320
10
3
開飯介紹
富麗堂皇的中菜酒家，集團式經營，可作婚宴及宴會場地，供應高質點心及粵菜。
繼續閱讀
營業時間
今日營業
10:00 - 16:00
18:00 - 23:00
星期一至日
10:00 - 16:00
18:00 - 23:00
公眾假期
10:00 - 16:00
18:00 - 23:00
以上資料只供參考, 請與餐廳確認詳情
食家推介
係石門飲茶，可以說，是豐儉由人的。平平地，京瑞廣場那邊有唔少選擇。要高質、氣派一點，近河邊有酒店同畫舫，可以讓老闆們一起邊食邊傾生意或一大班同事來 team lunch。而這一次的 team lunch，我們就來到萬怡酒店《星海薈》，吃一吃精美的午餐、精美的點心同炒粉麵啦。中午的一餐，主要都是食點心同炒粉麵。其中一樣大家都喜歡既點心就是煎蝦餅。苜先端到我們檯上的蝦餅，已經是香味四溢。用純蝦用打成的蝦膠再香煎，十全十美的鮮味是沒花假的。點一點海鮮醬，其鮮味更加之突出。之後，又是一個鮮蝦的炸點。是一份又香又脆又充滿蝦味道的鮮蝦腐皮卷。外層的腐皮炸到超級脆，內心的蝦肉粒香口彈牙，美味可口。香口美味的煎炸點永遠是先來的。我們點的 XO醬腸粉，可以說是一份濃濃香香，香香辣辣的點心。炸出來一球球的東西，負責點餐的同事先來一個猜猜是什麼的小遊戲，有人說墨魚咀，有一說是鮮魷...... 然而，最後揭曉的答覆，是椒鹽雞軟骨。椒鹽的味道咸得黎又香又辣，加上了是煎炸的口感，絕對是惹味之作。雞軟骨，咬落 shok shok 聲，很有口感，是一個大家都覺得滿意，而且是我們唯一一個加點了的點心。蒸點中，一定有蝦餃同燒賣。要保留到每人至少有一件，兩者都叫了兩籠。蝦餃，當籠子一打開時，見到蝦餃的皮，已經說給我聽，這是一份有水準的蝦餃。因為單是個餃皮，已經做到晶瑩剔透，同埋，見到裡面是蝦膠，蝦肉粒同荀絲 (應該也有肥豬肉)，餡料正宗，也是令人開心的。燒賣，是鮮蝦同肥豬肉做餡的，味道份外的鮮美。入口，是滿滿的鮮蝦香，燒賣頂部的魚子，更令燒賣既香口感倍增。此外，這《星海薈》貴為一間 Fine dine 少少既酒樓，並沒有花巧地把蝦餃、燒賣弄到變成貴價的東西，保持傳統，更加好。牛肉球算是最抵食既點心之一，肉阿香，是一個結實而非結硬的球體。這牛肉球，絕對是充滿牛肉的鮮味，放入口時，感覺是腍腍的，綿綿的，同美味的。叉燒包，大家都最愛食的叉燒包。的確，我們也是預了兩大籠，一人有一隻。當我一撕開個叉燒包，內有紅紅的醬同明顯是一粒粒叉燒。而且，入口香甜，醬味同叉燒味都濃烈。是味道、口感、手感同非常傳統的叉燒包。那天，有一個推介食品，安格斯牛柳粒。用上了安格斯牛，牛柳粒當然是好好食啦。之不過，出來的所謂安格斯牛柳粒，是甜豆炒牛牛柳粒而不是牛柳粒炒甜豆。甜豆很多，牛肉就很少。多人食，當然要點飯麵來大家分享。飯，是砂鍋鱆魚雞粒煨飯。有炒飯的香口感，但沒有炒飯的那一種油膩。這樣的煨飯，以高溫把鱆魚同雞肉的精華滲透在米飯粒之中。米，是粒粒皆辛苦；而這飯，是粒粒皆美味啊。另一個是炒麵，說正確一點是煎麵。名字叫咕嚕蝦球香煎脆麵，看起來有少少似錦鹵雲吞，食法也同錦鹵雲吞雷同，都是先把麵餅同炸蝦放入碗中，再淋上咕嚕汁。喂! 呢個麵，食完係會令你開胃架。差點搞到我地想再叫多啲野食。地方舒適，食物出色，絕對是一個會客的好地方。當然，大伙兒 team lunch，要開心地，也想優雅地飲茶食點心，也是一個非常合適的地方。
