112
39
21
港鐵葵芳站 D 出口, 港鐵葵芳站 E 出口 繼續閱讀
所有分店 (3)
電話號碼
26618212
開飯介紹
有「日本第一天丼」美譽的日本天婦羅丼飯專門店,食材、醬汁等均是日本進口的。店舖主打江戶前天丼,提供鳳尾蝦、帆立貝、魷魚天婦羅餅等各種配菜。 繼續閱讀
營業時間
今日營業
11:30 - 21:00
星期一至日
11:30 - 21:00
付款方式
Visa Master AlipayHK 支付寶 現金 AE 銀聯 JCB Apple Pay Google Pay
座位數目
44
其他資料
Wi-Fi
酒精飲品
加一服務費
當面支付
食評 (224)
等級4 2020-07-17
139 瀏覽
爸爸一直都好鍾意食脆卜卜既天婦羅,今晚再帶爸爸黎encore天婦羅飯,之前都同佢黎食過一次,念念不忘,所以今晚就到時間就再黎食了。呢間金子半之助係日本既過江龍食店,一直都好多食客。今晚同爸爸早入座,所以人數不算太多,不用等位。餐牌方面都是以3款天婦羅丼飯為主,今次仲有新餐牌,有稻庭烏冬。或者可以選個雙拼,又有個天婦羅飯,又有個稻庭烏冬。正我同爸爸都係一人點了一碗江戶前天丼,因為我地都好鍾意個款又長又肥厚既穴子。呢款飯仲有海老、小柱魷魚天婦羅餅、溫泉豆、海苔、莢碗豆。所有天婦羅都好好味,即叫即製的,所以入口脆卜卜好好味,又熱辣辣,溫度岩岩好。穴子仲好長又肥厚,好正。次次食完個穴子都覺得大滿足,好正。另外飯上都淋了醬汁,醬汁份量岩岩好,又綿綿的粒粒日本米配上香濃惹味既醬汁,好快就會吃曬成碗天婦羅飯。個套餐仲有配上漬物同麵豉湯。餐廳仲有黑豆茶飲,黑豆茶可以消油膩,茶味香濃,唔錯,可以清一清口中的油膩感,從新的再吃下一款的天婦羅。除了免費任飲既黑豆茶外,仲可以飲下汽水,汽水配炸物都幾爽架。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-15
1845 瀏覽
今日午餐 , 去 葵芳-新都會廣場 的「金子半之助」, 食天婦羅丼 ~Menu ~餐廳供應的茶是 黑豆茶 , 豆香味濃, 解渴解膩 , 正 ~Edoma Premium Tempura Rice Bowl 江戶前天丼 (套餐附有味噌湯&漬物) : 賣相豐盛華麗 , 天婦羅食物有穴子、海老、小柱魷魚天婦羅餅、溫泉蛋、海苔、莢豌豆 ; 穴子和海老, 炸得火喉剛好 , 酥脆而不油膩 , 入口即化 , 既有油香 , 卻仍能保持食材的原鮮味 ; 米飯都煮得Q韌彈牙 , 撈上溫泉帶來吃 , 又是另一境界 ~ 超讚 ~總括來說 : 食物美味 , 價錢大眾化 , 讚 ~本篇完 ~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-14
954 瀏覽
來自日本的第一天丼專門店的「金子半之助」,開了都一段日子,環境仍然好新好乾淨,而且因為地方算大,隔離開的位置也很足夠,而且令人感到安心。餐廳主打天婦羅丼飯,而且只有三款丼飯,分別在於主材料有穴子/鱔魚/菇菌,其他的天婦羅配料都是一樣,價錢由$98-138,附有味噌湯及漬物。點餐後,由於即點即炸,大約10分鐘左右上菜,這時可以睇睇旁邊的建議食法。餐廳特別有黑豆茶,可除濕熱、解痰、清水腫及滋補腎臟......很健康有益,個人覺得都幾消膩。江戶前天丼 $138有超長30cm的大尾穴子、海老、小柱魷魚天婦羅餅、溫泉蛋、海苔及莢豌豆。漬物有醃蘿蔔及醃牛蒡,前者清甜帶微酸,後者甘甜酸酸地,有微微纖維感,兩者都清爽開胃很消膩。味噌湯微咸溫熱,入口濃香,還有少少昆布和豆腐粒,很正宗的日本味道。穴子即是星鰻,這有別於一般鰻魚。星鰻的肉質纖細,油脂較少,口感緊實,所以食落更輕盈健康,亦都減少了油膩感覺。星鰻做成天婦羅,更添份鬆脆感,而且餐廳做的天婦羅帶有清新柚香,味道好好。