88
13
5
港鐵銅鑼灣站 C 出口, 步行約5分鐘
繼續閱讀
電話號碼
29888382
開飯介紹
餐廳裝潢模仿日本昭和時期的居酒屋，牆壁上貼有大量色彩繽紛的字句。主打刺身、燒物及串燒，提供各種日式地道的小食，如秋刀魚刺身等。午市時間亦提供各式定食及麵食。
繼續閱讀
營業時間
今日營業
18:00 - 22:00
星期一至五
12:00 - 14:30
18:00 - 22:00
星期六
18:00 - 22:00
星期日
全日休息
公眾假期
18:00 - 22:00
以上資料只供參考, 請與餐廳確認詳情
-
網上訂座服務暫停
食家推介
朋友生日諗食乜好頭痛，三個女仔行過見到間居酒屋，睇落有啲日系feel，反正冇頭緒，所以入去當試吓！坐低見到menu，上面3個漫畫版人物企哂喺bar枱入面，笑咗。自家製梅酒，易入口，好fresh。叫咗一堆串燒，估唔到有驚喜：1）燒雞掌心夠煙靱，有口感，第一次食，結果encore咗3次！2）燒牛舌第一次食到咁有口感嘅牛脷，火喉控制剛剛好，入去口爆汁3）燒雞腎未食過波形雞腎，一樣係入口爆汁，真係好好味，壽星女一人食咗3串！，鰈魚邊壽司將鰈魚邊燒到入口即溶，呢個係好驚喜，不過貨量唔多，建議坐低order咗先海膽壽司超高脹卜卜份量十足，成件蛋糕咁，睇到都開心。結論：無心幫襯卻發現寶藏，一定會再嚟。價錢中上，但quality高，抵哂！
繼續閱讀
以前其實食過幾次，感覺都唔錯，今日無意間經過，見到裏面一個人都冇，都覺得可能只係週末效應。两个人叫咗三个雞嘅串燒，一個魷魚刺身，一個他他，一個甲羅燒同一碗飯，一個燒牛肋肉，一個烏冬，每一樣對比起其他居酒屋都係極度少。我係一個食得唔算多嘅女仔，食完居然都係半飽唔到。價錢睇落唔貴，但係份量真係誇張地少。以一個甲羅燒為例，只有薄薄嘅一層蓋住蟹蓋，我將佢哋刮埋一齊，只有一匙羹嘅份量。我真係好少寫食評，亦心知香港咁樣嘅小店，經營不易。但係寫呢篇食評，係真心希望香港嘅飲食業，可以搵返經營嘅初心，否則門可羅雀嘅餐廳只會越來越多。
繼續閱讀
昭和食堂是灣仔高質日式居酒屋🏮料理，第一次來就已經愛上，門口大大個昭和食堂招牌已經超搶眼，仲有好多燈籠🏮係橫梁度，勁似日本的居酒屋咁靚。唔係講笑，入到去餐廳裡面仲靚，成間餐廳都係打卡位，而且極度新穎的居酒屋風格，滿滿的日本🇯🇵氣息 唔講真係以為自己去左日本🇯🇵。呢度既食物都超有特色，一點就點左好多野食，分享下比大家：小食或前菜：炸海鰻魚骨 $68 （脆脆的細細條魚骨，第一次食口感好得意）壽司🍣：碎蔥吞拿魚腩卷 $138 （我就鍾意食吞拿魚腩，呢個吞拿魚腩卷岩曬我）煙肉蠔🦪 $60 （肥肥必食之選，第一次食已經愛上，煙肉🥓勁香包住蠔🦪真係好食到不得了）炸雞皮 $32 雞肉棒 $32蟹🦀️膏帆立貝 $168/2 隻 （又係必食之選，果pat 勁香既蟹膏夾係大大顆新鮮帆立貝中，一口咬曬，真係顛覆了味蕾，齒頰留蟹膏香啊）半生熟牛肉 $108 （最後必食之選，用生熟牛肉包裹著美玫瑰🌹型，又靚又有心思又好味😋絕不能錯過）炸北海道魷魚絲 $68除左以上仲有好多其他很野食，今次食住咁多先，下回再試其他😋
繼續閱讀
位於銅鑼灣一間非常有日本風情嘅昭和食堂，超級推薦俾大家👍首先上既前菜-炸北海道魷魚絲第一次是魷魚絲用呢種食法，出奇地好味，攞嚟送酒一流👍👍之後係昭和剌身盛合，每一件刺身都非常新鮮，仲配埋紫菜俾食客自己混合🍱🍱半生熟牛肉係畫龍點睛之選，好惹味😋😋😋😋最重要係佢嘅餐廳裝修得非常靚，每次都見到心思滿滿，好多日本特有嘅裝飾，喺度食飯就好似置身於日本嘅居酒屋一樣😃😃地址：昭和食堂 (灣仔)灣仔謝斐道391-407號新時代中心地下A號舖
繼續閱讀
這家居酒屋裡裡外外的裝潢都充滿懷舊氣氛，牆上有各款日式字句，加上日本玩具、poster 等，令人仿如走入隨意門，穿越時空去到日本昭和時代餐廳除了提供刺身壽司、燒物串燒等，當中有些還別具特色，包括佐酒小食炸海鰻魚骨、炸北海道魷魚絲、豆池魚唐揚等。 我還是第一次食炸海鰻魚骨，每一條都幼幼的，酥脆香口。 豆池魚唐揚細細條又飽滿好可愛，入口外脆內軟，可以成條連頭食另外兩款人氣日料，半生熟牛肉滿滿的一碟，色澤紅潤，伴生洋蔥及醬汁一齊食，嫩滑鮮甜，每一啖都好幸福。日本海膽壽司，海膽爆滿，新鮮甘甜店長推介之卷物有燒三文魚魚皮卷，對我來說同樣新穎未試過，飯卷中間放了燒得脆卜卜的三文魚魚皮，食落好有口感
繼續閱讀
您可能會有興趣的...