韓閣 (新都城中心二期)

營業中

休息中

寶琳街坊推薦咗一間性價比超高嘅韓國餐廳話好抵食又好食. 餐廳用紅磚做主題，牆上貼滿不同年代電影海報，燈光柔和，感覺懷舊好有風格. 餐廳提供多款韓式料理，唔止咁，仲竟然有客飯套餐，可以優惠加$15就有飲品同飯. 個價錢同食茶記或者連鎖快餐店差唔多，但係佢仲要坐得舒服又冇加一. 優惠價追加小食，大多數$30-40左右就食到啦. 前菜兩小碟都冇額外收費，好正. ⭐️鐵板泡菜五花腩片估唔到$78一人份嘅鐵板竟然會咁大份，熱辣辣上好過癮，超多泡菜洋蔥椰菜同埋五花腩，腩肉肥瘦又剛好，個醬汁辣辣地好惹味，撈飯食好滿足，不過一個人真係食唔晒呀. ⭐️牛骨蘿蔔湯個湯好足料，牛嘅份量唔少，仲有好多菜好鮮甜，蘿蔔入味夠腍. 食其他濃味菜式叫呢個清清地嘅湯就啱晒啦. ⭐️甜辣年糕腸仔串呢個好大串，炸得好好食，好有驚喜，年糕煙靭結實，腸仔Juicy. 下次一定要encore！⭐️一口牛油帶子細細粒一口一粒，炸得香口夠爽口彈牙好開胃.題外話，餐廳竟然有一啲港式嘅菜式好似羊腩煲咁又幾得意，下次都想去試吓. 咁多款式又平靚正，唔怪得咁多人去食啦. 今餐咁多嘢食都係三百零蚊咋. 我見佢仲有現金券可以買如果成日去嘅朋友都可以考慮

脆炸雞翼伴蜜糖芥末醬。這道菜絕對不會讓你失望！雞翼外皮炸得金黃酥脆，內裡則保持著多汁嫩滑。搭配蜜糖芥末醬，帶來了一種絕妙的甜辣風味，令人回味無窮。接下來，我品嚐了他們的石鍋飯牛肉。這道菜以石鍋中的熱力將飯煮至金黃鬆軟，再搭配上嫩滑的牛肉片和新鮮蔬菜，給人一種滿滿的滿足感。每一口都散發出濃郁的韓國風味，讓我彷彿置身於首爾的街頭小巷。作為配菜，我們還點了客飯小菜，鐵板泡菜豬肉。超級抵食，配上米飯🍚簡直就是美美的一餐。

好耐冇食炸鷄，今次係將軍澳寶林食韓國嘢！這餐廳充滿住懷舊的感覺，牆上貼滿了不同年代韓國電影海報、而且設有卡位，空間感闊落！秘製甜酸醬油味炸雞 🍗（半份）： 雞係即叫即煮，炸到金黃色，再加上杰撻撻的甜酸醬了，好有口感，而且好juicy ，如果鹹返少少會更加好！鐵板牛肉 ：這個鐵板好大份，有好多牛肉，洋蔥同椰菜！熱辣辣的，牛肉亦好惹味，用來送飯食就最啱！這個是客飯套餐，價錢相當親民，只係$78就跟埋飯、湯同飲品！好抵食！💕雜錦蛋卷 ：用上大量蟹子+泡菜+芝士 🧀，口感豐富，味道帶有微微的甜，而蛋亦煮得嫩滑🩷

1. 蜂蜜檸檬炸雞 (半份) (新口味) $118炸雞有6件，每一件都熱辣辣大大件，新鮮炸即叫即炸，表面加咗啲蜂蜜檸檬醬，炸雞既炸衣好薄而且好香脆，食落啖啖肉有肉汁，配上蜂蜜檸檬醬好清新。🌟 評分: 8/102. 五花腩泡菜炒飯拼太陽蛋 $72表面有2隻煎蛋，可以篤爆隻蛋撈埋紫菜碎撈飯，會更加惹味，入面有好多泡菜同埋五花腩，香香辣辣，炒飯炒到粒粒分明。🌟 評分: 8/103. 芝士滑蛋炸雞飯 $68每啖飯都能食到軟綿芝士口感，芝士味重得黎又唔會太膩，有2舊大炸雞球。🌟 評分: 7/104. 紅豆抹茶牛奶 (跟餐價: +$18)抹茶牛奶好絲滑，甜度啱啱好，又唔會好多𣲙，底下有好多紅豆，紅豆煲到好腍，飲到最後都好多紅豆。🌟 評分: 7/105. 橙汁菠蘿梳打 (跟餐價: +$18)底下有幾粒罐頭菠蘿，好濃橙味，而且有夠氣，飲落好解暑。🌟 評分: 6/10🎖️整體評分🎖️❤️ 味道: 8/10🧡 環境: 8/10💛 服務: 8/10💙 性價比: 8/10 📍 韓閣 (新都城中心二期) (將軍澳)將軍澳寶林欣景路8號新都城中心二期1樓1015號舖#hkoverfood_寶林

