806
12
6
港鐵銅鑼灣站 D2 出口 繼續閱讀
電話號碼
25755677
開飯介紹
浜燒指將海鮮在岸邊即捕即燒,而這間餐廳亦有三組魚池,裡面有由日本新鮮運到的不同海鮮,讓食客感受日式浜燒滋味。 繼續閱讀
營業時間
今日營業
12:30 - 23:00
星期一至日
12:30 - 23:00
公眾假期
12:30 - 23:00
公眾假期前夕
12:30 - 23:00
付款方式
Visa Master AlipayHK 支付寶 現金 銀聯 微信支付
座位數目
36
其他資料
網上訂座
Wi-Fi
酒精飲品
切餅費
VIP房
電話訂座
加一服務費
當面支付
有關獎賞計劃
食評 (847)
等級4 2020-11-09
595 瀏覽
今日放工約左女友係銅鑼灣,行左陣Uniqlo,就決定食晚餐,最後我地都係上open rice 睇下有咩餐廳吸引,最後揾到間係澳門中心到既,食日本野叫漁獲浜燒,睇圖好似幾吸引,所以就決定上去。餐廳唔算好多人,所以唔洗等位就入得,我哋坐喺吧枱,環境唔錯,正常居酒屋既格局。我哋叫左沖繩風沙律、刺身盛盒5款、二人前浜燒盛盒,黎到居酒屋點可以唔叫酒飲,所以除咗食物之外,我哋仲叫咗一支月之玉響大吟釀清酒,食物好快就到枱,首先上枱既係沙律同刺身盛盒,兩個冷盤都係有三文魚、吞拿魚、同油甘魚,而盛盒再多埋海膽、甜蝦。仲有個沙律份量好大,入面嘅刺身都唔少,食咗呢兩個冷盤已經好滿足。跟住到浜燒盛盒,首先佢會拎住個生嘅浜燒盛盒俾我哋睇,包括有鮑魚、生蠔、帶子、蟹腳、虎蝦等,我見到啲鮑魚仲識郁,好新鮮。睇完之後佢哋就會拎去浜燒,佢哋會逐樣分批燒,所以唔怕啲海鮮燒完擺係到凍哂。首先生蠔第一個燒完,當然迫不及待試試,入口有濃郁既蠔味,同鮮甜味,之後有淡淡既海水味,超juicy 😋 之後到蟹腳、虎蝦,呢兩款海鮮,我略嫌燒得過咗頭,有少少硬,但都依然鮮甜,再之後到帶子同埋鮑魚,呢兩款我就相當滿意,唔會笑得太生或者太熟,食落去啱啱好,個帶子仲係牛油燒,超香🤤 最後追加左一杯千代吉燒酌,同埋兩個甜品,一個係番薯雪糕,令一個係柚子雪芭,兩個甜品都唔錯,為呢個晚餐畫上完美嘅句號。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-29
1055 瀏覽
老公正日生日決定食日本菜好好慶祝一番,本來平時呢個時間應該已經身處日本當地慶祝生日,今年由於疫情關係只可以留港慶祝。前菜 - 芝麻鹽醬椰菜(細)芝麻醬味道香濃突出,椰菜爽脆清甜。冲繩風沙律沙律材料豐富用上大量刺身+冲繩海葡萄、苦瓜等等製成,淋上酸甜沙律醋,味道酸酸甜甜,非常開胃,而且剌身新鮮,海葡萄入口脆卜卜,整體清新美味,不錯不錯喔!白鱔浜燒白鱔採用生燒方法,肉質保持鮮嫩爽彈,魚肉鮮甜可口,正!味噌蟹甲羅燒蟹味噌加入蛋汁蔥花慢慢烤熱,最後拌上自家製麵包碎,入口蟹膏香味濃郁,咸香惹味,伴上脆口法包,更添滋味。二人前浜燒盛合(活)海鮮盛合非常吸引,有活南非鮑魚、北海道帆立貝,生蠔,大蝦等等,店員會幫忙續一燒好上枱,全程專人服侍真係超正。燒鮑魚鮑魚爽口鮮甜,肉質鮮嫩彈牙,沾上少少柚子胡椒更能帶出鮮味。燒北海道帆立貝加上清酒烤煮,味道清香鮮甜,肉嫩多汁,非常新鮮。最後食埋甜品做總結。柚子雪葩 - 柚子味清香撲鼻,入口微微的酸甜味,正好可以清清味蕾。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-21
1271 瀏覽
真是好懷念去日本食浜燒這樣食物,所以到最後同老婆去銅鑼灣搵食,在銅鑼灣澳門逸園中心商廈都好多不同的日本食品,最後選了這個漁獲浜燒。在室內見期間限定清酒買一送一,對鍾意飲酒的人來講是不錯的選擇,同埋見叫了浜燒可以用優惠價再叫刺身拼盤,所以到最後叫了浜燒SET。【柚子x檸檬酒】果味重,非常容易人口,岩我的口味。【前菜】芝麻鹽醬椰菜,用佢來清清個口同個胃先就最好了。【沖縄風沙律】呢款沙律都係第一次試。材料好豐富,有三文魚、吞拿魚腩、八爪魚、苦瓜、牛油果、番茄仔、沙律菜、海葡萄等,刺身非常肥美,一流。【五款刺身(牡丹蝦、三文魚、赤陸魚、油甘魚、海膽)】牡丹蝦:超大隻又軟嫩鮮甜。三文魚:十分肥美,魚油甘香。