331
36
8
電話號碼
81013396
開飯介紹
九龍城口碑不錯的泰國菜餐廳,新鮮的生蝦尤其出色。 繼續閱讀
附加資料
繁忙時段用餐時間為90分鐘。
營業時間
今日營業
11:30 - 14:30
18:00 - 22:30
星期一至日
11:30 - 14:30
18:00 - 22:30
公眾假期
11:30 - 14:30
18:00 - 22:30
公眾假期前夕
11:30 - 14:30
18:00 - 22:30
付款方式
AlipayHK 支付寶 現金 微信支付 payme
座位數目
50
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
賞訂座積分
外賣服務
加一服務費
電視播放
當面支付
有關獎賞計劃
食評 (406)
等級4 2020-06-19
714 瀏覽
最近天氣超級熱,即刻諗起上年去泰國旅行,泰國日日都咁熱,所以佢地整D野食真係特別岩熱天食,諗下諗下都開始掛住!好彩我地香港係美食城市,想食咩?基本上都有!咁要食泰國野,當然係黎九龍城啦!!今日就黎左呢間好出名,幾個朋友都介紹既泰象館~舖內唔算好大,不過坐位分得非常好,人與人之間唔會太迫!地方好乾淨,全部餐具都令面,仲會在俾熱水你在自己洗多次,好安心~在睇睇餐牌,超級多選擇,花多眼亂!-芒果蟹肉炒飯-首先叫個炒飯先,最近芒果當造,所以估計都會特別甜,果然芒果特別甜,蟹肉份量都算多,小小蟹肉味,炒飯最重要好似呢個咁,做到粒粒分明。另外伴碟既腰果非常好味,香脆可口!-青咖哩雞-我每次去泰國餐廳都必點既青咖哩,因為出面真係食唔好咁好味既青咖哩,永遠九龍城呢D正宗既泰國餐廳都唔會令人失望!食完真係感覺到好似去左泰國一樣,香濃椰汁味,咖哩小小辣,仲有好多好多配料~雞肉都變成配菜!-小食餅盤,青檸沙冰-個小食餅盤靚到隔離枱見到都嘩一聲,即刻跟住叫左一份,真係好大份,炸得非常之靚,金黃色,未食都知超級脆!兩個人食,每款份量都有4件,真係抵食夾大件~最鐘意食蝦餅,肉質彈牙,蝦味濃郁。最後在叫多杯青檸沙冰,天氣咁熱,飲返杯沙冰真係爽呀!完美的一天~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-14
518 瀏覽
今晚放工約咗朋友去九龍城食泰菜,甘多間泰國餐廳,唔知邊間好食。同事就介紹南角道 泰象館,上網睇返d口碑都唔錯!即刻喺openrice 訂位先,仲可以賺埋飛行里數!餐廳 裝修充滿泰國地道特色,連廚師都係泰國人,真正食到泰國風味! 座位大約有廿零個,都幾多人幫襯,我哋七點之後要等位!天氣炎熱,食泰菜飲Singha啤,感覺與別不同,咁先夠地道,冰涼解渴!串燒三拼豬牛雞合共6串有豬、牛、雞可供選擇,燒烤焦香撲鼻,乾身唔油膩,無骨啖啖肉大快朵頤。個人最喜歡它的沙爹醬汁,辣裏帶甜,仲食到碎碎的花生粒,稠身惹味,送酒一流!炸蝦餅拼春捲蝦餅肉質新鮮,爽滑彈牙有蝦味,脆炸香口惹味。春卷是我喜愛的食物,香脆可口,內有雲耳、粉絲、青菜、蘿蔔絲 ,感覺清新健康!紅咖哩雞朋友建議叫咖哩點薄餅。薄餅熱辣辣,香脆鬆化,有牛油味。紅咖哩,辣中帶甜有淡淡嘅椰汁香味,濃郁稠身,用來醮點 薄餅真是絕配!整體食物質素不錯,份量充足,不收加一,確係幾經濟實惠! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-23
1060 瀏覽