呢日黎到新都城呢間韓閣, 一路都好想食好食既韓國野, 黎呢度真係冇錯! 我地未夠7點就到左, 7:30 都已經FULL左~ 要等下一輪先有得食, 想食好野真係要早少少! 我地叫左芝士薯條, 人參雞湯, 峰蜜牛油炸雞, 泡菜同埋brownie! 佢既炸雞真係好高質, 峰蜜牛油超香, 同埋估唔到係咁熱辣辣, 真係超正, 食落去脆之餘仲要辣口! 同埋牛油味勁香, 令人食完一啖接一啖, 真係好好味! 之後就係佢既人參雞湯, 超高質! 勁好飲, 入面有成半隻雞, 同埋好多燸米, 食到我地勁滿足, 泡菜就辣辣地勁開胃, 好好味! 跟住就係好香口既芝士薯條, 超邪惡又夠熱辣辣! 好岩送酒! 雖然岩送酒, 但第2日要番工我地都係叫左檸茶同可樂! 最後以brownie 作結,真係好好食!

今日忙完一輪，終於有時間食lunch，點知變左下午茶時間，又心掛掛想食韓國野，所以直接去左<韓閣>下午茶好抵食！~熔岩芝士炸雞菠蘿包好特別嘅配搭，但又好夾👍👍～咖喱肥牛撈麵估唔到咁出色餐飲~人蔘茶、玉竹茶

外賣送到黎倒瀉晒。叫左個199蚊既人蔘雞湯，飲落去完全冇雞味同人蔘味，講明原條人蔘，結果條人蔘得個5cm長，食落去仲要冇人蔘味。極度推薦大家唔好食呢間嘢，難食又貴。

諗唔到食咩嘅話，韓國菜不嬲都係肥雞其中一個選擇，今次肥雞就去咗位於將軍澳新都城嘅韓閣，佢嘅食物呢出咗名係又平又正，咁肥雞，今次就嗌咗個芝士部隊鍋，一邊有除咗肥雞最鍾意食嘅方便麵之外，仲有腸仔白菜，午餐肉等等常見嘅配料，用嚟填飽個肚係一流，配埋佢嘅香濃芝士湯汁，真係好食過有幾自己煮。再捱多個芝士蒜香雞翼，佢嘅雞翼炸得非常之香脆，啖啖肉肉汁非常之Juice。再嗌多個年糕拼香腸串，年糕煙煙韌韌，配埋炸過嘅香腸，又係香口嘢。

新都城有間隱世韓國餐廳—韓閣！作為將軍澳之友，經常見到好多人午市買外賣，12點一坐低已經見到前後有幾台學生入座。餐廳有好多韓國劇集嘅海報，風格尤如置身東大門餐廳一樣，店舖內全部都係年輕generation🤭餐廳採用QR code落單，今次叫咗全份甜辣炸雞（$228）及石鍋咖喱雞件飯拼炸帶子，餐飲免費配蜜桃紅茶，令我覺得幾注重細節嘅係，蜜桃紅茶真係有兩嚿蜜桃㗎🤭平時喺屋企好少用大量嘅油整炸物，出嚟食韓國嘢就梗係揀傳統之選嘅甜辣炸雞～食落外皮酥脆，入邊嘅雞肉嫩滑多汁，加埋甜辣汁，又甜又辣好開胃，食咗一嚿就停唔到口啦！如果配埋冰凍啤酒仲正❤️甜辣炸雞勁新鮮炸出嚟，每一隻都超級熱辣辣，我哋等咗5分鐘先至撕開嚟食入邊嘅雞肉非常白滑，雞皮同埋雞肉之間極少肥脂肪，雞皮炸得非常脆口！咖喱雞件石鍋飯個飯焦超級吸引🤩平時食煲仔飯都特別鍾意食飯焦，脆脆哋又有飯香。咖喱汁唔算辣，偏向香港人風味～炸雞件個粉幾薄，炸得幾脆，眼見大部份枱都係食佢哋嘅午市石鍋，上菜速度超快！整體來說，對於鍾意食韓國嘢嘅我真的覺得非常不錯！

今日同屋企人嚟呢間位於新都城嘅韓閣食lunch坐低就有韓式涼拌芽菜同泡菜做前菜餐牌嘅選擇好多價錢親民我哋點咗食韓國嘢必食嘅石鍋飯配炸雞球同芝士沙律汁滿滿嘅配菜，撈埋一齊食非常香仲有脆脆嘅飯焦喺底我哋仲叫咗鐵板牛仔骨上菜時熱辣辣牛仔骨又嫩又惹味牛仔骨下面墊咗啲椰菜、甘筍等嘅雜菜仲附送咗碗海帶湯唔會淨係食肉咁膩因為太想飲湯我哋仲叫咗個傳統豆腐海鮮湯可以自己揀辣度因為屋企人唔想食辣我哋就揀咗走辣材料豐富！豆腐好滑～

