平昌

Pyeong Chang
405
25
23
港鐵旺角東站 B 出口, 港鐵油麻地站 A2 出口 繼續閱讀
所有分店 (1)
電話號碼
26121682
開飯介紹
餐廳裝修跟足韓國傳統的烤肉店,牆上畫滿色彩繽紛的壁畫。提供韓燒放題,有各式肉類、海鮮、韓國小食等供應,適合多人聚餐。除烤肉,亦有韓國傳統料理,如石鍋拌飯、水冷麵等。 繼續閱讀
營業時間
今日營業
12:00 - 00:00
星期一至日
12:00 - 00:00
公眾假期
12:00 - 00:00
公眾假期前夕
12:00 - 00:00
*最後落單時間: 23:30
付款方式
Visa Master 現金 AE 銀聯
其他資料
網上訂座
Wi-Fi
酒精飲品
VIP房
電話訂座
加一服務費
有關餐廳
任飲任食!旺區中嘗韓式好滋味
韓風吹不停,尤其是韓式烤肉,大家可能會越食越想食。如今機會嚟啦!來到「平昌MongKok」,畀你盡情食、開懷喝,在人來人往的旺角,把握嘆盡滋味韓式烤肉的黃金機會!
「平昌MongKok」,由香港人主理,韓國大廚班底坐鎮,誓將韓國的燒肉文化,用任食的方式呈獻給大家。不論韓粉、燒肉系死忠粉絲抑或各路「大胃王」,都可以在這裡盡情吃喝;同好友摯愛密密燒、食好啲,烤肉來得特別過癮。

精選「平昌」推介
以自助形式、分任食時段的韓國燒烤,每枱設有一個燒烤爐,配以韓國必備的特色燒烤醬料及生菜等,樣樣齊全「韓味」濃。餐牌中,提供多款心思十足的配料,款款經由大廚精挑細選,貴精不貴多。只要你們在點餐紙上一剔,由店員徐徐奉上各式各樣的鮮美食材。「平昌」名物包括有烤LA牛排骨、烤牛肉(光陽調味)、烤牛脷、五花腩、薄切五花肉以至特級豬頸肉。在只供晚餐時段的選擇中,見有海鮮控必吃的烤帆立貝、烤蝦及烤鰻魚等,更有專為晚餐時段而設的特製食材,更多滋味,保證食過唔停。除了燒烤,店內亦提供正宗韓式料理,當中包括有煎海鮮蔥餅、韓式炒粉絲、海帶湯、爐邊蛋等。
咁多韓國名物出場,可以大飽口福嚕!
【韓燒放題】
午市自助餐: 一至四 成人$128、小童長者$99;五至日 成人 $128、小童長者$99
大君御膳: 一至四 成人$198、小童$138;五至日 成人 $218、小童長者$138
世子御膳: 一至四 成人$278、小童$158;五至日 成人 $298、小童長者$158
國王御膳: 一至四 成人$378、小童$218;五至日 成人 $398、小童長者$218
有關獎賞計劃
食評 (502)
等級4 2020-10-24
4526 瀏覽
好耐冇食過韓燒喇🥺有日興起想食 見平昌有幾多好評 就book定個星期四去食!(同一般放題一樣 平昌禮拜一至四既放題比五至日平$20架! )一出𨋢就覺得成個環境好似真係去左泡菜國既燒肉店😛有真Oppa企係counter 用唔鹹唔淡既廣東話招待😝雖然聽得有少少吃力 但係我覺得佢地好有誠意啊 廣東話咁難學都去學! 👍🏽👍🏽👍🏽呢度既既放題有分3個價位💁🏽‍♀️大君御膳 ($198) ; 世子御膳 ($278); 國王御膳 ($378)因為想食醬油蝦🦐 同埋試多幾款肉 所以揀左世子御膳! 