378
9
5
港鐵荃灣站 B1 出口, 步行約6分鐘
繼續閱讀
開飯介紹
設有多款肉類可供選擇的火鍋放題店。最特別的是可以自製炸串如鮮蝦、冬菇及番薯等。
繼續閱讀
營業時間
星期一至六
17:00 - 02:00
星期日
16:00 - 01:00
以上資料只供參考, 請與餐廳確認詳情
食家推介
相關文章
前天去到竟然冇開，都不在openrice通知，撲了個空，大老遠過去，唉，好心你唔開就通知啦，openrice都係寫著營業中，去到都唔開，真係洗時間洗車錢 希望改進一下
繼續閱讀
6-1-2019，17:30係大鴻輝等人之餘，順便睇下有咩好食，點知比派傳單的阿姐介紹左(因為7:30前埋單有85折)，咁就過左對面街富利達中心1/F。上到去，人不多，得2枱客，我就那林點湯和肉，待應問我加不加$食刺身，我就問有咩食，A女待應答:你平時食開嗰D囉，我當堂醒哂，咁我平時食開龍虾，鮑魚你有冇?講番食物，我叫$168嗰個餐，牛肉一般，豬肉鞋，羊冇食，雞肉切絲(小弟第一次見，冇食)，丸類差(街市20蚊磅貨式)，臨走時，隔離枱也因A女待應態度嘈起嚟，顧客大大聲話要投訴，點知有個休班員工(自稱)大聲回應:你咪投訴囉，令小弟大開眼介。總結，個別員工服務差，食物差，我可敢講是這區最差，如果呢D價$要跟牛乜，乜牛連鎖店競爭，sorry，我會去連鎖店。我之後也看了這裡圖文並茂的食評，唉，不知原因這麼多人話好食好玩??完!!
繼續閱讀
好久沒有來荃灣稻八了，今天帶幾個朋友來食我在香港最喜歡的火鍋。這家餐廳真的非常好的，服務好的爆炸，好像朋友一樣可以開玩笑的，坐到位置上，有幾個套餐選擇，最好的地方就是每一段時間都有新的東西推出，今天我們選擇了$208特選美國穀飼牛套餐，特別的是湯底，新推出冬陰功毛蟹湯底！！當然要試一下新口味的東西了。在等湯底的時間，枱上有幾個大碗出去拿材料。我第一時間去最有名的自助天婦羅機，它有幾個食物可以選擇，拿好就去沾粉放下去炸，自己喜歡多脆都是自己控制，非常好！拿好東西回桌子上已經到了套餐上的食物了，套餐有包的是美國自然豚肉片，美國進口牛肉，羊肉，日本北海道雞片。我以為叫什麼便宜，牛肉一定不會太好，想說最後沒那麼多錢，下次食好一點，沒想到$208已經可以食這麼好～你看，肥瘦均勻，厚薄剛剛好，食下去還會有濃濃的牛味流出來，真的是天堂的美食呀！！就連豚肉片都是嫩的，好好食呀！果然是我最愛的一家火鍋餐廳。
繼續閱讀
平時經過一直都想試下呢間店，前排有朋友食過介紹黎食，點知中伏了。黎到門口職同都無😓book左位黎到都仲要等半個鐘先可以入坐。自助吧自己取配料，但配料對比其他自助放題店真係差小小，配料選擇太小了。火鍋煲深度太淺，只能小量慢煮，一眼就可以睇到落底了。湯底又完全冇味。啲牛好似香口膠。唉，只能講失望同無下次。這間店有一個比較好的溫馨位，就是有位置能放背包。
繼續閱讀
第一次黎呢間餐廳已經係接近兩年前，當時都幾鐘意，覺得性價比幾高，環境舒服，又有啲特別野(天婦羅DIY)。期間都黎過一、兩次，今日諗唔到食乜，又打下邊爐啦平日未夠8點，都幾多人架，證明都係有實力嘅，溫馨提示人多就最好訂位，夾啱時間經op訂枱仲有折(7點半前結帳離座/9點半後入座)。餐廳面積大，淺木色枱枱加埋啲插畫，幾有日本風味。一貫日式火鍋放題食法，套餐6款，分豚肉、美國進口牛、美國穀飼牛、安格斯牛小排、澳洲M6和牛同日本黑毛和牛，價錢分別係每位$158/168/208/258/298/368特級美國穀飼牛套餐包括穀飼牛、進口牛、美國豚肉、北海道雞片、羊肉、炸物、大量配料任食，飲品任飲，仲有啲雪糕雪條咁。【如果要食埋刺身，可以揀$258或以上嘅套餐】基本火鍋湯底有蕃茄、昆布、牛乳、豬骨、地獄、沙嗲、壽喜燒等，最近仲可以免費點冬蔭公毛蟹湯。當然佢地都有啲收費湯底，例如麻辣、美人鍋等。冬蔭公毛蟹湯拼壽喜燒湯底雙拼就要加$18，冬蔭公毛蟹湯都幾有趣，本身未試過咁泰式feel嘅邊爐。裡面有香茅、青檸，當然唔少得毛蟹一隻，細細隻，都有肉食。好快店員就已經送上幾款肉，值得一讚，呢度加單都好快手，食足120分鐘。有一份手切牛送嘅，又幾好食喎，牛肉入口滑，肥瘦啱啱好任食嘅美國殼飼牛質素都可以，以人頭$208黎講，都交足功課，牛肉入口唔柴，幾有彈性，食左兩碟都覺得可以加得過豚肉都唔差，肥瘦半半，薄薄一片，唔洗淥好耐；雞肉中規中矩啦。其他火鍋配料自取，前菜都有幾款，包括八爪魚、螺肉、中華沙律。丸類款式都幾多，我最鐘意芝士丸同麻糬(?)。蔬菜、菇菌同冬蔭公毛蟹湯底都幾夾。有秋葵都幾正，不過有兩條老有啲，有渣比較特別就係佢地有部天婦羅DIY機，將食材串起，自己沾啲炸粉，就可以做到炸物，ok架，好脆嘅，我最鐘意蝦飲品任飲。so far覺得呢間放題依然係性價比幾高，我地冇折時段入，連埋加一兩個人4百7蚊，非常合理，荃灣區嘅放題我都推薦呢間。
繼續閱讀