兩小口心血來潮想食韓國野，於是點了一個蟹三式石鍋飯同一份無骨甜辣炸雞。蟹三式石鍋飯配搭兩款小配菜。哇一上菜, 石鍋熱辣辣，原本白白的飯粒都被三種蟹肉燉成粉紅色，每一口都香噴噴的，非常讚!無骨甜辣炸雞雞肉質感細嫩，因為無骨一口就咬開，感覺很溫潤。醬料入口先是清新，再微微帶點辛辣，舌頭被逗得很有喜感。

平時韓國嘢食嚟嚟去去都淨係炸雞，呢一間韓國嘢食叫做多啲選擇，除咗炸雞石頭鍋飯等等韓式料理之外，仲有好多款唔同嘅小食 。我覺得小食同埋飯類叫做味道唔錯，炸雞比較一般。飲品方面都係一般。 但係整體嚟講叫做好抵食。This restaurant offers a variety of options beyond just fried chicken. They have dishes such as stone pot rice, and a variety of Korean snacks. I feel that the snacks and rice dishes have a good taste, while the fried chicken is average. The beverage selection is also average. Overall, I find the place to be a good value for the food offered.

好耐冇食韓國嘢見到呢間價錢好似幾抵兩個人就入去食佢有一啲晚市套餐，可以揀包埋湯同埋飯我哋首先嗌咗個鍋仔辣豬腩肉辣汁好野味豬腩肉又好大份不過兩個加埋就好似唔係好夾可以一試，但係未必叫第二次跟餐我哋另外叫咗韓國海鮮煎餅佢有兩大塊我哋以為係脆嘅質地點知嚟到係一大嚿麵粉咁不過都好香口但係鍾意食韓國煎餅嘅人會失望之後嗌咗個韓國牛肉粉絲呢個就真係做得好出色啦牛肉份量好多 好嫩滑個粉絲味道調味都做得非常之好而且溫度好夠入邊有好多唔同嘅蔬菜啱晒成日出街食飯嘅人唔驚冇菜食總之下次都會嚟 因為價錢真係幾平

3月14日不用煮飯，所以外出用膳。在商場的餐飲美食區，看到這店門的餐牌價格合理，款式又吸引，最終決定在此晚餐。平日晚市，此店也几乎滿座呢! 在內堂就座後，就要做最重要的事:點菜。  然後把餐具擺好，要有儀式感。 傳統甜辣味炸雞  久久未嚐過韓風炸雞了，就想來一客。選韓式甜辣醬最有韓式風味。     金黃炸雞帶著棗紅色甜辣醬，杰撻撻醬汁跟脆卜卜雞皮，好有口感。剛炸起的雞肉，隔著手套也感到其熱力。雞肉有底味，雞胸肉依然嫩滑，這炸雞合格了。 鐵板牛肉  薄片牛肉拌翠玉瓜和洋蔥，蒜蓉醬汁鹹中帶甜，熱辣辣上枱很惹味，好下飯! 咖哩雜菜豬仔骨    本以為是類似鳳爪排骨飯的排骨，原來係沾滿香料的baby rib分條烤焗後，再放在咖哩上。   可能炸雞甜辣醬辣度高，這盆咖哩相對不太辣了，反而咖哩的香料味很明顯。豬仔骨係肋骨，肉質先天無得輸。外層焦焦脆脆，中間的肋肉夾雜脂肪，有肉味也有香味，正。 不過，韓國金屬筷子難以夾取豬仔骨，既然炸雞奉送手套，順便用手來抓取豬肋條，直接咬!   咖哩豬仔骨，有口感也有手感呢! 泡菜餅 海鮮餅套餐加配的煎餅小食。  煎餅的粉漿較煙韌軟糯，配蝦仁魷魚很正常， 但夾著泡

閒日晚餐時間都幾多人食～ 而且見到二人餐只係百幾蚊 幾抵就決定試下😋.｜客飯小菜二人餐 套餐包左兩款主菜 可加$15配飯 湯同野飲～ 可以免費揀紫菜飯 好正😜 海帶清湯就正正常常小菜叫左鍋仔燒汁炒豬頸肉同鐵板牛肉 份量好多同好多醬汁 撈飯一流🤭.｜紫菜肉鬆蛋卷套餐再加配既小食 兩件份量 兩個人唔怕食唔哂 又可以試多啲野😌超多肉鬆同紫菜係面 蛋卷又好厚😋.｜橙汁菠蘿梳打套餐用優惠價加配😆 酸酸甜甜既味道 唔會藥水或者太酸🫶🏻.｜炸蝦餅比較薄身 好香口 入面蝦肉好彈牙！🦐.｜香炒黑糖炸雞翼 第一次試黑糖炸雞翼 味道好食！但最驚喜係隻隻雞翼都好厚肉 仲要有6隻 好抵食👍🏻