667
213
63
港鐵柯士甸站 F 出口, 步行約7分鐘 繼續閱讀
電話號碼
27916628
開飯介紹
來自美國的人氣連鎖餐廳,以芝士蛋糕作為主打。 繼續閱讀
附加資料
星期一至五(公眾假期除外),17:00前提供午市套餐,15:00-18:00有下午茶及Happy Hour優惠。星期日14:00前提供特別早午餐菜式
營業時間
今日營業
11:00 - 23:00
星期一至六
11:00 - 23:00
星期日
10:00 - 23:00
付款方式
Visa Master 現金 八達通 AE 銀聯
座位數目
280
其他資料
Wi-Fi
酒精飲品
自帶酒水 詳細介紹
切餅費 詳細介紹
VIP房
泊車 詳細介紹
電話訂座 詳細介紹
外賣服務 詳細介紹
加一服務費
海景景觀
Live Music
食評 (1100)
等級4 2020-10-16
5573 瀏覽
cheesecake factory呢間野真係好耐之前已經聽過,好似都幾受歡迎,而且網上好評仲非常多添,一直都未有特登去試,今次終於去試試啦。往日總係見到大排長龍,今次大約8點去,唔洗排隊,不過入面都8成滿餐廳環境都幾黑menu方面食物選擇係非常多,乜都有得食cheesecake, 小食, starter, pasta, pizza, salad, burger, 三文治, 扒, 夾餅, 卷...十幾頁餐牌差唔多頁頁都有野想叫,真係選擇困難症呀價錢屬於中上,不過就估唔到佢D野食原來咁大份一開始會有麵包食,幾好食香脆蟹肉球一口大小的炸蟹肉球,配芥末入面都幾勁香料,肉比較淋個醬幾好味水牛城香辣雞翼配藍芝士醬比想像中辣,雞翼反而唔點個醬好食D,炸得好脆辣得黎好惹味達文西長通粉入面有炒雞肉、蘑菇及洋蔥都幾多雞肉,好似食極都有咁個人覺得個汁好濃味,真係食左半碟已經好飽,後面D野都唔洗食咁滯個汁好濃味,而且都幾大碟,兩個人食都OK我地兩個人最後都食淨左D長通粉DIANE 黛安牛扒+香草三文魚佢有個組合係牛扒+三文魚兩樣都想試呀所以就叫左呢個牛扒幾好食,好多汁,唔硬,冇乜筋,牛味亦濃三文魚個皮非常脆,魚肉亦唔鞋,好嫩椰林飄香好香椰子味總結,兩個人食左一千左右,好飽打包左3分2碟雞翼走,長通粉都有食淨本身想食strawberry cheesecake都食唔落冇叫了走既時候見到個個都有打包走! 之後幾日係尖沙咀都見到有人打包睇黎份量真係好多其實今次食既份量都夠3個人食,如果3個人食就唔算貴既~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-30
18826 瀏覽
開咗咁耐,終於有機會嚟食啦!主要想食芝士蛋糕,所以今晚四個人叫咗三個小食,+3個芝士蛋糕😂⭐️芝樂坊粟米片上面有好多芝士,一對牛油果醬,一對酸忌廉等等賣相相當吸引,而且份量相當大,4個人最後都食唔晒😂⭐️水牛城香辣雞翼呢度嘅水牛城醬汁真係比較難,而且係酸啲嘅,我可以配埋芝士醬食,仲有西芹條都好似足美國嘅餐廳!⭐️香脆蟹肉球份量比想像中細,不過一咬落口真係食到絲絲蟹肉都唔錯嘅!⭐️話明係Cheesecake Factory 顧名思義就梗係有好多款蛋糕揀啦!我哋一共叫咗三款蛋糕🍰每一款上面都會跟埋忌廉。⭐️Godiva 朱古力芝士蛋糕超濃郁嘅朱古力味,配埋朱古力慕絲,好食呢😋⭐️無敵紅絲絨芝士蛋糕我覺得三個之中呢個最好食,紅絲絨蛋糕佔嘅比例雖然比較細,但係佢係十分之軟綿綿!外面充滿忌廉芝士糖霜😋⭐️芒果青檸芝士蛋糕呢個嘅芝士比例最重,所以我哋都食唔晒會比較漏佢仲有勁多款蛋糕,都好想試,不過由於差唔多全部野都有芝士,所以會食到好漏,好快飽!適合多人聚會,大家share可以試多幾樣食物。餐廳嘅裝修亦都好有美國風格坐得好舒服! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-17