繼續閱讀
🌟餐廳：星海薈(沙田萬怡酒店)📍地址：沙田安平街1號香港沙田萬怡酒店1樓⏰營業時間：星期一至日 07:00 - 23:00💰價位：～$200 - $400📱電話：2811 9068入秋後又到左食大閘蟹既季節✨今日準時收工勁開心！約埋媽媽搵間既可以歎大閘蟹，又可以一嚐中菜既地方♥️星海薈最近主打星級大閘蟹套餐，更提供晚市孖寶菜式，性價比十足之餘，選擇又多元化。———————————————————🌟星級大閘蟹套餐🌟🔹冰鎮花雕五頭南非鮑魚-五頭南非鮑魚大大件，厚肉又有彈性~以花雕浸制後，入口散發啖啖酒香，配合鮑魚既鮮甜味，成個組合及味道好夾~🔹蟹黃燴生翅 -歎大閘蟹之前先黎一份蟹黃燴生翅熱下身先~上層鋪滿大閘蟹蟹黃及蟹肉，融合魚翅再煮成湯羹，足料濃稠啖啖鮮味十足，好滿足~🔹蟹粉小籠包-再黎一道即叫即蒸既蟹粉小籠包~大大件皮薄之餘，餡料又豐富~一咬開外皮，濃濃既蟹粉肉餡湯汁四溢，夠哂滋味！🔹紫蘇蒸大閘蟹(兩隻)(每隻約5兩)-熱辣辣香噴噴既主角出場啦~餐廳提供左2隻蟹公比我地，岩哂我地口味！大閘蟹蟹黃豐腴，金黃色色澤鮮明，夠哂澎湃~流心狀蟹黃入口甘香味濃，令人齒頰留香、回味無窮，蟹既肉質亦緊緻鮮嫩，整體好出色！🔹生拆蟹肉雲腿扒豆苗-呢款生拆蟹肉雲腿扒豆苗份量夠哂豐富~特別係生拆蟹肉加入雲腿及蛋白勾芡，豆苗又夠幼嫩，mix埋一齊食夠哂滑嫩又濃郁，超滿足~🔹招牌原隻脆皮皇子鴿-套餐仲包埋招牌原隻脆皮皇子鴿，菜式夠豐富~脆皮皇子鴿外皮香脆，肉質滑嫩，重點係即叫即炸，仍保持乳鴿既油香及肉汁，難怪成為招牌！🔹夠薑汁九層糕-飯後甜品係薑汁突出既夠薑汁九層糕，入口煙韌又軟熟，值得一試~🔹黑糖薑茶-食大閘蟹最緊要歎埋杯黑糖薑茶，驅寒又暖胃，薑味香濃之餘，加入黑糖更易入口，夠窩心~———————————————————為食既我地，當然就試埋餐廳既晚市特惠孖寶及其他小菜啦，咁先夠盡興~🌟特惠孖寶🌟🔹清蒸龍躉斑仔呢度既蒸魚亦同樣出色~龍躉斑仔肉質厚身又夠嫩滑，火喉岩岩好，加入蔥絲及蒸魚豉油提鮮一流~🔹紅燒皇子乳鴿媽媽就最鍾意食乳鴿，呢款套餐又有一隻，我地一人一隻，食得夠滿足~———————————————————🔹紅燒竹笙菌皇豆腐-意猶未盡既我地，再叫多款小菜試下先~材料份量十足，豆腐外層輕輕煎香，食落帶點層次感～上層加入爽脆既竹笙、冬菇及菜心，顏色夠鮮艷，整體菜式健康又夠營養～———————————————————😋味道：4/5🏢環境：4/5💁🏻♀️服務：4/5💵價錢：4/5🤟🏻性價比：4/5———————————————————👅整體小總結呢間「星海薈」位於沙田萬怡酒店，鄰近沙田市中心，夠哂方便~餐廳環境樓底高而且寬敞，用餐氛圍，夠晒舒適寧靜。食物方面，主打既星級大閘蟹套餐，價錢親民之餘，高質素之餘，包含嘅菜式又夠多，大推！另提供晚市孖寶及各款精緻小菜，種類夠細多元化，無論一家人定係約埋三五知己黎呢度晚飯都好合適～另外值得一讚嘅係，餐廳嘅店員及經理殷勤有禮，熱心介紹各款菜式，笑容滿面態度親切，令到我哋食得好舒服～
