譚仔三哥米線

營業中

休息中

一排冇食譚仔三哥，去完街行經譚仔三哥發現新出了下午茶餐，於是入去試。平時都係食米線，下午茶餐竟然有飯食，於是揀了三哥炸醬飯餐，套餐有一碗細飯，飯上面有炸醬同酸菜，另外有一碗雙餸清湯小食，小食有幾款食材可以揀，我揀咗腩肉同鮮冬菇，湯底就係平時米線既清湯，仲配埋熱檸水，都係$30咋，真係好抵！

話說我今日不經意嘅一頓事兒，立馬喺這家店為自己掃嗮三款味美菜式：麻辣牛肉米線、爆辣小豬件同柚子桂花茶。先嚟講講嗰碗牛肉米線，賣相心水噹噹，湯底麻辣得嚟又唔會辣到想喊，湯頭喺舌尖上噴薄而出，大塊牛肉軟綿綿，入口即化，滿足感爆棚。😋至於嗰碗爆辣小豬件，實話實說，辣悶掟到爆款水平！隻隻小豬件外皮烤得香噴噴，一咬落去，肉汁四溢，唔止辣，仲有層次分明嘅香料味，攪得我停唔到口。🌶🐷飲品就兜得剛剛好，柚子桂花茶清新提神，每一口都似在花園中漫步，賞心悅目之餘，仲幫到手消解下辣勁。喺這重口味之旅嘅終點站，呢杯茶猶如涼風一陣，為味蕾帶來一絲絲嘅甜蜜安慰。🍵總結，這次嘅美食之旅，正到無話說，想要抖個辣韻，想要破格一食，喺這家店絕對值得一試！

我好耐冇食過譚仔🖤 咁啱見到某外賣平台有個三餸米線🍜的優惠活動 所以就光顧了✨🙈選擇了特辣的麻辣湯底 以及三餸選擇了豆卜、金菇和牛肉超級夠辣 好好食😋不過係冇層次感 嗰種辣 我稱之為死辣～食一兩啖嘅時候 就要飲一啖茶 去平衡返🤣餸菜足料✨ 牛肉有啲根之外 冇啲咩其他特別唔好嘅地方最近我食嘢 偏好鍾意食外賣🥡 感覺上透過外賣可以睇到店家是否貼心 是不是願意增加額外的成本來提供用戶良好的用餐體驗 有沒有跟餐具🍴如果麵的話 有沒有跟麵隔 或者其他配料 等等 雖然我有啲覺得…呢一啲位係好基本嘅要求 但係事實上都係有啲店家做唔到…餐具🍴匙羹係呢一種硬紙質嘅 筷子係普通嘅木筷子🥢 感覺好環保 ♻️亦都比普通膠製的匙羹 🥄握匙羹的位置較長身 比較方便吃麵類的東西✨有麵隔 🖤據我的外賣用餐體驗 有部份其他的連鎖店 是沒有提供麵隔的

今日同屋企人去食譚仔三哥，12點前入去，不需要等位。我們點了三碗米線，大土匪雞翼和尖椒皮蛋。煳辣湯底非常惹味，加上榨菜更好味。土匪雞翼保持水準，但比較細隻。尖椒皮蛋十分好味，有些皮蛋甚至有雪花紋。

幫襯呢間野次次都一肚氣，外賣自取安排混亂，一係等勁耐，用app叫定，個架放正門口，正常人都唔會放野阻住出入口掛，呢間已經唔係多客人，店員最喜歡避客，成日扮睇唔到有人，反正都係請專才就請多幾個人，個個喺香港做野但無心想學好廣東話，最奇係一間店，樓面可以長時間無人！食物質素差，酸辣湯底淡如清湯，仲好意思要收多人$1。豬潤腥，叫幾餸，但餸既份量好小 ，土匪雞翼唔入味同難食，竹園無野好食，叫delivexxxx好過，唔會再食呢間野，連一碗米線都煮唔好…….