0 瀏覽
今日得自己一個人食lunch, 尖沙咀到到都貴,希望揀到間貴得黎好食架啦,呢間餐廳都算正常既,我叫左個雞肉蒜香檸檬意大利幼麵,意大利粉煙靭,掛汁,但味道偏濃,食完都幾口渴既 繼續閱讀
(以上食評乃用戶個人意見 , 並不代表OpenRice之觀點。)
次次想食都排滿晒人唔知係咪疫情關係 今日終於唔洗排喇終於都可以試下佢喇一坐低 急不及待就睇meau 睇下有咩食啦嘩 勁多野揀 樣樣都好吸引咁好快就送上餐前麵包比較硬身 但好食今次就叫大左幾樣野 碟碟食物份量都好重量級香脆蟹肉球外脆內軟 上菜時仲熱辣辣味濃 正呀 值得encore水牛城香辣雞翼好大碟 好脆 肉有少少「鞋」 只係少少姐好惹味 食完仲想繼續食 但好熱氣雞肉蒜香檸檬忌廉意大利麵勁大碟 味濃 但太太太油食到一口油 辣肉腸薄餅唔洗講 都係大大份呢個都唔錯 但唔會特別推介最後 緊係叫件cake黎做總結啦紅絲絨芝士蛋糕好大件 好甜 食左一大舊creamcheese落肚咁 繼續閱讀
(以上食評乃用戶個人意見 , 並不代表OpenRice之觀點。)
等級3 2020-11-14
284 瀏覽
假日又係時候食好西! 今日一行四人去The Cheesecake Factory, 呢個位舊址係戲院, 所以呢間餐廳佔位好大, 好寬敞。不過燈光就好暗, 坐坐下坐到好眼訓。😴皇家焦糖咖啡 - 叫咗SKIMMED MILK, 但唔記得焦糖咖啡有CREAM 好飲泡沫咖啡 - 唔知點解泡沫咖啡D 泡係塌O既 🤷‍♀️香脆蟹肉球 - 一口SIZE, 香脆, 裡面好多蟹肉絲, 加埋個芥末醬, 好食! 街旁小漢堡 - 生菜同青瓜放喺旁邊, 隨個人喜好而放, 我哋都覺得好細心! 而且中間漢堡扒好鬆同濃味! 好食! 因為呢度O既CHEESECAKE 出名比較大件, 所以我哋叫咗2 件蛋糕4 個人SHARE, 事實證明呢個決定係非常正確的。GODIVA® 朱古力芝士蛋糕 - 成件蛋糕都係朱古力, 質地好實,  好難切開! 一入口滿滿O既朱古力, 甜而不膩, 大滿足呀! 忍唔住食完一口再一口! 仲要加埋CREAM TIM! D CREAM 好柔軟, 好SOFT, 唔甜, 如果唔係怕肥, 真係想食晒D CREAM 佢呀! 不過呢個就似朱古力蛋糕多D, 冇乜芝士味! 唔知係咪D 朱古力味已經蓋過芝士味。睇下! 裡面全剖都係朱古力! 好實! 無敵紅絲絨芝士蛋糕 - 外面係一層CREAM, 裡面係一層芝士蛋糕同JAM, 係減少咗芝士蛋糕O既膩感。不過食食下, 加埋出面層CREAM (白朱古力?)感覺漏過個朱古力芝士蛋糕。而同行O既細味就超級稱讚呢件蛋糕, 應該係呢件蛋糕不是我喜歡O既口味吧! 另外, 想講講 1) 我哋本身叫咗咸點同甜點, 落單後先想起甜點後上, 咁同返落單O既店員講, 原來本身佢已經好細心咁安排咗! 2) 埋單時我哋俾咗張信用卡個職員, 之後我哋等咗超過10 分鐘都未搞掂, 仲搵唔返果個職員TIM! 之後我哋搵另一個職員問, 佢都搵咗一陣先搵返果位職員, 然後果個職員O係圍裙個袋度拎返張卡同單我哋。我哋唔明點解要搞咁耐! 呢方面要改善! 整體嚟講, 呢度O既芝士蛋糕真係無敵, 有20+ 款俾客人揀, 食物質素都好好, 價錢中上。餐廳裝修有8 成同美國O既一樣, 可能因為咁, 燈光真係有D 暗! 如果可以光D 就好了! 下次如果再想食芝士蛋糕, 我一定會再去的!  繼續閱讀
(以上食評乃用戶個人意見 , 並不代表OpenRice之觀點。)