樂湯雞麵館 (登龍街)

營業中

休息中

今晚來到銅鑼灣，試到一間以平民價格，就可以食到超足料嘅花膠魚翅養生雞鍋<樂湯雞>，無論價格、分量、同雞湯鍋嘅質素，都充滿驚喜！！<砂鍋花膠雞湯翅配刀削麵 $94>花膠雞鍋一上枱非常之熱辣辣出曬煙，忍唔住當然要立刻試一口雞湯，雞湯味道非常之濃郁，雞味香濃，帶點膠質，花膠又厚又大件，足足有三四件咁多，入口非常軟腍。雞件份量亦都非常之多，而且仲保持到肉質夠嫩滑。<另外加咗兩隻魚翅餃 $24>魚翅餃非常之大隻，而且入面有好多肉，同埋仲有少少魚翅。<XO醬招牌雙寶撈刀削麵 $94>雙寶係龍皇雲吞同埋花膠魚翅餃，無論花膠魚翅餃同埋雲吞都非常之大隻，而且入口仲啖啖肉，仲帶有肉汁，皮薄餡靚。XO醬夠曬惹味香濃，撈埋落刀削麵一齊食，更加惹味好食。<花雕醉雞半隻 $138>花雕醉雞酒味夠清香，餐廳用咗大量嘅杞子同埋蟲草花一齊來煮，令雞肉嘅酒味更為香甜，雞肉亦都嫩滑好味。喺銅鑼灣呢個位置就可以用平民價格食到砂鍋花膠雞湯翅同醉雞，真心值得推薦！！～

人到中年，究竟有乜野重要得過健康？你問我錢係咪唔重要，我100%好肯定同你講非常重要，但有錢都要有命享，所以要顧住搵食之餘仲要保持身體狀況，想食得健康又好味，不如試下養生雞湯？👇🏻📌人 氣 推 介 -▪️ 砂 鍋 花 膠 雞 湯 翅 - $94▫️ 先試個招牌「砂鍋花膠雞湯翅」，一大鍋花膠雞湯，雞湯味道唔會死鹹果種，就算飲多左都唔會好口乾，而當中撈到好大舊花膠同埋翅，加上吸收哂湯汁精華，極重鮮味；雞肉份量十足，食落肉質滑溜完全唔老，配搭刀剔麵，口感係最夾，絕對係必試！▪️ 砂 鍋 龍 皇 雲 吞 雞 - $94▫️ 另外我朋友就試左個「砂鍋龍皇雲吞雞」，同樣用砂鍋新鮮滾熱辣上枱，有d唔同既就係當中花膠翅換左做雲吞，雞湯入口相當鮮甜，雲吞大大粒，絕對唔姑寒，食落非常爽彈，雞肉亦係肥美，油香突出；我地分別都加左$12有一份炸魚片，夠哂香口，呢個一定要嗌！▪️ 麻 辣 海 蜇 手 撕 雞 - $58▪️ 花 鵰 醉 豬 手 - $58▫️ 小食試左個「麻辣海蜇手撕雞」，海蜇爽甜到不得了，隨後辣勁慢慢滲出，夠哂濃香；而「花鵰醉豬手」酒香十足，豬手滿滿既骨膠原，真係食極食唔到停口。

