186
10
5
港鐵尖沙咀/尖東站 D3 出口, 步行約2分鐘 繼續閱讀
電話號碼
39969226
開飯介紹
餐廳裝修走西式田園風,採用白色為主調,感覺優雅。主打泰西fusion菜,以西式烹調,結合泰國食材,味道與別不同。 繼續閱讀
營業時間
今日營業
12:00 - 22:00
星期一至日
12:00 - 22:00
付款方式
Visa Master 現金 銀聯
其他資料
網上訂座
電話訂座
賞訂座積分
加一服務費
有關獎賞計劃
食評 (208)
等級4 2020-07-11
156 瀏覽
同屋企人食飯, 多數選中菜, 間中都想轉下口味, 最近朋友推介k11 阿閒泰,地方寬敞,睇過餐牌,食物都唔錯 ,所以便同屋企人一齊去試試。餐廳採用半開放式設計, 以木材、綠色植物、 藤器作為裝飾, 置身其中有少少泰國度假feel的感覺,加上 樓底稍高,感覺開揚。當進入餐廳前侍應會幫客人量體溫, 旁邊更有搓手液可供客人使用,最貼心的是餐廳還提供紙袋, 方便客人存放口罩。餐廳走新派泰國 fusion 菜路線, 款式多, 配搭新穎, 好多菜式都好吸引 ,有點兒覺得難以取捨,所以我們都花了很長時間才下到決定。芒果牛油果焗海蝦 米紙卷88先來一客前菜,米紙卷皮十分透薄, 但包得非常紮實, 咬了一半也不易散開。 米紙皮口感滑流,不黐牙, 有彈性, 配合入面若隱若現的芒果、大蝦、羽衣甘藍、 牛油果、椰菜苗一同吃, 口感爽脆, 酸酸咪咪, 味道清新, 蘸少少辣汁, 又有另一番滋味 。泰式椰香卜卜蜆湯98原本想叫冬陰功湯,不過見到餐牌上這個白雪雪的湯, 不其然引發極大興趣, 本著冒險 一次可能會有好大驚喜,就姑且叫了一個 。湯底熱辣辣, 散發陣陣椰奶香味, 口感順滑 ,味道甜甜地, 入面還有蜆肉、秀珍菇、泰國茄子、 香料等, 提升了湯的鮮味 。值得推薦 !阿嫻虎蝦 卜卜蜆冬蔭功龍湯飯158沒有叫冬陰功湯,所以點了這個冬陰功濃湯飯補番數,冬陰功湯材料豐富,有大虎蝦、蘑菇、大蝦。 湯的質感濃稠,初初飲唔覺得好辣,後來越飲越辣,不過辣的程度也不太過份, 我和屋企人都十分喜歡, 不斷連湯帶飯送入口, 飯粒軟硬適中 ,索滿湯底, 每一口都嚐到冬陰功湯的味道,冬陰功湯的擁躉, 不容錯過。德國脆皮豬手200外皮燒得非常香脆, 咬落脆卜卜, 肉質鹹鹹香香, 可配沙律醬、 泰式燒汁, 分外惹味。 除了 有酸椰菜墊底還有一大束羽衣甘藍, 有菜蔬相伴,頓時間覺得食豬手的罪惡感減了一半。酥炸軟殼蟹芒果牛油果他他 128軟殼蟹炸至金黃香脆 ,灑上少少青檸汁, 味道更佳。 他他由一層泥麥,一層蟹肉,再加一層芒果粒, 底層是牛油果蓉,不但口感豐富, 味道更富層次,酸酸地令人更開胃, 由於有一定比例的藜麥、羽衣甘藍, 同樣地罪惡感驟降了一點。其實 餐牌上的飲品也十分吸引, 奈何經已食得好飽, 肚皮空間不足,惟有留待下次吧。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-07
151 瀏覽