講下幾款我覺得必點既食物啦👇🏽肉類篇🐄🌟牛肋骨肉(左前)、牛前胸腹肉啖啖肉冇筋之選👍🏽 前者肉質juicy 後者肥瘦平均~~呢兩款肉印象特別深刻 因為掛住食既我地 冇咩點睇火🤭 燒左長少少既時間 肉質都冇乾柴!🌟豬皮好有驚喜 咬落去既質感好似蒟蒻啊!又有種油脂香 最後encore左幾塊! 😌海鮮種類多~~不過蜆殼類海鮮需要燒得比較耐d 加上爐盤唔係成個都係平既 所以燒得有少少難度~~好心急既我地 覺得必叫虎蝦🤭見到有blogger話秘密食譜係蝦仁炒蛋🍤 大家可以試下~~小食/ 熟食方面💁🏽‍♀️🌟醬油蝦大大隻 幾爽口 醬汁味道甜甜的😋🌟海鮮煎餅幾多彩椒絲喺入面 好食我自己整既煎餅好多啊! 🌟水冷麵落左醋既水冷麵 酸咪咪 凍冰冰 消膩👍🏽韓式蕎麥麵比日式既幼身 麥味唔重 但好煙韌!!任添系列💁🏽‍♀️我最鍾意生菜包住塊肉+泡菜 擘到口大一大咁食😜生菜塊塊都靚👍🏽好鍾意呢度既大豆芽前菜~~ 又香麻油味又重蒜味! 😋爐邊蛋🤩加泡菜定係加蝦仁🍤 抑或係咩都唔加 就咁食都係咁好味😋整體黎講💁🏽‍♀️覺得呢度既人手幾多 所以冇漏單 上菜上得快 收碟都係! 👍🏽而且又會主動換爐盤 兩個鐘入面換左3-4次咁多~~生熟食物既選擇都多 食到飽到上心口!! 😆最緊要大家都好愛香港💛值得支持啊!! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-08
4894 瀏覽
今晚同朋友慶祝生日🎂🎉佢話想食韓燒,就佢一次😆,我都好耐冇食過,佢揀咗旺角東兆萬中心嘅「平昌」😗餐牌有分3個價位:大君、世子、國王(價錢由低至高),有唔同嘅食物,食物嘅種類就梗係越貴越好越多啦,我哋就揀咗中等價位—世子御膳😎 可以一次過食晒大君同世子御膳Menu上面既食物😆餐廳好有韓國風味,大部份都係後生仔後生女,牆上面有好多漫畫。我哋坐咗喺最入面,冇出面咁嘈👍🏻👍🏻一坐低,侍應就會上泡菜、芽菜同埋生菜。我哋食肉獸上身,急不及待就即刻落單叫咗好多唔同嘅肉類!Overall嘅質素都好好,肉類紋理靚、望落鮮嫩!試過咁多款肉類之後,我揀幾樣我最鍾意食嘅肉類講吓啦:💯🐮牛舌👅 佢嘅牛舌都算係好厚身,咬落口感好正,十分多汁、有嚼勁!💯護心肉🐷 (右上角嗰舊)呢個好好食!係豬嘅特別部位,每隻豬只有好少量護心肉,燒香左之後肉味濃郁,加埋燒肉汁,超級惹味呀😍呢兩樣係我嘅至愛,必點!仲要係食多幾次先好走🤣!我哋重複點左四五次😆🤤💯鍾意食辣嘅朋友,我推薦你食豬腸,用咗泡菜汁醃過,都幾辣,不過好好食,唔算多肥膏。辣辣地即刻攞返罐忌廉溝鮮奶飲😝💯豬頸肉,燒完之後,好似冇咁多脂肪,會乾身啲但係都幾好食!😋😋爐邊蛋🍳都可以任添,趁佢未熟晒好快啲食!半熟嘅狀態就最正🤤加啲泡菜落去一齊食都唔錯㗎😝除咗燒肉之外都有啲海鮮, 我比較鍾意食蜆同埋帶子,食材新鮮,隻蜆燒一陣會自己彈開,無沙鮮甜😋燒帶子就要小心啲,唔好燒太耐如果唔係好容易燶🙈五花肉加少少辣醬,再用生菜包住食一流!