瑞記咖啡

營業中

休息中

午餐時間，可能人手不足吧，等座位大概要10-15分鐘，等下單要5-10分鐘，再等東西上桌要10分鐘，所以不太適合趕時間的上班族。《樽仔奶茶/咖啡》因為本身是凍的，沒有加冰，所以喝到最後也不會變淡，好喝。《鮮牛肉蛋麵》其實味道不錯，只是沒需要特地來吃（尤其是要排隊的話）。《西多士》很鬆軟，不會太油，用上煉奶，不會太膩。可是比起煉奶，我還是覺得傳統的糖漿更好吃一點。麵包沒有整個沾上蛋漿，如果不是有煉奶，其實有點乾了，而且味道上沒有什麼層次。

印象中上環熟食中心有間嘅西多幾出名今日去開上環做嘢lunch就去食吓.1點幾去到，有位即坐原本想叫鮮牛肉麵食，但已經無晒咁就叫咗呢度招牌嘅西多士同凍樽仔奶茶.發現呢度都幾貴，近年應該加左唔少價..西多士($32) 凍樽仔奶茶 ($20)埋單已經$52再去OpenRice睇餐牌2月頭比較呢兩樣都分別加左$2至$3….論味道質素，西多士練奶好足多士面都痴左啲黑色一點點鑊窿而且份量都偏細，當小食都唔係好夠而奶茶味道正常，只係好在係樽仔唔會溶冰.環境來說熟食中心衛生一定偏差.總結來講，遊客唔介意價錢可以去試吓本地人就唔係好值我會選擇去大快活食個下午茶西多士配熱飲都係$28 加埋凍飲都係$3x 味道都好唔錯添🤣

太晏起身又乜都冇食，反正出開對面海，所以順道同朋友食個下午茶。小妹耐唔耐就會去呢度拜訪下🤣🤣 個西多士真係冇得輸😋😋特色係塊麵包用蛋汁煎香而唔係烘，所以外層帶點焦燶，麵包咬落去係綿軟，再加上大量嘅鍊奶，真係食唔停咀。另外，樽仔奶茶亦都係呢度嘅signature! 甜度略甜但茶膽味超濃，有助調減甜度感！鮮牛米味道正常發揮，唔特別，只係太肚餓先叫碗同朋友share。 👉🏻溫馨提示: 心急/趕時間人士勿去。因為人手有限，製作需時，特別係星期六，舉晒手都冇人同你落單🤣🤣

瑞記咖啡是我香港人的心頭好。這家位於上環的咖啡店，一直以來都是我們的必訪之地。這次我品嚐了他們的經典菜品，包括腸蛋麵、蛋牛治、西多士和樽仔奶茶。腸蛋麵，作為瑞記的招牌之一，總是令人懷念。彈牙的麵條與鮮美的腸仔和蛋，營造出濃郁的港式風味，每一口都令人滿足。蛋牛治是我個人的至愛之一。烤得香脆的麵包包裹著多汁的牛肉和蛋，搭配上特製的醬汁，完美地展現了港式經典美食的魅力。西多士看似簡單，但每一口都帶給我濃郁的幸福感。金黃酥脆的外皮包裹著濃郁的奶油，讓我回味無窮。最後，一杯樽仔奶茶作為這頓美餐的結尾，無疑是最完美的選擇。茶香濃郁，奶味濃厚，彷彿把我帶回了家鄉的味道。總的來說，瑞記咖啡不僅提供了美味的食物，更帶給我們香港人一份懷舊和親切的感覺。這裡不僅是一家咖啡店，更是我們的記憶和情感所在。

肯排隊先好嚟😂只值得食一次星期四12:15pm到餐廳，當時只有5-6位客人，唔使等位，即時落單後，西多士同奶茶10分鐘內到，但個蛋牛包就等左50分鐘😪唔等得真係唔好去🍞 西多士 💰$29西多士唔係平時沾左蛋漿去炸嗰種，兩塊方包有烘底，麵包底下會有啲煎蛋喺度，切開6件，再落煉奶，西多士係特別既，有別於平日見到嗰款，即刻食都仲會脆脆地，但係放多一陣就已經淋晒，$29嚟講性價比一般🥪 蛋牛包 💰$20等咗50分鐘先有，餡料好夠，麵包size唔細，但麵包皮唔脆，隻蛋煎得太燶有浸燶味，同想像中有落差🧋 樽仔奶茶 💰$18奶茶夠滑，茶味係有但唔夠濃，甜度偏甜，價錢都唔算貴整體嚟講所有野食都唔驚艷，食一次就夠😎

