62
16
6
港鐵尖沙咀/尖東站 J 出口, 步行約3分鐘
繼續閱讀
電話號碼
38918732
開飯介紹
彤福軒以瑰麗酒店集團母公司新世界集團的創辦人鄭裕彤博士命名，以來自鄭氏家族發源地的廣東菜向鄭博士致敬。餐廳時尚的大廳和七個貴賓房與70年代鄭博士發展的新世界中心同樣坐擁壯麗維港景緻，餐廳專門提供精緻的粵菜，包括來自中國廣東地區的美食，以細緻精湛的烹調手法巧妙地平衡味道和質感。
繼續閱讀
獎項殊榮
米芝蓮一星餐廳 (2024)
營業時間
今日營業
12:00 - 14:30
18:00 - 22:30
星期一至日
12:00 - 14:30
18:00 - 22:30
以上資料只供參考, 請與餐廳確認詳情
有關獎賞計劃
食家推介
相關文章
又黎到每年可以食豪啲嘅時候😂今年生日揀咗Rosewood嘅彤福軒食順德菜。其實係老公想食好耐，又有信用卡買一送一優惠👏🏻套餐一共八個菜式，享受了一個晚上💕🔸HSBC set dinner menu🔸▫️蜜汁鮮梅頭叉燒、果仁酥香牛肉粒、柚香水晶柚皮(9/10)柚皮咁樣食真係未試過，係一個冷盤，燉定蒸到晶瑩通透，清甜嘅柚香，好特別入哂味！牛肉粒好香麻香，但食落又唔辣，外脆內軟。叉燒係懷舊叉燒嘅味道，淡淡嘅玫瑰露味，梅頭肉質嫩🫶🏻▫️ 彤福生拆鮮魚羹(9.5/10)真係好鮮味嘅魚羹，好多魚，仲有少少菇、蛋花、蔬菜絲，有咬口，配上彈牙鮮嫩嘅魚肉，真係好味呀！▫️ 金腿欖仁蟹肉鮮奶炒富貴蝦球(8.5/10)炒鮮奶入面有好多蟹肉，甜中帶鮮。炒鮮奶中間包住富貴蝦肉，原來係兩大隻拆好咗肉嘅原隻賴尿蝦。又一特別推介。▫️ 蒜蓉陳村粉蒸星斑球(9/10)蒸星斑球又係好滑好鮮，口感嫩滑又爽彈！陳村粉好薄，但唔會爛咗，可以一條長片點返啲鮮魚豉油，加埋蒜蓉，惹味又鮮甜！▫️芋蓉香酥鴨(9/10)外皮炸得酥脆，用芋蓉包住鴨肉，各樣食材都配合得恰到好處！▫️ 黑松露雞頭米釀香梨(8.5/10)原個梨，入面切開中心無哂核，釀咗黑松露、茨實、香菇⋯真係好精緻呀！梨燉得好入味，多汁無渣，好清新好香，好似飲緊湯咁！▫️ 薑蒽花膠條撈牛肝菌麵(8/10)牛肝菌麵既入味又爽口彈牙，一塊塊花膠炆得好啱啱好，又有好豐富嘅骨膠原呀😍配上蔥條，真係提鮮呀！▫️ 楊枝甘露、脆皮炸鮮奶(8/10)楊枝甘露芒香四溢，炸鮮奶外脆內軟、無過火喉！最後仲有生日芒果糯米糍😚招呼非常周到，每個菜式都會為你詳細解釋。成個套餐每款菜式都好正好特別！食到好味嘅順德菜，對住美麗嘅維港，實在開心🥳Overall評分: 9/10
繼續閱讀
情人節💘選擇午餐慶祝，因為唔想夜晚咁多人。今次揀咗去食中菜，呢度服務唔使講， 10分周到。我哋揀咗套餐，頭盤「松茸遼參燒賣、富貴瀨尿蝦餃、鹹檸檬星斑」，每樣點心都好精緻，主菜「彤福生拆鮮魚羹」砂煲上，一路有火興住，包保熱辣辣！「芋茸香酥鴨」好香口，「鳳眼果雞頭米煮魚鰾」夠爽口，「上湯鮮蝦魚皮角」造型最吸引，真係好似有幾條魚仔係個碟到游緊水😂到甜品其實已經好飽，「香滑芝麻卷配懷舊自糖糕」好彩份量唔係太大，啱啱好👍🏻
