金子半之助 (新都會廣場) (已結業)

I'm an office worker in Kwai Fong and I always visit this resto during my lunch time. I usually order the Matsuba Crab Rice bowl - it's truly a standout dish that's packed with flavor and satisfying ingredients.The Matsuba Crab Rice bowl is a real treat. The matsuba crab is the star of the show, with a sweet and delicate flavor that's perfectly complemented by the other ingredients in the dish. The shrimp, mixed seafood fritter, snow peas, and seaweed all add their own unique flavors and texture

今次同男友點左兩個餐，係海老天丼及及迷你天丼配稻庭烏冬。海老天丼是一道非常受歡迎的日式料理，它是由新鮮的蝦子裹上麵糊，炸至金黃色後，再配上白飯和醬汁，味道非常美味。蝦子的鮮甜與酥脆的外皮形成很好的對比，讓人一試難忘。迷你天丼是由各種食材如魚肉、蝦子、蔬菜等，裹上麵糊炸至金黃色，再配上白飯和醬汁。每一種食材都有不同的口感和味道，一口咬下來，讓人感受到豐富的層次感。稻庭烏冬麵口感細膩，輕盈可口，入口即化。搭配上清淡的湯頭和鮮美的配料，讓人感受到簡單而又美味的滋味。下次都一定會再次幫襯

今日先生約左朋友入屯門釣魚入去之前響葵芳等埋食個快飯先入等車場之前經過已經比呢間野吸引左朋友話平時好多人食要排隊好好睇去到唔洗排隊 可能已經過左食飯時間一入到去每人會有一隻杯杯入面有粒黑豆要自己加熱茶落去變成黑豆茶本身個人好鐘意飲茶 所以覺得ok黑豆味唔太濃既 但味道都幾特別既佢食物既款式唔太多因為個人比較鐘意食凍烏冬 所以只有一款揀因為佢其他都唔可以轉烏冬江戶前天丼佢有一個小小既前菜 係醃羅白同酸薑平時唔多食酸薑既我都覺得幾好食佢飯set有一個面鼓湯 味道正正常常 冇咩特別天婦羅真心出色👍🏻未食過咁好食既天婦羅佢炸醬唔厚 咬落去好鬆脆個人推介穴子真係好好食雖然佢炸到咁 但係都有魚味 同埋好嫰滑仲有魷魚都係超級推介 初時食到有d淋淋地 又有少少彈牙但飯既份量真係唔太多 因為佢個碗個底係平既有少少唔抵食既迷你天丼&稻庭冷烏冬如果要食烏冬既佢只有呢set可以揀但呢個set有一個細既飯加個烏冬（個人認為雖然佢叫迷你丼 但佢既份量應該同普通丼差唔多 因為佢呢個係正常既碗）呢個天丼基本除左冇魚之外都同便當一樣烏冬係真係彈牙既 但略嫌個冷烏冬汁有少少淡不過個人比較鐘意烏冬汁重Wasabi先夠味

路過無位入左去食。幾好坐既，同朋友傾下計都系一個唔錯選擇。先系比杯入面有兩粒黑豆既茶你，一開始以為有污糟野🤣，幾特別既米茶，解油膩唔錯。叫左個咩都有D既個醃蘿蔔超好食，我勁喜歡會比盒配料自己選，我當然都有夾曬啦唔錯既食個晚食

本身唔係好鍾意食天婦羅/炸嘢嘅人，但係朋友好想食，咁就破例試下啦，估唔到好驚喜，原來天婦羅係可以咁好食，佢唔係普通平時粉漿炸出嚟好重油膩感果啲，呢間好酥脆，似係麵包糠嗰啲（唔係好識），唔會好乾，唔係一口爆油果種，呢個係好酥脆同比較清新嘅，好邪惡，好食👍🏻👍🏻

