蒲頭島 (已結業)

呢間邊爐餘燒烤邊爐於一身，但問題係抽風系統十分差，是上樓店，但感覺似係工業大廈打邊爐，同時D料無其他大集團新鮮亦無咁多樣化，如果同樣價錢，大集團店的邊爐可能比佢可取，我唔會光顧。

想去蒲頭島放題已久，趁有時間帶媽媽去大圍吃～我們點了C餐火鍋和自助餐～包了一盤海鮮有龍蝦、鮑魚、海蝦，蠔、扇貝、蜆，媽媽吃不得辣～點了雪燕牛乳養顏湯，材料有紅棗、雪燕，杞子等～我們先煮龍蝦，啖啖肉又爽口，海蝦味濃、我們食欲大開～牛肉也是任吃的，特別要讚一讚牛板鍵，雪花分佈平均、牛味濃，咬下腍滑，我們之後還追加了一碟，只是牛肉我們吃了6、7碟！自助火鍋配料選擇多，比較少見的通菜都有，丸類比較特別的有黑松露丸～手打丸很彈牙，真材實料每碟份量小，可方便客人試多點菜式～吃完我們還不停吃雪糕，6款味道我們都試光了～個人較喜歡沖繩海鹽、菠蘿椰子～果然吃甜品是用第二個胃的～🤣

想不到，這是近來最後一次打邊爐。香港人出名喜歡打邊爐，我們家也不例外，經常想不到吃什麼，大家便一致同意打邊爐。不用將就，喜歡吃什麼都可以！蒲頭島有早場優惠價，除了任食美國牛板腱，還有龍蝦鮑魚海鮮拼盤，吸引我們一試。早排疫情緩和，餐廳仍有安排消毒酒精和口罩袋，給我們暫時放置口罩。主要的食物可以掃QR  Code 落單，牛板腱則由職員落單後即切。亦有飲品櫃、蔬菜櫃可以自行取用。我們點了人蔘鬚雞鍋，乳白色湯底比較清，除了人蔘鬚還有一些紅棗，相信可以令到打邊爐冇咁熱氣。我們先把龍蝦鮑魚海鮮拼盤吃完 ，雖然是任食火鍋送，但也沒有欺場。珍寶生蠔、扇貝、鮑魚和龍蝦，均分量十足，另外有白鱔和鮮蝦。龍蝦肉質鮮甜，十分新鮮，口感彈牙，清甜的肉質跟比較清淡的湯底很配合。鮑魚質地有咬口但唔會太韌，整隻鮑魚味道都很鮮，欣賞店家清潔海鮮很乾淨。扇貝非常完整乾淨，一梳梳的扇貝肉，口感實在，鮮味令人滿足。除了美國牛板腱，我們也點了牛脷托、美國牛肩胛和雪花肥牛粒（將所有牛都點了）。 當中的確是美國牛板腱最出色！ 油花分佈最平均，肉色鮮紅，我們點了四至五盤均沒有筋， 除了口感鬆化，也很濃牛味。火鍋各種食材都好新鮮，雖然已

本人好鍾意食燒肉放題，路經大圍見到有龍蝦鮑魚海鮮拼盤，價錢便宜，所以就入去試吓，當晚唔係好多客人，唔洗等位。我哋揀咗個龍蝦鮑魚海鮮拼盤鐵板燒＋任點任食火鍋配料。其中海鮮拼盤係嚟一次，火鍋配料和飲品是任點任食。海鮮質素唔差，仲幾新鮮，包括隻龍蝦，鮑魚，聖子，蝦，貴妃蚌，青口，扇貝，蟹棒等，呢個價錢唔算太貴。但火鍋配料就一般喇，普普通通，食得飽果隻。第一次自己用鐵板燒，好似好新奇，但其實都幾攰。佢哋嘅抽油煙系統唔係太好，好熱，地下好似好多油、好滑，我爭啲跣親，食完後成身油煙味，所以減哂分。

