16
0
0
以上資料只供參考, 請與餐廳確認詳情
臨近新年和朋友的飯局一浪接一浪, 可以聚舊以及食餐好既, 都係開心的事。一行四人來到三聖邨, 當然是要食海鮮的了, 大家決定揀選富記瀨尿蝦專門店, 去食精選套餐, 是海鮮版的omakase, 由店員挑選時令生猛游水海鮮, 再交貨到附近餐廳加工煮, omakase價錢每人$270有七個海鮮加一個蔬菜, 價錢合理。 睇住店員在我們面前撈海鮮, 我們又多口問問這是什麼各樣那樣, 店員好友善的解答及和我們聊幾句, 說今天來真幸運, 剛好有不少靚海鮮, 嘻, 都不知是不是氹人的~ 最難忘的是撈龍蝦的時候, 龍蝦十分生猛跳跳扎, 撈起又會從網中跳出來, 瀨尿蝦專門店果然不簡單, 今晚最期待就是它了。 拿著海鮮去到附近餐廳, 這裡店員會問海樣海鮮的煮法, 同樣都好友善, 有商有量。這裡是大排檔環境, 但感覺乾淨又不迫, 而且有頗清潔的洗手間, 如手掂過海鮮可以先去洗手。 白灼赤米蝦 蝦撈起時也是跳跳扎的, 蝦不算大隻, 又夠新鮮, 用來白灼就最好了, 第一次食赤米蝦, 原來外殼較硬身, 肉質細嫩鮮甜, 份量之多令四人都吃得很滿足。 油鹽水花甲 有時出去食飯, 叫花甲食會黎左蜆, 搏食客不知道, 及不出聲, 以較平價的蜆代替花甲, 花甲是比蜆鮮甜很多的, 在富記的花甲更是我所食過之中最鮮甜美味的其一, 也得感謝餐廳煮得好, 保持肉質嫩滑, 鮮甜精華亦同樣在湯汁中找到, 調味不會太咸, 剛剛好可喝的味道。 炒薑汁芥蘭 雖說是薑汁, 但薑味較輕, 正好適合不太喜歡薑的我, 芥蘭有被細心切過才炒, 硬實外皮的部分都除去, 所以餘下的爽脆又帶甜味有菜香, 亦炒得不油膩。 薑蔥炒膏蟹 來自菲律賓的膏蟹, 體型較大, 拿來薑蔥炒就最惹味了, 在大排檔炒得夠鑊氣, 雖然汁料好濃郁, 亦沒蓋過蟹肉的甜香, 肉質爽鮮, 膏蟹蟹如其名, 真的有好多膏啊, 蛋黃般的甘香滋味, 確是邪惡又停不了口。 椒鹽瀨尿蝦 比女生手掌更大隻的瀨尿蝦, 很久沒吃過, 相當期待, 原來不是每個人都懂開瀨尿蝦的, 自小家人愛吃間中也買回家煮, 所以我駕輕就熟, 反了肚的一面, 用兩手抓住兩邊輕輕往後屈一屈, 然後便一容易一次揭開殼啖啖肉的食, 這瀨尿蝦肉夠厚, 味道鮮甜, 但就沒有膏, 椒鹽味有點避風塘口味但沒那麼辣, 很香很惹味。 蒸沙巴龍躉 蒸魚最重要是蒸到剛剛熟, 蒸過了時間肉便會靭, 不夠時間未熟又吃不得, 蒸完又不可打開來看, 相當蝦人做, 如魚較大條更難, 曾在很多酒樓飲宴吃到 的魚卜就是蒸到很靭, 這沙巴龍躉卻蒸得剛好, 魚肉細嫩滑溜, 滿有清新的魚香, 沒浪費我們的魚。 粉絲蒜蓉蒸象拔蚌 因象拔蚌數量不夠, 便混搭鮑魚來配, 我們也沒所謂, 鮑魚也是蒸得剛好, 很爽口彈牙, 鮮味出眾, 其彈性令我想起少女的肌膚, 真令人嚮往。 象拔蚌是我很喜歡的海鮮, 味道亦是鮮味十足, 只是中間有些未有清洗乾淨的部分, 扣了點分數, 還好只有兩隻。 老實說從未想過在三聖食海鮮可以三百元以下埋單, 而且只需四個人就可以吃到這麼豐富又多款式的海鮮, 實在方便, 海鮮都好鮮活, 質素甚佳。以往去旅行都喜歡去海產巿場, 往往都給人開天殺價, 製作成品又不如人意, 因溝通問題都沒法追究, 吃得不開心, 所以最好還是在自己的地方食最好, 富記真令我們很滿意, 吃得很愉快!
