申子居酒屋

營業中

休息中

呢間人氣居酒屋一路都係我既Bookmark list入面，趁住假期前夕，呢日收工終於去食喇🤤入到去，餐廳既裝潢比人一種幽暗高級感，而且座位都好寬闊舒適🎏-和牛壽司 $0💰餐廳做緊18:30前或20:45後訂座送和牛壽司壽司口感柔軟，火灸過後散發油香，好好食，送既都完全唔hea🥹-申子海膽和牛燒 $378💰和牛上枱勁大塊，首先店員會問我地想要幾成熟，然後就係你面前即席咁燒，和牛灸燒後淋上醬汁後包住飯同蛋黃，再係面層放上海膽同黑魚子，整體入口柔嫩多汁，而海膽既鮮甜令味道更昇華，呢個真係必叫，賣相同味道都極致奢華🤤😋-海苔拖羅赤膽壽司 $198💰呢到既刺身真係好新鮮，香脆既紫菜包住鮮甜既海膽同拖羅溶，呢個配搭真係入口滿滿既幸福感(ฅ´ω`ฅ)-汁煮左口魚裙送 $148💰面層佈滿三文魚籽同黑魚籽，又係一道味覺與視覺並存既菜式，左口魚好肥美，入口即溶，中間位置咬落有嚼勁，口感層次豐富😋-極上鹽燒牛舌芯 $128💰牛舌芯厚切，咬開中間係超級粉嫩，肉汁豐富口感鮮嫩爽彈-廣島蠔鍋 $158💰呢個好有驚喜，啲蠔都算大隻，而個湯係非常濃稠且有大量既鮮菇、娃娃菜同京蔥，令湯非常濃郁鮮甜😋

很久沒與好友見面, 在數間既坐得舒服又不限時的旺角餐廳中, 她最終揀了申子.  申子的午餐抵吃, 買一送一之餘, 仲送丼. 三人最終只叫兩個餐😅 付一份價錢. 很久沒去過申子,  疫情時因減少聚集,  試過晚市其刺身拼盤,  從來不好八爪魚刺身的我,  居然對申子的八爪魚刺身喜出望外. 一向感覺八爪魚刺身得雪味, 要著力吞嚥. 申子的八爪魚刺身非但不硬, 彈牙滑口, 有魚味👍👍👍👍👍!  相信料靚才可如此! 當試過其鰻魚蛋丼後, 簡直愛上了牠🙋‍♀️!  其醬汁緊緊包住鰻魚之餘, 留有有少許沾在飯上. 從不好飯的我, 會不期然地把鰻魚蛋丼內的飯全部掃光😅.  尤其丼中厚厚的玉子 (雞蛋卷) 是我至愛❤️.  比起其晚市的蛋卷, 我較喜歡午市的製法多一點.  當然,  若與幾年前在黃埔AEON 美食廣場內那玉子燒小店用來自日本鰹魚製作湯汁加在蛋漿裡而製成的玉子燒相比,  確實比下去,  但在港已沒能吃到了😔!刺身套餐內的刺身高質, 蝦大隻鮮甜, 值得一讚. 若厚切的三文魚變成三文魚腩或加錢可換三文魚腩, 就大滿足了😅!朋友盛讚三色丼, 魚子好多既新鮮之餘😍, 仲有海膽, 她們極喜歡👍👍👍👍👍

Weekend Dinner 三文魚（四切） $68厚切三文魚肥美。鹽燒手羽先 $45鹽燒雞翼出色，外層脆香，中間有肉汁。唐揚脆雞 $128香口的日式炸雞，惹味美味，加上蛋黃醬，是美味的組合。吉列三重芝士千層豚肉 $248賣相及份量澎湃，外層香脆鬆化，中間是大量的半溶芝士及千層豚肉，適合與朋友一同分享這份邪惡的美味。火灼大蝦讚岐手打烏冬 $168彈牙鮮味的火灼大蝦、櫻花蝦、濃厚的湯底、及掛湯的手打烏冬，組成了濃郁鮮美的味道。惠顧當天飲品有買一送一優惠，同朋友試了以下兩款：九州抹茶牛奶配可愛貓曲奇 （原價$68）牛奶奶香加上濃濃的抹茶香氣，口感甘甜順滑。杯邊的貓貓曲奇真的很可愛，很加分！西柚果酒 （原價$78）西柚果香濃，易入口。餐廳以深色簡約裝潢為主，有一種日式居酒屋小店的感覺，很適合與朋友聚會小酌一杯。

