331
13
8
開飯介紹
主打薄餅、炸雞等料理,餐牌標明無肉薄餅,方便素食者選擇。
繼續閱讀
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
有關獎賞計劃
招牌菜
食家推介
相關文章
今日下午約咗朋友去土瓜灣搵嘢食,土瓜灣一向都出名多嘢食,我就較為喜歡食西式。跟住見到有一間叫怪獸薄餅,鋪面望落去裝修好特別,好有氣氛嘅Pizza店。睇食譜都好多選擇,尤其係心形嘅pizza真係好特別,價錢又相當之合理,款式又多。除咗Pizza之外,佢仲有多款嘅炸雞,每一款都好特別,除咗有BBQ味,仲有加咗檸檬嘅炸雞,所以就立即入去坐低,開始點菜。我地點咗個細size嘅心形食肉獸pizza,另外再點咗兩個午餐,先5五十幾元,仲有小食,小食都是揀了炸雞,仲可揀上脾或下脾。一個就係好好味嘅芝士肉醬熱狗,個熱狗除咗個條腸脆皮好食之外,個熱狗皮亦都非常之鬆脆,yummy。另外我就揀咗個肉醬意粉,意粉彈牙之外,啲肉亦都恰當鮮甜,我地仲點左雞翼,揀左檸檬蜜糖雞翼,超正呀,即叫即整,食咗咁多嘢,都係二百零蚊鬆啲,真係十分之優惠,如果學生去食,着校住服仲可以減$8蚊,真係好照顧民生,值得推介。
繼續閱讀
平時少嚟呢區,今日跟朋友嚟食下午茶,整體嚟講Monster Pizza真係唔錯,呢日點咗個暢飲套餐($298),會員價係$253首先係呢大壺勁啱打卡嘅檸檬茶,茶味濃,檸檬夠多,仲有薄荷葉提味,味道好唔錯,賣相又吸引,叫得暢飲套餐,鍾意飲酒嘅可以揀8罐Asahi或者4樽藍妹秘製燒豬排骨配薯條 - 豬味香,肉質軟腍,調味都唔錯,薯條又脆又綿,沙律菜亦新鮮檸檬雞翼 - 甜甜酸酸嘅檸蜜味勁清新,味道好開胃,肉又嫩口曼克頓 - 醬汁可以自己揀,我揀咗燒烤醬,芝士、洋蔥同肉腸都好夠多,可以自己加芝士粉同tobasco提味,焗得幾好食餐牌嘅選擇好多,用QR code落單好方便,發現掃完QR code嘅選擇會更多餐廳裝修有特色,風格幾特別,店入面有好多有品味同玩味嘅擺設,地方好乾淨,座位又夠闊,坐落感覺都好舒服,成餐下午茶感覺幾好
繼續閱讀
QR code落單可自助拎醬同斟水,免加一好抵食!星期一至五日日都有唔同優惠:星期四比現金九五折,星期五啤酒買一送一。當然唔少得堂食批餐,包一個中批、兩個主食、兩杯飲品。堂食中批餐 $239中批都有9寸大大個夠晒飽😍 辣肉腸下超多芝士,批邊鬆軟,芝士焗到焦脆好香海鮮焗闊條麵有超多海鮮,尤其啲八爪魚粒爽口彈牙又多汁,闊條麵忌廉醬汁好香唔會太鹹香濃鮮茄肉丸焗飯肉丸幾彈牙,份量又多,蕃茄汁同芝士撈勻個飯好開胃餐飲揀熱蜂蜜薄荷茶唔使加錢,好香薄荷味好清新,蜂蜜甜甜地另外仲單點左一個芝士煙肉焗薯蓉$42,超級滑好多芝士,仲有少少粟米粒甜甜地呢間餐廳喺大街地點方便,店員有禮貼心,食物價錢又抵食,好值得推薦✔️
繼續閱讀
土瓜灣附近返工,想搵啲抵食嘅pizza 意粉,發掘左呢間小店,有好多優惠套餐,都幾抵嘅價錢又可以一次過食晒pizza同意粉,味道都幾好,見到都好多學生幫襯!Pizza心形食肉獸 +蕃茄醬呢度嘅Pizza竟然可以揀心形😂,第一次見心形嘅Pizza lol 焗出嚟又真係心形喎,如果好鍾意食肉嘅朋友呢個Pizza就啱晒,入邊有勁多肉粒。薄餅底好紮實同煙靭👍🏻另外再叫左個炒意粉套餐,幾抵食的,揀左蜆肉炒意粉,白汁底,仲有其他配菜例如洋蔥同埋蘑菇,意粉好彈口,個汁調味都適中。而小食就揀左炸雞1件,一啲都唔hea,外皮炸粉厚薄適中,而且非常脆口!!推介!今日嘅是日餐湯係羅宋湯,酸酸地幾開胃。跟餐叫咗個飲品熱泡青桔檸檬百香果(係茶包嚟)味道甜甜地,有啲百香果香味同埋青檸嘅清新。另外叫咗支細嘅藍妹啤酒330 mL,食住熱辣辣嘅Pizza飲就啱啱好了。
繼續閱讀
今日係土瓜環收工,見到呢間食西餐同pizza,睇落都好岩我胃口就入去試下。睇餐飯都幾多種類既野食可以揀,套餐仲有優惠,我地叫左個中批套餐,有一個中批,兩個主食,仲包兩杯野飲,絕對夠食。主食我地叫左芝士磨菇焗薯蓉同埋肉醬意粉,份量比想像中多薯蓉好滑,仲加左粟米,口感唔錯pizza叫左怪獸多寶批,上面配料都幾多,而且個批有驚喜,批邊夠脆,如果食唔到太多野既都建議可以叫個批食!好抵又好食我地仲叫左個黑松露芝士焗啡菇,上面黑松露都比得好夠,加埋芝士好吸引特飲叫左杯青檸梳打,同埋是日餐湯,呢餐食得岩岩好下次收工會再黎食
繼續閱讀
您可能會有興趣的...