繼續閱讀
同家人食海鮮就一定去三聖，貪夠近又新鮮。不嬲親戚帶開去某一間食既，但今次同朋友去食就揀左呢間即撈再加工既富記。2百幾蚊一位全包海鮮仲有一碟菜，好過係屋企處理嚟食，搞得嚟都天黑海鮮都好生猛扇貝！！！蝦都幾易剝，白灼小清新！店既招牌，又幾大隻喎。椒鹽整好有風味加上海風既陪伴！扇貝肉幾厚，蒜好夠味！豉椒炒花甲，有鑊氣！蒜蓉粉絲煮，正！ 貝殼類彈牙既！魚4個人分都好夠，吾會overcook。奄仔蟹係用鹽去調味，保持到蟹既鮮味。整體係不錯，夠新鮮！
繼續閱讀
約咗幾個老友記一齊去富記 瀨尿蝦專門店 ，食佢個 新推出嘅海鮮套餐， 這個係富記同埋青山灣海鮮小廚合作嘅海鮮套餐。 行到過去海鮮檔，先搵咗佢哋個負責人 ，會喺 富記揀咗當日最新鮮嘅時令海鮮 ，之後 就會拎去青山灣海鮮小廚到加工。 看到佢哋個海鮮檔生猛嘅海鮮，已經令人十分期待陣間嗰一餐海鮮飯。 呢個海鮮套餐四位起已經可以預約食㗎啦， 忍唔住要攞佢袋野先嚟影下相，超大袋，嗰個份量，比我平時 去三聖食海鮮閒閒哋都使五六百蚊既份量有多， 平時洗5，6百蚊都仲未必食到呢啲海鮮添呀。 避風塘炒大肉蟹 鑊氣足夠，抄得剛剛好，蟹嘅肉質keep住仍然係咁鮮嫩 不愧係大肉蟹個蟹鉗都大過我隻手 ，啖啖肉超正呀 超多膏 ，大大隻瀨尿蝦，一人一隻， 絕對已經回本了😁 清蒸沙巴龍躉仔 啲肉又爽又彈牙， 時間剛剛好， 師父拿捏得火喉很好 蒜蓉粉絲蒸大扇貝 夠曬大隻 ， 滋味滿分 ，令人十分回味 蒜蓉粉絲蒸象拔蚌仔 食咗幾款海鮮都非常新鮮， 魚蝦蟹乜都有，連象拔蚌仔都有， 實在太過興奮喇 食咗幾款椒鹽同避風塘嘅海鮮咁梗係要食下啲清清哋嘅， 油鹽水煮蜆， 啲錢全部大大隻啖啖肉而且冇沙， 好味到連湯都要清埋佢呀 新鮮嘅海中蝦當然係要白汋就係最原汁原味啦， 隻隻q彈 味美， 一人仲可以食到好多隻，今晚真係大滿足呀
繼續閱讀
雖然住在附近，但上次來三聖村食海鮮已是3年多前的事了。今晚特別請朋友來食海鮮是因為知道富記為顧客提供海鮮套餐，不論人數，每位$270，包7款海鮮及一個時菜。即使三四個人，甚至兩個人也可以食到多款不同種類的海鮮，實在較一般海鮮酒家來得有彈性及體貼，令人窩心！富記地利優越，位於村口第一間，非常搶眼。雖然標榜瀨尿蝦專門店，但其他海鮮亦包羅萬有。親切老實的老闆親自揀選7款新鮮海產後，派專人帶我們去附近不遠處的室內菜館就座，地方乾淨，開揚寬敞，更有少許海景，環境遠較冬菇亭那邊為佳！