牛極 (雅怡居)

營業中

休息中

牛極 (雅怡居) (深水埗)做完運動好想食番牛肉補充番蛋白質🤣經過開見到有一間牛極！自助點餐好方便～ 見到門牌有大大塊牛扒已經好想入去！岩晒食肉既朋友因為真係價廉物美🤣勁大舊牛肉～入面飯同埋菜都係任食！飲品就要比錢啦咁就點左舊300g牛柳食😆牛柳基本上少根位全肉咁濟！口感會比較軟😆好味到極致！隔離仲有鹽同黑胡椒可以按自已需要落幾多就幾多！第二碟就叫左牛肩排300g 牛味會比較再出d 個人都會偏愛呢款😆真係落小小鹽同黑椒已經好味了地點：深水埗菴由青山道195A號雅怡居地舖🔸味道：8.5/10🔸環境服務：8.5/10🔸推薦：8.5/10

今日想食肉，老公又肚餓，所以決定行遠少少去食好野。呢到半自助餐，用QR code掃下，去拎下前菜湯就可以開餐。 地下好油好滑，大家要小心牛舌芯 - 無諗過咁soft，而且無牛so味，貴5蚊係好OK.鵝肝拼牛肩脊 - 鵝肝好難唔正，正常水準。牛就有啲失望，上次試左封門柳同牛柳都唔OK。點知今次都唔ok，所以咪黎食牛好了。湯好好飲飯夠熱，但味素普通醬汁正常沙律菜好乾，好似放左有啲耐食到一半已經成個餐廳都係人同煙霧瀰漫，返到屋企要洗晒啲衫

Intro: 長沙灣嘅牛極喺午餐時間一直都坐唔滿，之前試左佢地個燒雞扒石燒餐覺得唔錯，依家發現佢地平日嘅午市做緊$50蚊優惠，仲有鰻魚、牛排、牛舌嘅選擇，仲有自助bar夾菜、裝飯同裝湯，今次就試下佢地嘅鰻魚～___________________🍽 日式鰻魚燒💰50 ⭐️7.5/10 ✍🏻 石板夠熱，店員jaja聲咁上餐，而鰻魚唔會燒燶，但底部嘅椰絲會好容易燒燶；✍🏻 有兩大片鰻魚，大約60%原條鰻魚，肉質較彈牙唔會過冧又唔會梅，唔算係靚嘅鰻魚但都收貨；✍🏻 自助bar有沙律菜、有豐富湯渣嘅羅宋湯（牛肉、冧洋蔥）同飯（有埋紫菜飯），真係可以食到好飽，而羅宋湯比較淡。✍🏻 $50嘅鰻魚真少有，再加埋自助bar真係好抵食。___________________🏠 牛極📍 深水埗菴由青山道195A號雅怡居⭐️ 7.5/10___________________

未食過由熱石上的牛扒，好特別，仲要有自助吧供應粟米沙律，羅宋湯及白飯。牛極採用無現金支付方式，可以在門口的機點餐或用QR CODE點餐。牛扒上枱時會有廚房紙蓋住，以免肉汁彈到周圍，另外有圍裙提供。全部牛扒都上桌時只有一成熟，熟度由自己決定。粟米沙律：粟米生菜再加沙律醬，食唔停口羅宋湯：唔夠濃，似普通老火湯，湯料足白飯：珍珠米，軟硬剛剛好牛柳 $115：肉質嫩澳洲肉眼 $115：肉質嫩亂切牛排拼西班牙豚肉眼 $100：亂切比較硬，豚肉夠淋燒汁配蒜蓉好惹味。

2人 叫左270g 肉眼, 同270g封門柳（新）禁機買左之後 果陣因為未齊人 職員好好甘幫我地叫廚房hold住先 到齊先整湯水 沙律 白飯任裝 有埋圍裙比我地著油吾會彈到肉眼汁香 封門柳好香肉味

Intro: 近長沙灣附近啲舖頭真係好多，而家又好想嘗試日式嘅食物，就見到一間專賣石板燒而午市價錢都好合理，仲跟餐附送左個細嘅自助bar，但好奇怪嘅係點解咁少人食，唔通真係有伏？定係位置唔好？___________________🍽 午市 - 日式雞扒配自助bar💰 55 ⭐️7.75/10✍🏻 雞扒好滑身，好夾佢哋提供嘅燒烤同辣汁✍🏻 雞扒嘅面積雖然大塊，但係比較薄身✍🏻 沙律吧提供嘅生菜就冇咁新鮮，種類少✍🏻 白飯粒粒分明而比較黏身，仲可以加紫菜飯素✍🏻 自助bar有羅宋湯，有好多湯渣而味道都好濃，包括牛肉同冧嘅雜菜✍🏻 但湯渣一啲都唔易裝出黎，裝湯嘅時候要小心辣手啊✍🏻 其實份量真係好多可以食到好飽，唔多人嘅原因只係店舖嘅位置偏僻左少少，主要都係做街坊生日___________________🏠 牛極📍 深水埗菴由青山道195A號雅怡居⭐️ 7.75/10___________________

