大都烤鴨

營業中

休息中

雖然食過嘅北京填鴨唔多，但覺得呢間嘅都不錯，所以今次已經係第2次嚟食啦～ 不過其他小菜感覺都比較普通，賣相好似去咗大排檔🤣🤣 但為左北京填鴨嚟食都可以嘅，同埋星期一至四晚市主餐牌有85折，都算抵食。•🥢 烤北京填鴨(一隻)一隻北京填鴨會開兩碟上枱，所以配料同荷葉餅(包鴨嘅皮)都各有2 sets，配料有紫蘿蔔、哈蜜瓜、青瓜、京蔥、京醬同砂糖，都幾多款！荷葉餅有兩籠，每籠10塊，幾鍾意呢到嘅荷葉餅薄得嚟又好煙韌有咬口，包住鴨同配料食好夾！至於主角鴨就鴨皮同鴨肉會切到分開咗，但可以自己夾返一齊食，鴨唔會好肥，而且肉都多！•🥢 野菌炒鴨絲 一鴨兩食，所以叫左呢個炒鴨絲，鴨肉切成粗條，去晒骨，加埋野菌一齊炒，醬汁偏濃味，但食到晒成隻鴨。•🥢 鎮江肴肉 & 雕皇醉雞 (送)呢兩款冷盤都係送嘅👍🏻 醉雞嘅花雕酒味幾濃幾入味，雞嘅肉質都幾滑😋肴肉切成菱形再砌成雪花形狀，賣相夠晒靚～ 上層嘅啫喱同下層嘅豬肉比例為1:2，啫喱滑溜而豬肉鹹香唔肥膩，就算唔點汁都幾好食～•🥢 四喜烤夫呢個烤夫都係冷盤嚟，除咗烤夫，仲有木耳、冬菇仔同埋四季豆，全部都好入味，尤其是烤夫，吸晒啲醬汁，味道酸甜開胃🤤•🥢 尖椒花膠炒

星期五晚上7:00的訂枱，安排在側邊的一個小範圍房間，裏面有好多張枱，枱之間嘅距離好近，非常非常嘈吵，根本冇可能傾偈，成餐飯嘈到好頭痛。原本諗住切蛋糕最尾拎走個蛋糕再搵餐廳再食過。實在太嘈太辛苦，一個非常不愉快嘅用餐體驗。朋友手錶錄得分貝全晚大約86至90左右。屬於大聲的級別，長期重複暴露在此音量水平可能會損害聽力。

每次必食片皮鴨和小籠包，今次試咗新嘢➡️牛肉餅😄片皮鴨半隻$298肉質鮮嫩，皮下層肥膏都片走埋，食落感覺無咁膩，好薄好金香🥰包皮厚度適中，夠濕潤又唔乾，配料都好多款式，個醬好味唔會好鹹，加少少砂糖一齊食好夾🤭淮楊小籠包（每粒$16）皮薄，好多湯，有肉汁，熱辣辣好味！香煎牛肉包（每隻$20）包皮外脆内軟，好鐘意呢種口感，牛肉好夠味，第一次食幾有驚喜，下次會再叫😁每次去都會點烏龍茶，好清香，夠味又唔俗，但無茶葉買🥹餐前小食$25花生、青瓜和螺肉都唔錯。

.用餐日期：2023年11月 晚餐晚市人多，我地一行8位被安排坐房間，當晚房間有三圍，環境相當嘈雜，而且圓枱太大，基本上同枱講野都好難聽到。當晚仲有段小插曲，經理以為我地9位，就自己送左3碟餐前小菜，但最後發現我地得8個人，話唔可以送3碟，最後加左我地一位茶芥當9位。但我地訂枱係訂8位，擺左9個茶位應該係餐廳溝通問題，餐前小食都係經理話送我地先要，冇特別話想食，無啦啦加我地一位茶芥都幾無奈，不過幾十蚊就算😂《茶芥 $19/位》《鎮江肴肉 & 雕皇醉雞》 ⭐️⭐️⭐️呢兩道菜係餐廳送的，鎮江肴肉其實就是將肉汁整成啫喱狀的肉凍，再配上豬肉一齊食，餐廳將肴肉砌成雪花形狀，幾有特色。醉雞雞肉嫩滑，亦都食到濃濃酒香，相當不錯。《$128 黑松露素鵝》 ⭐️⭐️⭐️外皮煎得香脆既素鵝，咬落食到滿滿既內涵，可惜黑松露味道不足，而且定價頗貴。《$108 奶油娃娃菜》 ⭐️⭐️⭐️⭐️聞到好香既奶油味，入口creamy，娃娃菜都好甜，好好食。《$568 烤北京填鴨》 ⭐️⭐️⭐️⭐️來到今日重點，片皮鴨應該係一早切定，皮有點乾，肉質普通，不難食但又未好食到令人留低印象。配料款式頗多，除左慣常既大蔥、青瓜，仲有哈蜜瓜同紫蘿蔔，醬料都

一行朋友約食片皮鴨，記得以前食過大都好好味所以encore今次叫既同之前食既都差不多都係小籠包 烤鴨 雞絲粉皮加小菜 松子魚不過感覺好似無幾年前咁好食但都係唔錯的