金子半之助係2010年東京起步，至今已經連續攞咗7屆日本全國天丼金賞，係2019年攻港後，陸續都開咗5間分店，係疫情下都堅持到，儲落一大班粉絲，始終天丼係一樣外賣同堂食時味道差好遠既美食餐牌既天丼由$98到$158不等，仲可以揀個迷你天丼配稻庭烏冬，每季都有用當季時令食材整期間限定天丼，而家食住冬天既尾水就有松葉蟹松葉蟹天丼 | $158 | 8/10上檯時砌到好似火山爆發咁高，全部都係香噴噴既天婦羅，其中引到我流口水既就係松葉蟹腳，因為係日本五大名蟹中最貴，食落外在酥脆，內在肉質軟滑，仲保留到鮮味江戶前天丼 | $138 | 9/10呢款係餐廳招牌之作，一上檯都忍唔住打卡，因為30cm長既穴子天婦羅差唔多有前臂咁長，食落肉質比較緊實，唔會話太油膩，同香酥麵衣非常夾，唔會好大負擔大讚隱藏功臣天丼醬汁，相傳係有過百年歷史既秘方，食落唔會好鹹，能夠吊出天婦羅既惹味，又可以防止個飯太乾，如果有得單枝買實支持

經過葵芳金子半之助，看見不用排隊便入去試試天婦羅天丼。入座後枱上有一壼熱黑豆茶，非常好飲有益和解膩松葉蟹天丼$158（ 期間限定）有一碟漬物，海藻子薑、 白蘿蔔、 醒神開胃，仲有麵豉湯一碗，松葉蟹腳、海老🍤小柱魷魚天婦羅餅、莢豌豆、 海苔、半熟温泉蛋，天婦羅炸得好冇出油，每件都淋上秘製醬汁，食落變相冇甘脆淋左少少，我覺得醬汁另上會好食啲🤔，食一半後將溫泉蛋戳破，令蛋液包住每一粒米飯都好好味天丼$98松葉蟹轉咗菇菌，肉質脆滑，味道鲜美其餘食物同松葉蟹天丼一樣。

金子半之助, 地址喺葵芳新都廣場，非常方便二人世界😊食得飽飽一小碟漬物：薑、蘿蔔，醒神開胃調味木盒：-蔥花、海藻、鯛魚花、天婦羅碎、半熟卵温泉蛋迷你天丼及稻庭烏冬（溫） $118一小碗飯，鋪上滿滿 ：-菇菌、海老、南瓜🎃、海苔、英碗豆、溫泉蛋日本米飯😋撈埋蛋 食，滋味稻庭烏冬，爽滑彈牙拌勻溫泉蛋 蛋汁吃，口感豐富，更多層次期間限定，當造松葉蟹天丼 $158酥炸松葉蟹腳，蟹肉飽滿多汁，嫩滑肉味鮮份外滋味😋 海老 彈牙爽口追加：小柱魷魚天婦羅餅 $28四方形，細細粒，賣相得意稻庭烏冬，爽滑彈牙拌勻溫泉蛋 蛋汁吃，口感豐富，更多層次

話系日本天婦羅過江龍，咁眯去試下，但真系幾失望。共同缺點- 大部分野食無基本肉味同”淋bat bat "- 賣點話天婦羅皮薄，但大家睇相話屬於厚定薄啦。江戶前天丼（$138）2分- 穴子系比較好味同大條，但吾乜口感，”淋bat bat"松葉蟹天丼（$158）1分- 松葉蟹一D 蟹味都無，又系”淋bat bat"兩個丼其它配料一樣- 小柱魷魚 - 魷魚反而吾錯，幾好味- 海老 - 海老一D 蝦味都無，又系”淋bat bat"- 溫泉蛋 - 個樣同味道仲差過吉野家。-飯 - 又系一pat 野，散收收。

期間限定松葉蟹天婦羅丼， 啲色太深， 好似用左千年油咁， 但食落又好食嘅， 個丼好食但唔好睇。仲有見到碗飯以為好大碗， 仲好開心話有咁多飯食🤩🤩， 隔離檯呀妹妹忍唔住笑笑口同我講， 隻碗係古惑的碗架， 個底高到不得了😵😵。