🥩性價王牛扒店🥩香港一般食牛扒都幾貴，但係牛極嘅價錢非常親民而且有質素！呢度有林林總總嘅牛扒俾你選擇，而我今次就揀咗性價比極高嘅牛肩扒！呢度食牛扒，一個價錢已經包晒你前菜同主食，以自助嘅形式鍾意食幾多就食幾多，先來兩盤沙律做開胃菜先，沙律菜都好新鮮，好有清新嘅感覺！再嚟蔬菜牛肉湯，用料十足！今次我揀咗牛肩扒，佢哋用鐵板上，如果你哋想食得熟啲就等一陣，我就大約三成至五成熟，呢個部位嘅牛肉味非常重，唔使用任何醬料都感受到濃厚嘅牛肉味，如果大家鍾意加醬料嘅話，燒汁係一個唔錯嘅選擇！牛扒送白飯好正，牛肉嘅脂肪配合白飯，我可以食到兩碗飯！！今日食得，非常滿足！

牛極都唔係第一次食㗎喇，皆因係呢度食牛扒性價比真係好高，今次我點咗牛柳，佢係成個鐵板上嘅，你鍾意食幾成熟都得！先講頭盤同主食，都係自助形式你鍾意食幾多就食幾多，我好欣賞佢個牛肉湯，牛肉味好重，湯渣仲有好多蔬菜同牛肉，我自己飲咗兩碗！沙律都好唔錯，非常清新解膩！好啦，講吓個主菜牛柳，呢個部位係比較細嫩，我自己就鍾意食medium rare (大約三成熟左右），基本上一上枱就食得，食落去真係好滑，有牛肉味，呢個部位就算煮熟少少都唔會太老。仲有呢度嘅醬汁都係任你揀，我比較鍾意佢個燒汁，同牛扒非常之夾！

因為 愛🤎，又食牛極·牛肩扒180g🥩其實呢度有好多唔同種類，但係牛肩扒就係比較有牛味、亦都係比較有口感，所以我通常都係食呢款喺自助機點餐冇幾耐，牛扒就會送到你面前沙沙聲熱辣辣，好有感覺我鍾意呢間店舖可以自己調較生熟程度❤️‍🔥石鍋都真係幾熱嘅，如果你擺耐啲真係會變窿又可以熱辣辣喺個石鍋上燒🥘又可以自己Diy 調味 落黑椒落鹽然後出邊又可以自己拎沙律•湯·飯🥗🍲🍚自由的感覺·獨樂樂好舒暢😌

去食晚餐，叫佐200蚊270g 西冷食。睇落去舊西冷都ok,點知愈食愈唔對路。食完發覺原來1/4舊都係肥肉😡😡😡諗住同staff 反映下意見就算，點知個staff佢聽完之後飄走佐，扮唔知😡😡。愈諗愈嬲，再同另一個staff 講，佢竟然同我講正常西冷都會有d 肥肉，我同佢講你呢間鋪計重量收錢ga wo.會唔會d 肥肉多佐d ya,成1/4wo!!!個師傅唔會睇住來切嘅咩。諗住食西冷就係唔想食咁多肥肉！！

最近🥩石燒牛肉好似好流行 開咗好多唔同嘅餐廳 而我今日去依間位於深水埗分店嘅”牛極”餐廳係自助式 門口有一部自動販賣機 點完餐之後就可以坐低店員就會安排送餐俾我哋👩🏻‍🍳😗一入到嚟餐廳個環境所有佈置🎏🎎都好似去咗日本 色彩繽紛的加上播住日本歌 🎐成個感覺好似飛咗過去日本🇯🇵今次我叫咗牛肩排 店員話係比較多人叫嘅一款 牛扒一嚟到係一至兩成熟 😍🥩所以要靠熱石去整熟佢 牛肩排肉質嫩 非常香牛肉味 一啖飯再一啖牛肉放入口真係好正 佢有三個份量選擇 180g 270g 360g 我就叫咗180g 午餐尼講呢個份量已經好足夠👍🏻👍🏻另外自助吧亦都有提供白飯🍚仲要係用珍珠米🤩沙律菜🥗牛肉湯 都係任食 仲有自助醬料吧 有蒜容 辛味燒汁 同埋燒肉汁提供☺️☺️燒肉汁提供☺️☺️