平日lunch黎上環街市搵野食😆 12點半左右黎到 咁岩有位～ 1點係高峰時間 需要等位.餐牌選擇唔多 但大部分人都係一心黎食西多同樽仔奶茶😝.｜樽仔凍奶茶 $18樽仔好有特色又好香港😆 味道香濃 茶底好飲係無加冰既凍奶茶 飲到尾都係咁濃味🫶🏻.｜西多士 $29見好多人推薦 所以一定要試下～ 好多煉奶 有蛋香 外表脆脆但食落鬆軟☺️ 不過我都係鐘意有花生醬既西多士多啲.｜鮮牛麵 / 腸仔餐肉麵 $30 比較失望 因為麵質好淋 鮮牛唔嫩滑 比較厚同韌 可惜🙁

原本聽人講話呢間餐廳奶茶好飲，我就過去唸住試下佢杯奶茶，去到完全冇人理，等左好耐有呀姐行過 問過佢好多次落單 完全吾理。 一係叫你等等等 話好忙好忙。 再一陣我話我買杯奶茶好快。 佢問我外賣定向度飲 我話我叫完向度飲。佢冇答我野。 已經火火地。過多陣再問呀姐 我要支奶茶。 佢話凍奶茶賣曬冇曬啦。我話禁算，我要熱都得， 點知呀姐吾理我，禁岩後面果台叫野食 佢叫凍奶茶，呀姐又幫佢落。 我問佢 。點解佢落就有我落你話冇。 佢話你吾係向度食冇得你叫。 走啦。 我真係火都黎。真係吾好話啲人點解吾向香港消費，啲服務態度禁樣。你叫人點支持。就算你奶茶更好飲服務態度禁 都吾會幫襯。

平日星期三 下午1點一個人黎到呢度，已經有3個人等緊位，結果等左成20分鐘先有位🫥，直接叫左一份西多士。又等左起碼20分鐘，我嘅西多士先黎到，呢d傳統檔嘅壞處就係人手記單，分唔清邊枱先邊枱後，搞到遲黎過我嘅人都有得食先。🥲西多士係好食嘅，第一口幾驚艷，好軟熟但又有脆脆口感，煉奶都好正，重點係冇食到蛋殼🤣👍🏻總結：非繁忙時間唔洗等就正，但平時打工仔黎食就唔得啦💩 環境就同其他舊街市一樣，都係舊&污糟，跌左手機要即刻攞去洗🤣 希望下次再有機會過黎食其他野😋

通常大隱隱於市，好食又地道既嘢都係全港既熟食中心揾得到，今次過海來到上環食瑞記，試下係咪真係咁好食先。咁啱閒日來到唔算多人，等左陣就有位。環境就係好有味道既熟食中心，都幾乾淨。我哋兩個人點左個牛肉公仔麵同餐蛋包，加兩枝凍奶茶。牛肉麵正常發揮，個包就微熱軟熟，絕對唔係隔夜貨，入面配料都係正常。食完麵飲啖奶茶就有驚喜，奶茶茶底香濃，無比奶香蓋過，甜度適中唔會太甜好似飲糖水咁，大大提升成餐飯既體驗。人均都係50蚊。

2023年11月18日 如題 11點40分到 人唔算多 自己搵櫈 自由坐 大排檔都預左係冇諗過 嗌落單 嗌極都落唔到 係咁話轉頭 轉頭 轉左10次頭都未落到單 狂嗌左𡃁女半個鐘後 終於捉到個收錢嘅姐姐落單 寫緊 都仲要俾另一個肥姐伙記喝佢開第二枱收錢先俾佢寫埋先都得喇大佬嗌左2支凍樽仔奶茶，鮮牛肉麵，西多士，蛋牛飽。鮮牛肉麵同樽仔奶茶就真係轉頭就到西多士 蛋牛飽到依家都未食到 好肚餓啊我地對食物都係真心，平心而論，朋友係餓極嘅狀態食鮮牛肉麵都係覺得普通，啲麵好淋最後食到蛋牛包，包都有小 小小 酥脆嘅，不過都係冇特別😹，唔會再有第二次。

環境：瑞記咖啡位處喺熟食中心入面，本身就冇期待坐得好舒服，雖然用嘅係普通摺枱膠凳，比唔上出面嘅座位，但係都叫做乾淨企理。食物：今次試咗鮮牛麵同西多士。鮮牛麵嘅牛肉就煮到啱啱好，食落幾爽口，但係牛嘅鮮味就唔太突出，而個麵雖然送上嚟嗰陣望落已經淋晒，而我比較鍾意食硬身啲嘅麵，但係食落啲麵冇想像中嘅淋，仲有少少麵嘅彈性，令我感到有啲驚喜。而西多士我就覺得值得一試，因為佢個多士係即炸，食落幾香口，再加上煉奶後都仲食到浸香味，令我回味到茶記/冰室嗰種熟悉嘅味道。奶茶就係十分經典嘅港式奶茶，好絲滑，而茶味濃郁，回甘嘅味都好足。服務：可能係小本經營，人手略顯不足，落單嗰陣要等比較耐，甚至要自己行過去，而上餐時間就非常耐，可能係廚房比較細同order較多，就令到等餐時間長咗。整體：如果時間許可下，呢間餐廳絕對對得上佢嘅價錢，甚至超越咗，係水準以上嘅餐廳，路過嗰時可以去一試。