琴晚同朋友去完動漫節諗住一齊食埋晚飯，但係灣仔吾熟路，吾知有咩食，同埋咁多人去動漫節，一定大把人係灣仔食晚餐，所以我決定搭地鐵番黃大仙先食晚餐，本來想打邊爐，點知餐廳無位，於是去搵其他野食，諗住每間餐廳拎飛，邊間快就食邊間，點知尼間話吾洗拎飛已經有位，原來出面成班人都係等外賣入到餐廳坐低左，好快點餐，但上餐速度有d慢，好似一直都係做外賣單先，餐廳上左飲品先，等左一段時間米線終於到，幾好食，可能太肚餓既關係，今次可以成碗食曬👍🏻

最近三哥又推出新品🍜身邊有唔少朋友已經試左，個個都話有驚喜，同平時食開既米線好唔同😍作為三哥小粉絲我都走左去試下😆🍜香辣回鍋肉蝦仁炆米線三哥突破之作✔️😆！今次係以「炆煮」既方法代替以往湯米線既整法，每條米線都吸收左香辣秘製醬汁，夠晒惹味🤩成碗米線材料都好豐富，回鍋肉係用腩肉炮製而成，口感清爽而不膩，另外仲配有爽口彈牙既蝦仁同清甜既紹菜，撈埋回鍋肉汁整體味道好夾😍米線仲可以自選辣度同追加其他三哥材料👍咁新穎既米線好值得一試😛🌶麻辣醬銀耳鹿茸菇秘製麻辣醬正！好有麻香🌶😛銀耳口感爽脆，吸收埋濃郁既醬汁，非常惹味😳鹿茸菇既香味都好濃郁，加埋乍醬落去，超級開胃！呢碟一開始左就唔想停，好好食🤤🤣🍹露絲瑪莉蘋果梳打食完辣野，叫返杯梳打解辣就最好不過😍 青檸蘋果梳打味道清甜微酸，帶有啖啖薄荷涼感同玫瑰清香，飲落十分清爽，正！

譚仔三哥嘅湯米線就食得多，但係炆米線就真係未試過！🤩 今期三哥又有新產品🔥：香辣回鍋肉蝦仁炆米線、麻辣醬銀耳鹿茸菇&露絲瑪莉蘋果梳打～ 聽落都覺得好吸引呀～🤤炆米線比起一般嘅湯米線更加入味，米線均沾滿辛辣嘅秘製醬汁，食落好惹味！配料亦好豐富、配搭上爽彈嘅蝦仁同回鍋肉，真係食得好過癮～🔥 想食再豐富啲更可以加配指定配料添～新小食「麻辣醬銀耳鹿茸菇」都好唔錯，銀耳同鹿茸菇嘅口感爽脆，沾滿乍醬加上麻辣汁，餸飯一流！🔥😋🍏顏色鮮艷嘅蘋果梳打都有驚喜，飲落味道清新、酸酸甜甜的，甜度適中～👍🏼

譚仔三哥幾乎係我呢排嘅飯堂，見佢新出左幾樣野，費事成日食開嗰幾樣，今次試吓新推出嘅螺酸湯豬皮螺片米線 一上枱已經聞到好香嘅酸筍味道，食落個湯底好正宗，酸酸辣辣，但同平時嗰種酸辣又有啲唔同，湯底採用深海海螺切片加入用傳統古法醃製嘅爽脆酸筍同酸辣豆角，酸香鮮甜，幾特別又幾好食，越食越過癮～配料方面，有海螺片同埋麻辣豬皮，個人覺得份量都幾多，海螺片同豬皮都大大塊👍🏻真係好惹味食譚仔三哥唔可以唔叫小食，試埋新出嘅椒麻涼拌魚爽肚 之前出過魚爽肚之後一直都作為配料，爽口彈牙好受歡迎，今次見到佢出咗小食即刻點，配埋三哥秘製椒麻汁同手拍青瓜，好味，雖然佢五小辣，但食落又唔算好辣，好鍾意呢個辣汁！ 飲品方面，試左新嘅鳳梨藍蝶花香特飲，一上枱已經好吸引，好靚好岩打卡，以鳳梨同青檸調配，底層係鳳梨果茸，加入顏色獨特的碟豆花，做出漸變效果，味道酸酸甜甜👍🏻解渴又解辣，將特飲提昇至另一層次。

石米線點可以唔去三哥，最近喺廣告見到三哥新出左一款，忍唔住都要去試一試，見到都有唔少人嗌咗依款1️⃣螺酸湯米線，有筍，豆角，螺片，豬皮，有酸辣，可以揀辣到，我揀咗10小辣。味道唔差，但我唔好筍，所以有好強烈嘅筍未，有點臭，接受唔到，反而愛筍之人可能會鍾意2️⃣魚爽肚，麻辣味好正，有趙口，我超鍾意食，除咗土匪之外我最愛可能係依款3️⃣碟豆花菠蘿特飲，味道好夾，超好飲有菠蘿說，好好飲，三個特飲都有水準，唔會令你失望

