河內小館 (已結業) 查看

平日Lunch Time, 12點左右去到唔使等位, 座位也夠寬闊。落單到上菜都快, 到12點半左右就出,現排隊河內魚餅撈檬粉魚餅好大塊, 分成5塊, 可以同朋友Share了份量也大份, 正常撈檬味道, 撈檬汁放係枱自己任意加。特別小小的係個Drip coffee, 很少見越式餐廳提供滴漏咖啡, 細細杯, 帶有點風味!

因為疫情嘅關係，少左去街唯有周圍食嘢，今次系食河內小館的越南嘢越南嘢就係食佢嘅河粉而唔係金邊粉😝因為上次叫金邊粉真係得幾條河粉又多，好滑，而且我一定會叫香茅豬扒及加炸牛油雞翼小食($18 2隻)，佢生牛肉都不錯，不過我覺得豬扒好食啲同大份D愛上佢嘅湯，不知是否味精還是什麼香料令人一啖愛上，再加上我喜歡的青檸和辣椒，我整碗湯也飲掉了😋香茅豬扒非常酥脆又軟腍，濃濃的香茅味那個牛油雞翼更是我仔仔的最愛冬天我特別喜歡食脆皮的牛油雞翼雞翼嘅肉都好滑又入味，跟餐配小食才抵否則散叫多件就好貴了好奇怪啲，這間餐廳要加錢飲咖啡，所以我飲了跟餐免費香濃奶茶也不錯。

真係唔明 門口冩明外賣九拆但我食完 之後加外賣就冇 店員又唔講 咁做生意真係有性格 如果講明要分開單叫就冇所謂 最多分開俾錢 但上俩次都唔係咁既80字真係寫唔出咁 佢D野其實唔差 服務就有進步空間

we had dinner out in our neighborhood. food was not particularly vietnamese.. curry tasted lile hk cha chaan teng curry. red rice was ok and braised beef too but the coconut milk description in the menu seems inaccurate - couldnt taste it.10% off because of covid but i feel like 10% service shouldnt be included anyway because of the 2 dishes, the second one arrived after we had finished the first. the stafg were not friendly to explain that our ordered dish would take long in the beginning. if t

今日收工同幾個同事聚餐其中一個同事提議去佢屋企附近商場食...我心諗 唔係掛，佢所講既麗晶商場會有咩食原來話有間越菜，咁就去試下啦去到未齊人叫住d小食先啦酸辣鳳爪堅入味 比平時食開既入味同辣 岩晒我口味生菜包好似酸左d 有改進空間到咁上下齊人啦，叫左個無骨海南雞雞皮唔肥 肉都幾嫩滑 點埋佢地d雞汁就更開胃一份蒜蓉包有4件 6個人唔夠分，試左ok就叫多份炒菜既話同出面食分別唔大蒜蓉牛油雞翼 外邊都脆既，肉都唔鞋口 算滑小食併盤 我平來鐘意食牛 燒牛串覺得好正另外要提一提係軟殼蟹同埋椰青焗飯軟殼蟹外脆內軟 食果時爆到我成口油 正！後尾聽店員講 有個椒鹽軟殼蟹更野味，點餐果時見唔到...因為大家都飽飽 下次先試椰青焗飯真係好香 一上台果刻個個都話好香面頭果d唔知係咪椰漿，食落去香得黎又有清新椰香味，但可能椰青唔夠深 d飯塞到滿滿都唔夠我地6個壯男分😝😝總括黎講 係一個小型商場都食到呢d味道呢間野都下過努力既 都有特式下次可以再黎埋單時有同店員傾左陣，佢地話遲d晚餐會出甜品，同埋佢話廚房全部都係越南人 唔知係咪真😆😆

又到一年一度媽咪生日，今年決定試新野，去朋友介紹既一間新開張位於九龍灣既越式小店。我們一行8人，有老人家又有小朋友，雖然百年一遇既交通大癱瘓，但係無阻我們，大概6點相繼到達餐廳，不用排隊，就有侍應帶位。一坐低就打開menu，我既選擇困難症又發作喇，發現原來有不少選擇，樣樣都想試，最後我地幾經辛苦叫左9碟餸。特別一提，上菜速度同先後次序超高水準，又快又有先後次序，由小食到主菜，真係要俾個讚。重點推介1椒鹽軟殻蟹：外脆內軟綿綿，仲要啖啖肉，大家都搶住食，不用15分鐘就清左碟軟殻蟹。重點推介2去骨海南雞：係去左骨既海南雞呀...雞皮帶少少爽又唔肥，連平時一定走雞皮既我都食埋層皮落肚，再咬大啖啲好有雞味，中間剛剛熟，再配埋酸酸甜甜蘿白絲配菜，一流呀。重點推介3牛油蒜香雞翼：一送到面前已經被外面鬆脆同金黃色既外層吸引住。果然，唔係虛有其表，裡面既肉仲好嫩滑架😋其他西貢咖喱牛腩配蒜蓉包（分開order既）：咖喱剛剛好，好香口，雖然我唔食牛，但係我見我屋企人，連小朋友都食唔停，同讚不絕口。唔洗多講，咖喱必定要配蒜蓉包啦。越式燒牛肉蝦片：蝦片係即叫即炸，唔會死死實實，配埋秘製越式汁，幾開胃，唯一不足係

