31
4
0
電話號碼
69997874
營業時間
今日營業
18:00 - 23:00
星期一至日
18:00 - 23:00
以上資料只供參考, 請與餐廳確認詳情
招牌菜
食家推介
Benediktiner Weissbier，食維京餐當然要大大塊肉大大杯啤酒啦！肉肉肉都係肉，叫碟雜菌平衡一下﹗每次如果邊食飯邊飲酒都醉醉地好眼訓，真係唔可以同時進行。此店唯一的生啤，就您啦﹗估計都係來至德國，凍啤杯結霜送上，涼浸浸灌入透心涼，依隻好飲喎﹗微微的甘，果味酒味平衡，清爽舒服。蒜蓉牛油焗青口，普普通通的紐西蘭半殼青口，有著微弱香草牛油味，青口肉彈肉嫩，保有青口鮮味，不乾不粉食得過。蒜香牛柳炒意粉，走洋蔥換來更多彩椒真幸運﹗黑椒味突出，蒜味緊隨其後，還有爽脆彩椒點綴，生動活潑可口。意粉份量比茶餐廳更多，受寵若驚，重量級掘極都有，應該比兩份還要多，抵食！我最愛乾爽彈牙有嚼勁意粉，掛著欖油及嚥韌牛柳份外滋味食得暢快。香草烤雞配雜菜，發現雞胸搽滿紅椒粉散發微辣，少少綿少少乾搭著爆汁車厘茄還可以。雞髀無得頂無得輸！連皮帶肉狠狠地咬，香噴噴雞皮包著滑嘟嘟嫩嫩白肉滴著汁，使我萬分陶醉。鹽香黑啤雞翼，單骨雞翼？是否煮好才剪開的？膠黏脹卜卜肥美雞皮，鳳脂旺盛肉汁閃閃，咬落甜中帶甘有驚喜。白肉沒怎樣醃過，淡淡的肉搭濃濃的皮剛剛好。炆豬手配黑椒燒汁醬，紅酒汁？黑椒燒汁？杰到似藍棗醬黏黏，味道似乳豬醬，調得好神奇。歐式燻蹄切得大大舊塞得嘴仔滿滿。我寧願免切自己拿住咬，更狂野更暢快﹗我係德國時，每間餐廳一定有咸豬手供應，而且只會原隻上原汁原味，我都討厭切定上枱的呢﹗三種不同的質地層次分明，豬皮爽脆、脂肪黏膠、瘦肉鬆化，咸香油脂共冶一爐﹗必須整件入口同時嘴嚼，才能感受到她們的演化融合。醬汁燒豬仔骨，慢工出細貨，等候多時頸都長，終於香噴噴熱力四射地登場﹗忘記了我應該用手撕才能保存其天然質感與精華﹗不能用刀叉切呢。用手拿起肋骨一咬，肉汁爆射，彈牙有嚼勁，清香的醬汁沒有掩蓋豬甜味，非常出色比滿分﹗黑松露雜菌意粉，還以為會係黑松露汁濕濕的燴意粉，來到的是乾炒啊﹗我鍾意。只有本菇及冬菇吊吊味，炒得靚靚美妙﹗芳香黑松露不嗆不過份，乾爽嚥韌的意粉，熱熱的捲著雜菌大啖大啖釀入，回味再回味。烤豬小髀配炸洋蔥圈，濃濃香草似茴香又似孜然粉，羶羶的氣味，厚厚啖啖肉，醃味濃而偏咸，結實滲著點點肉汁﹗慢煮牛柳薯角沙律配紅酒燒汁，軟綿濕濕牛味濃，肉汁豐富閃令令。簡單的調味，胡椒海鹽已足夠，味道溫和美妙吸引 3 粒星。香煎煙鴨胸配櫻桃醬，櫻桃汁何解南乳味既？原來係煙鴨胸，唔係新鮮煎焗的，難怪咸得緊要﹗現成已調味，廚師烹煮時再落味就會過咸，睇漏眼以為係煎鮮鴨胸失望啊﹗鴨皮微脆彈彈，油脂肉味突出，卻咸味太濃。德國腸拼盤，沒有名字沒有介紹，都唔知食緊什麼洋腸﹗可能係法蘭克福腸、黑椒白豬肉腸、脆皮雜肉腸。款款肉味濃而不咸不濁，豬味甜美濕潤滴汁，油潤閃令令微微焦香，淨食已十分美妙﹗可以沾點香草茄汁添少少芳香。