因為我哋收九點 係大圍約朋友食飯呢啲鐘數唔易揾好嘢食 見到呢間店有2100的後的套餐 一於試下佢先！我哋揀左套餐c 海鮮 龍蝦嗰個 啲海鮮唔錯的 肉質滾熟左都無覺得霉或臭 都幾爽甜的 而其他肉類就係一般既急凍肉 無咩肉味的 不過價錢黎講都算對得住 其他任食冷熱盤去到會其實都差唔多冇晒，而且都無點refill ,我哋就去拎菜同丸囉。不過夜晚係大圍諗唔到食咩呢個店啲位都算幾好坐既 ，而且漏單情況都唔多 ，呢個價錢其實都算係咁！不過而家疫情記得要問下夜晚有無外賣 同埋有啲咩食啊

火鍋癮起，又唔想堂食，就黎左呢度買外賣火鍋套餐❤只需$230已經有好多野食 🤤芝士鮮茄牛肉湯❤睇落好足料好濃郁，我地仲自己加左栗米仔，香甜爽口🤤茄汁突出，仲有啖啖牛香，再加上芝士，整體更香滑🥰牛肉❤色澤鮮潤，薄薄一片，一淥就好快熟！丸類❤有幾款丸類，牛肉彈牙有肉汁，魚皮餃皮薄料多！👍🏻雞件❤份量好多😍😍雞肉嫩滑～同湯底好Match😋豆卜串❤吸汁精選，每一口都食到滿滿湯汁🤤醬料❤有齊醬料獨立包裝，超方便👍🏻👍🏻仲有菜同烏冬，夠哂飽飽大滿足😋😋

當大K聽到大圍有好嘢食， 就即刻飛的去買啦!原來打邊爐都可以外賣㗎!打邊爐可以非常簡單。因為你係負責食嗰個，又唔使煮; 唔需要調味。 喺個煲度 滾幾下，就食得。 聽落好似好方便。但係有冇諗過準備咁多款材料，其實都好花時間花精神呢?今日大機帶大家去大圍外賣打邊爐， 真係方便個方便咩都唔使搞， 手指篤下就食得。大家睇下材料十分豐富應有盡有打大家睇下店面一啲都唔媽媽呼呼一個二人套餐仲包埋飲品肥牛蔬菜 菇類肉丸 應有盡有除咗新鮮靚了 最緊要係乾淨企理就連湯底都為你準備好! 一份湯底再加一份水就搞掂曬啦。 真係 傻瓜都可以做廚神。屋企只要有個爐有個煲就咩都搞掂曬啦!

二人外賣真的很花算，份量又超級多，包兩支飲品，下次再想打邊爐可以不用自己買，餐廳已配好料，非常方便。美國牛板腱：比肥牛瘦一點，較為厚，口感帶點嚼勁，牛肉味很濃，很新鮮，而且這種牛不會像肥牛那樣易膩。雪燕牛乳養顏湯：味道溫和，不會死咸，又不會改變太多食材的味道，會讓食物多了一種奶香，很多紅棗很養顏，女士恩物。丸類：每種丸都有，一次過滿足三個願望，我最喜歡墨魚春卷，彈牙，食得到粒粒墨魚肉，加上腐皮包裹著，口感層次很豐富。

呢一年香港都發生左唔小事，好多人都有所改變！政治問題令你改變左飲食習慣～最近呢幾個月仲要有呢個大病毒，真係令人更加煩惱！好彩香港人真係好勁，即刻就諗到點樣改變個生活習慣，火鍋都可以外賣，你話勁唔勁？？前幾日發現呢間有外賣火鍋，即刻打電話去訂返個套餐先，佢有三個餐既價錢選擇，抵食，一Ｄ都唔貴！最重要夠曬齊全，樣樣都有Ｄ，食得開心！！今次我就叫左個中間價，都係二百三十蚊左右，基本上樣樣齊，最主要個湯底，我叫左個雪燕牛乳養顏湯，超級好味！養顏白滑濃郁，一碗湯要加返一份水，份量十足～菜類有唐生菜，栗米，冬茹，金茹，每樣都有一份，夠曬兩個人食，有個特別既油豆腐，兩大串，有小小似豆卜，吸曬湯既精華！仲有炸魚皮，一大盒，份量都幾多，即叫即執，仲係好脆，另外仲有一堆丸，貢丸，牛筋丸，海膽丸，墨魚春卷，芝士腸，魚皮餃，多到食唔曬！不過最重要係有美國牛板睷，呢個牛肉真係好正，入口即溶，好似食和牛咁，肉味濃郁，牛汁一直流係口中，仲有西班牙豚肉片，一直唔鐘意食豬，但呢間叫左外賣返黎，都唔好浪費，試左一片之後返唔到轉頭，真係好好味！！一Ｄ都唔老，唔會鞋口，好似食牛肉咁，超好食！仲有非常新鮮既雞件，又嫩又滑！最重