第一次去，一家人試新野，預先訂座，被安排店中較入既中間位置，每枱之間有足夠位置，唔會有擠迫既感覺。我地先點了飲品，椰青丶青檸梳打丶柚子蜜梳打、咸檸梳打，全部都好ok，美中不足既係冇我至愛既椰汁冰類飲品。跟住就到前菜、主菜啦，order完唔駛等好耐，好快已經逐碟送上！海南雞半隻，雞肉尚算嫩滑，加上係無骨既，唔錯！越式椒鹽軟殻蟹，熱辣辣送到，椒鹽夠惹味越式燒牛肉三文治，法包內配燒牛肉加蕃茄、醃蘿蔔，配搭得宜咖哩牛腩，牛腩夠淋，另外配埋個蒜蓉包就very good，我自己就鍾意配個炸蝦片沾咖哩汁蒜蓉牛油雞翼，又係襯熱食，炸到鬆脆，不過其實好快已經一人一隻搶曬！特式拼盤，有牛肉串、豬肉串丶炸春卷、蒜蓉牛油雞翼，最岩我地呢D樣樣都想食既人，不過掛住食，已經唔記得左相機先食🤣順帶一提，佢哋既配菜醃蘿蔔都好好味，我個女大愛，最後仲清曬添！呢間越式餐廳座落於麗晶商場，性價比高，雖然我地唔係住附近，不過值得再去！

屋苑附近大多數都係茶餐廳同埋快餐店，見到呢間新開行清新格局路線既越南小店「河內小館」決定入去一試。首先地理位置方面，呢間小店係商場2樓入面既轉角位置自成一角，雖然不太起眼，大多係做街坊生意，不過一行入去就幾舒服既感覺，枱與枱之間幾闊落完全無拘束既感覺。食物方面，我地8個人叫左椒鹽軟殼蟹、牛油蒜香雞翼、無骨海南雞、西貢咖哩牛腩、法式蒜蓉包、越式炸蝦片、越式灼通菜、越式扎肉三文治、西貢燒牛肉三文治、小河內特式拼盤、越式燒牛肉蝦片。首先要推介呢個椒鹽軟殼蟹，好有避風塘既風味，軟殼蟹炸得香脆之餘仲好惹味。呢個一致認為係全晚最好食既菜式。牛油蒜香雞翼都係推介之一，每隻雞翼都炸到脹卜卜，平時好怕d雞翼炸到老晒肉又乾乾掙掙，呢個有少少驚喜，唔只面頭個脆漿好香蒜蓉味，連入面既雞肉都好入味，炸既時間岩岩好，d肉仲好juicy。呢個係西貢咖哩牛腩，咖哩幾香濃唔太辣，牛腩炆得幾淋同埋食得出個牛味幾濃郁。有咖哩自然要配埋個蒜蓉包，不過我本身唔食蒜蓉包，所以唔會評論。無骨海南雞堅係無骨既，雞幾滑，配埋醃蘿蔔一齊食可以去油膩。不過略嫌個海南雞凍左少少，好似岩岩雪櫃拎出黎咁。上面呢兩個係越式扎肉三文治同西貢燒牛肉三

是日選擇了一家人去食晚餐，6點多去到，吾洗等位，走的時後已多人等啦！環境不錯，坐得舒服！吾會太迫！起菜時間都算快，吾需環點等候！食物方面不錯，性價比高！河粉大碗好味，下次一定要食多碗！蒜蓉包好味、咖哩牛腩不太辣，配埋包食一流！ 軟腳蟹好正，d椒鹽一流，如果叫個白飯食...已可當一碟餸！炸雞翼油在少少，不過香脆！我地仲叫在拼盆、菜，多到食吾晒！ 椰青正常，吾貴！飲品叫在d不同的梳打水！不過如果有埋甜品就更好！

見新開越南菜，就試下，2個人叫左1個海南雞飯同1碗扎肉湯河，味道不錯，估唔到麗晶都有間味道不錯既越南菜，午市LUNCH SET都係一個主食加一杯飲品，價錢合理，可以再黎食過!

每逢星期六返工， 通常lunch time都會出去食飯，今日過咗麗晶買紙巾同拎件。本身呢度食開間西餐執咗笠而家轉咗做越南菜，同事話想食咁就試下啦🤔食物質素可以接受，同事嘅雞絲河粉佢話覺得幾好食。我自己嘅豬扒撈檬都ok，豬扒係啱啱炸起熱辣辣，但係炸得太乾咬落去太韌😅中午時間都幾多客，有七八成滿🤔食物價錢同質素都可以接受嘅。但啲侍應態度好差，冇乜禮貌，啲嘢食上枱仲竟然可以唔出聲淨咁<掟>上枱，俾佢嚇一嚇🙄

最近一個月逛麗晶商場，才發現原本的西餐法寶廚房已撤退，已換上這間越式料理。舖面簡裝，枱與枱之間尚算寬敞，甫坐下一會，便聽到鄰座兩枱投訴食物遲遲未上，其中一枱聲稱等了一個小時......估計食店還是太新，很多處理還未上軌道。餐牌選擇不多，點了以下2個午餐：無骨海南雞飯，飯似是混了幼細的炸蒜絲，海南雞給了半髀半胸肉，不肥膩，蘸醬汁吃挺清爽；香茅豬扒湯粉，河粉比想像中多三分一，金不換及蔥得下得很足，豬扒肥瘦夾雜，夠嫩滑。其中有2名女客服員比較殷勤有禮，如日後午餐能多些選擇會更吸引。