667
49
61
港鐵尖沙咀/尖東站 L5 出口, 步行約2分鐘 繼續閱讀
電話號碼
24680438
69028887 (WhatsApp)
開飯介紹
夜消磨好去處的串燒店,汁燒鮑魚絕不欺場。 繼續閱讀
特色
飲o野傾計
營業時間
今日營業
18:00 - 23:30
星期一至日
18:00 - 23:30
公眾假期
18:00 - 23:30
公眾假期前夕
18:00 - 23:30
付款方式
Visa Master AlipayHK 支付寶 現金
座位數目
60
其他資料
網上訂座
酒精飲品
電話訂座
賞訂座積分
外賣服務
加一服務費
當面支付
有關獎賞計劃
食評 (817)
等級4 2020-11-13
336 瀏覽
最近疫情穩定了,飯聚也多了點! 跟好友一聚,想吃得causal點,唔食中西日式,食串燒呢個提議也不錯了吧~ 呢間串燒店賣點係大串,比起外面食既起碼多一半分量,燒汁係自家制,幾香幾惹味~牛舌係食串燒必點,呢度厚切得黎更係大片。口感好好,煙煙韌韌,咬開仲有肉汁,夠juicy~孜然粉羊肉串食羊肉當然要有少少羶味先正,加上有孜然粉真係特別香~ 特色燒免治雞肉棒雖然唔似日式咁有蛋黃拌吃,不過燒得幾香有d軟骨都唔錯~ 燒原條茄子都有兩種口味我哋就食咗蒜蓉,另一款係微辣肉碎。肥嘟嘟既造型睇落特別肥美!! 上面有炸蒜同埋生蒜特別香口惹味~ 夾起一絲絲出哂煙既茄子,感覺特別暖胃~扇貝、燒廣島蠔都有《肚餓了拼盤》我倆都係愛蠔之人,可以試齊6款真係正! 大大隻蠔,分別有黑松露香菇醬燒、芝士燒、蒜蓉燒、蒜香勁辣燒、蜜糖燒、黃金醬燒我最中意係蒜香勁辣燒~ 超級多蒜蓉,辣辣地幾過癮雖然都怕食完會有散不了既蒜蓉味,但好味真係唔理咁多~另外芝士燒都好正芝士面層焗到有脆邊好香,邪惡但美味燒韮菜唔乾,有淡淡既蜜糖甜味。燒鰻魚 燒到有少少焦邊,加埋鰻魚汁好香口! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-10
2029 瀏覽
2020年9月30日 星期三今晚係迎月夜,好多人都準備返屋企造節,同時為黎緊既4天假期安排唔同既活動。當然我都唔例外,今晚就去我公屋企,一家人食飯。咁我冇理由兩手空空上去,於是就決定喺尖沙咀買外賣上去一齊分享今次選擇嘅餐廳位於商廈之中,位置唔算太難搵,一出lift就見到餐廳。一入去就望到兩排放滿酒嘅酒櫃添餐廳主打係串燒,類似日本嘅居酒屋,所以有好多串燒嘅款式可以選擇,價錢都唔算太貴其實由餐廳去到我公屋企都需要大約一個小時車程,不過去到打開食物嘅時候,大部份食物仍然係暖嘅。首先有呢個鹹蛋黃炸薯條,一打開已經聞到好濃烈嘅鹹蛋黃味道,咬落去薯條仍然係脆身嘅,而且份量都唔少,點埋茄汁簡直係一流之後有汁燒北海道原隻魷魚,冇諗過會咁大隻,切開仲見到有汁流出黎,彈牙又唔靱。至於下面既係川式燒韭菜,夠晒麻味,越食越開胃最後仲有呢幾款串燒,包括鹽燒厚切牛舌、明太子雞翼、燒大辣牛丸同秘製醬汁燒豬頸肉,每一款都好入味,特別係大辣牛丸,食落去第一下好似無乜事,但原來辣勁會慢慢湧上黎,都幾刺激。至於牛舌真係好厚切,感覺好滿足,每一啖咬落去都充滿牛味,唔會太硬身見到屋企人食得咁滋味,我都覺得好開心 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-07
985 瀏覽
