122
9
4
港鐵上環站 E1 出口, 步行約2分鐘 繼續閱讀
電話號碼
31060635
營業時間
今日營業
全日休息
星期一至五
11:00 - 21:00
星期六至日
全日休息
公眾假期
全日休息
付款方式
AlipayHK 支付寶 現金 八達通 微信支付
座位數目
38
其他資料
Wi-Fi
酒精飲品
加一服務費
當面支付
食評 (146)
等級4 2020-07-10
124 瀏覽
放工之後和同事去吃公司附近的揀得啱車仔麵。原來新紀元廣場入面竟然有一間吃車仔麵的店,平時午飯時間外出吃飯又多一個選擇。這裡的環境比一般車仔麵店寬敞,坐得也更舒適。本來打算吃平時會吃到的港式車仔麵,但看到有水煮魚麵綫又忍不住要點來試試。準備吃辣一定要點豆漿來解辣。上菜的時候,湯米綫和水煮魚是分開的。這樣可以就自己調教喜愛的辣度,很貼心。我比較能吃辣,所以就加了很多水煮魚的醬汁到湯米綫裏面,香辣惹味十分過癮!而且魚肉的分量比想象中多,魚肉嫩滑,沒想到一家車仔麵店可以吃到川味十足的水煮魚,有驚喜!而朋友則點了自選3餸車仔麵。黑松露雞肉水餃、豆卜、魚皮餃配油麵,而湯底則選了餐廳秘製的205辣醬。同樣地辣醬是和麵條分開上的,所以可以自己調整想吃的辣度。朋友不算太能吃辣,下了一點,也已經辣勁十足!但辣得來有層次,香口惹味!而配料方面,黑松露雞肉水餃是不錯的選擇,黑松露味道突出。除了麵食之外,我們點了兩款小吃,質素也相當不錯。千杯不醉雞翼。嫩滑的雞翼,有濃濃的酒香,好吃!咖喱魚蛋豬皮雙拼。很久沒有吃過這種地道的港式小吃,很懷念!咖喱陳皮魚蛋有很重的陳皮香,配搭濃稠的咖喱汁,是很令人上癮的小吃! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-02
277 瀏覽
5餸麵餐,包括有生菜底、香菇雞肉水餃、黑松露雞肉水餃、香甜蘿蔔、蠔油炆花菇、脆皮芝士腸、大辣205辣醬;生菜底新鮮,口感爽脆;香菇雞肉水餃皮薄餡多,雞肉食落充滿香菇味道,味道獨特;黑松露雞肉水餃好足料,黑松露味道濃重,水餃食落好香口;香甜蘿蔔口感爽腍,味道清甜;蠔油炆花菇好入味,口感軟腍、有咬口;脆皮芝士脆外脆口內流心,芝士味道咸香;大辣205辣醬辣度6.5分,味道辣中帶香、惹味。5餸麵餐,包括有烏冬、發達金錢肚、蟹柳、龍蝦丸、蠔油炆花菇、香甜蘿蔔、咖喱汁;烏冬口感煙韌、掛汁;發達金錢肚口感爽腍,腩汁味濃;蟹柳食落好鮮甜;龍蝦丸彈牙,啖啖有蟹柳、蟹籽;咖喱汁味道香濃,辣度4分。大辣水煮魚,魚片份量多,口感滑嫩、厚肉,鮮味十足,食落味道辣帶溫和,辣度3分,配以豆芽食用,味道更佳。咖喱魚旦豬皮雙拼,魚蛋口感爽彈,充滿陳皮嘅甘香味道、咖喱嘅香料味道,食落味道濃郁;豬皮爽口帶腍、厚身。麻辣鴨血,加入左大量辣椒乾、辣椒油、蒜粒、芫荽調味,鴨血、豆芽味道多麻少辣,鴨血口感滑溜、多汁。壹品豆漿,豆香味濃,甜度適中,口感幼滑。ZERO可口可樂,飲落好清爽。凍檸水少冰走甜,飲落酸溜、清新。凍奶茶少冰少奶走甜,茶味濃香,奶感細滑。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-04
