873
34
76
港鐵旺角東站 B 出口, 港鐵油麻地站 A2 出口 繼續閱讀
電話號碼
27701000
營業時間
今日營業
16:30 - 01:00
星期一至四
16:30 - 01:00
星期五至日
12:00 - 01:00
付款方式
Visa Master AlipayHK 支付寶 現金 銀聯
座位數目
100
其他資料
網上訂座
酒精飲品
電話訂座
賞訂座積分
外賣服務
加一服務費
當面支付
有關獎賞計劃
食評 (1088)
等級3 2020-07-28
0 瀏覽
見旺角帝王水產激安優惠有95折, 另訂座仲送韓國雪條,好吸引,立即致電訂位同朋友購物後一同黎食。刺身款式選擇都算幾多,有我喜愛嘅三文魚腩,海膽,朋友鍾意嘅珍寶赤蝦刺身,北海道帶子刺身,味道鮮甜。壽司推介名貴黑松露珍寶帶子,油甘魚及煙三文魚,爐端燒嘅羊架廣島蠔同埋牛舌,味道不錯.炸物種類很多花多眼亂,最後挑選咗雞軟骨粒,炸廣島蠔,炸牛奶,炸芝士年糕,不會皮厚多粉,而且新鮮熱辣辣送上。眼見侍應較為年輕,但係都好勤快同埋收碟,最後會查問有冇漏單,服務算不錯,整體價錢二百蚊有找,算是一個不錯嘅選擇。 繼續閱讀
(以上食評乃用戶個人意見 , 並不代表OpenRice之觀點。)
係App上見到呢間好出名嘅放題主打日韓料理🇯🇵🇰🇷於是前晚去咗呢間兆萬商場入面嘅放題💛一坐低已經送左好大盤刺身拼盤我哋🥳入面嘅三文魚同八爪魚🐙花之戀同炙燒三文魚腩壽司都好好食😋✨✨✨✨✨✨✨✨✨✨✨✨✨另外熟食方面燒羊架肉質鮮嫩 夠晒肥美 仲有川辣土豆絲都幾惹味!✨✨✨✨✨✨✨✨✨✨✨✨✨甜品方面 有期間限定嘅維記雪糕任食🍦分別係粟米🌽同薑母糖味 兩隻都好特別 值得一試😋另外維記芋頭同雲呢拿味雪米糍都係任食🍦門口仲有韓國牌子嘅雪條 每人限拎一枝🇰🇷 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-13
54 瀏覽
旺角嘅兆萬中心一向出名食放題,今次就見早食有優惠,同左朋友黎試一試。.每檯一坐低就會比一份魚生船,各式各樣都有,而且每一款都有好多見非常慷慨,而當中有泰式生蝦,非常特別🤩。.除左刺身之外,熟食同樣有唔同種類,我就覺得個鰻魚炒飯水準唔錯😁。.另外,日式紫薯非常可愛😍,細細粒柑,可以一啖一粒。.菜當然唔可以唔食,呢度竟然有馬拉盞炒通菜,味道都幾濃郁,甚至有幾分泰國菜嘅風味。.而呢度走嘅時候每日仲可以攞一支韓國雪條,有唔同款式任你揀👍。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-12
78 瀏覽
終於放寬咗限聚令,成班舊同事約出去食飯。見到Openrice有Coupon,$179就食足3個鐘,可以邊食邊吹水。一大盤的刺身,顏色鮮明的刺身非常新鮮,加上塊塊都厚切,真係啖啖肉!同其他放題店唔同,呢到除咗有刺身外,仲有泰式生蝦刺身,入口酸酸辣辣,非常惹味。珍寶帶子刺身大大粒,又夠晒軟滑,!如果大家唔夠喉,仲可以加85蚊仲可以任食生蠔同埋海膽軍艦,再加清酒梅酒任飲。最衰有同事唔想飲酒,所以我哋今次無加到,下次再約班酒友嚟試下。雖然食放題唔應該食咁多壽司,不過有啲刺身唔可以就咁叫,所以我都叫咗鰻魚壽司、花之戀、帶子壽司、甜蛋壽司,同埋吞拿魚蓉壽司。我最愛嘅鰻魚壽司燒得都幾香,加埋甜甜嘅燒汁就更香口。食完刺身嘅帶子唔多夠,所以我再叫埋壽司。炙熱海膽蝦都係唔錯的選擇,表面燒香的玻璃蝦,食落幾惹味。芝士焗生蠔同帆立貝用錫紙兜住,蠔肉唔係太多粒,不過勝在芝士醬夠香。帆立貝用洋蔥炒香,加埋辣椒炒埋一碟,所以好香口!菠蘿又係必食,超級Juicy!一咬落去啲菠蘿汁咇晒出嚟,真係好鬼正!食飽又係食雪糕嘅時候!有維記雪糕同雪米糍任食,另外仲有韓式雪條。大家記住留肚食! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-12
52 瀏覽
表弟係英國返黎,想我帶佢食日系好東西。係網上左揾又揾,見到兆萬8樓的神戶屋呼聲最高,所以放工就同佢去食。我哋9:30pm先入座,入面仲係人山人海,好彩等咗5分鐘就有枱。我自己有潔癖,係餐廳的環境有少少迫,不過衛生情況都不錯。餐廳提供的食物種類好多,除咗有魚生壽司仲有熟食同火鍋。識食第一Round一定係將D刺身叫到盡!佢呢到的款色好多!我自己就鍾意巨赤蝦刺身同埋珍寶帶子!兩款都超厚肉,入口鮮味十足!我之後都encore咗兩次!另外入座送蠔或海膽,雖然份量唔多,不過入口唔會苦。雖然唔多夠喉,不過我就留位食其他野。壽司好多款式,除了有我最愛的吞拿魚,仲有炙燒同反卷。每舊壽司都係細細舊,食多兩舊都無有怕。吞拿魚壽司呢D貴價食材,竟然切出黎都唔算薄!我唔係眼花嗎?仲有我親愛的香葱吞拿魚蓉!入口香滑,魚肉的厚度都唔少,重點係任食唔嬲!天婦羅蝦雖然唔算大隻,但全部都係即叫即炸,外脆內軟,而且唔會太過厚粉,絶對可以再叫。牛油炒雜菇有唔多款的菇炒埋一碟,牛油味香,加埋黑椒味更香。食飽飽就可以食甜品,除了有杯裝雪糕,每人仲可以拎一枝韓國雪條!D款式多到揀唔到落手。兩個人每人加埋一都係$241,呢個食物款式同呢個質數,認真勝價比都幾高!==============================我係一個愛寫字愛分享的吃貨!如果鍾意我分享的,我邀請您訂閲我的食評,我會繼續與大家繼續發掘有咩CP高的冰糧!(敬禮) 繼續閱讀
(以上食評乃用戶個人意見 , 並不代表OpenRice之觀點。)