肚餓了去食串燒夜!秘製醬汁燒豬頸肉 $69最多份量既一項,哈哈!自家製醬燒黑豚肉 $49黑豚肉嘅樣正正方方,有啲似牛肉粒!算軟口,比起牛肉!唔會乾巴巴,加左孜然粉同辣粉好食d!肉汁香燒餃子雞翼 $49泡菜在內,仲以為會係明太子嗰啲,通常都係。不過泡菜都幾好食,唔太辣,少少提味效果。雞肉好嫩嫩,一叉咁岩爆少少汁,連個雞翼尖都好juicy!汁燒北海道原隻魷魚$69汁燒有日本風感覺!魷魚鬚個位最好食,甜甜夠濕無乾焦位,讚!蒜蓉燒原條茄子 $49必食串燒既菜式!蒜蓉多多,重口味。茄子肉一絲絲咁叉,一口接一口又唔算熱氣!川式燒韮菜 $25帶甜味中和辣感,孜然粉夠哂味!超級重口味人士可以自行加調味粉,放喺枱度任加!加食左客!韮菜真係好好食,又無黑,濕濕地燒香,正!黃金薯條 $62咸蛋黃薯條係依餐唯一澱粉質!咸香濃濃,食埋依個好飽!鹹蛋黃成四五隻係原隻,仲未計黐住喺薯條嗰啲鹹蛋黃,超重料!本來見隔離枱個牛仔骨好大份,仲想叫牛仔骨,但見飽就無加了。水 $8朋友好唔食得辣。雖然盡量都唔叫辣野,但都有一、兩樣。佢穩陣起見都係叫支水,哈哈!8蚊同7仔差唔到啦。熱柚子蜜$18因為食串燒有啲熱氣,所以叫柚子蜜潤喉好d。我又唔想特別飲涼茶,同埋有揸車又飲唔到啲特別beer! 繼續閱讀
(以上食評乃用戶個人意見 , 並不代表OpenRice之觀點。)
最近去咗一間尖沙咀既串燒小店, 座位喺高枱和椅, 店內地方寬敞, 幾岩朋友聚會吹水啤下幾relax! 牆身有好多酒樽做裝飾, 幾有氣氛!🍺我地先點左佢最吸睛就係佢既粗口手工啤, 有5款唔同口味, 揀左"吊" (為免被ban, 原字請睇圖XD), 酒精濃度唔高, 飲落麥味幾出, 少少偏苦, 另外點左Sapporo生啤, 夠晒大杯, 岩晒同朋友啤啤佢🍻~🍴黎到食物方面, 選擇都幾多, 最出色既係雞肉串, 有2串, 肉質嫩滑, 加埋掃上雞肉既甜醬汁好夾, 必點😋! 每次食串燒都會食牛舌, 呢到牛舌喺厚切, keep到彈牙, 不過上枱前, 已經撒滿孜然粉, 略嫌落得太多, 有d蓋過左牛舌原味道, 建議店員可以改為提醒食客自己落孜然粉, 咁就可以自行控制想落嘅分量~ 金菇肥牛卷, 肥牛燒到岩岩好, 唔會乾身, 金菇幾足料, 數量好多又夠濕潤, 咬落去爆汁, 好惹味!燒豬頸肉切得薄身, 肉質結實, 燒至金黃色岩岩好, 唔會太乾身, 皮邊燒得香口脆身!🍟黃金薯條係加左咸蛋黃, 薯條有少少乾身overcook左, 略嫌咸蛋味唔夠香, 但咸蛋分佈平均, 岩晒配啤酒一路飲一路食🍺~🍆蒜蓉茄子係開邊焗, 好大條, 蒜蓉很多, 如果茄子肉再飽滿D就更好! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-02
726 瀏覽
好耐冇食串燒啦!今日決定同女友去肚餓了串燒烤焗專門店食返夠本。餐廳唔算大,不過坐得舒服,而且有一定空間感。傢俬以木為主,另外以酒樽作裝飾,充滿格調。- 燒火辣牛丸🌶第一道串燒已經搞到心口㷫烚烚🥵,牛丸唔算太多汁,不過幾爽彈結實,辣味後勁凌厲,心口久久未能平復🤣- 自家製惹味燒雞肉串雞肉好大件,外皮有少少焦香,見到已經流晒口水🤤,食落肉質軟嫩多汁,而且甜甜地。- 蒜蓉燒扇貝扇貝唔算大隻,不過鮮甜度十足,另外蒜蓉醬完全覆蓋晒成隻扇貝,蒜蓉醬越多越正😍- 燒豬頸肉豬頸肉燒得幾香口彈牙,份量亦多,差唔多有12件左右。- 燒雞髀菇串孜然粉均勻地灑上雞髀菇串,令原先清脆彈牙既雞髀菇更香更惹味。- 芝士蟹籽玉子燒玉子燒好甜但蛋香欠奉,口感較結實,上面既芝士可能因溫度方面變得硬,失去拉絲既效果,個人有少少失望🙆🏼‍♂️- 火辣黃金薯條 🌶喺女友嘅慫恿下叫左呢個火辣黃金薯條,粗薯條炸得金黃香脆,但辣度連食慣辣既女友都招架不住🤣串燒配啤酒可謂天作之合,餐廳有一系列既粗口手工啤,仲要係本土製造😱見到呢個「柒」啤就會令人諗起香港唯一既柒婆,飲得特別痛快。 繼續閱讀
(以上食評乃用戶個人意見 , 並不代表OpenRice之觀點。)