白汁什海鮮意粉，雪藏蝦仁蜆肉魷魚混合，仲有幾條生生的波椒條。感受到即煮意粉的鮮，熱騰騰充滿麵粉香味，彈滑長長掛滿濃郁忌廉汁，黏黏濕濕啜得滿足﹗煙肉芝士焗大啡菇，巨型震撼的呎碼，大大塊口水流。每口都溢出菇味爆出菇汁，爽爽的拼著脆脆煙肉流心芝士的咸香，最佳拍檔﹗芝士煙肉牛油蒜香焗半殼蠔，薄薄奀滋滋的蠔身，細細粒被芝士煙肉所掩蓋，微暖全部掃入口，麻麻地無肉食不肥美。咖哩軟殼蟹農夫包，好采還有您﹗食完個包夠晒飽肚，香而不辣帶黏而厚的香料咖哩，讓皮脆肉嫩的農夫包所吸收，熱熱的嘴嚼，舒服暢快，味道蠻不錯啊﹗食完有再想食的衝動。烤軟殼蟹成隻啪入口，味道兇猛霸道，腦海即時閃出泰國曼谷的回憶，何解色香味都極為泰菜感覺呢？無燶而漆黑的軟殼蟹，鬆軟的外殼特級甘香，包著綿綿鮮味蟹肉。全晚唯一熱騰騰的菜色，全晚唯一較滿意的菜色﹗煙三文魚巴馬火腿薄餅，估不到以長形脆餅底演繹，乾爽焦香脆卜卜，沒有傳統餅底的嚥韌芳香，散發陣陣茄汁甜酸味道。配料彷如沒有入過爐，沒有烤過似的。室溫煙三文魚巴馬火腿沙律鋪在熱辣辣薄餅上，摸不著頭腦，德國薄餅是這樣的嗎？幸好食材配搭還算可口，咸咸的肉、咸咸的魚、酸酸的茄、水水的菜。炸洋蔥圈，墊底的洋蔥圈油淋淋凍冰冰，縮水巢皮，幼幼奀滋滋，不是即炸的嗎？火焰脆豬手，質地比一般餐廳為佳，有一絲炆豬肉感覺，不過份硬實，不過份死咸，鬆化散發咸香。豬皮奇脆無比，油脂黏滑而甘香，食兩三件已經很膩啊。燒牛肉串，外層微暖，內心涼浸浸。全熟輕輕的牛味，嚥韌帶微量肉汁，搭上茄子、脆肉瓜同吃會更可口。香草藍青口意粉，輕輕的香草味依附在意粉上，鹽咸味反而更突出。黏黏糊口的質感，不彈不滑，不會是新鮮即煮吧﹗藍青口陰沉的海水咸味，粉韌的肉質沒有半點鮮甜味道，整體還入得口，說不上好食。
繼續閱讀
見到好多人讚佢嘅<<香脆咸豬手配德國腸，洋蔥圈>>($218)好好食…話佢外皮烤得好香脆~我唔食皮嘅，所以我確認唔到🙃但隔離位有食…我就聽唔到卜卜脆嘅聲☺️肉質的確唔會好乾，但冇乜鹹香味~諗住夾埋啲酸菜一齊食可以提鮮!So sad…佢啲酸菜嘅口感好煤咁👉🏻👈🏻洋蔥圈又唔係好特別…德國腸又好似超市買嗰啲包裝腸咁…冇一樣食材令我有encore 的衝動🫤如果想食<<慢煮牛柳薯角沙律配紅酒燒汁>>($178)嘅話🐮坐低就要即刻叫💁🏻♀️因為製作需時，要40分鐘~呢個價位得四小嚿嚟講…賣相好似呃秤咁😅😅😅寧願佢一大嚿好似感覺實在啲~我哋六個人share都仲要逐嚿切半🤣切嗰吓…好似超腍😀但係咬入口…唔覺得佢特別腍之餘…係連食牛肉嘅口感都冇埋😗可能因為係慢煮啦~~~我就唔太喜歡🤷🏻♀️<<鹽香黑啤雞翼>>($88)係我全晚覺得最好食嘅嘢👏🏻香口得嚟唔會乾晒冇肉汁~味道調教得剛剛好👍🏻不過你唔會食到啤酒味😂<<芝士煙肉薯條>>個人覺得$88嚟講係overpriced 咗~因為佢只係簡單鋪咗熱熔芝士喺上面，同埋有啲煙肉碎…凍咗之後已經變咗一pat嘢🤷🏻♀️好似d漿糊黐住咗啲薯條咁…….