說了也滿久呢 終於來吃到呢～奶茶（熱）好濃厚！！是杯長輩👴們肯定會舉腳喜歡的一杯～茶香而不澀 奶味不重 哈哈 年輕小伙子如我們就一定要加糖了不過真的有夠提神的（以前都不信🤨奶茶可以讓人精神為之一振現在為深信不疑者了 YA樽仔奶茶（冰）哦~這個一定是為了我們年輕小子們 所調製過的茶底跟奶的份量 和熱相近 但就是有明顯的加糖的一份 而且融合得還不錯夏天炎熱🥵  天氣 和不怕甜的朋朋們 可以一試西多士和我們想像的不一樣耶 不像外面得一層厚厚的麵包蛋但這份卻只是沾了薄薄的蛋 吃起來還微脆而上面和裡面都是煉奶 不得不說真的吃超爽 還一直不捨得吃光（笑死蛋牛包哈哈😆他們的麵包 好軟熟 裡面的蛋好香他們的香蔥味道很出 牛的部分很有小時候 吃過的蛋牛治的熟悉感是份回憶升級的味道呀也好想再多點一份多士 畢竟他們在這方面也是滿出色，HUWUU應該真的會再回去吃呢~~ 買個外帶回家也不錯呢

相信很多人都聽過甚至曾經吃過瑞記咖啡，他們的西多士和樽仔奶茶可謂其一大特色，令不少遊客都特地慕名而來，加上價錢經濟實惠，亦吸引了附近的上班族和學生～到訪正值中午時段，等了不久就有位，當然少不了要點馳名西多士和樽仔奶茶，另外蛋牛飽也是繼西多士後另一名物，也同樣點了一份試試。樽仔凍奶茶 HK$18樽仔奶茶的味道倒是沒有太大特別，只是形式上以玻璃樽盛載甚為特別，雪凍了的樽仔奶茶不用加冰已很夠凍，因此飲到最後味道亦沒有溝淡ʕ •ᴥ•ʔ西多士 HK$29果然是瑞記的招牌菜，沾上蛋漿再加以半煎炸，口感酥脆和帶有蛋香，加上煉奶非常邪惡，雖然都是與坊間同樣的配料，但實在說不出為何瑞記的西多士會份外好吃！蛋牛飽 HK$20瑞記的蛋牛治和蛋牛飽都同樣有名，但因為蛋牛治在一般茶餐廳都能吃到所以選擇了蛋牛飽。很大的一份蛋牛飽，飽經過烘烤所以很香脆，簡單夾以炒蛋和碎牛肉便成為一份經典的蛋牛飽！

今日去到上環市政大樓2樓入面一間茶餐廳係樓梯上之後直行轉左會見到𨋢 可以直上2樓如果轉右就會見到扶手電梯 咁就會兜大圈🫣去到2樓轉右就會見到 正正第一檔位置唔多 而且得2個人負責哂落單整野食遞餐 所以要耐心等候樽仔奶茶 有別於出面茶餐廳嘅奶茶 都係冰底 再撞奶茶佢地係沖完再放係雪櫃 而且茶同奶係半半味道啱啱好 唔太甜 唔太澀口 但質感唔太滑檸檬茶 腿蛋麵 麵底係出前一丁 其實無特別㗎 只係本人太耐無食過出前一丁 覺得好好食😂腿蛋治 西多士 另外最出色就係佢 麵包烘得好脆 蛋漿啱啱好 而且牛油同煉奶又唔係多 好好味💛 留意唔一定樣樣都有 好似今日咁餐肉就無啦😂

最近好鍾意食西多有兩間上環茶記平時耐唔耐都會去食晏原來係全香港最好食嘅西多.瑞記咖啡係上環街市一間歷史悠久好有舊香港風味嘅茶檔堅持以正宗製作方法 .去到瑞記通常都會叫咗麵或者米粉先我就鍾意食佢嘅鮮牛.講到瑞記我諗冇人唔識嘅係佢嘅樽仔奶茶係瑞記嘅招牌飲品之一茶味好香好濃 同味奶完美結合 濃郁順滑 .重頭戲 西多有時食啲好普通茶餐廳嘅西多炸到唔湯唔水唔知叫佢包定多士好瑞記嘅西多 炸到金黃酥脆搭配牛油同煉奶 （雖然我記憶中嘅西多係點糖漿）我明點解係全香港最好食嘅西多🤤🤤🤤.食晏時間好多時都要排隊搵位想試就趁非繁忙時間去唔使等咁耐