繼續閱讀
最近為家老慶生，因早前過年吃過不少出色的中菜，故要求也隨之變高，故預約了這家餐廳。位處瑰麗酒店的中菜餐廳，裝修風格符合酒店定位，時尚奢華但不失低調。整體燈光偏暗，以射燈照亮每張餐枱，讓餐枱用餐的食客仿如舞台上的主角一般。服務細心有禮，殷勤專業。特別欣賞坐下時幫忙掛起的外套，在準備離開時不動聲色地拿了過來。菜品種類豐富，有不少罕見菜色。可惜同行人有海鮮敏感，令點餐有所限制。餐點擺盤精緻，味道上也很出色。由於各人口味有所不同，不作詳述。(請參考附圖)
繼續閱讀
今日同大家分享嘅係我好期待嘅-香港正宗嘅順德中菜館彤福軒 The Legacy House，係Rosewood瑰麗酒店旗下㗎！仲係米其林推薦㗎餐廳🍴一踏入餐廳，就被呢度古色古香嘅中式裝修風格吸引住啦🤩侍應先上嚟嘅係香噴噴嘅蜜汁叉燒，好軟好入味，再配埋微微酸爽嘅柚子皮，一個字，太靚啦！😆果仁酥香牛肉粒外脆內嫩，同柚香水晶柚皮嘅清甜搭配，開胃至上啊🍋接著上嚟嘅係招牌彤福生拆鮮魚羹，魚肉新鮮彈嫩，湯頭鮮美香濃，食到咁香👍🏻金腿榄仁蟹肉鮮奶炒富貴蝦球，赖尿蝦大粒彈牙，榄仁增添獨特香氣，蝦肉饱滿新鮮，加埋奶香，一口咬落去蝦汁四溢😋然後上嚟嘅係我嘅至愛-蒜蓉陳村粉蒸星斑球，香蒜同魚肉嘅撞擊簡直完美！✨魚肉香嫩，粉絲有啖勁，蒜蓉入味，真係食响口意猶未盡🔅當然，唔可以錯過招牌芋蓉香酥鴨，芋香同鴨油嘅完美結合，外酥內嫩，美味程度直逼北京全鴨仔‼️侍應推薦咗姜蔥花膠條捞牛肝菌麵，濃郁嘅姜蔥香味同滑嫩香甜嘅牛肝菌完美結合，真係令人食指大動！🌟甜點一定要點楊枝甘露同脆皮炸鮮奶，甘露Q彈軟糯，配埋葡萄乾果仁，誘人口水💯仲有外酥內嫩嘅炸鮮奶，簡直永遠嘅回頭客！總之，呢度嘅裝修、食材同味道一樣都好出色！強烈推薦比各位姐妹嚟試試！不過要提前約一個月左右啊❕好夠人氣㗎🉑#香港 #香港酒店 #香港探店 #尖沙咀美食 #香港瑰麗酒店 #香港打卡 #香港好去處 #香港餐廳 #香港餐廳推介 #瑰麗酒店 #香港點心 #香港下午茶 #Rosewood #ASenseofPlace #發現寶藏酒店 #香港米其林餐廳 #香港米其林
繼續閱讀
新正頭另外一餐富貴朋友的宴請，去了Rosewood的彤福軒。很多人會介紹彤福軒主打順德菜，但我始終都認為這裡是優質粵菜帶著順德風味和格調。其實順德菜在香港非常普及，很多時候都不容易劃清楚漢。彤福軒的出品，我真的不需多說：精、美、美味！當然還有：貴😬 但事不離實，由軟件到硬件，包括出品、口味、環境、服務、無敵維港景，就連餐具和擺設等等全部加起來，當然貴，也應該貴，而貴得來，值！我不是富貴朋友，更珍惜這些實實在在的奢華，美而不浮誇。食物樣樣都好，特別想介紹的是「富貴有米雞」，也就是我以前吃過很多的「乞兒雞」。這菜式以前是好睇唔好食，拿個搥仔把外殼敲碎，但通常裡面的雞也是「乾爭爭」的。彤福軒的這個做法，外殼用麵包皮包裹，再用荷葉內包保存肉質，帶著荷葉香味，雞內釀了糯米，既香且濃，非一般！今個新年，大飽口福！
繼續閱讀