之前去食過啲日式牛石燒就食過返尋味所以今次就搵下邊度有抵食又好味嘅日式牛石燒就俾我揾到有好多分店嘅牛極我就去左最就腳既長沙灣分店呢到都係勁日式既裝飾, 座位闊落呢到既沙律, 白飯, 牛肉湯同醬汁都係自助我好欣賞個牛肉湯 除左有濃濃既番茄味 🍅 仲有勁多蘿蔔係入面, 夠哂甜 😋而沙律菜都幾新鮮👍🏻加埋胡麻醬, 夠哂開胃今次就揀左180g既牛肩扒扒嘅質素都非常唔錯幾淋身容易咬開本身上菜嘅時候就係一成熟🥩 建議切開一嚿嚿就方便燒而石板熱力非常夠👍🏻好快就可以燒到自己啱食嘅熟度🙆‍♀️我自己就比較鍾意食三成熟就咁食可能會較單調但可以自己加唔同既醬汁包括燒汁, 韓式辣醬同埋蒜蓉整體來講, 用$85就食到呢個質素既扒非常抵食👍🏻

日式牛石燒，比港式鐵板餐優勝，熱力較持久，牛或其他肉類質素較講究。更重要是石燒象徵日式管理文化，整個氛圍較有偽旅行感覺，一食兩得。高4是極貼地的石燒，似茶餐廳和快餐店，十分便宜，走入尋常百姓家，大有可為，與上述兩者有鼎立之勢。你已試嚐這新興簡便食店嗎？一個燒石板工和一個服務員已足以運作，有自助販賣機和自助取餐具模式，是價格大降關鍵。最大的賣點是現漸流行的半自助餐形式，珍珠米飯，蕃茄湯和沙律醬任飲任食，大大調節了淨吃肉的單調。午餐不用一百元大大有果腹滿足感。當然要嚐牛舌餐，70元，免加一，厚厚的，石燒牛餐我倒第一次吃上。燒汁，辛辣醬和黑椒粉全自助，這種由食客自主調味方式值得推廣。成本大減之餘，食客有了話事權。鰻魚石燒更便宜，魚肉較硬，還是蒸鰻魚飯店的較稔甜。黑豚腩片出奇的多，肥瘦相間，可惜豬肉質較硬。後來餐單上加了豚肉眼，反而是最差的嚐試，不合格一塊豬扒而已。其實牛扒的選擇也多。百多元而已。本文主要討論廉價石燒餐，從略。日本米飯是主角，米飯放題，是男人的浪漫。惜近日米飯較乾，要多加燒汁。日式蕃茄牛肉湯是高質，因有大量紅白蘿蔔，令甜度爆燈。飲3碗已值回票價。胡麻醬椰菜是消暑佳餚。

牛肩排180g都係$85仲可以任食沙律，牛肉湯和白飯勁抵食 @ 牛極這間有不少牛扒選擇，我就選了份偏便宜的牛肩排，不用十分鐘就嚟到，用張紙巾蓋住，沙沙聲勁熱又香，切出來之後自己再在石板上面煎最岩，我自己就最喜歡表面微燶而入面約7成熟，自己控制最方便。在出面買好後就可以取沙律配芝麻醬，菜好新鮮又開胃。牛肉湯最後飲了3碗，十分足料入面有不少牛肉紅蘿蔔好味道。白飯珍珠米，可配上少少味素增加味道最好。如不想購買飲品都有水飲不錯。我約18:00來不多人，但不到半小時已有4-5桌客人都不少人幫襯，而這間以卡位坐所以十分舒服。

而家石燒牛嘅餐廳越嚟越多 今次就試咗呢間牛極～好多地方都有分店🫶🏻 呢間店由頭到尾都係自助式😂😂門口有自動販賣機俾大家自己落單 出面仲有自助bar 有沙律菜 白飯同湯俾大家任拎😋唔使驚唔夠飽啦～ 白飯仲要係用珍珠米😍😍即刻食多幾碗飯🤪▪️牛肩排180g $85上枱嘅時候 面層已經燒到微微焦香 切開入邊係生嘅 大家可以按照個人喜好控制熟度肉質好嫩 好淋身好易咬開 (๑•́‧̫•̀๑)而且仲保留到啲肉汁✨面層焦香 咬落就鮮嫩又多汁 仲有少少油脂香 拎嚟撈飯真係一流 另外仲食到啲筋位 好有咬口( ˘ ³˘)另外仲可以用枱面嘅調味料調味 有黑椒 鹽 同bbq調味料🧂自助bar仲有燒肉汁 蒜蓉同埋韓式辣醬(≧◡≦)不過本身牛味都好重 唔使多加調味都已經好好食啦٩(♡ε♡ )۶✨我用咗燒肉汁撈珍珠米 再用蒜蓉同少少鹽幫牛肩調味 夾埋一齊食真係好滿足🥹🫶🏻🫶🏻諗起都有啲肚餓🫣▪️自助bar湯🥣：牛肉蔬菜湯 有好多料⁽⁽٩(๑˃̶͈̀ ᗨ ˂̶͈́)۶⁾⁾ 飲六個味有啲似羅宋湯 而且都夠熱～白飯🍚: 用咗珍珠米♡´･ᴗ･`♡ 粒粒分明 軟硬適中~拎牛嚟撈飯一流🫶🏻沙律🥗: 有麻醬同柚子沙律汁揀✨食得好滿足嘅一餐🫶🏻特