仲未明白香港人為何這麽喜歡打邊爐，今日屋企有人又話要打...... 最怕係又要買又要洗......傾開偈同事話我住沙田，大圍《蒲頭島》有火鍋外賣料，整好曬好方便，返到屋企可以即刻開波，筍呀！大圍道一轉入積信街，好易搵到，專屬樓梯直上餐廳，見到好有心思的擺設。店內環境寬敞，時間尚早，已經有食客開始網燒打邊爐，後生仔多，吹水傾計好開心。包兩款飲品，店員指示可以自己行入飲品櫃任揀，試新嘢，蘋果汁及椰水。兩大袋火鍋料連醬料(辣椒、蒜粒、葱粒、麻醬、豉油)，好彩帶埋阿女多對手拎。姬松茸野菌素清湯~記得1：1加水，湯底濃烈，成餐都聞到菌香味，姬松茸樣子好可愛，爽爽地，一樣食得，增強抵抗力好有益。擺好曬，食得。美國牛板腱~ 牛肉質地唔錯，豐富肉味。西班牙豚肉片~ 薄切，一淥好快熟。雞件夠滑， 其他丸類包括貢丸、牛筋丸、海膽丸、芝士腸、魚皮餃算中級水準。墨魚春卷~長長的墨魚炸條，煙韌彈牙，這個第一次試，不錯。炸魚皮~就咁食爽口，放落煱三秒索湯，正呀！唐生菜、粟米、冬菇、金菇每樣都有少少。韓國拉麵及烏冬(冰)各一，烏冬係堅滑，落煱一陣便要夾起，係好嘢嚟㗎。抵食！

今日落雨好想係屋企打邊爐但係得我哋兩個人又唔想去到老遠兩個人其實好難買材料樣樣只可買少少唔可以好多好彩竟然比我知道咗大圍有間做緊火鍋外賣八折優惠仲有二人套餐提供晒所有嘅食材非常方便所以就決定買返個二人餐係屋企烚吓烚吓所有嘢都準備好基本上一返屋企開着個爐就已經食得咁我地就揀咗人參鬚煲雞湯底只要加返一比一嘅水開咗個爐就來料二人套餐已經有晒牛肉.豬肉同雞肉仲有蔬菜，菇類唔少得邊爐必要炸豆串，魚皮仲有烏冬同埋呢個芝士麵俾你最緊要已經安排好所有醬汁包括蒜蓉.蔥花.芝麻醬.同豉油完全唔會單一口味湯底夠濃.肉類新鮮.豆串同魚皮吸埋湯底.食到舔舔脷兩個人呢個餐真係行足份量非常之抵食大家都可以買返個返屋企打下邊爐啦

前日屋企冇人 叫左三個朋友上黎屋企玩大家又諗唔到食咩 我就提議食呢間外賣火鍋因為之前係現場食過係幾好食入正題 我地就叫左個230蚊既套餐一拎落樓果陣已經覺得好足料 因為真係超重一返到去放低佢  見到d牛肉己經留晒口水肉質好好 脂肪分佈好平均之後仲有一大堆雞肉同唔同款式既丸全部都好爽口同好好味最後黎返張大合照  大家睇到個份量根本唔係二人餐我地四個人食都食唔晒咁制  極力推薦呢間足料又平又好食既外賣火鍋