赤陸魚:肉質細緻,微微灸過,令油香散發出來。油甘魚:厚切肥美又夠新鮮。海膽:係我至愛,Creamy得來又好甜美呀【浜燒二人SET】超新鮮既海鮮盤蠔只稍稍烤過,蠔身肥厚。蟹腳新鮮鮮甜,食落仲有少少海水味。鮑魚燒得不錯,唔會韌,口感彈牙。超大隻虎蝦,肉質彈牙爽口,仲要有香濃蝦味,蝦頭仲要有好多膏。帆立貝選了一隻清酒燒,清酒燒比較清淡。另一隻牛油燒,本人比較喜歡牛油燒,超香濃的牛油味加上帆立貝的鮮味,超正!!到最後總結超滿足!! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-10
1412 瀏覽
疫症下日本料理相信係港人最熱愛最掛念嘅『家鄉菜』。 如果難得出外用餐或者慶祝之類 總係留肚俾刺身,壽司 ,拉麵 ~居酒屋今天和屋企人嚟到銅鑼灣嘅『漁獲浜燒』 嘆海鮮。 果然未夠七點都差不多full booking 了。這裏當造海鮮品種多樣,大部分外國入口。 只要係新鮮貨色簡單浜燒已夠美味。大支裝日本清酒 (純米大吟釀) 720ml更做買一送一優惠~最多四人一台都可以飲足成晚~👍 Calips flavor 乳酸味有氣酒, 輕量酒精配我最喜歡嘅乳酸味, 夠氣又唔會加冰溝淡咗。👍刺身盛合五款有馬糞海膽, 拖羅,油甘魚,三文魚和珍寶赤蝦。 吃到係新鮮 上等嘅貨色, 馬糞海膽夠鮮甜有海水味,其貌不揚但絕冇影響口感和味道。拖羅肥美, 滿口魚油香但又不覺膩, 肉質細緻冇筋! 油甘魚也是絕佳口感, 魚肉結實得來細嫩, 味道清香中又帶魚香, 非常回味! 三文厚切長方條, 肉質夠肥美帶甜。 珍寶帶頭赤蝦, 蝦肉有彈性唔會糊口, 重點是啖啖肉 連蝦頭都唔放過!二人前浜燒盛合餐牌羅列著許多 唔同種類盛合, 每款都有你想吃嘅組合實在難取捨! 覺得是全晚嘅主角—— 燒生蠔。 一點調味,醃料,汁醬都唔需要, 簡單直接 燒一會, 蠔身飽滿肉厚,也特別滑溜,一口咬樂 超多蠔汁, 還有生蠔嘅質感, 唔腥之餘仲要係蠔味極濃極鮮甜!濱燒還包括鮑魚, 珍寶大蝦,巨型帆立貝。鮑魚好新鮮仲會郁, 肉質好彈牙夠嫩又容易咬開 👌👍 師傅掌握得好好 一啲都冇over cook, 鮮甜美味!松葉蟹腳其實這款蟹肉唔算多,蟹腳唔會好粗, 但蟹嘅鮮味經浜燒後 變得超濃郁, 鮮甜無比👍😋珍寶大蝦 一隻二人分享都有四,五件, 也是彈牙鮮甜。帆立貝有兩種煮法:清酒和牛油蒜蓉, 各有特色, 大前提係帆立貝非常新鮮點煮都好吃。和牛石鍋飯 香噴噴熱辣辣,唔想食飯焦嘅可以撈勻即刻舀起。 和牛充滿油香~ 即使熱鍋飯之下 也能做到入口甘香軟嫩, 石鍋飯甘香,軟硬適中, 讚不絕口!👍白桃雪糕竟然掏空個桃裏面放上白桃味嘅雪糕, 花心思又考手工👍 雪糕唔會太甜而且滲出淡淡芳香嘅桃味! 桃嘅軀殼已經雪到好硬也不能吃, 留為紀念已經影咗好幾張相😍店員在一旁用心地把食材放上爐端燒好, 燒好就立刻送到客人面前趁熱食, 有專人代勞,真係可以好好休息做番個懶人😋👍~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-09
1030 瀏覽
今天相約妹妹銅鑼灣逛逛日資百貨公司,夏季過去,總有清貨價,秋季來臨,新款新貨剛剛到,shopping好時機。黃昏時段附近搵個好地方傾偈食飯,《漁獲浜燒》似乎唔錯,乘電梯上18樓,餐廳佔一個樓層,環境唔算大,靠窗可以望到出面環境。店內有一些小角落,都方便三五知已歡聚傾計。刺身盛合(五款):甘口海膽、吞拿魚、鮮甜油甘魚、巨型赤蝦滑捋捋、肥美三文魚。特上漁獲浜燒盛合(二人前):海鮮拼盤未浜燒前會讓食客看看,鮑魚好新鮮,仲喐㗎,珍寶大蝦夠爽口、松葉蟹柳、生猛鮑魚、生蠔大大隻,入口嫩滑、帆立貝用咗兩種汁料浜燒,牛油燒及清酒燒, 個人比較喜歡牛油燒,味道香濃。牛肉石鍋飯~熱辣辣香噴噴,加入新鮮雞蛋,先搞勻混合好,飯焦香口脆卜卜。甜品試咗兩款:白桃雪芭味道十分清新,蜜桃控必吃。番薯雪糕實在有驚喜,第一次試到香濃蕃薯味的雪糕,食到尾仲可以食到番薯肉。最初店員介紹日本清酒/ 吟釀(720ml)買一送一, 可惜今日得兩個人,自己酒量麻麻,下次搵埋朋友一定要嚟試下。 繼續閱讀
(以上食評乃用戶個人意見 , 並不代表OpenRice之觀點。)