-申子居酒屋 🐟久違地再訪位於旺角 氣氛好 又好味既申子居酒屋無論係野食質素 抑或係環境氣氛都係水準不變🍻 火炙大蝦讚歧手打烏冬 ($168)見到隔離枱食到好滋味 賣相精緻 又香噴噴 就想試下滿滿一碗 半邊放滿櫻花蝦 半邊放大蝦讚歧手打烏冬掛汁 每啖都可以連埋湯汁食🍜蝦湯底濃稠細膩 仲有陣陣火炙焦香😍 🍻 手作免治雞肉棒 ($68)居酒屋必點 亦都係我既至愛! 雞肉棒肉質厚實又有咬口撈埋日本生雞蛋同秘製醬汁 無得輸🥳🍻 舞茸豚肉卷 ($68)呢個榮升我當晚最愛 同埋決定以後都係嗌呢個!豚肉卷燒至薄脆香口 肉質唔會硬柴柴而舞茸菇就算燒完都仲係好多汁散發住舞茸菇獨特香氣 又惹味 真心可以encore🔥🍻 深海池魚 ($238)係當晚既時令刺身 - 肉質結實而爽口食落略帶油香 味道鮮甜 配醋汁一齊食🍻 申子新卷 ($248)卷物係包住炸魚皮 上面鋪有吞拿魚蓉同海膽呢個組合都幾新穎 意外地都幾好味可以食到魚生同海膽既鮮甜 無乜腥味同時又有脆脆口感 一共有6件 飽肚之選✨

人氣高企嘅居酒屋，餐牌選擇豐富，刺身、壽司、天婦羅、串燒、料理應有盡有，賣相吸引，樣樣都想食🔖［ 吉列三重芝士千層豚肉 ］三重芝士真心正，一上枱已經見到半溶芝士好澎湃🧀會唔會正得太過份🤤外層炸得香脆鬆化，做到外脆內軟嘅效果芝士嘅比例甚至比豚肉更多，芝士迷絕對會鍾意，附上豬扒醬及蛋黃醬，可以轉換口味唔會膩🫶🏼🔖［ 鮮蟹肉粥 ］鮮味十足嘅蟹粥🦀入面有蟹籽、蟹肉同蟹腳，幾種材料加埋一齊，將蟹嘅鮮味極致發揮粥底軟綿🍲食到蟹肉鮮甜，最正係夠晒熱，食到尾聲依然保持到溫度🫶🏼🔖［ 明太子芝士山藥 ］爽口嘅山藥配上半溶芝士，口感一流，明太子鹹香令整體味道更立體🔖［ 油甘魚鮫 ］油甘魚鮫相當厚肉，魚油豐富，食到啖啖肉嘅感覺，加檸檬汁、海鹽或者醬汁同樣好味🤤🔖［ 豚肉金菇卷 ］豚肉燒得香口而肉汁滿滿，掃上燒味更加惹味

充滿日式裝潢的 #良心小店，食物水準高質，而且款又多，一定岩你心水。海膽炒飯 $238濃郁湯頭煮嘅炊飯，再炒出粒粒分明的飯粒，蟹籽飛魚籽每啖都脆卜卜咁非常加分，如果份量可以多啲就好喇！火炙大蝦讚岐手打烏冬 $168 濃蝦湯底係超級濃郁偏杰身！！！ぎ 手打烏冬十分彈牙，面頭有大量櫻花蝦，香味四溢，可惜份量較少，唔太夠喉。壽喜燒鍋 $328牛有8片，牛花細緻，肉味濃郁，配合壽喜燒汁，味道層次更加昇華！仲有大白菜 、京蔥、冬菇等配菜，記得飲埋個湯，絕對係精華所在。如果份量可以多啲就好，大食積的我食完覺得唔太夠喉。#申子居酒屋 🏮 @shinkohk 旺角黑布街74-76號藝興大廈地下1號舖.........

