226
14
4
電話號碼
34212213
開飯介紹
在幸福甜蜜的小熊餐館享受著有品味及創新料理。 Teddy Bear 是一種歷史悠久及最受兒童歡迎的毛絨玩具,常常陪伴兒童的成長,渡過開心難過的每一天。 在懷舊的環境內,有經歷滄桑的傢具,各種的故事浮現眼前。室內裝修大部份用上天然木材,古樸的窗花,手做的Teddy Bear掛飾和十字繡,襯托著柔和燈光,散發出一份浪漫溫馨的氣氛。設有兒童書籍供小朋友借閱,暫時逃離電子的世代。小熊餐館除了提供有品味及創新的意大利麵,焗飯及扒類,還加上多款的兒童餐,雪糕及甜品等,希望讓客人感受到餐廳營造的氣氛,同時留下美好的回憶... 繼續閱讀
特色
家庭親子
營業時間
今日營業
11:30 - 22:00
星期一至日
11:30 - 22:00
付款方式
Visa Master 現金
其他資料
網上訂座
電話訂座
賞訂座積分
加一服務費
有關獎賞計劃
食評 (258)
半年前,跟好姊妹走到九龍灣 Megabox 影 My Melody 聖誕裝飾!我們行來行去,看看好幾間餐廳的餐牌,最終選擇了Bear bear 熊主題餐廳的 <熊小館 Cafe MED> 食下午茶!店內每個角落都見到 Bear bear 熊公仔,充滿歡樂氣氛!不論女生來打卡,抑或親子也很適合呢!餐廳比預期大,我們還發現有個供給小朋友玩的 playground corner!這裡的景觀對住溜冰場,相對有點凍!餐牌:可選擇全日套餐及下午茶 餐飲方面,大致上是港式飲品,亦有特飲全日套餐:芝士忌廉汁焗煙三文魚長通粉 $66長通粉軟硬適中,芝士忌廉汁尚算夠汁兼夠味!餐湯+餐包 + $6下午茶:烤雞肉羅宋湯螺絲粉 $44相對這款較為濃味,羅宋湯酸香醒胃,作為下午茶最好不過! 螺絲粉入味!烤雞肉肉質柔軟!熱奶茶 & 熱好立克兩者質素不過不失!甜品:木糠布甸 +$9食落都幾餾! 繼續閱讀
(以上食評乃用戶個人意見 , 並不代表OpenRice之觀點。)
作為一個高齡港孩🙈,呢日就同呀媽去咗Megabox嘅親子餐廳食晏。我相信除咗小朋友外,女生應該都會俾個環境吸引住,因為真係有好多熊啤啤。店員好好禮貌,安排我哋坐喺望到溜冰場嗰邊,景觀的確開揚啲⛸️。不過其實其他位置都靚,因為配合童話主題得嚟,又好自然😍,唔會好造作。當中仲有包箱房間,開小朋友生日會適合不過。由於坐接駁車塞咗勁耐,我哋去到嘅時辰餐廳已經做緊下午茶時段,算係錯有錯著吧😜!下午茶餐好抵食,平均$3X-$4X有交易,不過輕食類為主。反而全日套餐啱食啲,扒類或意粉/飯都有。價錢相宜,並有各樣加配嘅選擇。加上下午茶時段仲有折扣添!平日七折,假日九折👍。我哋都加咗$6要歐陸濃湯及牛油法包,咁平唔係唔加啊?匃牙利牛肉湯偏近牛肉羅宋湯味道,但無咁酸,而且餸料都幾多。至於餐包,我認為頗有誠意,因為係用上法包🥖,但要盡快食,唔係會淋咗。G.野菌忌廉汁闊麵配黑松露班尼迪蛋($66),我都估唔到自己食得咁食清淡,哈哈。闊麵軟硬度適中,忌廉汁唔會過膩過鹹,黑松露味幾香。不過依個無肉,都係啱素食者多啲🥦。水波蛋一督就爆漿,正。J.馬來咖喱豬扒飯($62),呀媽叫咗呢個,咖哩豬扒同白飯係分開上的。🍛咖哩汁幾惹味,唔太辣,配飯一流!豬扒切件上,但都應該有成塊,而且煎得夠淋身,好食😋。飲品方面, 因為我哋就加咗$3要橙汁🍊,大大杯,唔孤寒!是日甜品($9),我哋只係追加咗一份,因為都已經飽飽地,甜品係焦糖燉蛋🥚。雖然同想像中唔同樣,似蒸蛋白多啲,不過都幾好食,而且唔會過甜。食物屬中上水平,服務亦好好。不過要再次強調嘅係餐廳環境真係超哂班,無得輸💯!因為餐廳夠大,坐得舒服。再者,大大小小嘅熊啤啤公仔又點會唔令小朋友心動呢?甚至每枱面都仲放咗隻小熊公仔添。總括嚟講,餐廳絕對值得推介,各方面都做得好好。我見晚市二人餐$300左右有成六道菜,性價比高!下次再去Megabox,我毫無懸念地一定會幫襯Cafe MED❤️。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-01