最近見到三哥又出咗新產品，當然要去試吓～🤩 🐚螺酸湯豬皮螺片米線螺酸湯呢個新湯底味道有驚喜！😋 湯底用咗海螺敖煮、用上酸筍同埋酸辣豆角，味道比起一般酸辣湯更突出而且鮮甜～ 螺片足足有三大片、肉質肥美～ 豬皮煮得好入味、食落係滿滿嘅骨膠原！🐷🐟椒麻涼拌魚爽肚魚爽肚口感鮮嫩爽滑、配上秘製嘅椒麻汁同埋清新爽口嘅手拍青瓜，係一碟好開胃嘅前菜～🥒🌱鳳梨藍蝶花香特飲漸層嘅碟豆花顏色好靚😍 飲品味道甜甜酸酸的、好清新～ 底層仲有好多鳳梨果茸、幾好飲😋呢期三哥嘅新產品又特色之餘、水準亦很好～ 未試嘅朋友快啲去試吓喇～ 😜

今日太熱 唔想去遠嘅地方 決定去啲近既地方食下野就算 呢間譚仔其實都開咗好耐 但係一路都未試過 比起其他譚仔 呢間譚仔會更加小人 唔使排隊 但係今日入到去嘅時候都爆曬場 得返兩個位 咁入去入到去好快就叫咗一個蕃茄湯底魚腐米線同埋一個大土匪雞翼喇先講土匪雞翼 真係水準好穩定 佢可以焗到岩岩好個皮好脆 但痴著骨既肉係微紅 岩岩好熟 所以D雞肉仲係好嫩滑米線個湯底就偏甜今日冇咩胃口都可以食得落好多 米線正常腍身 整冊黎講米線冇出面D整得咁好食 但個雞翼超高質

見餐牌的花膠胡椒雞米線好靚咁，所以就叫黎試下，店知一黎到得一件雞，雖然雞好滑好嫩，但得一件會否太過份呢？ 張相明明係有4件雞仲要有雞皮，但我果件連雞皮都無，，簡直就係差天共地🙄真係無下次！逐份送叫都冇咁嬲！仲要食唔飽🙄

作為譚仔三哥嘅忠粉絲每逢有新嘅都一定要試呢個係佢第一日推出撈酸辣粉。一收工第一時間要去食 點左中辣酸辣粉本身配有豬耳青瓜雲耳薄脆榨菜配料份量唔太多如果唔夠可以加自選料我就再加咗個爆辣豬扒..之前食過勁岩我味！好辣..豬扒仲好juicy 唔鞋口！辣上加辣食上癮酸辣粉份量夠.好有咬口！醬汁都夠撈完食晒都仲有醬汁淨....當然要配有杯冰檸檬茶先可以圓滿個飯餐啦！係一款試完可以再食既食物..但唔知係限定定係列入餐廳指定菜式

相信好多人都係譚仔三哥fans， 今次誠意介紹呢個配搭: 牛肉米線(蕃茄湯底)，新出嘅"爆辣小豬件"，同埋柚子桂花茶。💡爆辣小豬件($23): 剩叫碗蕃茄湯米線有啲單調，叫埋小食就搭配得剛剛好。小豬件果然有驚喜，辣到噴哂火，岩哂食得辣嘅朋友仔。肉汁爆滿，即叫即烤，肉質鮮嫩，仲有多款香料同秘製醬料當調味，好惹味，心郁郁想encore，絕對可以挑戰土匪雞翼嘅人氣地位😛唔食得辣嘅朋友仔可以試下"鹽香小豬件"，以混合嘅胡椒香料同埋椒鹽醃製。💡柚子桂花茶(加配$10): 果味濃，有養生潤肺嘅功效，感覺好清新，完全唔會過甜。香噴噴令個人放鬆紓壓。食完辣野可以用嚟解辣。💡 牛肉米線(蕃茄湯底): 蕃茄湯底岩哂唔鍾意食辣又唔鍾意清湯咁清淡，蕃茄豐富營養，唔會太油膩，夠健康呀。唔駛膽心係未色素，保證用鮮甜蕃茄製作，真材實料。份量又多，食落啖啖番茄肉，真心坻。💞仲可以自己揀辣定唔辣💞仲唔少得蕃茄素湯，岩哂素食朋友仔。譚仔三哥嘅牛肉大大塊，有幾嫩滑幾好味相信大家都知😄😄😄💡最緊要係分店多，地點就腳😍誠意推介!#譚仔三哥#爆辣小豬件#柚子桂花茶#三哥賓治#香港美食#hkfoodie#foodiehk#hkbl