我好鍾意食金子半之助，又近我公司，放工都間唔中走過來食下天婦羅，呢度嘅茶係黑豆茶，啱晒食天婦羅時怕熱氣可以下火，仲有護肝、除濕熱、消水腫作用😉呢度嘅飯粒好軟糯～好咬口，飯碗仲特別厚作用於保溫，可以一邊食住天婦羅，米飯仍然溫暖濕潤～🥳丨江戶前天丼 ｜$138材料有穴子、海老、小柱魷魚天婦羅餅、溫泉蛋、海苔、莢豌豆，炸粉唔會好厚較薄身，穴子唔會炸到過乾，肉質幾嫩滑而且配埋秘製醬汁，純天然大豆、無添加原材料，別有一番風味～加啲七味粉少少辣仲惹味~🤩🤩🤩｜上天丼｜$98材料就有菇菌、小柱魷魚天婦羅餅、溫泉蛋、海苔、莢豌豆，同樣日本米好軟滑、有咬口，加啲古麻油，芳香撲鼻分人食指大動～我哋仲升級做車海老～較厚身，比平時普通嘅蝦大一倍，質感仲更加爽口～🥰🥰

源自東京嘅金子半之助，都開咗好多分店，Menu專注主打幾款丼飯🍚貴精不貴多由用料，到醬汁，到隻碗都好有講究。上網睇過資料，原來佢炸嘅胡麻油係特製，所以先令到炸出嚟嘅天婦羅顏色會比較深同埋香。隻碗都係用左江戶時代的陶瓷工藝-佐賀有田燒，碗底係空心，所以更加可以保持碗入邊嘅溫度。⭐江戶前天丼主打係穴子，長達30cm🥰😝超厚肉身，沒有腥味，油脂豐富，肥美軟滑。另外其他天婦羅包括小柱天婦羅、海老、溫泉蛋、海苔、豌豆，麵衣只有薄薄一層唔會食到成口粉，份量都好多，其實淨係食啲餸都夠飽😂⭐上天丼主角換咗赤金鯛，魚質紮實嫩滑，我自己就鍾意食穴子多d，夠肥美(*¯︶¯*)

Hello 大家好👋🏻！今日我嚟到位於葵芳新都會廣場嘅「金子半之助」。 想食天婦羅一定會想起金子半之助， 一間天婦羅專門店。 簡約日式裝修，坐位舒適。 食物質素穩定，我俾佢處於高質位置😆😆😆。美食攻略：今次同大家分享一下佢哋嘅「豐盛華麗之《江戶前天丼》」。開初睇餐牌都無在意呢個天丼嘅形容詞，到上菜果時豐盛華麗呢四個字係我個腦海中浮現😆😆😆， 真食物靚過上鏡我真係第一次遇到。 大大條鰻魚，加上好好味海老同埋小柱魷魚，炸得剛剛好唔覺油膩，溫泉蛋撈埋啲飯一齊食，同佢個賣相一樣咁正😋😋😋。美食指數：5🌝最高味道：🌝🌝🌝🌝🌚環境：🌝🌝🌝🌜🌚服務：🌝🌝🌝🌚🌚賣相：🌝🌝🌝🌝🌚

葵芳新都會 開咗一間日式炸物 專門店。 裏面的日式丼 配上 炸物 非常豐富。咁我就試下佢哋 最出名的 天婦羅。首先叫咗一個 江戶前天丼。 天丼包括 日式新鮮大炸蝦， 雖然炸到好 脆卜卜 但係仍舊食得出 蝦肉 新鮮的。 蝦肉扎 實 好好咬口。 炸粉薄薄的 配上日式豉油 非常之野味。其次就係 日式炸 鰻魚 ， 炸粉薄薄的 配上鮮嫩的鰻魚 非常之美味。加38元 升級海老， 更加會有兩隻大蝦附送。 絕對超值。前菜配上麵豉湯 清新可口。呢度服務員服務態度很好 個個都係後生仔女。

一嚟到賣相幾好但係就涷哂從來未食過淋既天婦羅碗麵豉湯又好鹹第一次食就瀨晒嘢想投訴但係嬲到唔想講嘢比成舊幾水🤷🏻‍♀️ 仲要有service charge😃 見到隔籬枱啲service又唔好得去邊