好耐之前試過銅鑼灣店，覺得啲食物唔錯！今次就嚟試吓旺角店，點知原來2間店嘅menu係唔同嘅～但餐廳星期一晚都仲係近乎滿坐，就知幾有料啦！而且店員服務態度都好好👍🏻✨✍🏻 /火炙大蝦讚岐手打烏冬▪️價錢：HK$168▪️美味指數：♥♥♥♥♡好大隻火炙蝦，肉質爽彈，而且仲伴有好多櫻花蝦！湯底就比較濃郁偏鹹，但配埋超滑烏冬一齊食又唔錯喎🍜✍🏻 /蓬鬆玉子▪️價錢：HK$108▪️美味指數：♥♥♥♥♥去韓國餐廳食蛋卷大部份起碼要$150以上，呢度嘅蓬鬆玉子配上呢個價錢，性價比唔錯！主要係啲玉子真係煮得好好味，滑嫩蓬鬆，配上日式燒汁醬料及沙律醬好好味，好想自己係屋企都試吓呢個配搭😆✨✍🏻 /海膽炒飯▪️價錢：HK$238▪️美味指數：♥♥♥♥♥一上枱就聞到好香嘅海鮮味！海膽有2舊，仲有魚籽、蟹籽、帶子粒、櫻花蝦，食落除咁啖啖鮮味，呈金黃色嘅飯都炒得粒粒分明，口感豐富，呢個推薦啊😍✨✍🏻 /汁煮左口魚群邊▪️價錢：HK$148▪️美味指數：♥♥♥♥♡唔好睇佢細細份，左口魚群邊一圈圈捲起咗，拆開每一條都唔算扁幼，而係有小小厚度，好精緻嘅一道菜❤️✨✍🏻 /燒豆腐▪️價錢：HK$78▪️美味指數：♥♥♥♥♥逢食居酒屋必點！

今日同老公去咗位於旺角嘅居酒屋食晚飯，淨係睇到店鋪外面清水模嘅門面加上木招牌已經覺得好靚成間店裝修好日式，上到樓上嘅裝飾同氣氛都好好，座位亦都好舒服。📍旺角 申子居酒屋我哋食左：🌟吉列三重芝士千層豚肉💰238 外層吉列嘅脆皮包裹住好多層芝士同豚肉，啲芝士多到漏曬出來，仲附上兩款醬汁可以點(豬扒醬同蛋黃醬)，陳生食完仲話下次要再返來食過！🌟鮮蟹肉粥💰168 一個金屬鍋加上圓型嘅木蓋，係鮮味十足嘅蟹粥。有別於平時食開嘅蟹粥，依個粥入面有大量蟹籽、拆好嘅蟹肉同埋蟹腳，蟹肉汁嘅鮮味加埋綿綿嘅粥底，嗰個蟹嘅鮮味停留咗喺口腔內好耐都冇散到，蟹肉成個口都係。🌟汁燒蒜片牛柳粒💰128 蒜燒牛柳粒嘅火侯控制得好好，牛肉燒到好軟熟唔會韌。🌟火灸大蝦讚歧手打烏冬🍜💰168依碗烏冬除咗有大大隻嘅火灸大蝦之外，仲有好足料嘅櫻花蝦，配埋濃郁嘅蕃茄濃湯，加上煙韌彈牙讚歧手打烏冬簡直一絕！鍾意食蝦嘅就一定好鍾意依碗烏冬。總括：陳生食完讚不絕口，係咁話要再來食過。餐廳員工服務態度好好，當牛柳粒上台個陣店員都溫馨提示如果食過牛柳粒覺得好可以再叫牛舌試吓。但是因為太飽所以冇再嗌啦，下次可以試吓。我留意到店員每台客都有推介返

