130
2
0
電話號碼
57260927
營業時間
今日營業
11:00 - 19:00
星期一至五
11:00 - 19:00
星期六至日
10:00 - 21:00
付款方式
Visa Master AlipayHK 現金 八達通 AE Apple Pay Google Pay 微信支付
其他資料
Wi-Fi
外賣服務 詳細介紹
加一服務費
海景景觀
食評 (141)
等級4 2020-07-19
111 瀏覽
唔係朋友推介都唔知屯門碼頭依度開咗間咁高質嘅牛角包店!店鋪位於一個小商場度,座位只有幾張,所以多數都係做外賣生意,而對出就係屯門海濱長廊,都幾寫意架~店舖當然係主打牛角包,黎遠就聞到香噴噴嘅牛角包味,仲有唔少特式飲品同小食,買牛角包同飲品仲會送小食添,認真平靚正!海牛($28),有吞拿魚+粟米,牛角包即叫即整,外層香脆,內裡鬆軟,中間夾住嘅吞拿魚多到瀉,撈埋粟米甜甜地又有口感。套餐附送嘅沙律都好比用心整嘅,有蕃茄仔同黑醋。芝士蘑菇牛($27),有香濃嘅芝士同蘑菇,同牛角包融為一體,增添香滑嘅感覺~ 依個餐叫咗薯條,粗切,熱辣辣又脆!以為店鋪嘅飲品會好普通,點知令人驚喜萬分!黑糖珍珠鮮奶($35),有黑糖紋,而珍珠粒粒分明,每啖都啜到滿滿嘅珍珠。而白桃貴妃烏龍茶($21)係夏日嘅必備之選,清新,解暑一流,仲有粒粒白桃肉~ 繼續閱讀
(以上食評乃用戶個人意見 , 並不代表OpenRice之觀點。)
海旁商場既一間小店,主打各式各樣既牛角包,仲有多款飲品,一d都唔簡單既輕食。買牛角包及飲品,仲可以免費有炸薯條/炸薯角/沙律。叫左屯門牛($45),火腿芝牛($28),跟餐炸薯條,跟餐炸薯角,珍珠奶茶(中$21),茉香奶綠(中$17)。食物即叫即整,等大約10mins就有。牛角包拎上手好重好多料,夾有厚蛋、蘑菇片、芝士、煙肉、蕃茄、生菜。炒蛋夠滑,煙肉煎完香口,配埋甜甜既千島醬,一流。買包加飲品,可以免費有一款小食。炸薯條熱辣辣,夠脆夠大條,有一包包既蕃茄醬可以醮,份量亦唔少。只係食個包,都好有飽足感。另一款牛角包夾有火腿、芝士、生菜,menu中屬於鹹味款。火腿配芝士永遠係最佳拍擋,芝士微熔。牛角包好香牛油香味,啖啖都食到好濃郁既牛油香味。套餐既免費小食揀左炸薯角,口感比炸薯條更強烈,因為薯角厚身,所以更有口感。外皮脆脆地,入面軟身。熱飲珍珠奶茶既奶及茶比例剛剛好,珍珠煙韌,而且份量都幾多,飲到底都仲有好多珍珠。茉香奶綠好值得飲,因為一飲就有超濃既茉莉花茶。揀左微糖好fresh好消暑,就算中杯都夠飲。整體,誠意製作既牛角包,而且小店一定要大大力支持。侍應服務好,而且唔少人都外賣。正值餐廳限聚令,所以食物要用外賣盒裝。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-09
104 瀏覽
小店位於屯門啟豐商場,最入面既座位仲面望住海旁既tim🥰價錢都好親民而且好飽肚!買包+飲品就會送薯條/薯角😍-🤍屯門牛$45🤍牛魔王$62🤍芝士奶蓋綠茶(大)$23🤍芝士奶蓋四季春(大)$25🤍薯條(配送)🤍薯角(配送)🤍單骨雞翼$29✨不設加一-🤍屯門牛/🤍牛魔王/🤍單骨雞翼/🤍芝士奶蓋綠茶 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-05
142 瀏覽
今日去蝴蝶灣喺蝴蝶灣附近呢個商場發現到呢間小角茶佢主打嘅係用牛角包造成類似嘅burger另外仲配搭台式飲品合晒我口味小店地方唔算太大入邊有10個位左右仲有三個係面向海嘅由終我哋中午先去所以鋪頭比較多人就坐唔到海景嘅位置,不過以食晏時間都入去坐都算好好彩牛角包嘅選擇好多,Menu上面亦都清楚寫明成份另外仲會有一啲小食提供台式飲品嘅價錢亦都相當相宜買牛角包同埋飲品仲會送薯條薯角或者沙律屯門牛個牛角包食落非常之鬆脆配埋佢入邊嘅餡料,入口口感好豐富非常之多汁同埋唔好睇嗰間包好似好細咁食完之後非常飽肚沙律菜嘅種類亦都好多,唔會話好求其單一俾少少生菜你飲品叫咗芝士奶蓋烏龍茶加珍珠奶蓋非常之濃郁,配埋烏龍茶嘅茶香珍珠亦都幾有咬口,整體上都幾高分另外食肉獸一定唔可以錯過呢個牛魔王美國牛肉漢堡非常之多汁仲有油脂感覺重食落去個味道會比屯門牛重鍾意食重口味嘅人一定唔可以錯過珍珠奶茶發揮都好正常價錢相當扺食一定要再食🤗🤗 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-06
45 瀏覽
今日入屯門搵朋友,專誠去呢間小茶角食野🤤我想試左好耐,終於有機會食到🥳係門口見到好多文宣仲有隻大pepe🤤好靚🥰牛魔王($62)黃到金緊係要大大力懲罰啦,我地叫左個牛魔王,裏面係美國牛肉漢堡,仲夾埋蛋、蘑菇、芝士同蕃茄,超級足料🤩牛角包非常鬆軟,面層仲夠晒脆,😛牛肉都好軟完全冇起筋🥰加埋我最愛嘅煎蛋同半溶嘅芝士,好邪惡呀🤤🤤🤤芝士奶蓋芒果冰冰($35)黎小茶角就緊係要飲返杯手搖飲品啦😙我叫左呢個芝士奶蓋芒果沙冰,😋奶蓋好夠味,係偏鹹好似X茶嗰隻咁,而個沙冰唔會溝得太多冰溝淡左,啲冰打得夠細入口好順滑🤩溝埋奶蓋同沙冰飲就更正啦😆炸薯角($23/跟餐免費)買左一個牛角包同一杯飲品就會送一份炸薯條/炸薯角/沙律🤩超抵我就揀左薯角,佢係用原隻薯仔切開即炸嘅,好有薯味🥰正!雪山朱古力($38)朋友就叫左呢個朱古力飲,都係好濃好正呀🥰 繼續閱讀
(以上食評乃用戶個人意見 , 並不代表OpenRice之觀點。)