570
26
6
餐廳: 班蘭葉印尼餐廳
資訊:

為推動全港減鹽減糖新飲食文化及新生活態度,環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」,參與食肆會提供少鹽少糖選項予顧客,部份更會提供特定減鹽減糖菜式。參與減鹽減糖食肆會獲發計劃標誌,以供張貼於店舖內,供顧客識別。詳情可在此瀏覽:https://www.eeb.gov.hk/food/cn/committees/crss/restaurants.html

港鐵銅鑼灣站 E 出口, 步行約4分鐘 繼續閱讀
電話號碼
31885478
開飯介紹
由印尼人主廚炮製印尼特色小食和飯餐。主打班蘭味食物,班蘭雞尖塔飯更是人氣之選。另外,花膠湯粉皮亦獲不少食客讚賞。 繼續閱讀
營業時間
今日營業
10:00 - 21:00
星期一至六
11:00 - 22:00
星期日
10:00 - 21:00
公眾假期
10:00 - 21:00
付款方式
AlipayHK 支付寶 現金
其他資料
網上訂座
Wi-Fi
自帶酒水
電話訂座
賞訂座積分
外賣服務
當面支付
以上資料只供參考, 請與餐廳確認詳情
食評 (631)
等級4 2023-11-26
1588 瀏覽
細個比印尼姐姐湊大,所以無意中見到呢間印尼菜嘅時候令我好想試下。本身以為呢啲菜式比較冷門應該會冇乜人,點知要排隊之外,入面都座無虛席,完全係意料之外!原條魚花膠湯粉皮將海鮮攞去燒係印尼菜嘅一大特色,可以見到條魚用咗好多香料去醃,而且條魚外皮燒得好脆,但肉質仲保持得好juicy嫩滑。碗湯雞湯味好香濃,飲完唔口渴,入邊仲有舊花膠同鮑魚。粉皮類似香港嘅腸粉,配埋花膠湯一齊食又嫩滑又滋潤。燒雞斑斕尖塔飯斑斕飯食落真係有淡淡的斑斕味,而且入面見到少少班蘭葉,可見廚師係真係用足材料去製作。燒雞配上一碟甜甜辣辣嘅醬汁,印尼人果然都係食得辣,嗰醬汁嘅辣味後勁好勁。印尼四大天王飯 四大天王包括左巴東牛肉,印尼版海南雞,沙嗲雜菜同埋花生沙甸魚。巴東牛肉用咗牛腱部份,所以肉質好淋好好咬,配埋嘅醬汁好香濃,超好味!另外值得推介嘅係佢嘅花生沙甸魚,食落甜甜地好開胃,撈埋飯食又係另一個特色,總之成碟好多配搭,任君選擇。牛肉沙嗲三串呢度嘅沙嗲串好出名,所以點都要嗌黎試吓。牛肉部位係用咗牛肋條,外皮燒得微微香脆,重點當然係佢嘅沙嗲汁,印尼嘅沙嗲汁比泰式嘅偏甜,入邊有好多花生碎,果然係佢哋嘅招牌!總括而言印尼菜幾有特色又啱食,聽到隔籬位都讚不絕口,願意嚐鮮嘅人士值得去try try。Ig: food_p.h.d 繼續閱讀
(以上食評乃用戶個人意見 , 並不代表OpenRice之觀點。)
等級4 2023-10-30
1490 瀏覽
超值得推介既印尼菜,本身都少出港島食飯,食印尼菜更加係第一次,但一試難忘,會不斷做回頭客!!!雖然係小店,但經常都爆場,仲要等位,店員同店舖佈置都好地道,都係印尼人每個套餐飯都好大份,一定夠飽!!🥢炸雞班蘭飯炸雞件外脆內嫩,肉質鮮美多汁。班蘭飯香氣四溢,米粒飽滿而有彈性,每一口都可以感受到雞肉嘅鮮甜同班蘭飯嘅香氣,欣賞小菜花生同炸小魚,口感特別又惹味,同班蘭飯好夾🥢雜菜黃薑原條炸魚飯炸魚外皮酥脆金黃,魚肉鮮嫩多汁。黃薑原條炸魚配上營養豐富嘅雜菜,口感豐富鮮美,每一口都可以品嚐到炸魚嘅香脆同魚肉嘅鮮甜,加埋黃薑嘅微辣,味道均衡而美味,醬汁微辣,將魚既味道提鮮🥢石栗馬拉盞炒通菜通菜經過炒煮後保持著爽脆嘅口感。石栗馬拉盞嘅香料調味帶嚟一種微辣同微甜嘅風味,同通菜嘅清新口感完美結合。食落去,可以感受到通菜爽脆嘅口感同石栗馬拉盞嘅香辣味道,既開胃又美味🥢雞肉沙嗲串雞肉經過調味後烤至外焦內嫩。沙嗲醬嘅味道酸甜中帶有微辣,與雞肉嘅鮮嫩口感完美結合,帶嚟一種濃郁嘅香氣同口感。食落去,可以感受到雞肉嘅嫩滑與沙嗲醬嘅香辣味道🥢綠豆冰綠豆經過煮熟後,配上冰涼嘅甜汁,帶嚟一種清新嘅口感。飲到綠豆嘅滑嫩同甜汁嘅清涼 🥢柑桔青瓜冰柑桔同青瓜嘅組合帶嚟一種清香嘅味道,加上冰涼嘅口感,好解渴。飲落去,可以感受到柑桔嘅酸甜同青瓜嘅清爽🥢班蘭千層糕入座見到有要即買!!!因為好受歡迎,好快就賣曬!!!呢款糕點層層分明,口感綿密而且滑嫩。班蘭嘅香氣瀰漫,帶嚟一種淡淡嘅甜味同獨特嘅風味。食落去,可以感受到糕點嘅細膩質感同班蘭嘅芳香 繼續閱讀
