大致上係咁,當然都會作當日啲貨而作出調整,首先就食咗紫菜包住嗰啲,再食炙燒,然後就由淡食去到濃,如果上述都啱食,基本上嗌呢個set就穩賺啦,樣樣合乎標準,而都有少少驚喜☺玉子真係成個蛋糕咁,蛋香味濃郁,而且再加上唔少材料,工序都唔少野,抵食🤩🤩再之後order咗其他壽司,炙燒黑喉魚入口爽口彈牙,感覺幾好😳柚子大根啲蘿蔔又脆又甜,值回票價😚炙燒鰈魚鮨邊燒過啲油脂豐富,似左口魚咁,不過唔會融哂咁,仲有啲咬口😝北海道海膽呢個真係要encore,海膽應有既佢都有齊,直情係海膽入面中既上品,用佢嚟結尾就最好不過😚😚呢度服務一流,店員師傅都細心解說,推介當做食材,十分專業👍🏻👍🏻最後就有甜品送,開心🥳 繼續閱讀
(以上食評乃用戶個人意見 , 並不代表OpenRice之觀點。)
「頑固壽司」位於藝術濃厚的K11一樓。餐廳採用棕色木系為主調,簡潔木製傢俬為主,配搭木質的桌椅。而餐廳裡面設有吧枱,壽司均由師傅即場握製,可以一邊欣賞師傅的刀工,一邊欣賞美食,令人感覺舒適,讓我好好享受這晚餐!今次我叫了一個壽司併盤,及二個迷你丼。上級壽司10貫 ($240)一共10件,中拖羅、中拖羅、油甘魚、帆立貝、松葉蟹、海膽、三文魚籽、吞拿魚蓉細卷和玉子燒。壽司飯都會加上少量芥末調味,不會太哽。而中拖羅入口軟滑脂香,細緻滑溜,油脂在口腔中融化。帶子鮮甜美味,厚肉飽滿,口感嫩滑,入口鮮甜甘香。三文魚籽晶瑩飽滿,味道鹹鮮,十分滿足!玉子燒質感有如鬆軟綿密的蛋糕一樣,雞蛋味很濃沃,而且很新鮮。餐廳的特製豉油味道濃沃且鹹鮮,點少少已經足夠,不會搶去刺身的鮮味。而底層米飯水準也很高,煙韌香甜,結實不鬆散,軟硬適中,相得益彰。北海迷你壽司丼 ($128)北海迷你壽司丼有松葉蟹腳、三文魚子、和海膽。海膽甘甜軟綿,亦較清甜,入口即化,個人很喜歡。海膽三文魚子迷你壽司丼 ($128)這個丼就只有三文魚子和海膽,但份量會比較多,絕不吝嗇。價錢方面雖然不是很平民,但食物質素亦物有所值,材料新鮮食物質素很棒,不論招呼朋友,或是約會都是好選擇。特別誠意推介! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-26
2538 瀏覽
近年愈來愈多日本當地餐廳進駐香港,例如SUKIYA、壽司郎等平民美食更是大受歡迎,源自大阪的頑固壽司以價廉物美的壽司見稱,在香港開業後又掀起一股熱潮亦是意料中事。餐廳選址尖沙咀K11商場,據聞開業初時總是大排長龍,慶幸這次平日下午到訪時人流不多,而店長及店員均相當殷勤有禮。雖然頑固壽司的特色就是「價廉物美」,但畢竟香港租金高昂,就如其他過江龍一樣食物價格有所上調亦無可厚非,定價中上,而午市套餐則相對而言比較親民。壽司均由師傅即場握製,連各款刺身亦是於客人點菜後才切片確保新鮮。雖然價位不再走平民路線,但質素方面亦顯然有所保證,至少令人覺得物有所值。每款午市套餐均會附上茶碗蒸、小鉢及味噌湯,茶碗蒸嫩滑得入口即化,當中更加入雞腿肉及白果。壽司拼盤12貫定食 ($288)十二款壽司包括大拖羅、平目魚、中拖羅、鰤魚、金目鯛、鰻魚、帆立貝、松葉蟹、甜蝦海膽、三文魚子、細卷和玉子燒。大拖羅肥美豐腴,口感份外軟嫩油潤。另一心頭所好定非甜蝦海膽莫屬,甜蝦的鮮甜配以海膽的甘香相映生輝。質感有別於一般玉子燒,鬆軟綿密有如長崎蛋糕一樣,曾經在元朗一間廚師發辦餐廳中一試難忘,難得可以在此回味得到。壽司拼盤10貫定食 ($228)而十貫定食比十二貫定食則少了大拖羅及金目鯛,但其實單點一貫大拖羅已經近六十元,如果如我一樣喜愛拖羅的話當然點十二貫定食更加划算。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-25
1324 瀏覽
今日嚟到尖沙咀嘅K11,食大名鼎鼎去日本過江龍「Ganko 頑固壽司」😍 「頑固壽司」係日本主打價錢親民嘅迴轉壽司,開業已經56年,喺日本全國有多間分店,品牌係日本遠渡而來,係一種對壽司嘅執着。一入到黎,已經受到店員熱烈嘅歡迎,馬上幫我地安排座位,仲好詳細咁介紹今日嘅餐單,盡顯好客同埋高質嘅服務精神🤣我哋兩個人每人叫咗一個set。「壽司拼盤12貫定食$288」店舖嘅刺身每日都由日本空運到港,令顧客可以食到最新鮮既刺身,有質素嘅保証🥰 十二件壽司都充滿特色,包括有:吞拿魚大、中拖羅、鰻魚、三文魚子、帆立貝、金目鯛、松葉蟹、甜蝦海膽,全部都食得出鮮甜既味道。而且,每舊飯都係由師傅即場手握,size岩岩好,帶點微暖。推薦「拖羅」魚味甘香,帶點融口即溶,好驚喜。🤪仲有好特別既「玉子燒」,店員話要先將蛋黃同蛋白分開,調味之後再拎去焗,先可以食到咁嫩滑咁鬆軟嘅口感,層次感豐富。估唔到咁簡單嘅玉子燒,要用心製作,工序繁複,先做到呢個層層疊既效果。🤩「鰻魚丼定食$148」主角鰻魚賣相好吸引,外皮煎香,外脆內軟,咬落去肉質好鮮嫩,食得出係好新鮮的😍 個飯煮到粒粒分明,用上日本珍珠米,咬落塊帶點彈牙,有啲鰻魚汁融入,令個飯更入味。配菜方面,有嫩口既茶碗蒸,好足料嘅麵豉湯。整體上來講,環境舒適,店員好友善,食物質素都好高,性價比合理,難怪之前有咁多人排隊!🥳 繼續閱讀
(以上食評乃用戶個人意見 , 並不代表OpenRice之觀點。)