鬧市中隱世日式居酒屋💛⭐️申子新卷 $248卷物係壽司飯包住魚皮，幾有創意，鋪係面有三文魚子、海膽、吞拿魚蓉。唔顧儀態成舊擺入口既口感幾豐富，魚皮既脆卜卜加上軟綿既吞拿魚蓉，仲食到三文魚子既鮮甜。分開食海膽既鮮味會更突出。⭐️極尚鹽燒牛舌芯 $128 🔥推介🔥賣相厚到似牛柳粒，面層燒至微焦，牛舌芯口感爽彈嫩滑，咬落多汁之餘帶油脂香。配鹽/蔥/檸檬/柚子胡椒更能突出牛味，🐻就鍾意柚子胡椒+鹽+檸檬🤭⭐️廣島蠔鍋 $158有6隻蠔，其中有3隻特別大，肉質飽滿，有蠔味唔腥，湯底清甜帶麵豉味，配料有娃娃菜同菇。⭐️吉列三重芝士千層豚肉 $238炸到熱辣辣，粉漿薄而脆，豚肉軟腍而且唔乾。芝士份量厚實但唔膩，拉絲效果強，可以拉到好高。鬧市中隱世日式居酒屋💛

已經多到唔記得咗食過幾多次嘅居酒屋💛餐牌定期都會update，所以食幾多次都唔會厭🥰呢間食材又真係高質嘅，雖然價錢唔係特別平，但真係食得開心😋.🦪廣島蠔鍋 $158小編每次嚟親呢一度一定會叫呢個嚟食😙鍾意食蠔嘅朋友仔千祈唔好錯過呢個，每隻蠔都係大大粒之餘，亦都好鮮甜😋湯汁亦都係令人垂涎欲滴，份量係夠曬2-3個人食，呢個價錢絕對係抵食之選😛.🐷吉列三重芝士千層豚肉 $238嚟咗咁多次都想試下新野🫣今次叫咗呢一個超邪惡嘅小食，肥到不得了但真係唔信有人會唔鍾意食😂裏面真係極重芝士，話就話係小食，但真係好飽好飽😎不過上菜等咗差唔多一個鐘，唔知係咁啱定係呢個菜式要咁耐，大家要留意返呀🤣.💰人均消費：～$400.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 3/5

📍#申子居酒屋 (旺角)旺角黑布街74-76號藝興大廈地下1號舖♡人均消費: $849 @ 2▪️▪️▪️▪️▪️▪️▪️▪️▪️▪️▪️▪️▪️▪️申子居酒屋一直都係bookmark之內既餐廳，幾年前食過一次已經覺得好好味，而家仍然keep到水準😝🔥 ✨#申子新卷💰$248申子新卷係新推岀既卷物，卷物裏面包住香脆嘅炸魚皮，入口脆卜卜卷物上層有滿滿的拖羅蓉、三文魚籽同新鮮海膽。口感非常豐富，拖羅蓉口感軟滑，海膽相對上就被三文魚子嘅鹹鮮而蓋過～ 建議先食海膽，再食卷物💕✨#極上鹽燒牛舌芯💰$128超級好食！必食招牌菜之一🥹🥹🥹 厚切牛舌充滿口腔，而裡面亦好細嫩，燒得剛剛好 ！而旁邊有少量鹽同柚子醬，加上海鹽更好食🫶🏻 ✨#廣島直送牡蠣鍋💰$158蠔味好好好突岀，好濃郁😝 好鮮，係係好食既！ 而份量上亦令人滿意，有6隻蠔，隻隻都飽滿，而牡蠣鍋裡亦有娃娃菜，成個湯好鮮甜～✨#海膽炒飯💰$238海膽炒飯係今晚主角😋 海膽鮮甜又creamy，飯質粒粒分明，金黃色既炒飯配上好多櫻花蝦同三文魚籽，賣相吸引，而味道都好有驚喜，2個人share剛好😝▪️▪️▪️▪️▪️▪️▪️▪️▪️▪️▪️▪️▪️▪️