行街行過登龍街，咁啱落緊雨又冇帶遮，見到呢間舖頭個名好特別，既然係咁應景，所以就入咗去試下啦間舖頭入面都好古色古香，好乾淨又企理，我哋坐低，舖頭店員就好快埋嚟落單，推介我哋食砂鍋龍皇雲吞雞，咁我哋就嗌咗一份雲吞雞。自己又口痕想食岀前一丁，就叫咗個XO醬招牌雙寶撈出前一丁。諗住食啲菜，所以就嗌埋一個雲腿浸娃娃菜。啲食物都好快就上枱，第一上枱嘅菜就係個娃娃菜一放低就聞到好濃好香嘅金華火腿味，個奶油輕身得來又好香，配埋金華火腿一齊食，非常出色第二道上枱嘅菜就係個雲吞雞，一放上枱見到佢喺度沸騰緊已經覺得好吸引，除咗賣相好睇之外：首先個雞唔會好韌有雞味，仲要好多都係雞髀肉，啖啖肉個雲吞超級大粒，個size係出面食嘅雲吞嘅兩倍！入面有原隻大蝦同埋好足料嘅肉，雲吞皮仲好滑重點就係個雞湯，好濃郁好香好好飲！唔使嗌飲品淨係飲呢個湯都已經足夠！第三道菜就係個XO醬撈丁，個XO醬真係好出色，撈埋個丁簡直係一絕！入面包埋雲吞同埋水餃兩款都好好食，好足料！食完問返個店員，先知原來個XO醬都係佢哋自家製！但係咁啱賣晒，下次經過見到有一定要買返一樽XO醬返屋企食估唔到咁都比我發現到一間咁好食嘅餐廳，真係好值得推介！

This restaurant used to offer a delightful dining experience. Especially for the soup. However, our recent visits have been disappointing, particularly with the chicken meat quality. The chicken pieces used to be generous and flavorful, adding to the overall enjoyment of the meal. However, in our recent experiences, we noticed a decline in the quality of the chicken meat. It seemed less fresh and flavorful, detracting from the overall dining experience. The soup is not good either . We hope the

前幾日去左朋友屋企探小朋友, 夜晚係銅鑼灣登龍街搵左間餐廳食飯。餐廳主打雞湯米線, 我哋叫左砂鍋花膠雞湯翅米線, 湯底味道清甜, 花膠煮得夠淋, 份量好多, 食落無味精, 唔會覺得口渴。我哋亦叫左醉雞米線, 湯底有好濃既藥膳味, 雞肉食落幾嫩滑。另外我哋叫左兩款小食, Wasabi海蚻手雞配上麻油整, 食落好香好開胃, 花雕豬手已經去骨, 佢既花雕味好濃郁入味。平時出街食飯好多時都多鹽多油, 但呢間啲雞湯無味精飲落好健康, 整個人暖笠笠。

「樂湯雞」係一間專營雞湯麵嘅餐廳，標榜真材實料，無味精，而且價格合理，性價比高。👍🏻砂鍋花膠雞湯翅米線/ 砂鍋花膠雞烏冬，兩個湯底差唔多，燉得濃郁，配上鮮嫩多汁嘅雞，大大件的花膠，仲有魚翅，帶來一種大大的滿足感。😋藥膳醉雞米線，充滿藥膳風味，配上滑嫩嘅雞肉，帶來一種濃郁嘅風味饗宴。🎈XO醬龍皇雲吞，味道鮮美，配上香辣XO醬，唔錯👍🏻 如果想食真材料實料花膠雞湯，「樂湯雞」係值得一試👍🏻

甚少寫食評，不過今次係忍唔住想寫，睇到有食評話一入間店有陣味，哈～～～呢陣係金華火腿咸香味，對鍾意金華嘅食客…係寶，唔鍾意嘅…係臭🤣雞湯翅配上金華，係絶配，感覺等如奶茶配蛋撻。入店後叫咗最簡單砂鍋花膠雞湯翅+豆槳，好快上菜，先試雞湯（因為有人話淡而無味），梗係無乜味啦，間舖寫明少鹽少糖🤣想釣返起啲味，自己加返少少鹽（少少好喇大佬），成個感覺完全唔同，有花膠，有翅，有雞，有金華，當然係唔會多啦，但94蚊仲想點？雞確實係「鞋」咗啲，不過唔係咬唔開，翅係得啲啲，花膠有兩塊半左右，金華火腿絲數條，食完後感覺好滿足，真心覺得唔錯，下次都會再試其他嘢食👍👍