老公今晚突然想喺屋企打邊爐，但放工收得晏，去唔切街市買野，上OpenRice 睇下屋企附近有冇外賣火鍋，見到大圍有間叫蒲頭島火鍋店，食評唔錯，於是試一試我揀左個2人火鍋外賣套餐$230.4入內order完後，侍應叫我等10分鐘，其間在counter附近，見到有免費啤牌，侍應送了一副比我，又幾好喎，有得食，有得玩果然快捷服務，等了約10分鐘就攞得返到屋企，分量都夠2人吃，最緊要唔使自己洗食材 ，有幾款湯底可以選擇，有自家製香辣湯、香濃沙嗲湯、芫茜皮蛋湯、人參鬚雞肉湯、芝士鮮茄牛肉湯、雪燕牛乳養顏湯、姬松茸野菌素清湯，我就揀左「人參鬚雞湯」都幾貼心，有埋加水份量～～湯底非常足料，有人參、雞件、紅棗、杞子、蘿蔔，湯未夠濃夠入味有埋調味料，非常好魚皮夠脆油豆腐，食落去似豆卜，索埋湯底好入味西班牙豚肉片及牛板腱好嫩滑，食物非常新鮮。今晚係第一次食外賣火鍋，果然係一個很好嘅體驗

今日突然間想打邊爐，但礙於疫情關係，只想留在家裡，但又不想麻煩，所以就打算看看沙田有沒有火鍋店可以外賣，又給我搜尋到這間蒲頭島可以外賣自取，位於大圍，搭火車去都很方使。這裡環境很大，很寛敝，因為這裡有做放題，所以我見到店舖都畫分了幾個區域供人客自由地取食物，店員見到我，都會和我量一量體溫，再給我入店落單。初頭在網上見到食客上載外賣餐單時，見到一個芝士鮮茄牛肉湯很像好吸引，所以一心都打算要這個湯底，但後另一半說想要個清清地湯底，所以決定要個姬松茸野菌素清湯，因為我們兩人今天不想吃海鮮，所以就選了一個$230.4的二人火鍋套餐，還加了$50換了一個蒸鍋，閒時可以在家蒸海鮮吃呢！店員用心的幫我pack好食物，等我可以容易拎到，他們的食物盒都很硬正，食物蓋也蓋得很實，一定不會倒瀉。個套餐都幾豐富，有牛板腱，西班牙豚肉片，雞件，貢丸，牛筋丸，海膽丸，又有墨魚春卷，芝士腸，魚皮餃，蔬菜和菇菌，還有鳥冬呢，套餐還包括兩罐飲品，兩個人食一定很夠食！淨看食物豐富之餘，還可以看到食物的新鮮度，牛板腱和豚肉看色澤便知道很新鮮了。生菜還比我想像的翠綠呢！湯底姬松茸野菌素清湯，店員很貼心，在盒外貼上湯底和水的比

這天我到朋友家兩個人打邊爐。我有點輕視食物份量，所以請纓去取外賣。火鍋配料懶人包，價錢相當划算，而且超級方便！收銀處附近有啤牌，圖案設計挺有趣，哈哈！2人套餐包括兩款飲品。店員讓我自己從凍櫃挑選。我細想後選擇了比較特別的薑母茶及Sunkist忌廉。取餐的時候，我不禁倒抽一口涼氣，並惆悵如何運送如此豐富的食材。外賣食物包裝是用心的，所以雖然一個人送外賣有點吃力，但還是可以順利地把食材完整送抵朋友家。餐廳準備了非常豐富的醬汁，醬汁怪朋友覺得吃火鍋的醬汁必須要有數款配料，他覺得這樣才過癮。湯底方面，我選了人蔘鬚雞肉湯。這個濃縮湯底需要加上一倍清水才能製作成味道適中的火鍋湯底。湯底裡頭有很多配料，有人蔘、雞肉、紅棗、紅蘿蔔等等，非常足料！火鍋食材方面，我覺得魚皮很出色，因為魚皮很新鮮，非常香脆。另外，西班牙豚肉片及美國牛板腱都非常美味！