雖是指定套餐，但顧客可按自己口味，烹調各款生猛海鮮，果然以客為先。辣酒煮花螺 ~ 濃郁香惹的辣酒滲入爽嫩花螺， 出奇地清新不太辣，佐酒一流！鹽焗奄仔蟹 ~ 奄仔蟹鹹香惹味，雖然蟹膏不算太多(老闆一早講明, 所以也沒有大失所望)， 仍然讓人齒頰留香，每人半隻真的有些意猶未盡！清蒸沙巴小龍躉 ~ 小巧精緻，4人份量剛剛好，魚肉暖軟細滑，火候控制無得彈。豉椒炒蜆 ~ 豉椒非常惹味，配上鮮甜蜆肉，令人回味。椒鹽瀨尿蝦~ 招牌瀨尿蝦果然名不虛傳，隻隻都大過手掌，肥美新鮮，用椒鹽烹調，更突顯瀨尿蝦的鮮甜，濃郁鮮味洋溢於口中 蒜蓉粉絲蒸象拔蚌及蒜蓉粉絲蒸帶子 ~ 兩樣味道相似，同樣香氣撲鼻; 象拔蚌彈牙爽口，而帶子肉腍入味。能以這樣的價錢品嚐7種即撈海鮮，認真抵食又有預算，較西貢，鯉魚門等著名地方來得實際及地道呢！
繼續閱讀
真怪𧩙呀又有趣，我食在公園裏🤣昨日和幾位朋友到了屯門三聖村海鮮街尋找美食！朋友挑選了街頭的 "富記賴尿蝦專門店" 買到一些各式各樣的海鮮，更帶到附近公園上的 "新恆福青山灣菜館" 烹調， 這餐廳在青山灣公園二樓全層，全面無敵海景，風味十足👍🏻， 但由於昨晚是下雨天，店主只好把防雨帳篷降下，欣賞不到這美麗的海景，只過着𢇁𢇁細雨浪漫氣氛下吃海鮮餐！吃海鮮餐 🤔我覺得首要條件，海鮮一定要新鮮，再加上巧手的廚師👩🍳， 必定可炮製到各樣好味的餸菜，另海鮮的鮮味，更加錦上添花！辣酒煮花螺剛才 富哥 為我們挑選的花螺，大細均等，肉質結實彈牙，混入了濃郁洒香、辣味，使我們胃口大開！豉椒炒蜆一不離二，馬上送上豉椒炒蜆😍，自小喜愛吃這道菜式，這種感覺和味道，帶給我很多童年回憶👦🏻； 肥美的蜆肉，送上冰凍的啤酒🍺，配合得天衣無縫！蒜蓉粉絲蒸象拔蚌貨真價實的象拔蚌，廚師你用了惹味的蒜蓉、粉絲、香蔥和調味蒸製而成，烹調的時間掌握剛好，嬌嫩的象拔蚌，配搭嫩滑的粉絲，加上香噴噴的蒜蓉，一吃停不了口，就連貝殼上的湯汁也吃掉😘😋😋椒鹽賴尿蝦富記的招牌賴尿蝦，果然係新鮮（名不虛傳），肉質鮮嫩，帶點鮮甜味之如，更充滿濃郁方香蒜蓉椒鹽味道，的確很有水準 👍🏻；下次我必定要試一下 富哥 另一推介有膏賴尿蝦😅。清蒸小龍躉在㸃海鮮時候， 富哥 推薦我們清蒸小龍躉，不會太大條，Size 啱啱好，餐廳廚師秘製的蒸魚醬油，帶領出這魚的鮮味， 一下子我們四人就把整條魚吃光！明爐燒鵝原來這餐廳也有提供熱辣辣出爐燒鵝，味道和肥瘦恰到好處，很有鵝味，沾一下燒鵝醬汁，皮脆肉嫩，豐富口感！回味無窮！
繼續閱讀