106 瀏覽
好日都唔嚟上環,咁啱今日行經過呢個廣場,見到有間睇落坐得都幾舒服,而且價錢好抵嘅車仔麵店,咁就試吓啦。門面睇落好光猛,座位幾闊落,望一望個餐牌,有我好鍾意食嘅水煮魚,水煮魚同米線,都係我最鍾意嘅食物之一。➡️ 水煮魚米線 ($69)平時食一碗水煮魚閑閑哋都$200,咁$69應該唔會有好多魚肉,但竟然差唔多成個碗都係魚肉,米線仲分開上添。水煮魚整得夠麻辣,魚肉仲要好嫩滑,咁嘅價錢食到咁嘅質素,真係物超所值,大推!➡️ 咖喱魚蛋豬皮雙拼 ($24)咖喱魚蛋配上豬皮簡直就係絕配,咖喱魚蛋細細粒一啖食入口,食極都唔厭。豬皮腍得嚟又有咬口,好正!➡️ 千杯不醉雞翼 ($30)雞翼大大隻,啲酒味又唔會太濃,唔鐘意太重酒味嘅朋友都會啱食!➡️ 醬燒豬軟骨+極品牛腩條+瑞汁滑雞翼+黑松露雞肉水餃米線($71)超級足料嘅米線,肉嘅份量非常多又大舊。好值得推介嘅係呢個黑松露雞肉水餃,黑松露嘅味道非常重,真係食到停唔到口,真心想叫多幾隻嚟食!總括而言,價錢唔貴而且坐得舒服,一定會再幫襯!揀得啱車仔麵地址📍: 上環皇后大道中181號新紀元廣場低座2樓205號舖.............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️抵食💰: ⭐️⭐️⭐️⭐️ 繼續閱讀
(以上食評乃用戶個人意見 , 並不代表OpenRice之觀點。)
今日同大寶嚟到呢幢大廈整回鄉證,先發現呢度樓下一樓,有間裝修好港式嘅車仔麵,鍾意香港味嘅我,梗係要試吓😄❤️麻辣鴨血~麻同辣嘅比例啱啱好,鴨血入味,車仔麵店都食到咁正嘅四川口味👍❤️麻辣水煮魚米線~水煮魚配有芽菜、辣椒乾、芝麻,好香,我加咗⭐️午餐肉,又厚又大塊,⭐️黑松露雞肉餃~黑松露味非常突出,裏面仲有木耳,好有口感,必叫!店家好細心,特登將米線分開上,唔使等米線浸住啲辣油😍❤️醉雞翼~好少食到熱嘅醉雞翼,即叫即煮,好特別👍大寶話下次要再黎食添😄 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-23
202 瀏覽
對新紀元廣場嘅印象只係知係中環,好多上班族中午會喺度聚會聊天吸煙。但次次都只係經過而一次都冇入過去。今日約左個喺上環番工嘅朋友食飯,佢介紹我去新紀元廣場入面一間車仔麵食飯,我先知原來呢個廣場有野食!環境開揚,坐得幾舒服。拎張點菜單睇,見到有張圖影住麻雀,覺得好好奇。細睇先知原來係用麻雀術語黎為車仔麵命名,幾有創意喎!本身見個名咁得意都想試下,但係原來係麻辣米線。唔係好想食辣就冇試到。揀得啱combo麵餐有好多餸:生菜牛肋條、豬腸、豬紅、蘿蔔、咖喱魚旦、滷蛋及貢丸。揀左油麵。重有野飲。咁多野食又有野飲都係$68,好抵食呀!生菜好爽甜,每咬一啖都「索索」聲。豬大腸好甜,冇臭味,腍身,脂肪同肉嘅比例啱啱好,一咬即溶,唔使點咬就吞左落肚。豬紅切成細細粒嘅正方形,實淨得黎好滑。蘿蔔好甜冇渣。咖喱魚旦好彈牙。滷蛋好入味。貢丸唔會太硬。油麵口感實淨,份量好多。 繼續閱讀
(以上食評乃用戶個人意見 , 並不代表OpenRice之觀點。)