(以上食評乃用戶個人意見 , 並不代表OpenRice之觀點。)
等級2 2024-03-17
0 瀏覽
偶爾發現呢間係位於銅鑼灣隱世嘅正宗印尼餐廳,經過門口見到好多ready to go嘅食物以為得外賣,點知原來都有堂食嘅位置!老闆同夥計都以印尼人為主,服務好好👍🏻.Food Ordered: 斑蘭雞尖塔飯 ($78)瑪瑯細細粒白鬚牛丸湯 ($62) .kuku推薦:好鍾意嗰班蘭飯😚😚啖啖都有斑蘭香,而啲雞件都非常嫩滑👍🏻👍🏻 再點埋特色醬汁,餸飯一流!#hungrykuuu_hongkong #hungrykuuu_causewaybay #銅鑼灣美食 #香港印尼餐廳 #香港好去處 #香港美食 #hkfood #hkgoodwest #相機食先 #食好西 繼續閱讀
(以上食評乃用戶個人意見 , 並不代表OpenRice之觀點。)
等級3 2024-03-11
87 瀏覽
今日約咗幾個印尼朋友嚟一間想食好耐嘅印尼餐廳食晚餐。呢間係我班印尼朋友最鍾意食嘅印尼餐廳。聽佢講餐廳菜色夠地道,煮法又夠正宗,款式又夠多。有時思鄉症發作都會過嚟食。餐廳地點位於銅鑼灣糖街,港鐵站步行約四分鐘就到,交通非常方便!用餐時間係平日晚上七點左右,入座都八成滿。餐廳以小店形式經營,店內約有十張餐枱,而店外有售各樣印尼食品同甜品可供外賣,眼見好多印尼朋友都會買一包二包嘅小食返去食嘅。印尼秘製汁燒魷魚¹³⁸魷魚爽口彈牙,肉質鮮甜。沒有因燒過而變得好乾。再配上兩款秘製醬汁,辣辣哋非常惹味!斑蘭雞尖塔飯⁷⁸青綠色的班蘭尖塔飯造型非常吸睛!食落椰香十足還帶有點班蘭香味。而雞肉肉質鮮嫩,雞味濃郁。半打雞串燒⁸⁸秘製沙嗲醬是串燒的靈魂所在,非常喜歡佢哋秘製沙嗲醬嘅味道,微辣香口,沙嗲仲食到粒粒炒香嘅花生碎。而雞肉嫩滑,外皮燒得微焦,相當香口!箭葉果混吉蜜²⁸第一次試箭葉果,味道甜甜酸酸,加埋青檸同黃檸檬。生津止渴,相當醒胃!熱奶茶¹⁵熱奶茶茶味香濃,更用上煉奶,口感更香滑細膩。整體餐廳無論食物質素,價錢份量,服務態度,質素都好高。連印尼人都幫襯嘅印尼餐廳,質素一定有保證嘅!班蘭葉印尼餐廳絕對係一間好值得推介嘅餐廳! 繼續閱讀
(以上食評乃用戶個人意見 , 並不代表OpenRice之觀點。)
等級4 2024-02-18
158 瀏覽
好耐都冇食印尼菜,今次揀咗試呢間位於銅鑼灣嘅斑蘭葉印尼美食,見到網上面嘅相幾特別,綠色嘅飯打卡幾靚所以試吓呢間。Kangkung Terasi 石粟馬拉盞炒通菜 HKD 78 - 通常黎印尼餐廳都會點通菜,由其是馬拉盞配通菜係特別好食,呢個都唔錯,好香。朋友唔食辣嘅,馬拉盞呢個醬好香但係唔辣嘅,所以唔食辣嘅人都可以放心咁食。Nasi Lemak Pandan 啦斯啦媽班蘭飯 HKD 88 - 同我平時食嘅Nasi Lemak有啲唔同,我平時食嘅係會有個Samba sauce,不過呢度係一個辣椒混一啲蝦米嘅醬。炸雞炸得好好,夠香脆同埋入邊好Juicy,值得推介!Basko Tulang Iga 牛骨白鬚牛丸湯面 HKD 88 - 好多牛丸,有四粒再加一條牛骨,牛骨既肉係同牛丸一樣,好大舊,材料好豐富,食完牛骨外面既牛丸,原來入面又有牛骨本身既牛肉,依個係最好味!Es Cola Cola Sereh 香茅可樂 HKD 28 - 略嫌依個飲品冇乜香茅味,可能因為本身個可樂凍出唔到香茅嘅香味。Madu Jeruk 箭葉果混吉蜜 HKD 28 - 我幾鍾意呢個,因為佢用咗檸檬同埋青檸,有唔同嘅香味。 繼續閱讀
(以上食評乃用戶個人意見 , 並不代表OpenRice之觀點。)