繼續閱讀
今天跟舊同學於沙田萬怡酒店內的星海薈茶聚。這裡環境較寧靜，裝飾華麗，橫跨差不多整個宴會廳一百八十度視野的玻璃幕牆十分搶眼，那些閃𤒇的水晶燈飾和富有藝術感的擺設令人眼前一亮。中央處還設有一個大舞台，絕對會是婚宴或大型飯局活動的好地點。～原籠大澳三鮮蒸飯三鮮有著又香又有咬口的蝦亁🦐和魷魚仔🦑，還有鮮甜可口的帶子肉，再配上惹味大澳蝦醬，滋味無窮，配上粒粒分明的雞蛋炒飯底放在荷葉上原籠蒸熟；入口充滿咸香味，口感超棒，色香味俱全。👍～XO醬蘿蔔糕切成小方粒的蘿蔔糕賣相討人，煎得恰到好處，加上炒香的惹味XO醬，味道甜中帶點微辣，非常滋味。😋～紅燒原隻王子乳鴿醃得入味的乳鴿皮脆肉嫩，完全不油膩。～晶瑩鮮蝦餃🍤大大粒蝦餃晶瑩剔透，皮薄餡靚，蝦肉鮮甜又彈牙。～蟹籽燒賣皇餡料豐富的燒賣同樣爽口彈牙，蟹籽也是亮點，提升整體味道外，入口逐粒咬破，有趣又好味。～鮮蝦腐皮卷炸得香脆的腐皮包裹著厚厚的鮮美蝦肉，啖啖肉又脆又鮮甜；沾上醋汁，味道更上一層樓。這店提供的美食份量十足，用料新鮮，製作用心，絕對物有所值。我們邊談邊吃，特別暢快。這店所處周邊的交通亦十分便捷，巴士小巴地鐵站等都在咫尺之遙，顧客可在飽餐之餘選擇往鄰近的商場如新城市廣場購物消閒，當然亦可以沿着城門河漫步欣賞美景，享受悠然人生。
繼續閱讀
星海薈在萬怡酒店一樓，上一層電梯就到。環境裝潢高貴大方，主要以藍色配以銀色為主色調，中央有一大舞台，睇落可作為婚宴場地，加上鄰近新城市廣場購物mall，可以買完野過黎食野。招牌白胡椒蟹（$638）見佢粵菜推介招牌白胡椒蟹，每隻約斤半，便叫左隻試一試。蟹以鐵板上菜，保持住一定溫度，另有白胡椒醬汁另上，倒落蟹上，即時香氣四溢，蟹白胡椒味極濃郁，食落都幾有鮮味，配菜有洋蔥、八里香等香料，令蟹肉更有香味。紅燒皇子乳鴿（$68）有提供手套方便用手食用，細心位值得加分。乳鴿表面燒得晶瑩剔透，肉質鮮嫩多汁，火侯控制得剛剛好，完全無焦黑，配搭米飯一齊食滋味十足。金銀蛋莧菜（$138）首先份量係相當有誠意，底下係莧菜，上面鋪滿皮蛋、蛋黃蛋白，莧菜口感爽口，不會太淋或者太硬。
繼續閱讀
呢間位於石門酒店真係精緻點心酒店式享受，每次同同事飲茶都會講起適合做婚宴場地，下個月都會嚟呢度飲喜酒，宴會場地長形間隔，迎賓進場還有大玻璃開陽！有時飲完茶同朋友在鄰近購物Mall行行消化下唔錯！今次除了點選主打蝦餃、燒賣外，第一次試安格斯炒牛河，鑊氣十足，上枱熱辣辣又香噴噴，食牛河最重要就是不油膩、牛肉鬆軟有牛味。加上香蔥、芽菜和洋蔥絲配搭一流，可見廚師功架！回頭率極高！第二推介椒鹽魷魚鬚：魷魚鬚白滑彈牙，脆槳調校得剛好，入口鬆脆非常，即使沒有香醋，原汁原味更好！雖然是小食，但份量十足，四五人分享不是問題，性價比高！所有點心都是即叫即制，不失酒店氣派和質素的！
繼續閱讀