大家都知道銅鑼灣嘅登龍街有好多嘢食，我同朋友行完街嚟咗呢間雞湯小店。因為天氣咁熱，食個湯麵會開胃啲，見花膠雞好似好足料咁，就試下佢。砂鍋花膠雞湯翅米線加小棠菜仲可以加$10轉雞髀砂鍋上，夠哂熱辣辣，上檯嘅時候仲係滾嘅。雞湯底夠哂濃咪又夠膠質，花膠煮得夠軟熟，推薦大家一定要轉雞髀，加$10 夠哂抵食，因為雞髀夠嫩滑，簡直係錦上添花。雞湯翅真係無得輸。XO醬招牌雙寶撈刀削麵招牌撈麵嘅醬汁咸甜適中，撈面保持再適當嘅油份，條條分明令到口感更加出色，雙寶嘅兩種餃子亦都好好味，皮薄餡靚。Wasabi海蜇手撕雞呢個雖然唔係啲咩新菜式，但勝在水準夠高，wasabi 量控制得啱啱好，雞絲都高嫩，爽口嘅配菜增加口感。炸魚皮食湯麵都一定係配返一碟靚嘅炸魚皮。涼拌萵筍萵筍片夠爽脆，配搭醋嘅清爽，夏天食幾啱口胃。豆漿獨立杯裝嘅豆漿，夠哂乾淨衛生。豆味夠濃，同時唔會太甜。

去得銅鑼灣食飯 就點都一定會去登龍街度行一轉 睇吓有咩嘢食假期前夕放工 就去佐敦行街行個圈嗰日有少少病病地 又唔敢食熱氣嘢見到呢間食雞湯粉嘅中式嘢就諗住入去試吓點知10分有驚喜！推薦俾大家!俾大家睇吓個門面先 費事你哋入錯舖頭🤣佢都有二人同四人餐我哋嗰日散叫左半隻花膠雞湯再加多個刀削麵幫我哋點餐個靚姐話佢哋出名刀削麵咁就真係要試吓啦加$25就可以有個粉麵 仲可以揀一個湯底我哋就揀咗桃膠椰子雞湯我見個Menu寫住啲升級優惠其實都幾抵㗎 加幾十蚊就有花膠海參鮑魚但我嗰日就食唔落就冇加啦以上就係我哋嗌嘅餸啦 我覺得個涼拌幾好食唔係好辣題外話 呢間舖頭嘅辣椒油，幾好食㗎 大家嫌清淡的話可以加總括而言 呢間啲雞湯真材實料 食得出係冇加味精飲完都唔會好口渴都算係鬧市區嘅清淡選擇有驚喜大家想食得清啲嘅 有足料嘅 不防黎呢間食下

相隔唔知幾多年再次寫食評，外賣沙薑雞飯雞飯，六舊雞基本上全部都係骨 雞皮厚嗰啲肉，收50幾蚊，簡直就係搶錢。重新一點味道係可以㗎。但係你咁樣做生意死得啦。賺錢一定要賺，唔該俾返啲良心。我冇影相呀，信就信唔信就算。相隔唔知幾多年再次寫食評，外賣沙薑雞飯雞飯，六舊雞基本上全部都係骨 雞皮厚嗰啲肉，收50幾蚊，簡直就係搶錢。重新一點味道係可以㗎。但係你咁樣做生意死得啦。賺錢一定要賺，唔該俾返啲良心。無影相無影相

樂湯雞銅鑼灣登龍街41-51金龍大廈地下E及F鋪至尊鮑魚雞大碗飯配鮑汁瑤柱冬菇飯 $94鮑魚幾彈牙入味 嫩滑雞肉 有啲似意大利飯因為整體係濕狀 但又點唔同 意大利飯好容易食到’’濟’'因為好多芝士 感覺油份好重 呢個鮑魚汁冬菇底感覺清一點好岩香港人口味 份量一定夠食可以講低少油少鹽 餐牌有寫 鼓勵大家健康啲涼拌海蜇手撕雞 $58海蜇和手撕雞肉，口感清爽、爽脆富含蛋白質和膠原蛋白作為涼菜或開胃菜都OK砂鍋雞湯翅刀削麵 $84雞湯濃郁鮮美 滋味醇厚 熱氣十足 食呢碗雞湯麵精華都係飲個湯底感覺呢餐都幾健康