😋😋除咗燒肉之外,仲有啲熟食,燒到個人熱辣辣㷫烚烚,最啱食一碗水冷麵,分量唔算好多兩個人share啱啱好,麵條好幼細,麵質好彈牙!食完透心涼!繼續再燒肉🤣呀!唔好錯過醬油蝦!燒燒下肉差啲放咗隻蝦落去燒😂比個friend叫停!唔使燒就咁食㗎🤣甜甜地好好食😋蝦肉爽口彈牙,呢個我都encore左👍🏻我哋仲食咗煎海鮮蔥餅,煎到個邊邊好脆😍中間有少少魷魚、蟹柳、豆角等等最後叫咗一個韓式大醬湯做總結,湯底好濃郁,配料好多,有薯仔、蘿蔔、金菇、肉粒、豆腐粒,好好飲😋 Keep住都出煙熱辣辣😂罐裝飲品任飲基本啦😎都係韓國嘅飲品!總括來講,好鍾意呢度嘅食物好有質素,肉類醃得好入味,記得要食牛舌同埋護心肉,一定冇介紹錯😍,啲座位都闊落,值得一提侍應服務都好好,時不時都過嚟望吓塊鐵板有冇燒焦,有嘅話都即刻幫你換,完全唔使舉手叫人過來!抵讚! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-08
3704 瀏覽
早前朋友話上網見到呢間韓燒感覺幾地道,評價都唔差,就話想試下,所以今日收工就同佢一齊去左旺角試。佢地分左兩個set,分別係大君同世子。大君本身已經包左大部份既食物,包括肉類,海鮮,菜類,熟食等等,而世子就有多少少比較特別既食物。前菜既豆芽同泡菜,泡菜比較辣,唔食得辣既朋友要量力而為~而豆芽超好食!爽口,調味亦好,我地係咁refill黎食哈哈!我地都叫左唔少野試,牛肉推薦LA牛排同牛前胸腹肉。呢兩款既油花同肉比例比較好,入口又香又好食。而我私心推薦既野食分別有豬皮,牛腸,辣豬腸,雞腎串,帶子同油蛤。第一次見燒肉會出現豬皮咁樣野,燒到個邊少少脆,稍為黏口咁就最好食!辣豬腸同牛腸都好甘香肥美,特別欣賞佢既牛腸唔係好難趙個種。另外雞腎串新鮮爽口,但建議拆出黎,擺埋一邊燒比較易熟。帶子要叫唔連殼個款,特別鮮甜,亦都好易燒。油蛤比較咸,但係咁樣燒幾好食!另外要提既係一樣特別既食物,醬油蝦。蝦肉新鮮爽口彈牙,調味咸咸甜甜,令人想不停繼續食。未試過既朋友強烈建議叫黎試試! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-26
2741 瀏覽
武漢肺炎緩和咗少少, 同friend出動去食飯~~ 個friend想食韓燒, 但係搵親附近d韓燒都係同一個黑心福建幫集團開嘅,佢地開d新鋪用新名, 諗住搏你唔知(因為而家d鋪名已經臭名遠播), 好彩有check吓先, 大家真係要verify, 如果唔係真係食咗之後, 背脊骨落. 上網search吓,見有人推介呢間韓燒, 旺角都算方便, openrice又有得book, 一於試吓呢間上到去,門口reception係個韓國人, 佢講嘅廣東話已經好好,真係講得唔錯, 仲係有d口音, 要繼續努力呀. 我地揀咗個198 餐, 其實都ok, 如果揀上一級, 可以食埋醬油蝦,燒豬皮呢d~ 不過而家咁嘅時勢, 真係唔敢食呢d醬油蝦,等遲d先再試過啦~我地4 個人食, 張枱有d細, 個爐又細, 本來以為要燒好耐都唔飽,點知原來個爐好夠熱, 勁快就食得, 所以都ok~ 佢d嘢飲係響雪櫃自己拎,都係基本既嘢,普普通通,都夠飲, 唔似有d放題,多嘢揀到眼花。 