𓂃𖠚∗ᤲ𑀇· ┈┈┈┈┈┈ · ꕥ · ┈┈┈┈┈┈ ·▎好多時經開旺角黑布街啲餐廳都留意到一間暗黑型格嘅餐廳門面仲聽過唔少朋友「 私心推介 」必食 讚ꜱʜɪɴᴋᴏ食物質素真喺唔錯 值得一試入門口俾佢地旁邊一板 ꜱᴀᴋᴇ ʟᴀʙᴇʟ ᴡᴀʟʟ 驚喜到 旺角申子有兩層 地下有四個吧枱位 居酒屋風 樓上大概有十張枱 環境燈光偏暗 座位舒適氛圍唔錯 適合同朋友坐低飲返幾杯吹下水▸ 雞翼 / 一串  ┅ HKD 45▸ 蓬松玉子  ┅ HKD 108▸ 豚肉金菇卷 ┅ HKD 38▸ 豚肉露筍卷 ┅ HKD 58▸ 雞軟骨 / 一串  ┅ HKD 48▸ 日式醬油炒飯 ┅ HKD 128▸ 明太子芝士山藥 ┅ HKD 68▸ 手打免治雞肉棒  ┅ HKD 68▸ 極上鹽燒牛舌芯 ┅ HKD 128▸ 大蔥雞肉燒 / 一串 ┅ HKD 48▎整體嚟講 好欣賞佢哋用心製作食物嘅信念 💛個人比較喜歡「蓬鬆玉子」蛋卷厚身鬆軟 有蛋汁醬汁味道似沙律板燒風 切開芝士秒湧出 極邪惡 💖「日式醬油炒飯」炒香嘅雜菌 配上乾身金黃色米飯米飯有鑊氣 粒粒分明 一上菜已經香氣撲鼻 食唔停口「明太子芝士山藥」軟腍燒芝士配

旺角人氣居酒屋「申子」 相信大家唔會陌生😎✨枝豆鹹香開胃 送酒不錯✨和風麻醬豆腐沙律沙律菜新鮮爽脆 豆腐香滑 配芝麻醬好夾🙌✨極上鹽燒牛舌芯店舖名物 牛舌芯軟腍彈牙 一啖一口 令人一試難忘🫶🏻✨燒油甘魚鮫油甘魚鮫散發濃郁魚香🐟肉質鮮嫩幼滑 加點檸檬汁🍋味道更添層次✨火炙大蝦讚岐手打烏冬原隻大蝦新鮮爽口 大量樱花蝦鋪滿烏冬上 香氣撲鼻😮‍💨湯頭鮮甜香滑 烏冬幼滑爽彈 忍唔住一啖接一啖😛✨菠蘿雪葩清爽解膩 大滿足

平時每幾個月就會嚟食吓啲時令嘅食材同埋魚刺身正常個Menu有幾樣嘢我係必食嘅今次再試埋佢限定Menu嘅兩種選擇全部都真係好好味Budget $800廣島蠔春卷呢個係特別Menu嘅春卷食得多入面係大大隻廣島蠔就第一次見雖然炸咗，但仲係好鮮甜多汁咬入去入口即溶春卷皮薄香脆壽喜燒鍋呢個都係特別Menu先有嘅好鍾意佢好多蔬菜令自己雖然出街食飯都可以健康啲自己調製嘅汁好香濃配合埋和牛勁Perfect關東煮呢個係平時Menu一定會嗌嘅佢同其他關東煮唔同係個湯用上好濃嘅魚湯配合埋必有嘅餡料最啱呢個凍嘅天氣食蟹粥係我極度推介佢嘅份量真係好多成碗都係蟹肉，魚子同埋蟹籽每個層次感都好豐富係我每次嚟都一定會食！

第一次黎呢間居酒屋，點知中曬伏，好唔抵首先睇menu，都覺得價錢有d貴，一杯啤酒成要98蚊，不過去得居酒屋都大概預左唔會太平，但食完真係覺得咁既質素，係超級貴，以下係我地嗌既野1）免治雞肉棒 $68@1味道普通，但最唔掂係肉質鬆散，唔合格2）燒豆腐 $78份量少，得2舊，味道唔錯，個醬都好味3）左口魚裙邊 $148份量極少，亦係鮮味口感非常實淨，但以我認知應該要有入口即溶既口感4）豚肉卷 $68火喉控制得唔好，乾曬，而且有苦味5）燒飯團（蟹肉）$48同燒白飯冇任何分別，無調味，而食唔出有任何蟹肉味，極失望6）牛舌 $128成餐飯最好，口感爽，唔乾7）玉子 $108同普通炒蛋冇分別，下面有芝士，上面淋醬，食茶記炒蛋好過以上食左近$900，唔夠飽之餘，亦無咩滿足感，完全中伏，冇咩必要唔好去，900蚊絕對有更好選擇，唔係唔捨得洗，但希望係合理價錢合理質素