26
13
3
港鐵葵芳站 D 出口
繼續閱讀
營業時間
星期一至日
13:00 - 22:00
以上資料只供參考, 請與餐廳確認詳情
食家推介
假日全日都想留喺屋企🤣🤣 所以就嗌外賣返嚟飲啦 嘆番個下午茶都好呀🫢 我哋嗌咗茶理史嘅飲品返嚟 芋香鮮乳地瓜小芋圓少冰 正常甜 本身以為芋香會係有啲芋頭粒喺入邊 點知原來係一啲紫色嘅芋香 一飲落口奶味好重 用飲管輕輕攪拌 芋頭味就好出喇 地瓜小芋圓味道有啲似奶黃 個人就覺得佢唔夠煙韌🥲腐竹白玉奶茶無糖 其實嗌無糖都有少少甜味㗎 對比起地瓜小芋圓 白玉口感較佳 飲肥仔水最緊要有珍珠呢啲煙煙韌韌嘅嘢吖嘛🧋 飲落口呢個腐竹白玉真係有一片片腐竹喺入面㗎竹炭鐵觀音白玉奶茶半糖 竹炭嘅味道我就形容唔到喇 但係呢杯鐵觀音奶茶茶味都好香濃 啲杯都叫特別啲嘅嘢飲嚟㗎🥰 就咁望佢嘅顏色似墨水 茉莉白玉奶綠半糖 啲杯就比較普通 飲落都好飲嘅 但係就比較似其他舖頭都飲到嘅貨色😺飲完之後 個人最鍾意就係腐竹白玉奶茶 可能係因為入面有腐竹做配料 感覺比較特別啦😋
繼續閱讀
🍵 茶理史 🥭去得葵廣除咗食嘢之外就一定會飲嘢葵廣飲品既平均質素都好高次次都係茶芝味/茶理史/小黑糖/九份/光明大地/李圓圓 之間掙扎呀而今次就飲左FreeHCake 旁邊既係茶理史啦以前經過灣仔行街行到好熱嘅時候都會去飲一杯 話梅青檸汁飲完成個人都好爽消暑一流（但係而家好似Menu冇咗）今次去到葵廣飲左荔枝四季春秧茶個茶底同荔枝味都好香架仲有好多荔枝肉係個底飲完之後仲可以吉啲荔枝肉黎食佢之前有推出過芫荽味飲品唔知有冇勇者有去試飲我就鼓起唔到勇氣啦有冇勇者講吓好唔好飲m(._.)
繼續閱讀
獎勵自己系列🥰係屋企有無屈到傻😂 食嘢都唔知食乜好，想飲杯手搖飲品🧋都變得好奢侈😂 係deliveroo見到買滿$100有半價，然後我就迫埋屋企人飲🤪 ⁃芋香鮮乳地瓜小芋圓（少冰半糖）$40 ⁃蘭桂人烏龍 $25 ⁃海鹽雲頂鐵觀音 (少冰七分糖) $35 Deliveroo plus 叫滿$100免運費加半價，再加返$2 service charge，total 3杯都係$52，我真心覺得好平，佢每日大約2點後就已經有直至收舖🤫 大家要捉緊優惠的尾巴🤪到講食物質素🧋我唔中意飲太甜嘅飲品，今次嗌半糖都覺得下次可以叫25%甜，但整體而言都好飲，加上芋圓好味🤪海鹽雲頂鐵觀音，個奶蓋味道有啲假，唔太吸引蘭桂人烏龍，茶味好濃，有回甘，好高質！
繼續閱讀
行葵廣最開心既除左買衫之外，就係可以瘋狂掃街，牛雜、冷麵、粉皮，實有一樣岩你口味......之後再配番杯珍珠奶茶，咁就夠晒滿足啦。之前聽朋友講話茶理史唔錯，試過一次就真係冇去過第二間，每次去葵廣都必飲。最近鍾意左茶理史既腐竹白玉奶茶，好似食緊杯裝既腐竹雞蛋糖水咁，流住珍珠奶茶血既我，飲完第一啖即刻好似發現新大陸咁，勁快就清左一大杯，發覺腐竹同啲奶茶原來好夾，而我揀左微糖，唔會太甜，再加埋啲彈牙既白玉珍珠，煙煙韌韌，滿足感🆙🆙
繼續閱讀
「荽友」出動喇！去咗黨group入面嘅人介紹嘅查理史，證明「荽」功真係無人能及！蜂蜜青檸荽，杯飲品特別清新！好Fresh，啖啖芫荽！蜂蜜獨有的香氣完美提升清新度，青檸特別的酸味，成杯野都好健康好好飲！
繼續閱讀