佢有度好,係連啤酒都任飲, 有兩款俾你揀~ 我都飲咗兩罐黑啤~ 正 不過咁嘅時勢, 行出行入拎嘢飲都要帶口罩, 佢張枱又細,d袋放櫈入面,個口罩收埋咗真係唔多方便, 所以我地都係一個出去拎嘢飲就算, 咁其他人唔駛咁麻煩, 都ok..... 呢個武漢肺炎幾時先完呀。。。。 口罩要戴到幾時呀.我地可能太心急,開得個火太大, 燒到塊鐵板黑晒, 叫佢地換板都好快,又唔會黑面,好好service~D嘢食都嚟得好快, 一次過唔駛點太多, 冇位放, 食到咁上下再叫就啱~ 個friend話佢d碎牛好好食(menu話係調味咗嘅牛肉片,但係我地煎嗰陣,好似炒肉碎咁 ) , d燒蝦, 生蠔, 肉, 午餐肉,蛋, etc... 全部都好好味, 真心好食,網上d人真係冇介紹錯,唔係打手~ 佢仲有d大醬湯,炒粉絲,水冷面,煎餅食, 都幾多嘢揀,真係食到好飽~ 不過佢冇甜品食, 佢有個雪櫃, 話like facebook同openrice有得食雪條, 係d靚雪條嚟, 不過我地已經食到好飽,費事搞, 冇食到~呢間韓燒真心好食~ 下次再約其他friend嚟食過 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-18
5128 瀏覽
好耐冇好好享受過韓燒啦!!今晚放工同最愛衝出旺角,誓要飽吃一頓,就簡左位置非常方便,係兆萬商埸13樓既<平昌>韓式燒烤,因為見餐牌都係$198起就有任燒任食任飲,當然要試下啦!!~餐牌分左以下三個御膳,由於我地好想試多幾款高質牛肉,所以我地就選擇左中間價位<世子御膳>個款。大君御膳: $198世子御膳: $278國王御膳: $378前菜有生菜,芽菜,泡菜,而且仲有爐邊蛋,可以任添任食。必食牛類有LA牛排、牛肋骨肉、照燒肥牛、牛肉眼、牛前胸腹肉,全部都牛味夠,肉質不錯,juicy好食。T骨牛扒非常大件,但要注意不要燒大耐,輕輕燒兩面已經充滿肉香,油脂夠,牛味濃。其它超好食推薦有豬五花腩、薄切五花腩、照燒薄切五花腩、石蠔、魷魚、虎蝦、扇貝、鰻魚。全部既食物質素都用上靚材料,感覺高質。海鮮類夠新鮮,肉厚鮮甜,沒有雪味。尤其燒鰻魚特別肥美好食,輕輕一燒,已經非常好味,肉質夠曬厚,而且非常彈牙,係必食之選。另外仲有香草五花肉、護心肉、雞軟骨串、虎蝦、帶子、青口都一定不能錯過。就連熟食嘅炸蝦天婦羅、芝士丸天婦羅、炸雞都好好味,即叫即炸,夠曬脆口。大大隻金黃天婦羅炸蝦吖!!~餐廳晚上人客不少,8點多亦不斷有客人入座,建議預先訂座。餐廳嘅飲品類選擇不算好多,但大眾化嘅汽水、檸檬茶、咖啡都有,而且仲有啤酒任飲,非常化算。最後仲有韓國雪條做甜品,大滿足呀!整體來講,餐廳食物選擇種類非常多,無論肉類豬,牛,雞,海鮮,天婦羅,炸物,韓式小食都有,食物材料質素高。餐廳服務質素亦非常好,上菜速度極快,而且亦沒有漏單嘅情況出現,以二百多元一位的任飲任食來講,真係抵食又好食,大讚吖!!~ 繼續閱讀
(以上食評乃用戶個人意見 , 並不代表OpenRice之觀點。)