朋友生日好想食片皮鴨，大家決定去試下係K11既大都烤鴨，剛好餐廳又剛裝修完可以趕上朋友生日飯。今次生日飯共七個人，連埋甜品叫左十幾款食品烤北京填鴨 - 叫左一隻既份量，係以上兩份半隻片皮鴨咁既形式上枱，配料組合有紫蘿蔔，蜜瓜，青瓜，京葱絲，京醬，砂糖同荷葉餅，比一般坊間既片皮鴨配搭更講究，尤其嗰京醬非常出色，加左醬料後將原本已非常香脆美味既鴨皮同鴨肉提升到更美味既境界，包埋配料捲起一口吃下去，可以話係我食過最好味既片皮鴨，只係為依個片皮鴨已想盡備下次再encore淮陽灌湯小籠包 - 皮薄爆汁夠熱好味道，無咩好挑剔既水準之作鮮肉鍋貼 - 飽滿既鍋貼非常足料，嗰嗰都讚二菘炒鴨末 - 可選配生菜或芝麻燒餅，我地選擇左燒餅，將鴨末畢入燒餅中一起食，非常香口惹味，必點之選農家酸菜魚 - 湯底偏重味但味道係好的，魚肉嫩滑無腥味，索晒湯汁既豆卜都好食乾煸四季豆 - 都係香口惹味菜，味道不錯，不過略嫌四季豆走油有點過左少少，變得太軟身缺少左口感鎮江餚肉 - 好有風味既特色菜式，冷盤既鹹食，味道特別好難形容，值得一試黃金蝦仁炒飯 - 非常美味既炒飯，飯粒充滿鹹蛋黃香，嗰嗰都讚好味，飯面上加柴魚絲更增加了

今年第三次嚟食啦！😆一如以往，必食片皮鴨和小籠包，保持水準好食，今次試咗兩款新嘢👇🏽金沙明蝦球之前食過佢啲蝦，覺得好食又彈牙，今次試表面加上咸蛋黃，雖然好邪惡，但勁好味🤤啲咸蛋黃包住晒隻大蝦🍤連啲伴菜都好食，鋪咗日本鰹魚碎，成個口感好特別，下次去會再叫嚟食😎蜜汁火方第一次食呢個菜，用包夾住配料一齊食，有金華火腿鹹香味，青瓜清爽，蓮子粉粉地甜甜地，再加埋塊薄脆片醬汁一齊食，外乾内脆，一口可以食到唔同層次和味道👍🏻

見到午市套餐💰$82就決定入去食，差既體驗就開始。我未落單，職員就問飲咩茶🍵我跟住打開餐牌，一位茶錢$13🥶唔係丫嘛，午市套餐先$82包飲品，仲要收茶錢😪【清湯牛筋腩】💰$82▶️前菜<甜酸齋>▶️白飯▶️豆漿【醬燒茄子】💰$82▶️前菜<甜酸齋>▶️白飯▶️豆漿其實統一兩個餐一次過講，首先兩個小菜份量超小，遞上小菜同白飯既碗大小差唔多，可想而知幾細，味道又唔係好味，好普通，樓下食三餸飯都無咁嬲🔥埋單$209，我究竟食左啲乜😪

大都烤鴨，之前成日食呢間，今日同屋企人過嚟食飯。烤北京填鴨酒槽鴨肝淮揚灌湯小籠包黑松露小龍包乾煸四季豆奶油蛙娃菜雞絲粉皮巴蜀口水雞生煎包荷香包鴨飯（4位用）富貴蜜汁火方文思豆腐羹海皇酸辣湯黃飛鴻辣子雙脆黃金豆腐蝦🦐烤鴨比起以前失色，皮唔夠脆。豆腐羹幾好食，比較鮮。生煎包爆汁，黑松露小籠包好惹味，四季豆有鑊氣，奶油娃娃菜Creamy。荷香包鴨飯味道唔錯，略嫌唔係用糯米，覺得最好食係個蝦，爽口彈牙。其他嘢都係不過不失。整體感覺比起早一兩年差咗，而且當日一早打電話留咗枱，喺間房入邊，不過由於隔離另外有一枱客人，大聲講野超級騷擾，成餐飯都覺得好影響。未必會再嚟。

下午茶有優惠吃烤鴨雖然已經由當初5折變成6折但也比正價划算帶上家人go go go1️⃣烤北京填鴨(半隻) $298烤鴨切好一塊塊鴨皮脆 基本上都沒有肥膏鴨肉吃不到騷味荷葉餅新鮮熱辣辣的上桌搭配上大頭菜條、青瓜條、哈密瓜條和京蔥條最後撒上白糖和甜麵醬又是一個完美的烤鴨捲🤤2️⃣文思豆腐羹(位) $78鹹香味濃郁豆腐切成一條條煮成羹湯入口順滑3️⃣年糕紅燒肉 $178吃又覺得味道怪怪的不吃又覺得浪費錢紅燒肉肯定是要半肥瘦才好吃可惜這次以瘦為主我還是啃完整鍋佩服自己👍🏻4️⃣淮揚涵易小籠包 $64/4想不透為什麼這麼貴一個但魔咒一般 每次都會點反正味道和坊間吃到的差不多也不算特別值得推薦

