每年聖誕節我都有開P, 上年都喺屋企搞, 買刺身同PIZZA... 但記得等到花兒也謝了, 10點都未有嘢食...今年揾咗之前去公司搞開蠔班的小魔怪主意訂嘢食, 實行打海鮮邊爐小魔怪的職員好有禮貌, 我22先落單25要, 佢地一樣做到, 即刻覆電話比我話幫我加到25號的送貨單裡面. 我買生蠔, 佢地又比意見我, 介紹我應該點樣食, 食邊款先等等... 到收貨時, 仲記得上年訂另一間啲嘢食送到嚟水滴滴咁, 生蠔大戰三文魚, 混亂非常. 點知今次收小魔怪的貨, 佢地用一個大袋裝住分開的一袋袋細袋, 啲水唔駛滴到周袋都係, 送貨員都好有交帶.講返食品, 我ORDER咗兩打法國蠔 - 是兩款特價蠔, 我都唔記得咩名了, 不過好肥美, 一款咸啲, 但同樣易開皇帝蟹腳 - 送到嚟啱啱好解咗凍, 一盒面頭的腳好靚, 底果啲就細條啲, 我地將肥的蟹腳就咁食, 細細粒的就連殼放湯打邊爐, 呢盒嘢我响九龍城見過要成$600, 呢度$400仲有找牡丹蝦 - 雖然好貴, 但呢個係我至愛, 無得頂! 今次仲學識新嘢, 職員教留返啲蝦頭淆湯, 實行蝦蟹海鮮湯, 好過落湯包珍寶帶子 - 超肥美大隻! 三文魚刺身 - 要自己切 本來諗住唔買, 結果比職員氹氹下都買咗一包, 佢話蠔都自己開得, 切幾片魚好易... 我本來擔心切得唔好會難食, 原來都冇咩技巧, 用把乾淨的刀切開一件件就得, 即切即食又真係好似好食啲安格斯肥牛片 - 無咩特別, 但勝在性價比高, 129/lb响街巿都買唔到呢個質素豬梅片 - 豬有豬味! 我本來想𥄲豬腩片, 點知無貨後來個職員介紹我轉豬梅片, 肉味幾夠, 有驚喜!象抜蚌片- 一般雜錦丸 - 又係職員SELL的, 佢地話打邊爐一流, 我咪每款試一包, 個墨魚丸又真係幾好食架喎, 好多墨魚粒又有哨口
繼續閱讀
1
0
0
地址
(非門市)
電話號碼
39983787
營業時間
今日營業
11:30 - 14:30
17:00 - 20:00
星期二至五
11:30 - 14:30
17:00 - 20:00
星期六至日
11:00 - 18:00
以上資料只供參考, 請與餐廳確認詳情