<<千島醬海鮮pizza>>($98)Menu寫住有4-5件~ 都估到佢係細㗎喇😅不過冇諗過細到好似女仔手心咁細😳最後得4件…圍起嚟成廿幾蚊得三四啖👀好食還好食…性價比唔高🥲我稍為欣賞嘅係<<醬汁烤豬仔骨>>🐷除咗我覺得佢味道同肉汁都好食過Outback之外👍🏻仲要真係有肉食🥰佢價錢都分咗$88四件 & $138八件~如果少人食，唔使格硬叫大份嘥咗個胃，又可以試多啲其他款🙆🏻♀️.不過…佢menu 嘅choices 本身都唔多~我哋都食咗接近一半，但冇一樣會令我想encore🙈🙈🙈🙊
繼續閱讀
原來大埔都有一間隱世豬手！😍呢間隱世德國餐廳雖然唔近大埔市中心，但都好值得經過去試下佢啲✅豬手！豬手嘅外皮烤得好香脆，而且肉質亦都唔會好乾😋；最貼心嘅係豬手已經去咗骨同預先切好，一拎起就可以放入口食好方便~旁邊仲有德國腸同脆脆洋蔥圈，滿足咗想食德國菜嘅tummy~😜✅蒜蓉牛油白蜆意粉就相對上比較普通，白蜆有好香嘅牛油味，而且份量十足，但意粉嘅蒜蓉味唔太突出而且有少少油膩，如果加少少辣味味道就更加好~😇
繼續閱讀
來到德國廚房吃吃德國鹹豬手，飲啤酒，味道算不錯，而且侍應態度很友善，坐得舒服，休閑地過了一個晚上。不過這間餐廳應該為香港人口味調節過，沒有像傳統德國菜那樣很濃味的，雖然沒有很正宗，但是很合我口味呢。🔸芝士煙肉蒜蓉法包 $78法包上加滿芝士和煙肉碎，吃起來非常香口。🔸香脆咸豬手配蜜糖芥末醬 $148豬手不會過鹹，味道是剛剛好，而且烤得非常香脆，咬下去那個皮是超脆的，而且是切好一件件的，很容易進食。🔸接骨木花啤酒啤酒應該是因為加了接骨木花糖漿，所以很好飲，甜甜的，加點點啤酒香，很喜歡呢🧡
繼續閱讀
📍德國廚房 Lecker’s Kitchen 👨🏻🍳#黃豆食黃店💛-喺香港食德國菜嘅餐廳唔多 仲要係黃店又好食就真係少之有少🥺而呢間小店嘅德國咸豬手係必食🥴唔敢話佢正唔正宗 但就啱晒黃豆嘅口味 小食都非常出色架🤪仲有個慢煮牛柳同埋啲啤酒都聽講好正🤫🍖香脆咸豬手配蜜糖芥末醬 $148🤤唔太鹹塊皮仲卜卜脆 肉質爽口仲啖啖肉🤤個豬手已經起晒骨切好晒一啖嘅大細 好細心🤤連埋德國酸菜食可以解膩又開胃🥲個蜜糖芥末醬略嫌少咗啲蜜糖味🥖芝士煙肉蒜蓉法包 $78 🤤呢個組合無得輸! 面頭係芝士同煙肉 中間搽咗蒜蓉牛油 三樣嘅味夾得嚟又好出 仲好足料🤤個法包外脆內軟 唔會好乾 趁佢上菜仲熱熱地食最好食!🍝黑松露雜菌意粉 $78🤤意粉分量慷慨 落足雜菌 燈籠椒惹味 🥲味道太淡無咩鹹味🥲唔太食到有黑松露味🍹黑牛(可樂配朱古力雪糕) $30🤤朱古力雪糕同可樂好夾 雪糕仲有朱古力碎🍸傻豹 (雪碧配士多啤梨雪糕) $30🥲兩樣夾埋一齊有啲甜💬總結:值得為個咸豬手去試! 個法包都係必嗌🤪不過每樣分量都好足 兩個人嘅話叫一份main加小食都好夠🥴意粉嘅話就可試可唔試🤣⏳等候時間:book咗枱唔洗等 無限時 食飯吹水好地方🤣(入座時間為星期六夜晚7點半 8點左右滿座外面有1-2枱等緊)💆🏻♀️環境:舖頭寬落 有情調好有德國餐廳feel 略嫌有啲暗
繼續閱讀