286 瀏覽
上年來過覺得幾好味,今次帶亞媽來据下扒。餐廳以熊仔為主題,熊公仔處處,小朋友望見實好開心,好合適一家大細來食。環境確實唔錯非常闊落,仲可望到人溜冰。價錢經濟上年至今無加過價,水準依舊好味。蘑菇忌廉湯配蒜蓉包 (跟餐)忌廉湯味濃郁,滑溜好飲。白酒忌廉煮藍青口 $68廿隻藍青口份量勁多,食極都仲有幾抵食,個汁偏重白酒味好香但就無咁奶油,作為小食前菜都唔錯。軟殼蟹牛肝菌意粉$95軟殼蟹炸得香脆,意粉份量唔少好飽肚,味道好夠,每啖都咬到彈牙菇菌,好足料下。鐵板肉眼扒 $148粗薯條外脆內軟口感味道極佳,配料鮮艷栗米粒、蕃茄、露筍、洋蔥皆見。主角肉眼扒厚切有十六安士相當大份,七成熟肉質軟腍,肉汁豐富,淋左黑椒汁非常惹味。紅豆POP-POP +$18不一樣的紅豆冰,飲到爆谷焦糖味,味道非常特別,甜美可口。熱情玫瑰有玫瑰花香,淡淡的熱情果味,適合少甜朋友選擇。自家制心太軟心太軟層次分明,外層微脆內軟,劏開朱古力漿流出甜度適中,水準不俗,作飯後甜品非常滿足。玫瑰法式燉蛋白 $25燉蛋面有層焦糖脆面,蛋白不算好滑,清清地的甜品。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-03
1089 瀏覽
諗住睇下戲院開番未,只係見到幾小堆人在門外看,我們便在四周走走,就見到一隻大啤啤站在門口,估唔到有個咁得意的地方,就行咗入去坐坐。四周都放置了啤啤,真的讓人童心大爆發。最特別的是這個 Happy Birthday corner,遲吓豬仔生日可以跟佢慶祝。以為主題餐廳的食物質素會一般,點知紅湯夠酸味味,完全唔覺得以水溝淡。法式香草牛油焗田螺田螺很香,加埋軟如雪糕的薯蓉真的好搭配。美國安格斯牛肩扒肉質腍腍的帶點咬口,很 juicy 的。食埋側邊的配菜,中和了油膩的感覺。芝士焗忌廉菠菜龍利柳飯龍利柳份量算大,腍腍的。最好的就是香草混入芝士,連飯一齊食的味道不會單調之餘,又不會超滯。我們一邊食,一邊喝餐飲,除了減少口乾之餘,又為及後食甜品前清一下口腔。雲喱拿雪糕雪糕上有彩色粒粒,很有回到童年的感覺。自家製心太軟心太軟當然是我的 favourite,暖暖的熱朱古力醬流出,味道不太甜。玫瑰法式燉蛋白燉蛋是老公的 favourite,味道淡淡的帶少少甜,食落十分滑 der 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-30
344 瀏覽
最近發現MegaBox有間親子餐廳叫做「熊小館」,今日就帶埋阿仔嚟到呢個夢幻王國食返餐。其實我想話我呢個阿媽仲興奮過阿仔,因為佢全店都有好多啤啤熊,有大隻有細隻,見到啲佈置真係好開心!鐵板餐都只係$105起,真係好超值!另外仲有唔同嘅小食同其他主餐俾客人選擇。餐湯係羅宋湯,有好多唔同蔬菜喺入面,仲見到有牛肉,蒜蓉包好香脆,而且熱辣辣,配埋餐湯一流!呢個法式焗田螺有好多薯蓉圍邊,連埋田螺嘅汁一齊食好好味!阿仔話想食薯條,所以叫咗一份瘋薯,薯條都係新鮮炸起,外脆內軟,正!呢個沙律配溫泉蛋,除咗有平時食開嘅沙律菜之外,仲有三色椒絲,同埋一件件嘅薯仔,而且佢用嘅沙律汁少少酸,作為開胃嘅前菜啱哂。我哋揀咗一個鐵板西冷配豬扒,兩塊扒都好大塊,而且都有好多配菜,包括有蕃茄、粟米粒、蘆筍、洋蔥,同埋有好多薯條,份量十足!呢個意大利飯我就真心推介,佢有三粒帶子,煎得時間啱啱好,所以肉質仲好滑,而佢嘅意大利飯加入咗粟米粒,好啱小朋友食,大人細路都覺得好好味,你睇吓隻啤啤熊流晒口水就知好好味啦,嘻嘻!最後配埋兩杯特飲,兩杯嘅味道都好Fresh !由於係親子餐廳嘅關係,今日上班嘅店員雖然係男士為主,但都非常友善同有禮貌,服務好好,仲好用心逗小朋友開心,阿仔都話好鍾意呢度,話下星期要再嚟過! 繼續閱讀
(以上食評乃用戶個人意見 , 並不代表OpenRice之觀點。)