近來工作太繁忙了,收工一定要好好獎勵自己。在K11有家裝修漂亮的餐廳,設計開揚不封閉,地方又大又寬敞,入面除了主食美味外,令我最喜歡及難忘的,就是甜品😍蒜蓉炒椰菜苗78侍應告知是日沒有椰菜仔,改用了椰菜苗我倆也ok😌兩樣都是差不多的東西。椰菜苗和蒜蓉快炒得均匀,味道統一。配上炸蒜,菜苗口感爽脆,吃時不會吃得一口肥膩。阿閒泰虎蝦卜卜蜆冬陰公金邊粉128餐牌上寫著是手製的金邊粉,食時好像感到份外滋味。尤其索盡湯頭後,酸酸辣辣的,相當醒胃,層次進一步提升。冬陰公湯加上泰式香料很香,湯底中的海鮮幾鮮美,和菇菌等材料不少,加入青檸汁和椰漿,風味更出。冧酒提子配青檸芝士餅68好美的賣相呀🥰芝士餅面經火槍輕輕燒過,有很重冧酒味的提子干,紫花瓣和香草🌿跟青檸點綴的芝士餅,芝士味挺濃厚,密度高,質感細軟。餅底部分新鮮討好不會硬身,消化餅底口感順滑幼細,和旦糕部分同樣軟綿綿。凍斑蘭椰香鮮奶44驚歎的斑蘭芳香,只喝了一小口,全個口腔已散發著斑蘭的濃縮味道,斑蘭味甜甜的,攪拌後成淺青色,更加可愛。凍伯爵茶鮮奶44伯爵茶味也不少,淡淡的散發出來,奶味蠻強,冰涼可口。兩杯的話,我會選前者,因為夠特別,清新有趣。士多啤梨希臘式乳酪芭菲88製作需時,上枱時有點溶,來不及把最好看的一刻捕捉。士多啤梨🍓,甜醬,爆珠,粟米片等,在冰凍的乳酪雪糕中交錯,一層接一層的放,層次分明。雪糕解暑怡人,微微酸甜,開胃解濟。食後感:出色的尖沙咀餐廳,地方易找,位置坐得既舒服,枱又夠大。唯冷氣坐久了有點冷。另外,食物擺盤有心思又靚,我們一定會再來🥰 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-20
1373 瀏覽
講起泰國菜,也許好多人第一觀感都希望找哪間正宗,哪間地道,環境、氣氛等為次要,但呢間位於K11嘅阿閒泰Fusion泰國餐廳卻為我帶來幾refreshing嘅用餐體驗。作為新派泰國菜,且位於商場,對裝潢都有一定要求,採用大量綠色植物、竹及木製裝飾及枱凳;近門口位置打橫嘅一排枱凳卻採用雲石枱及皮製吧凳,形成強烈對比,明顯係比人Happy Hour或小斟幾杯。餐廳中央位於亦設有一個西式設計嘅水吧,整體設計幾賞心悅目。阿閒泰虎蝦卜卜蜆冬蔭功湯 ($128/二人份): 辣度約莫為小辣(食唔到辣嘅朋友須注意),冬蔭功湯非常濃郁,味道偏重,岩曬我呢啲重口味人士,除左酸甜嘅冬蔭功味道,香辣味道都幾出,好惹味鮮香!份量其實幾大,三人飲都仲得。泰式紅咖喱虎蝦卜卜蜆意大利粉 ($148): 呢個意粉同樣有啲辣,紅咖喱汁煮得幾香同creamy,非常惹味,同意粉又幾夾,西式得黎又好有泰國風味,幾有特色。而且虎蝦好新鮮,超大隻,鮮甜爽彈。燒美國黑啤豬鞍架配脆炸薯條 ($188): 價錢唔貴,質素幾高。豬鞍架肉質非常幼細,切落去仲有豐富肉汁,幾Juicy,而且肉味都好香,好好食,搭配埋蜜糖芥末醬,一流。唯一就係食唔到黑啤味,但啤酒應該會令肉質更為鬆軟滑口。以下是餐牌資料:- 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-12
1249 瀏覽