餐廳用了日本小麥粉及日本新鮮雞蛋,以黃金比例調成炸漿,也特選用了由古法精製的古麻油,芳香撲鼻,所以做出來的天婦羅特別鬆脆酥香,入口充滿麻油香味。海老唔算好大隻,肉頗細,但都爽彈,反而更顯炸衣的厚度,吸到甜甜地的祖傳秘製醬汁,提升味道。小柱魷魚天婦羅餅,內有很多貝柱粒和魷魚粒,口感彈牙肉質柔軟,配合天婦羅的鬆脆口感,很有層次。我用海苔天婦羅卷著米飯同食,有濃濃海苔香,莢豌豆天婦羅也酥脆清爽。建議食法介紹客人,先食襯剛炸起的天婦羅(穴子/海老),再嚐祖傳秘製醬汁的米飯,食到中段,可將溫泉蛋戳破,包著每粒香軟米飯。蛋汁味道濃郁,濕潤的口感,亦增加味道層次。另外,祖傳秘製醬汁用天然大豆及無添加的材料精製而成,味道醇厚,咸中帶微甜同芳香。米飯以黃金比例煮成。三者合一,確實令人回味。上天丼 $118主材料有鱚魚,其他天婦羅配料是一樣的。鱚魚開邊再炸至金黃香脆,也是超大塊的視覺吸引,看到炸衣已經覺得好鬆脆。肉質鮮嫩飽滿,炸衣還可以鎖住魚肉的水分,是脆爽炸衣與鬆軟多汁魚肉的鮮明對比,味道和口感令人很滿足。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-29
1240 瀏覽
之前喺大阪嘅金子半之助食唔到佢嘅江戶前天丼~返到嚟香港又經歷咗一段好忙嘅日子~今日終於抽到時間嚟食香港版金子喇~我揀咗位於葵芳新都會廣場呢間分店~非常易搵,就係喺新都會側門入口嘅位置~下午五點幾去到~唔洗排隊~一入到去就聞到陣陣麻油香氣~環境不大,一眼睇晒~開放式廚房~睇到晒佢製作過程~侍應隨即奉上一杯放咗黑豆嘅杯~再介紹黑豆有消滯功效~香港版嘅金子有江戶前天丼~我緊係揀佢啦,朋友亦跟我一樣~師傅小心翼翼咁放置天婦羅~連漬物都全神貫注咁放~真誇張侍應送餐時有建議食用程序~再強調漬物有消滯作用好震撼嘅天丼,好大條鰻魚啊~好霸氣咁打橫放咗喺碗飯度~份量真係勁量級~首先飲咗碗麵豉湯先~之後就食天婦羅,有莢碗豆(何蘭豆)、尤魚粒、炸蝦何蘭豆清甜好味,尤魚粒軟得嚟口感又好好~朋友話暫時係佢食過最好味嘅尤魚天婦羅~炸蝦仲有兩大隻~就連紫菜都特別炸過~重頭戲緊係條霸氣鰻魚啦~咬落唔腥,滿滿肉感,雖然唔係爆汁嘅鰻魚~能夠炸到剛剛好唔乾爭爭,都唔係一件易事~侍應建議食到一半先將蛋整穿,蛋漿流出再連同飯一齊食嘩~不經不覺就食咗好多啖~終於明白~侍應點解咁強調消滯....因為食完呢個天丼...簡直係飽到上心口太好味又忍唔住食咗好多...實在太邪惡喇 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-20
506 瀏覽
女仔通常有選擇困難症,但呢間以天婦羅為主打嘅日式餐廳得三款菜式選擇,就唔洗煩啦!香港嘅餐廳通常都用各式各樣嘅新菜式吸引人注意,但日本就唔同,「職人文化」正正係專注於一件事,呢間就係天婦羅專家啦!同朋友各自選擇唔同款方便share少少1.上天丼:無諗過食飯都有專屬嘅教學不過就感受到店家好認真對待品嚐美食呢回事咁大隻海老非常搶眼,真係實物如圖,入面有魷魚天婦羅餅(好彈牙,香港唔多餐廳有呢種小食)、另外炸魚都有2件,魚肉好滑而且無骨,海苔又爽脆成座小山丘咁,仲配上牛蒡同小蘿蔔,解一解油2.江戶前天天丼最特色就係穴子,即係星鰻啦,如介紹一樣少d脂肪,所以口感無平日食嘅鰻魚咁膩,肉質實d但又唔會鞋,外皮炸得亁脆唔會厚粉,真係有30cm長!近鏡望下,白色就係肉啦。無乜肥油。作為飯桶,我都俾星星呢間嘅珍珠米,香滑彈牙,配上脆脆天婦羅先襯架!飲品方面就罐裝為主,畢竟唔係主角,但唔洗失望,免費嘅黑豆茶更有特色,又香又去油膩感望住師傅整,件件都係心思之作。環境清新,枱同枱之間唔逼。溫馨提示:份量唔細,大食如我嘅女仔都真係食唔哂一碗,大家可以按需要叫少飯支持環保 繼續閱讀
(以上食評乃用戶個人意見 , 並不代表OpenRice之觀點。)