448
44
10
營業時間
今日營業
12:00 - 15:00
17:00 - 23:00
星期一至日
12:00 - 15:00
17:00 - 23:00
以上資料只供參考, 請與餐廳確認詳情
食家推介
新年假期，當然要安排精彩節目；在元朗YOHO睇完賀歲片，隨即更上一層樓，訂枱到「極尚大瀛喜」食日式放題，愛其質素高之餘，價格超抵食。細細欣賞一下裝修擺設，蘊藏著精心的布置及心思。通常吃放題，都是忙著點菜、忙著大吃大喝，完全沒有細味一下其他的 😂😂一邊點菜，閒著時先自取一些熱葷、小食等，醒胃醒胃。選了一些喜愛的涼菜，有海蜇、泡菜、中華沙律、小雲耳及白灼蝦🦐。雖然都是預制食物，但深得我心。今晚的飯腳相當偏食，是位不折不扣的日式料理的擁躉，先來了一大盤刺身，開心一下。有三文魚、油甘魚、牡丹蝦，新鮮肥美，好味抵食。貝類亦是不可缺少項目，點了鮑魚、榮螺。連泰式的生蝦刺身也有供應，鮮甜惹味，兼而有之。接著是自選的壽司拼盤，三文魚壽司、油甘魚壽司和吞拿魚壽司。迷你手卷亦是目標之一，點了海膽手卷及三文魚籽手卷，飯少饀多，大滿足！非刺身類的壽司：火炙牛肉壽司、明太子壽司亦具特色。甜品也是放題或自助餐的必選食品，隨便拿了一點，已經十分豐富。有焦糖布甸、芝士蛋糕、漢堡包糖、Häagen-Dazs 雪糕（任取不限數量）開心大滿足的一晚！
繼續閱讀
同老公行完街係時候要醫肚，發現大瀛喜有燒榴槤放題，平日光顧八點後入座$288/位，齋食榴槤已經足以回本，何況仲有其他嘢食， 簡直係物超所值。今晚都算幾爆場，我哋食尾圍，好彩仲有烤榴槤，門口貼住張紙寫數量有限售完即止， 個心勁驚冇得食。烤榴槤必食，外皮乾脆，內裏軟糯香甜，甜度極高，當飯後甜品吃也不錯呀。食放題不能錯過就是刺身，整體都好新鮮，最喜歡魚生片，厚薄度剛剛好，有咬口。 另外榮螺同甜蝦都好甜美，推介。羊腩煲應該係季節限定食品，總括嚟講味道不錯，羊肉唔會太騷，抆得好淋。海鮮粥真材實料，有啖啖蟹黃，仲有大大隻鮮蝦/海蜆等海鮮在內，鮮味無比。烤蠔 風味十足，炸蒜香味撲鼻，蠔肉飽滿肥尾。烤牛舌有驚喜，燒得一啲都唔乾，而且咬口十足，充滿回彈力。羊架亦很推介，燒得啱啱好，好多汁。食物款式多得很不能盡錄，除咗任點任食嘅食物之外，還有食物自助區，有不同的冷盤與熟食提供。意想不到溏心蛋好吃得很，超入味，隻隻都係流心效果，個蛋黃好香。飲品款式放滿幾個雪櫃，有冷有熱，有罐裝有包裝，還有酒類無限供應…啤酒/清酒乜都有。
繼續閱讀