從臉書上看到介紹,阿閑泰的店主是一名香港人,喜歡週遊列國。食盡世界各地美食後,立志要把摩登,具創意的泰西融和菜,帶給大家, 因而創立阿閒泰。這日特別相約好姊妹一起發掘新美味,來到位於尖沙嘴,K11商場內的阿閒泰晚膳,店員幫忙量體温後,就把我們帶到一張白色的圓桌就坐,座位寬闊,很開心。🎯 泰式紅咖哩免治雞肉手拉薄餅 $148 🎯( 免治雞肉,紫洋蔥,馬蘇里拉芝士,巴馬臣芝士)新鮮熱辣的薄餅顏色金黃,芝士份量超多,香軟煙韌,咖哩雞肉帶著濃厚的泰國風情,餅底薄脆。趁熱食最好味~~~🎯 阿閒泰虎蝦卜卜蜆冬陰功湯新鮮手做金邊粉 $128 湯底夠酸夠辣,口味正宗。柔軟幼細的金邊粉吸盡湯底的精華,非常入味,虎蝦新鮮肉厚,一碗就可嘗到金邊粉和冬陰功湯。性價比極高,很讚~~🎯 泰式香煎肉餅 🎯店員告知,肉餅是由新鮮豬肉製成的,難怪肉質特別結實。肉餅內混入香茅粒, 做法新穎,口感清新。👍🎯 泰式香葉肉碎飯 🎯食泰菜必點的香葉肉碎飯,豬肉入味,混合香葉和青豆角同食,送飯一流~最中意飯面的流心煎蛋,又香又滑~職員每送一道菜上枱,也會簡單介紹菜式,令人彷如置身高級餐廳,服務高水準。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-12
762 瀏覽
女子組成員之一今晚約我去呢個商場掃貨,佢買到興起之餘我亦都有D餓,完事後佢帶左我去呢間泰菜店開餐場內樓底夠高,設有普通枱及高坐,今晚就坐正係水吧高坐枱,坐得又幾舒服喎!  餐具款式岩心水,未食先暗自開心,快D睇下餐牌有咩食!  食物種類由小食,沙律,主食,意粉到薄餅,Cocktail到西式甜品都有,加入FUSION主意,保留部份傳統菜式之餘亦可搞搞新意思,帶比客人新鮮感!枱前有呢部PH2.5次氯酸水,無味無副作用,可以有效消毒殺菌,令人外出食飯都有安全感呢杯阿閒泰自家製氮氣冷泡檸檬茶 ($58),目測出場率甚高,利用氮氣增加冷凍感,無需加冰都能保持凍感,確保飲到尾嘅每一啖都係濃香檸檬茶味,味道酸中帶微甜,開胃又醒神,炎熱日子飲確係舒服!先上呢客蟹肉羽衣甘藍雜菜沙律 ($138),配上自家製泰式青咖喱醬,賣相顏色配搭吸引,份量都唔少!香甜蟹肉舖係爽脆羽衣甘藍上,感覺清新又健康; 開初睇少左個自家製泰式青咖喱醬,帶點辣度之餘亦有少少甜味,幫助蓋過左原身羽衣甘藍嘅少少苦澀味,令人愈食愈想食!就黎食完沙律之際,主菜之一 : 阿閒泰虎蝦卜卜蜆冬蔭功湯新鮮手造金邊粉 ($128)就上枱啦材料包括虎蝦,卜卜蜆外,食到底仲有隻蝦,口感彈牙; 配以香茅,南薑及金不換,酸度略嫌不足但辣度夠,味道偏向蝦湯味!  而由泰空運直送新鮮手造金邊粉,入口滑口,份量都多,連湯一齊放入口,唔錯!就咁單食主菜硬係爭D嘢咁,見佢提供多款小食,就叫左呢客泰式單骨鷄翼 ($78),配上自家製泰式辣醬,我就歡喜食前唧少少青檸汁,減底炸物嘅膩感認識單骨鷄翼應該由泰菜開始,對於店主黎講賣相份量"變多"左,鷄翼亦容易入味,客人進食又方便,各方都WIN晒!  講返呢客鷄翼先...........炸得好鬼香口熱辣,放上枱已經聞到香味,肉質唔會變得乾身,一口一"算",惹味鷄肉就落在我口中!不論係韓式或泰式,滷豬手黎講一向都喜愛,所以點選呢客阿閒泰秘製滷豬手飯 ($138),相當靚仔嘅一客"碟頭飯"呀滷豬手吸引之處係個皮軟滑,而肉質仍保持嫩滑,啖啖骨膠原係口亦有滷水嘅咸香,無骨啖啖肉,超好味呀!配菜除有酸菜外,仲有呢隻溏心蛋,破開流出香滑蛋黃汁,撈埋白飯一齊食,簡直想添飯囉唔該!估唔到呢個場入面有間咁正嘅泰菜店,以後要多D黎先得囉! 繼續閱讀
(以上食評乃用戶個人意見 , 並不代表OpenRice之觀點。)