lunch set每份$8x 都算幾抵食特登嚟食烤鴨烤北京填鴨 (半隻) $298配：紫蘿蔔粒、蜜瓜粒、青瓜粒、京蔥粒、京醬、砂糖、荷葉餅要等20分鐘 以為係即整啦點知係凍嘅個醬唔會好似平時嗰啲咁濃味 甜甜哋以主打烤鴨嚟講 就都幾失望午市優惠 $83擔擔麵湯底辣辣哋 花生味幾香食落味道都幾濃郁午市優惠 $83好清淡得嚟 都幾好味清一清都唔錯至於小籠包就正正常常啦 未去到話好好食🫣

咁嘅價錢，但咁嘅質素，一定唔會再去。叫左鴨鬆燒餅，呢個非常熱門嘅餸，就算人人都叫，已做定，都比返一D矜持吖，2分鐘起就菜，簡直有食兩餸飯嘅感覺。味道正常，呢個餸好難做得難食。但份量少得可憐。半只片皮鴨，得10幾片，皮得7，8片，其他全肉，鴨就完全無味，出奇個薄餅皮就幾好食。炒菜苗，唉……仲有一個餸，直情唔記得係咩，咁唔駛講都係行貨。好彩個甜品有驚喜，唔記得叫咩名，係反沙芋嘅做法，但用左蕃薯。幾好食。咁3個人，咁就1千大元，一定唔會有下次。

同同事收工之後諗住食晚飯，決定食中菜，大家傾傾吓發現原來都想食片皮鴨，於是上OpenRice搜尋尖沙咀，見到大都燒鴨就直接去咗啦。入到去梗係要點招牌菜片皮鴨啦，其實佢哋有個二人套餐，不過某啲菜式唔啱食，如果唔係個set本身包埋半隻片皮鴨都幾抵食我哋就散嗌咗半隻片皮鴨，同埋幾款小菜同一款湯。先講咗隻主菜先，佢哋嘅片皮鴨係皮同肉分開上，配料嗰度仲有蜜瓜同我估係紅菜頭，係其他片皮鴨店比較少見，配搭起嚟幾清爽再叫咗個開水白菜，上到嚟覺得幾搞笑，個樣幾好睇，但係要$78 ，食起嚟都幾空虛仲有一個萵筍炒臘肉嘅物體，第一啖食以為好淡，食食吓配埋啲黑木耳同肉食，有幾好味喎重點仲有個湯，係真材實料嘅，$118一個，用嚟過吓湯癮就還可以啦

係 K11 行完街之後想搵餐廳醫肚，見到呢間大都烤鴨有片皮鴨食，講起真係好耐冇食過片皮鴨，同朋友興沖沖入左去食個 dinner~🧚🏻‍♀️ 片皮鴨套餐比起其他中菜店，呢間餐廳將片皮鴨既價錢mark up 得唔算貴，甚至可以講得上係平民價 🥸上枱一刻覺得賣相好似一般咁，但食落非常不錯！皮脆肉嫩，冇鴨羶味，而跟餐送既面皮酥薄，加上青瓜、蔥絲等包埋食真係好味道 👍🏻👍🏻👍🏻🔹🔸🔹🔸🔹🔸🔹🔸🔹🔸🔹🔸大都烤鴨 (尖沙咀)📍尖沙咀河內道18號K11購物藝術館2樓221號

大都烤鴨 尖沙咀佢地上菜速度超乎想像極快，感覺好多都係整定加熱上桌，同食快餐有得比😇當你見到成桌都係野堆晒晌到，慢慢攤凍未食到先飽一半。 整體未到較為淡，唯一太咸只有鴨絲羹，現場環境乾淨光線亦充足，裝修無特別打卡位，佢有條鐵斜路入後廚房，斜路設有欄杆，你會見職員成日捐過欄杆的奇景…成個餐館價局下降晒咁😵‍💫當問服務員菜式問題，亦唔係太熟菜品要叫另一位資深點過來，不過服務算係可以接受，問題菜品會主動幫你退掉。 水晶片皮鴨、水晶鴨舌缺貨，無得試，比較可惜。 如果只係飽肚或家常便飯係可以接受，追求味道的話唔建議呢間。🤔 元貝鴨絲羹：上菜時比較驚訝，以為單人份量的，結果是一鍋，4-5人share 都可以，味道偏咸，感覺唔到元貝，鴨系份量可以，有鴨味。 牡丹蝦仁：唔知點解呢個名，亦唔多食得出咩味道，冷盤急凍海蝦肉切片，蝦肉下面青瓜亦無咩調味。 蔥爆鴨舌：唔見有蔥存在，芹菜就有好多，有少少洋蔥片，鴨舌色水似只有白灼過唔見有油爆痕跡，芹菜洋蔥有炒兩下，整體味道分開，詢問店員佢話呢度菜唔係用果d蔥係用洋蔥爆問過廚房係咁整，不過客人覺得有問題可以幫你退左呢到菜錢。 二崧炒