超耐冇食過放題！突然癮起，就捉咗個朋友陪我去食😎佢就我食乜，我唯有就番佢地點，所以專登入咗元朗食😂回本又好食嘅推介，首選一定係海鮮🤭 (排名不分先後)👅蒲燒鰻魚多肉無骨，細細件唔會膩🙌🏻👅西京味噌燒比目魚調味適中唔會太鹹，燒得好香，肉質嫩滑😋👅蒜蓉開邊蝦好大隻，勁多沙律醬，肉質實淨👍👅芥末蝦球好大粒勁爽口，芥末味濃郁😋👅醬燒左口魚邊壽司個人嚟講幾鍾意食火炙壽司，因為燒完特別香😍左口魚爽口新鮮👏🏻👅鐵板牛柳粒肉質腍滑，黑椒好香，絕對可以媲美高質大排檔水準😲👅龍蝦沙律多士多士香脆，龍蝦肉爽彈，細細件唔驚太飽😁🍰🍪🍫甜品類必試近期限定嘅烤榴槤😍 香口軟滑！大瀛喜果然係放題信心嘅保證！🫶🏻 #元朗美食 #元朗放題 #極尚大瀛喜 #元朗形點 #日式放題 #日式放題推介 #極尚大瀛喜日本料理 #金湯酸菜魚 #紐西蘭羊架 廿#帆立貝壽司 #燒菠蘿 #北海道帆立貝 #鐵板牛柳粒 #金銀蒜蒸扇貝 #榴槤炸彈 #天婦羅 #燒鰻魚 #芝麻雞翼 #西京燒比目魚 #烤榴槤 #香港探店 #香港美食
繼續閱讀
日式放題最緊要係款式既選擇，我最愛既次序係： 刺身＋壽司及手卷＋熟食＋飲品/甜品刺身併盤(自選，電話落單)松葉蟹腳、極尚璣煮凍鮑魚、原隻粒貝、帶子池魚王、油甘魚、吞拿魚、挪威三文魚、、希靈魚赤貝、北寄貝、酒煮榮螺片、俄羅斯甜蝦、珍寶赤海蝦嘩，依個自選刺身併盤好架勢，大盤奉上，乾冰形成仙氣～鋪得超級靚，打卡都打左一輪後先食～全部都係我至愛，放題最好就係每樣都食，可以食晒所有款式！款款刺身都咁新鮮，估唔到有松葉蟹腳、極尚璣煮凍鮑魚既款式。蟹腳新鮮、鮮甜；原隻凍鮑魚有咬口，璣煮甜甜地好味～池魚王同油甘魚依兩款魚都係我最愛，入口即溶～各款迷你壽司及手卷必食海膽手卷，細細舊唔怕飽，而海膽好甜～ 燒鹽醬和牛肩胛壽司都好好食，和牛好重牛味及肉質軟身～蟹黃海鮮粥(二人份量)蟹黃份量好足，每啖都撈到蟹黃。粥底唔 鹹，我飲左成碗都唔口渴。吉品鮑汁扣花膠花膠軟身，入口即溶既質感～這款鮑汁是比較黏身，好香濃。川燒珍寶鮮蠔燒&蒜蓉焗帆立貝依兩款熟食好邪惡，蒜蓉汁為海鮮提鮮； 兩款海鮮都肉質嫩滑，一啖一隻海鮮！同朋友聚會咩款式都想食，選擇又可以多元化D？一於去「極尚大瀛喜日本料理」擦餐勁～
繼續閱讀
好耐無食放題，趁住年尾清假，決定去睇戲前食餐好，來到了大受歡迎嘅「極尚大瀛喜」。平日午市放題只係$258，可以食足三個鐘，有齊刺身、壽司、燒物、炸物及甜品等等，都算抵食。係等食物送上前，可以先出自助區拎d小食醫下肚，除咗傳統日式小食外，仲有少量海鮮及炸物，不過最正都係椰汁燉雪燕，非常足料，真係要飲返兩碗滋潤下。食放題首選梗係食刺身，呢度嘅刺身有好多種選擇，包括我最喜愛嘅油甘魚及希靈魚，每樣刺身都係厚切及好新鮮，入口味道鮮甜，真係叫多幾次都唔嫌多呀。刺身以外，當然要食埋其他熟食同炸物，個人特別推介珍寶燒蠔，大大隻依然保持鮮嫩；而炒牛柳粒味道甜甜辣辣，食得好開胃。另外，喜歡榴槤嘅可以試佢地嘅榴槤燒。飲品亦有好多種，連梅酒及清酒都有，亦有較為少見嘅橙汁及椰青水，仲有熱維他奶等等，天氣凍嘅時候飲就最適合不過啦。最後當然要有甜品時間，呢度嘅甜品有麻糬、布丁奶凍杯、豆腐花、雪糕等等，仲有個自助糖果區，真係食甜品都食飽。個人最喜歡芒果麻糬，細細粒一口一粒啱啱好，味道唔太甜，煙煙韌韌好好味。
繼續閱讀