成日經過都冇機會食到～今日放半日有時間去試一試！1. 砂鍋花膠雞湯翅：招牌菜之一，絕對係湯品愛好者既不二之選。上菜時仲滾住！湯汁濃郁，花膠好大舊雞肉都幾滑2. 醉雞藥膳湯配粉絲：藥膳熬煮的雞湯為基底，無味精，淡淡藥膳味～粉絲吸收了湯汁的鮮甜味。無骨雞肉份量十足，肉質嫩滑多汁好重醉雞味。我自己鐘意砂鍋雞多啲～味道濃啲～^_^3. 麻辣海蜇手撕雞：係一碟涼拌菜，非常開胃。海蜇口感彈牙，搭配上麻辣🌶️和香料的調味，好食～但份量唔算好多～手撕雞肉幾入味4. 鮮沙薑豬手：呢個幾驚喜！超級入味！而且豬手係去晒骨！食落好方便！！燉煮後肉質軟嫩但爽口，沙薑的香氣與豬肉的搭配非常出色，味道濃郁，份量也很足夠，好好食！好推介呢款小食！

真實評語非打手，琴日食咗依碗砂鍋花膠雞。呢個價錢雖然都唔期望佢會俾啲咩花膠，但係舊花膠真係好硬同埋無味。啲雞又冇乜肉，好多都係皮，成碗就係雞湯加米線。如果有人係鍾意飲雞湯嘅人係可以去試。但我會建議你去超市買盒史雲生清雞湯慢慢飲。可能我係叫錯嘢食吧，真係好黑仔同埋坐得好唔舒服，間舖頭又有臭味，張凳又細，不過香港地方就係咁㗎啦。如果鍾意迫迫地都可以入去嘅，warm啲。我最後就成碗米線冇食到，希望佢可以改善吓。

今日嚟到登龍街呢一間舖頭食花膠雞門面幾企理，中午時段入邊都幾多人上網睇見到最出名係花膠雞湯翅，即刻叫個試吓；朋友就叫咗藥膳醉雞（$76）藥膳湯米線同埋醉雞分開，份量都唔錯OK，不過藥膳味就唔係太濃，同埋雞有少少韌花膠雞湯翅跟米粉（$94），湯底有好香嘅雞油，花膠都幾大塊，而且煮得夠腍入味，都有幾舊雞，但都有個毛病就係啲肉韌咗少少，另外唔係太見到有翅唔係好夠喉，就叫多個雲腿浸娃娃菜（$58），同埋涼拌萵筍（$40），呢兩個菜都幾唔錯，即刻健康晒😂

今日我和朋友去了銅鑼灣行街, 朋友說想吃雞補充蛋白質, 所以我們行完後便順道來吃午餐.餐牌款式都算多.海味雜菜煲 ($88):好多不同的蔬菜, 有娃娃菜, 小棠菜, 菇類, 粉絲等等, 個湯又清甜.幾好飲, 不錯.好多粉絲, 好豐富, 好好食.砂鍋龍皇雲吞雞米線 ($94):個湯底都幾香, 好飲, 雞件都多, 份量夠多, 雞件都好滑, 好食, 幾鮮味.另外雲吞都好大粒, 又滑又鮮味, 幾好食, 不錯.米線都幾滑.大大粒雲吞, 幾正.鮮沙薑雞米線 ($74):沙薑雞咸咸地又好香, 我和朋友其實都很喜歡吃沙薑雞, 個味都好出.另外沙薑雞都幾滑幾好食, 不錯.總結來說雞真的很出色, 如果喜歡吃雞的話, 真的推薦來這間餐廳, 而且價格親民, 性價比高, 值得一去.