泰象館九龍城城南道48號地下識我既朋友都知道我最鐘意就係泰國,因為疫情關係已經好多個月無得飛去泰國,好掛住呀,所以唯有黎九龍城食下泰國嘢頂下癮先啦今日試左呢間<泰象館>係朋友推介既,鋪頭唔算太大間,但感覺口味好正宗,而且價錢都算幾合理,係正門口又有咪標位可以泊車,非常方便餐牌上面有幾款套餐可以選擇,都幾抵食,不過我地3個人好多樣嘢都想試,最後都係決定散叫小食拼盤---非常豐富,真係一次過滿足晒所以願望,自己最鐘意食個炸蝦餅同埋春卷,岩岩炸起熱辣辣再點埋個泰式辣醬,真係無得頂鐵板馬拉盞豬頸肉炒椰菜苗--- 平時用馬拉盞炒菜已經覺得好好味,估唔到原來轉咗用鐵板係更加惹味,加上醃製過嘅豬頸肉,very good柚子沙律---作為前菜一流呀,柚子酸酸地好開胃,而且生菜亦好新鮮,加埋花生,洋葱同埋其他配料醬汁混埋一齊,好夾黃咖喱雞+薄餅+蒜蓉包---自己好鐘意泰式既咖喱,好香好濃,而且d 雞肉都幾多,好抵食,我通常都會叫埋薄餅或者蒜蓉配埋一齊食,呢3樣嘢永遠係perfect match冬陰公湯---非常足料,有大蝦,菇類,蕃茄仔。。。而且飲落又唔會覺得太辣,岩大部份人既口味,我地叫左細size, 都有成4~5碗架 繼續閱讀
(以上食評乃用戶個人意見 , 並不代表OpenRice之觀點。)
九龍城城南道有那麼多的泰國菜館,哪間最好?我的挑選條件很簡單,就是看人數。疫症期間,「泰象館」依然人頭湧湧,這人數足以吸引我們入內開飯!「泰象館」價錢平民,但滋味卻高人一等!我們三人合共叫了六款菜,結果全部吃到一條菜都沒有剩,正!柚子沙律($70)柚子酸甜,花生脆口,至啱作為第一道開胃菜!小食拼盤($125)有炸蝦餅、炸魚餅、炸春卷和炸雞卷;款款金黃香脆,當中最愛炸蝦餅,炸過後仍然吃得出啖啖海蝦鮮味!串燒三拼($77)我們揀了三串豬和三串雞,共六串!豬肉爽口,雞肉嫩滑,吃前一定要點沙爹醬,更惹味!芒果蟹肉炒飯($72)鑊氣十足,想不到72元會吃到真蟹肉,還要是每一口飯都份量十足,完全是抵食之選!蛋包鮮蝦金邊粉($72)起初以為是日本蛋包飯的friend,但結果完全是兩回事!太空館的外貌很吸晴,一拆開,金邊粉非常滑溜,大大隻鮮蝦亦很爽口!馬拉盞炒椰菜苗($67)在街外吃菜至怕多油,幸好這碟椰菜苗完全沒有過份油膩的感覺,正!芒果沙冰($30)芒果是泰國名物,飲品當然要試芒果沙冰!以新鮮果肉真材實料炮製,毫無糖漿的假味!在「泰象館」嘆一頓泰國菜,感覺去了一趟泰國遊一樣,值得一去再去三去! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-26
1427 瀏覽
去九龍城梗有一間泰菜係左近, 今晚就去左泰象館, 朋友早排食過, 所以就揀呢間encorn!餐廳內面積不大, 地方整潔。菜式選擇多, 一般大眾泰菜款式都有提供。先order一個沙律開開胃,【酸辣鳳爪沙律】HK$62無骨鳳爪連帶少少軟根, 食落幾爽, 配上調味、爽脆蔬菜絲、洋蔥絲, 層次更加豐富, 酸味味之餘, 而且幾辣。做開胃前菜的確唔錯! 【蝦餅】HK$72外皮炸至金黃香脆不油膩, 蝦餅鮮甜彈牙, 有少少蝦既幼粒, 令味道更加鮮甜有蝦味。【泰東生菜包 (豬)】HK$74可自選豬/牛/雞, 我地就揀左豬, 肉碎都幾多, 撈左泰式香料、洋蔥絲, 非常香口, 新鮮爽脆生菜包住肉碎食, 陣陣肉香兼少少辣, 惹味! 因為肉碎份量多, 多到唔夠生菜包, 如果再多幾片生菜會更好~【蛋包鮮蝦金邊粉】HK$72薄薄既蛋網包住金邊粉, 金邊粉炒得幾有穫氣, 甜甜地, 質地滑而且唔會一pat pat, 不過蝦係幾爽, 但沒有鮮甜味。【菠蘿沙冰】HK$30沙冰打得好幼細, 有少少菠蘿碎蓉, 淡淡菠蘿味, 整體唔會太甜。 繼續閱讀
(以上食評乃用戶個人意見 , 並不代表OpenRice之觀點。)